យូរី ភ័យខ្លាចអត់មាន អ្នកស្រឡាញ់ព្រោះតែ អាន គុណកូឡា

ប្រភព Camnews.com.kh : ភ្នំពេញ៖ តារាចម្រៀងវ័យក្មេង សាច់សច្រមុះស្រួច កញ្ញា យូរី កន្លងមកតែងតែ មានបណ្តាញ
ព័ត៌មាន ក្នុងស្រុក មួយចំនួនចុះផ្សាយថា នាងមាន ទំនាក់ទំនងស្នេហា ជាមួយអ្នកនេះ ជាមួយ
អ្នកនោះ ជាហូរហែ។ មិនតែប៉ុណ្ណោះ ក៏មានព័ត៌មាន លេចឮថា នាងមានទំនាក់ទំនង ជាមួយ
ឧកញ៉ា និងអ្នកជំនួញ ម្នាក់ផងដែរ ។

ប៉ុន្តែទោះជាយ៉ាងណា ចំពោះព័ត៌មានដែរលេចឮ ចេញមកខាងក្រៅ ជាហូរហែទាំងអស់នេះ
ត្រូវបានតារាចម្រៀង ក្រមិចក្រមើម យូរី ចេញមុខបដិសេធ រួចទៅហើយ ដោយនាងបាន
អះអាងថា នាងគ្មានទំនាក់ទំនង ស្នេហាជាមួយបុរស ណាម្នាក់ឡើយ ។

ជុំវិញរឿងស្នេហានេះដែរ ស្រីស្រស់សាច់ សសម្បូរមន្តស្នេហ៍ កញ្ញា យូរី បានបញ្ជាក់ ប្រាប់
គេហទំព័រ LookingTODAY ឲ្យដឹងតាមទូរស័ព្ទថា "ចំពោះព័ត៌មាន ដែលគេនិយាយថា ខ្ញុំមាន
ទំនាក់ទំនងស្នេហាជា មួយបង អាន គុណកូឡា នោះ គឺជារឿងមិនពិតនោះទេ ។

តាមពិតទៅគេគ្រាន់តែ យល់ច្រឡំប៉ុណ្ណោះ ព្រោះអីខ្ញុំបានសម្តែងក្នុងបទ សង្សារមួយថ្ងៃ 
សង្សារមួយជីវិត ជាមួយគាត់គេមើលទៅសមគ្នា គេក៏និយាយអ៊ីចឹងទៅ... ។ ប៉ុន្តែរឿងពិត
គឺមិនដូចតាមការសម្តែង នៅក្នុងបទចម្រៀងនោះទេ ។ចំពោះការដើរលេង ក៏ខ្ញុំមិនទៅ
ជាមួយបង កូឡា តែពីរនាក់ដែរ បើទៅ គឺទៅលក្ខណៈក្រុមការងារតែម្តង.."។

ម្ចាស់បទ សង្សារមួយថ្ងៃ សង្សារមួយជីវិត កញ្ញា យូរី បានបន្តថា "ជុំវិញព័ត៌មានហ្នឹង ខ្ញុំ
នឹងចេញមុខ បកស្រាយឲ្យបានច្បាស់ម្តងទៀត នៅលើកញ្ចក់ ទូរទស្សន៍ ក្នុងកម្មវិធី "រាត្រី
កម្សាន្ត" នៅថ្ងៃអាទិត្យខាងមុខ ដើម្បីកុំឲ្យមហាជន និងមិត្តៗយុវវ័យយល់ ច្រឡំតទៅ
ទៀត" ។

តារាចម្រៀង លេងខ្លួនបែប Cute Cute ទាន់សម័យរូបនេះ បាននិយាយប្រាប់គេហទំព័រ
LookingTODAY លាយឡំនឹងសំណើច តិចៗថា "ខ្ញុំគ្មានហុងស៊ុយទេ រឿងស្នេហាហ្នឹង.. 
ព្រោះអីខាងសារព័ត៌មាន បានចុះផ្សាយថា ខ្ញុំមានស្នេហា ជាមួយបង អាន គុណកូឡា
អ៊ីចឹង.. ហើយក៏គ្មាននរណា ហ៊ានស្រឡាញ់ខ្ញុំដែរ បើខាងសារព័ត៌មាន ចុះផ្សាយយ៉ាង
ដូច្នេះ..លែងមានអ្នកស្រឡាញ់ខ្ញុំហើយ.." ។

ស្រីស្រស់វ័យក្មេង សំឡេងពីរោះ កញ្ញា យូរី បានបង្ហើបប្រាប់ថា បច្ចុប្បន្នការងារ សិល្បៈ
របស់នាង គឺមានការមមារញឹកខ្លាំង ព្រោះនាងជាប់ថតខ្សែ ភាពយន្ត នៅក្នុងផលិតកម្ម
សាន់ដេ។ ចំពោះការចេញទៅច្រៀង នៅតាមខេត្តពេលនេះ មិនសូវមាននោះទេ ដោយ
សារតែ ជារដូវធ្លាក់ភ្លៀងច្រើន ។ ប៉ុន្តែតារាចម្រៀងរូបនេះ ឲ្យដឹងថា នៅថ្ងៃទី១ខែកញ្ញា
ខាងមុខនេះ នាងត្រូវចូលរួមច្រៀង ក្នុងកម្មវិធី សឹង្ហាបៀរ នៅមជ្ឈមណ្ឌល កោះពេជ្រ 
និងប៉ះជាមួយ តារាចម្រៀង មកពីប្រទេសថៃ ផងដែរ ៕

Read more...

អាន គុណកូឡា ត្រៀម វេចបង្វេចចោលសាន់ដេ ដោយសារ​ ឆាយ​ វីរះយុទ្ធ

តារាចម្រៀងប្រុស អាន គុណកូឡា ដែលមានកេរ្ត៍ឈ្មោះល្បីល្បាញ គួរសមក្នុងចង្កោមតារាចម្រៀង
យុរវ័យ ។ តារាចម្រៀងរូបនេះ មានកេរ្ត៍ឈ្មោះល្បីល្បាញ បំផុតពេលចូលសិល្បៈ ដំបូងៗ ពិសេស
បទចម្រៀង ដែលលោកបានច្រៀង ឆ្លងឆ្លើយជាមួយ តារាចម្រៀង ស្រីតូចត្រឡឹង លីអ៊ីវ៉ាធីណា ដែល
កក្រើកអស់មិត្ត យុរវ័យនឹងត្រូវបានគេ ស្គាល់យ៉ាង ទូលំទូលាយថាលោក ជាតារាចម្រៀង មានសំ
លេងល្អ រូបសម្បត្តិសមរម្យ និង អត្តចរិកថ្លៃថ្នូរ មិនចេះបង្ករឿង ផ្ដេសផ្ដាស ។
សាងភាពល្បីល្បាញ មិនបានប៉ុន្មានផង លោកក៏រើកញ្ជើរដើរ ពីផលិកម្មមួយមក ផលិតមួយរហូតមក
ទើ នៅសាន់ដេ ដែលជាទ្រនំ មួយរឹងមាំទុកចិត្តបាន ពិសេសផលិតកម្ម មានធនធានថវិកា និងធនធាន
មនុស្សសម្បូរបែប ដែលតារាចម្រៀង ស្រីក្នុងផលិតកម្មសុទ្ធ តែល្បីៗទៀតដែល អាចយិតយោងគ្នា
ឆ្ពោះទៅរកភាព ល្បីល្បាញមិនលំបាក ។ ពិតជាដូចអ្វីដែល កូឡា រំពឹងទុកមែន ព្រោះការបើកឆាក
នោះសាន់ដេ បានបើកទំព័រចម្រៀង របស់លោកដំបូង ជាមួយស្រីស្អាត សុខ ពិសី ធ្វើអោយ មានការ
គាំទ្រ ទ្វេដង ។
មិនបានប៉ុន្មានសាន់ដេ ក៏មានយុទ្ធនាការថ្មី គឺអោយតែ មានសមត្ថភាព សាន់ដេប្រមូល យកទាំង
អស់ ដោយមកទាំង ខាន់ ជេម និង ឆាយ វីរះយុទ្ធ ទៀត ដែលធ្វើអោយផលិតកម្ម សម្បូរទៅដោយ
ជើងខ្លាំងជាច្រើន តែនាំអោយ កូឡា ហាក់បាក់ស្រុត នូវការគាំទ្រជាច្រើន ព្រោះលោកមិនទាន់ មាន
សមត្ថភាពខ្ពស់ ដូចតារាចម្រៀងរៀមច្បង ក្នុងសាន់ដេទេ ពិសេស លោក ខេមរះ សិរីមន្ត ដែលជា
កំពូលតារាចម្រៀង ប្រុសនៅទីនោះ ។
ប្រភពជិតដិតនឹង អាន គុណកូឡា បានខ្សឹបប្រាប់  Looking TODAY ថា លោក អាន គុនកូឡា កំពុង
តែរៀបបង្វេច ត្រៀមដើរចេញពី សាន់ដេ ទៅរកផលិតកម្មថ្មីមួយ តែមិនទាន់រកបាននោះទេ ព្រោះ
បច្ចុប្បន្ន តារាចម្រៀងគរជើងគ្នា ហើយម្នាក់សុទ្ធតែ មានសមត្ថភាពពិសេស និងចំនុចទាក់ទាញ
អោយមានការគាំទ្ររៀងៗខ្លួន ។ ម្យ៉ាងលោកមិនមាន សូវពេញចិត្តវត្តមាន ឆាយ វីរះយុទ្ធ ដែលកន្លង
មកត្រូវ បានគេនិយាយថា មិនសូវត្រូវគ្នានោះទេ ព្រោះមានការកាច់កុង តាំងពីនៅផលិតកម្ម ចាស់
ម្ល៉េះ ។
ប្រភពពីក្នុងផលិតកម្ម និយាយថាគ្មានរឿង បែបនេះទេ ព្រោះផលិតកម្ម មិនបានលាបពណ៍ អ្នក
ចម្រៀងល្បី រឺមិនល្បីទេ សំខាន់គឺការចេញ បទចម្រៀងគឺចែកគ្នា ម្នាក់ម្ដងព្រោះផលិតកម្ម មានតា
រាចម្រៀងច្រើន មិនអាចចេញមួយ អត់មួយ បានទេ។ លោក អាន គុណកូឡា មិនអាចទាក់ទង សុំ
អោយបំភ្លឺរឿងនេះ បានទេ LookingTODAY រង់ចាំការបកស្រាយ ពីលោកជានិច្ច ពីរឿងដែលលោក
ប្រុង វេចបង្វេចចោល សាន់ដេ ដោយសារតែ ឆាយ វីរះយុទ្ធ ៕ប្រភពមកពី Lookingtoday.com

Read more...