វៀតណាម បញ្ជូននាវា ភ្លាមៗ ទៅទីកន្លែង ដែលចិន បញ្ជាក់ថា អាចជា បំណែក យន្តហោះ ម៉ាឡេស៊ី ដែលបានធ្លាក់

ប្រភពពី Camnews.com.kh : ព័ត៌មានអន្តរជាតិ ៖ ទីភ្នាក់ងារ សារព័ត៌មាន បរទេស ស្កាយ បានចុះផ្សាយអោយដឹងថា​ កាលពីថ្ងៃ អាទិត្យ ម្សិលមិញនេះ រដ្ឋាភិបាល ប្រទេសចិន បានចេញផ្សាយរូបភាព ៣ ផ្សេងៗពីគ្នា សង្ស័យថា ជាបំណែកយន្តហោះ ម៉ាឡេស៊ី ដែលបានធ្លាក់ ក្រោយពីប្រព័ន្ធផ្កាយ រណប របស់ខ្លួន បានប្រមាញ់ ជាប់ ។
ដោយនៅក្នុងនោះ សេចក្តីរាយការណ៍ បន្តអោយដឹងថា ទីកន្លែង ដែលប្រព័ន្ធផ្កាយរណបចាប់បាន រូបភាព សង្ស័យ ថាជាបំណែក   នៃការធ្លាក់យន្តហោះនោះ បើនិយាយពីទីតាំង គឺនៅកន្លែងដើមនៃ ការសន្មត់ថា   មានការធ្លាក់  ស្របពេលដែលមានការរុករក អស់ជាច្រើនថ្ងៃ ពោលនៅក្នុងដែនទឹក ប្រទេស វៀតណាម ភាគខាងកើត ប្រទេស ម៉ាឡេស៊ី ។
យ៉ាងណាមិញ បើតាមការអោយដឹង ពីទីភ្នាក់ងារ សារព័ត៌មានរដ្ឋចិន ស៊ិនហួរ អោយដឹងថា បំ ណែកដែលមានទំហំធំជាងគេ គឺមានទំហំ ២៤ ម x ២២ ម ។ ផ្ទុយទៅវិញ មកទល់នឹងខណៈនេះ អាជ្ញាធរ ប្រទេសវៀតណាម បានបញ្ជួនយន្តហោះ របស់ខ្លួន ទៅកាន់ទីនោះ មួយរំពេច ក្រោយពី មានការប្រកាសព័ត៌មាន ពីចិន ថាបានរកឃើញ បំណែក មួយចំនួន សង្ស័យថា ជាបំណែក នៃការ ធ្លាក់យន្តហោះ ម៉ាឡេស៊ី ។
គួររំឭកផងដែរថា បណ្តាបំណែកនោះ គ្រាន់តែជាការសន្មត់ ជាជំហានដំបូង ថាជាបំណែកនៃយន្ត ហោះដែលបានធ្លាក់ តែទោះជាយ៉ាងណា​ មកទល់នឹងបច្ចុប្បន្នភាពនេះ វាស្ថិតនៅក្រោមការតាម ដានស៊ើបអង្កេត ដើម្បីជាការបញ្ជាក់អោយបានច្បាស់ នៅពេលក្រោយ ថាវាពិតជា បំណែកយន្ត ហោះម៉ាឡេស៊ី ដែលបានបាត់ខ្លួននោះ ពិតប្រាកដ ឬក៍យ៉ាងណា ខណៈនាពេលនេះ យន្តហោះ ក៏ ដូចជា ឧទ្ធម្ភាគចក្រ និង នាវាមួយចំនួន របស់វៀតណាម​ បាននឹងកំពុងតែធ្វើដំណើរ ទៅកាន់ទី កន្លែងដែលសង្ស័យខាងលើ ។
គួរបញ្ជាក់ថា កាលពីថ្ងៃសៅរ៍ កន្លងទៅនេះ យន្តហោះ MH370 របស់ក្រុមហ៊ុនអាកាសចរណ៍ ប្រ ទេសម៉ាឡេស៊ី ផ្ទុកអ្នកដំណើរ ២២៧ នាក់ រួមមានទារក តូច ពីររូប និង បុគ្គលិក បម្រើការលើ យន្តហោះ ១២ នាក់ នោះ បានបាត់ខ្លួន ខណៈធ្វើដំណើរ ឆ្ពោះពីក្រុង Kuala Lumpur ទៅកាន់ទី ក្រុងប៉េកាំង ប្រទេសចិន ពោលបានបាត់ខ្លួន មួយម៉ោងក្រោយ បន្ទាប់ពីធ្វើការហោះហើរ ។

Read more...