ព័ត៌មានដើមស្វាយ

Friday, August 23, 2013

មានបណ្ដឹងចំនួន ៩ ត្រូវបានអាជ្ញាធរអប្សរាប្ដឹង ពីសំណង់ខុសច្បាប់ទៅតុលាការ

Posted by RothaDB at 7:49 AM 0 comments

ប្រភព CEN : សៀមរាប: សំណង់ខុសច្បាប់ប្រភេទវីឡា របៀបឃ្លាំង និងផ្ទះសំណាក់ ដែលជាសំណង់ប្រភេទធ្ងន់បានកសាងខុសច្បាប់នៅតំប ន់គ្រប់គ្រងដោយអាជ្ញាធរអប្សរា ក្នុងឧទ្យានអង្គរ ត្រូវបានអាជ្ញាធរអប្សរាដាក់ពាក្យបណ្ដឹងចំនួន ៩ ទៅកាន់តុលាការខេត្ដសៀមរាប ដើ ម្បីដោះស្រាយទៅតាមផ្លូវច្បាប់។

លោក ភុំ ប៊ុនផាន់ មេធាវីការពារក្ដីឱ្យអាជ្ញាធរអប្សរា បានបញ្ជាក់ប្រាប់នៅថ្ងៃទី២២ខែសីហា ឆ្នាំ២០១៣នេះថា ក្រោយពីការបោះឆ្នោតបានបញ្ចប់មានសំណង់ធន់ធ្ងន់ចំនួន ៩ កន្លែង ត្រូវបានអាជ្ញាធរអប្សរាប្ដឹងទៅកាន់តុលាការ ដោយសារតែសំណង់នោះ បានកសាងនៅលើតំបន់ហាមឃាត់ នាឧទ្យានអង្គរដែលច្បាប់មិនបានអនុញ្ញាត។

លោក ភុំ ប៊ុនផាន់ បានបន្ដទៀតថា មានសំណង់ ២ កន្លែងស្ថិតនៅឃុំបាគង ស្រុកប្រាសាទបាគង គឺមួយកន្លែងត្រូវបានម្ចាស់គេកសាងជាការ៉ាស់សាំង និងមួយកន្លែងទៀតជាវីឡាកូនកាត់។ ដោយឡែកនៅសង្កាត់គោកចក ក្នុងក្រុងសៀមរាប មានសំណង់ខុសច្បាប់ចំនួន ៤ គឺ សំណង់ទាំងនោះជាប្រភេទហាងលក់វត្ថុអនុស្សាវរីយ៏ និងសំណង់វីឡា។ សំណង់ចំនួន ៣ កន្លែងទៀតស្ថិតនៅសង្កាត់ទឹកវិល ក្នុងក្រុងសៀមរាប នៅជិតព្រលានយន្ដហោះអន្ដរជាតិសៀមរាប គឺសំណង់ទាំង ៣ ប្រភេទជាឃ្លាំងផ្ទុកទំនិញ ឬក៏ផ្ទះជួល។

លោកមេធាវី បាននិយាយថា "សំណង់ទាំង ៩ ករណីខាងលើ គឺជាប្រភេទសំណង់ធុនធ្ងន់ដែលមិនអាចលើកលែង ទើបអាជ្ញា ធរអប្សរារៀបចំបណ្ដឹងដាក់ទៅកាន់តុលាការខេត្ដសៀមរាប ដើម្បីរកយុត្ដិធ៌មទៅតាមផ្លូវច្បាប់ ព្រោះថាសំណង់ទាំងនោះបាន បំពានច្បាប់យ៉ាងធ្ងន់ធ្ងរ ហើយកើតឡើងក្នុងចន្លោះពេលនៃយុទ្ធនាការឃោសនារកសំឡេងឆ្នោតជ្រើសតាំងតំណាងរាស្ដ្រនីតិកាលទី៥កន្លងទៅ"។

លោកមេធាវី បាននិយាយឱ្យដឹងទៀតថា ការប្ដឹងរបស់អាជ្ញាធរអប្សរាទៅកាន់តុលាការ ត្រូវបានធ្វើ្វឡើងជា ២ ករណី គឺទី១ សុំឱ្យតុលាការចេញដីការក្សាការពារ ហាមមិនឱ្យមានការសាងសង់សំណង់ទាំង ៩ ខាងលើតទៅទៀត។ ដីការក្សាការពារទាំង ៩ គឺតុលាការខេត្ដសៀមរាបបានចេញរួចហើយ ហើយសំណង់បានផ្អាកជាបណ្ណោះអាសន្ន។ ករណីទី២ គឺសុំឱ្យតុលាការចេញដីកាសំរេចវាយសំណង់ទាំងអស់នោះចោល ដើម្បីឱ្យវិលទៅរកស្ថានភាពដើមវិញ។

លោកមេធាវី បន្ដថា "ដីកាកោះបានចេញពីបណ្ដើរៗហើយ និងបញ្ជូនទៅដល់ដៃចុងចោទនៅពេលឆាប់ៗនេះ"។

ជាគោលការណ៍របស់អាជ្ញាធរអប្សរា ត្រូវបានលោកមេធាវី ភុំ ប៊ុនផាន់ និយាយថា គឺធ្វើបន្ដិចម្ដងៗបន្ដិចម្ដង ហើយធ្វើទៅ លើសំណង់ណាដែលប៉ះពាល់ធំៗ ហើយគោលការណ៍បន្ដ និងធ្វើបន្ដបន្ទាប់ទៀត។ លោកមេធាវីបានបន្ដថា "សំណង់ទាំងនេះភាគ ច្រើនត្រូវបានគេកសាងនៅក្នុងតំបន់មួយដែលច្បាប់ហាមប្រាមជាដាច់ខាត និងនៅតំបន់២"។

នេះជាបណ្ដឹងនៅក្រោយការបោះឆ្នោតជ្រើសតាំងតំណាងនីតិកាលទី៥ ដែលអាជ្ញាធរអប្សរាប្ដឹងមាន ៩ ករណី ដោយមិនទាន់គិតពីនាពេលមុនកន្លងមកទេ។

សូមបញ្ជាក់ដែរថា នៅមានសំណង់ស្រាលរាប់រយកន្លែងត្រូវបានប្រជាពលរដ្ឋកសាងរំលោភច្បាប់នៅក្នុងតំបន់អង្គរដែលគ្រប់គ្រងដោយអាជ្ញាធរអប្សរា ខណៈពេលដែលគណបក្សនយោបាយកំពុងធ្វើយុទ្ធនាការឃោសនាបោះឆ្នោតនីតិកាលទី៥កន្លងទៅ។ សំណង់នាពេលនោះមិនអាចបង្ក្រាបបានឡើយ ព្រោះថាបើសិនអាជ្ញាធរមានវិធានពេលនោះ ច្បាស់ជាគេចោទថាការគំរាមកំហែងផ្នែកនយោបាយ ទើបអាជ្ញាធរអប្សរាមានភាពអត់ធ្មត់ ទើបក្រោយការបោះឆ្នោតបានបញ្ចប់ក៏បានដាក់បណ្ដឹងទៅកា ន់តុលាការឱ្យដោះស្រាយតាមនីតិវិធីច្បាប់៕

រឿងក្តីជនជាតិវៀតណាមសញ្ជាតិអាមេរិក ត្រូវជនមិនស្គាល់មុខ ប៉ងចាក់សម្លាប់ សមត្ថកិច្ចកំពុងអង្កេត

Posted by RothaDB at 12:23 PM 0 comments

ប្រភព CEN : ខេត្តសៀមរាប: បុរសវ័យចំណាស់ម្នាក់ឈ្មោះង្វៀង បាំងកុង អាយុ៥៨ឆ្នាំមានដើមកំណើត ជាជនជាតិវៀតណាម ដែលជាអាណិកជន មកពីសហរដ្ឋអាមេរិកត្រូវបានជនមិនស្គាល់មុខ ចាក់ជាច្រើនកាំបិត ចំដើមទ្រូងប៉ងសំលាប់ ប៉ុន្ដែមិនបានសំរេច។ សមត្ថកិច្ច កំពុងតែយកចិត្ដទុកដាក់ ហើយបើកការ ស៊ើបអង្កេតជាបន្ដបន្ទាប់ ដើម្បីឈានទៅវែកមុខជនដៃដល់ យកមកកាត់ទោសទៅតាមច្បាប់។

ប៉ុន្ដែនៅថ្ងៃកើតហេតុនោះដែរ ជនរងគ្រោះបានរើបំរះ ហើយជនមិនស្គាល់មុខបានគេចខ្លួនបាត់ ធ្វើឲ្យជនរងគ្រោះ រួចផុតពីការស្លាប់ និងបន្ទាប់មកត្រូវបានគេបញ្ជូនទៅកាន់មន្ទីរពេទ្យភ្លាមៗនោះដែរ ដើម្បីធ្វើការសង្គ្រោះ។

ក្រោយពីកើតហេតុ ជនជាតិវៀតណាម សញ្ជាតិអាមេរិក ឈ្មោះង្វៀង បាំងកុង បានទូរស័ព្ទទៅកាន់ ស្ថានទូតអាមេរិក ហើយរឿងនេះក៏បានបែកធ្លាយធ្វើឱ្យសមត្ថកិច្ចស្វះស្វែងដើម្បីក្នុងរឿងដ៏រសើបមួយនេះជាមួយនឹង បណ្ដឹង របស់ក្រុមគ្រួសាររងគ្រោះដាក់ទៅកាន់សង្កាត់រដ្ឋបាលនគរបាលប៉ុសិ៍្ដ ស្លក្រាម របស់ក្រុងសៀមរាប ផងដែរ។

ក្រុមគ្រួសារជនរងគ្រោះបានឲ្យដឹងថា ជនរងគ្រោះត្រូវបានស្ថានទូតអាមេរិកទាក់ទង បំពេញបែបបទ ដើម្បីនាំជនរងគ្រោះចាកចេញពីខេត្ដសៀមរាបវិលទៅកាន់សហរដ្ឋអាមេរិកវិញ ដើម្បីការពារជីវិត ខ្លាចក្រែង ជនដៃដល់រៀបចំសំលាប់ជនរងគ្រោះបន្ដទៀត។

ប្រភពគ្រួសារបានបន្តទៀតថា នៅម៉ោង៨ព្រឹកថ្ងៃទី១៩ ខែសីហា ឆ្នាំ២០១៣ គឺក្រោយមួយថ្ងៃនៃការកើតហេតុ ជនរងគ្រោះង្វៀង បាំងកុង ត្រូវបានឡើងយន្ដហោះនៅព្រលានយន្ដហោះអន្ដរជាតិសៀមរាប ក្នុងគោលបំណង ត្រលប់ទៅកាន់ សហរដ្ឋអាមេរិកដោយសុវត្ថិភាព ទោះបីជនរងគ្រោះរងរបួសក៏ដោយ ហើយបន្សល់ទុកនៅតែបណ្ដឹង តែប៉ុណ្ណោះ។

ក្រុមគ្រួសាររងគ្រោះមួយរូបដែលសុំមិនបញ្ចេញឈ្មោះបានប្រាប់ CEN ឲ្យដឹងថា បន្ទាប់ពីជនរងគ្រោះមិនត្រូវបាន

សំលាប់តាមការគ្រោងទុកអំពីគំរោងរបស់ជនដៃដល់គឺគ្រួសារជនរងគ្រោះមួយរូប ត្រូវបានជនមិនស្គាល់មុខ បានទូរស័ព្ទមកគំរាម ដើម្បីសំលាប់បន្ថែមទៀត។

ករណីគំរាមគ្រួសារជនរងគ្រោះពីជនមិនស្គាល់មុខធ្វើឲ្យជនរងគ្រោះដែលគេគំរាមបានដាក់ពាក្យបណ្ដឹងបន្ថែមទៀត មកសមត្ថកិច្ច មានន័យថា បណ្ដឹងកើតមានរហូតដល់ទៅ២ ដែលសុទ្ធសឹងជាបទល្មើសប៉ុនប៉ងធ្វើឃាត។

ដោយឡែកសមត្ថកិច្ចមួយរូបបាននិយាយថាករណីចាក់នៅជនជាតិវៀតណាម សញ្ជាតិអាមេរិកនៅផ្សារសាមគ្គី ខេត្ដ សៀមរាប សមត្ថកិច្ចកំពុង ស្រាវជ្រាវករណីនេះក្នុងការឈានទៅរកកំណត់មុខសញ្ញាដើម្បីចាប់ខ្លួន យកមកផ្ដន្ទា ទោសទៅតាមផ្លូវច្បាប់។ សមត្ថកិច្ចបន្ដថាករណីនេះដែរគឺជំនាញបានកំណត់មុខសញ្ញា បានយ៉ាងវិជ្ជមាន មួយចំនួនធំហើយ ហើយនឹងបន្ដបើកករណីនេះរហូតដល់ទីបញ្ចប់។

សូមបញ្ជាក់ថា ជនរងគ្រោះឈ្មោះង្វៀង បាំងកុង បានធ្វើដំណើរពីសហរដ្ឋអាមេរិកមកកាន់ខេត្ដសៀមរាបនៅថ្ងៃទី២២

ខែឧសភា ឆ្នាំ២០១៣ ហើយមកស្នាក់នៅសណ្ឋាគារស្កាយវ៉េ ក្នុងភូមិបន្ទាយចាស់ ក្រុង-ខេត្ដសៀមរាបជិតផ្សារសាមគ្គី។ ជនរងគ្រោះមកកាន់ខេត្ដសៀមរាប គឺមកក្នុងនាមជា សប្បុរសជនមួយរូប ហើយកំពុងជួយអគារសិក្សាមួយខ្នង នៅសង្កាត់ជ្រាវ ក្រុងសៀមរាប ខេត្ដសៀមរាប ប៉ុន្ដែសាលានេះទើបធ្វើបានមួយចំនួនធំជនរងគ្រោះក៏លេចឡើង នៅការប៉ង ធ្វើឃាត ពីជនមិនស្គាល់ មុខតែម្ដង។

ទោះបីជាយ៉ាងណាក្ដី គេមិនទាន់ដឹងថា ជនរងគ្រោះដែលគេប៉ងធ្វើឃាតគឺមានទំនាស់ ឬក៏គុំគួនជាមួយនឹងជនដៃដល់ រឺ យ៉ាងណានោះទេ ព្រោះជនរងគ្រោះបានទៅដល់សហរដ្ឋអាមេរិកហើយ ហើយជនដៃដល់ក៏មិនទាន់ចាប់ខ្លួនបាននៅឡើយ។

ករណីនេះដែរ ខាងក្រុមគ្រួសារជនរងគ្រោះក៏បានសំនូមពរ និងសង្ឃឹមយ៉ាងមុតមាំថា សមត្ថកិច្ចនឹងស្រាវជ្រាវ ចាប់ខ្លួន ជនដៃដល់ នៅពេលឆាប់ៗខាងមុខជាក់ជាពុំខាន៕

Friday, August 23, 2013

មានបណ្ដឹងចំនួន ៩ ត្រូវបានអាជ្ញាធរអប្សរាប្ដឹង ពីសំណង់ខុសច្បាប់ទៅតុលាការ

Thursday, August 22, 2013

រឿងក្តីជនជាតិវៀតណាមសញ្ជាតិអាមេរិក ត្រូវជនមិនស្គាល់មុខ ប៉ងចាក់សម្លាប់ សមត្ថកិច្ចកំពុងអង្កេត

បកប្រែតម្រូវតាមភាសា

Blogger news

My Stat Counter

Subscribe with Me Here

មាតិកា

Blog Archive

កម្រងមាតិកា

តំណភ្ជាប់ខាងក្រៅ

ចំនួនមិត្តអ្នកអាន

Labels

Popular Posts

តំណភ្ជាប់ទំព័រព័ត៌មាន