អាជ្ញាធរ​រាជ​ធានីភ្នំ​ពេញ​ និង​ម្ចាស់​សិប្បកម្ម​ទឹកកកនាំ​អំណោយ​ចែកជូន​ប្រជាពល​រដ្ឋរង​គ្រោះ​ជាង១០០នាក់ (មានវីដេអូឃ្លីប)

រាជធានីភ្នំ​ពេញ​៖ បន្ទាប់ពី​បិទ​ដំណើរការ​សិប្បកម្ម​ទឹកកក​ ក្រោម​បញ្ជា​ផ្ទាល់ពីសម្តេច​នា​យក​​រដ្ឋ​មន្ត្រីទាំងយប់​រួច​មក លោក​ជួន សុវណ្ណ ស្នង​ការ​នគរបាល​​រាជធានីភ្នំពេញ និង​ជា​អគ្គស្នងការរង​នគរបាលជាតិ លោក​ឃ្លាំង​ ហួត អភិបាលខណ្ឌ​ប្ញស្សីកែវ​​ លោកមាស ច័ន្ទពិសិដ្ឋ ព្រះរាជ​អាជ្ញារង​អមសាលាដំបួង​រាជ​ធានី​ភ្នំ​ពេញ និង​ម្ចាស់សិប្ប​កម្ម​ បាន​នាំយក​អំណោយនិង​ថវិកា​មួ​យចំ​នួន​ទៅ​ចែកជូន​ដល់​ប្រជាពលរដ្ឋជាង១០០នាក់ ដែលរង​គ្រោះដោយសារ​ការ​សាយ​ក្លិន​អាម៉ូ​ញាក់ បណ្តាល​ឲ្យដួល​សន្លប់ជាបន្តបន្ទាប់កាលពីកន្លងមក។​

ការនាំអំណោយ​ចែកជូន​នេះ​ធ្វើឡើង​កាលពី​វេលា​ម៉ោង​ ១០និង​៣០នាទី​ព្រឹក​ថ្ងៃទី​១១​ ឧសភា នៅទីតាំងសិប្បកម្មស្ថិតក្នុង​ភូមិស្ពានខ្ពស់ សង្កាត់​គីឡូម៉ែត្រ​លេខ៦​ ខណ្ឌប្ញស្សីកែវ ។ ​នៅក្នុ​ង​ឱកាសនោះដែរ​ ម្ចាស់សិប្បកម្ម​ក៏បានសន្យា​បិទសិប្បកម្ម​ទឹកកកទៅតាម​អនុសាសន៍របស់សម្តេច​ តេជោ​ផងដែរ ។