ព័ត៌មានដើមស្វាយ

Showing posts with label ថៃ. Show all posts

Monday, August 19, 2013

សមាជិកសភាថៃបើកមើលស្រីស្រាតក្នុងពេលប្រជុំសភា

Posted by RothaDB at 8:42 AM 0 comments

ប្រភព CEN ៖ សមាជិកសភាបក្សភឿថៃ លោក ពង់ផាន ស៊ុនថនឆៃ បានទទួលស្គាល់ថាបានបើកមើលរូបស្រីស្រាតនៅក្នុងiPadរបស់ខ្លួនក្នុង អំឡុងពេលប្រជុំសភា តែបានអះអាងថាលោកបានចុចបើកវាដោយចៃដន្យក្នុងlink មួយដែលdownloadរូបភាព។

លោក ពង់ផាន ស៊ុនថនឆៃ បាននិយាយកាលពីថ្ងៃសៅរ៍ថា នៅពេលលោកត្រូវបានគេថតបានក្នុងពេលបើករូបថតមិនសមរម្យក្នុងអំឡុង ប្រជុំសភា លោកមិនមានបំណងមើលរូបនេះទេ។

ក្នុងពេលសភាជជែកពិភាក្សាអំពីថ្លៃដឹក ជញ្ជូនស្រូវអង្កររបស់ក្រសួង ពាណិជ្ជកម្មកាលពីថ្ងៃសុក្រ លោកពង់ផានបាននិយាយថាលោកបានបើកស្វែងរកព័ត៌មានទាក់ទងនឹងបញ្ហា នេះនៅក្នុងiPadរបស់លោក។ដោយសារលោកមិនស្ទាត់ក្នុងការរកព័ត៌មាន លោកបានចុចlink ស្តីពីរូបថតបង្ហាញម៉ូត តែរូបស្រើបស្រាលបានផុះឡើងជាស្វ័យប្រវត្តិលោះលើស្គ្រីន។

លោកបានអះអាងទៀតថា អ្វីដែលបង្ហាញលើស្គ្រីនមិនជារូបអាសអាភាសទេ តែជារូបស្រីស្លៀកពាក់ខោអាវងូតទឹក៕

Wednesday, June 12, 2013

កម្ពុជា-ថៃយល់ព្រមបង្កើនពាណិជ្ជកម្ម និងសន្តិសុខ

Posted by RothaDB at 9:50 AM 0 comments

ក្រៅពីនោះលោក ហោ ណាំងហុង បានរៀបរាប់ទៀតថាប្រទេសទាំងពីរ នឹងសិក្សានូវលទ្ធភាពបើកច្រកព្រំដែនមួយនៅតំបន់ស្ទឹងបទ សម្រាប់ការដឹកជញ្ជូនទំនិញ ហើយនឹងរក្សាច្រកអន្តរជាតិប៉ោយប៉ែតសម្រាប់ជាច្រកចេញចូលទេសចរណ៍។

មួយវិញ ទៀតនៅក្នុងកិច្ចប្រជុំនោះ ភាគីថៃបានសន្យាថា នឹងជួយកសាងផ្លូវជាតិលេខ៤៨ ដែលភ្ជាប់ពីផ្លូវជាតិលេខបួន មកកាន់ខេត្តកោះកុង រួមទាំងជួយកែសម្រួលផ្លូវជាតិលេខ៥ និងលេខ៦ ដែលជាផ្លូវជាតិយ៉ាងសំខាន់ សម្រាប់ដឹកជញ្ជូនទំនិញពីប្រទេសថៃមកប្រទេសកម្ពុជា។

ក្រៅពីនោះ ប្រទេសថៃនិងលក់អគ្គិសនីចំនួន ២២ គីឡូវ៉ុល សម្រាប់ខេត្តកោះកុង ប៉ៃលិន បាត់ដំបង បន្ទាយមានជ័យ និងឧត្តរមានជ័យផងដែរស្របពេលដែលប្រទេសទាំងពីរគ្រោងនឹងបង្កើត រោងចក្រអគ្គិសនីដើរដោយធ្យូងថ្មដែលមានកម្លាំងថាមពល១.៨០០ មេហ្គាវ៉ាត់។

ជាមួយគ្នានេះប្រទេសថៃបានព្រមព្រៀងថា នឹងអនុញ្ញាតឲ្យប្រជាពលរដ្ឋកម្ពុជា ចូលទៅព្យាបាលនៅក្នុងទឹកដីរបស់ខ្លួន ហើយថៃក៏នឹងជួយបណ្តុះបណ្តាលគ្រូពេទ្យ និងបំពាក់សម្ភារៈសុខាភិបាលទៅដល់មន្ទីរពេទ្យកម្ពុជានៅតាមព្រំដែន ផងដែរ។

លោក ហោ ណាំហុង បញ្ជាក់បន្ថែមថាប្រទេសទាំងពីរគ្រោងនឹងបើកច្រកអន្តរជាតិចំនួន៤បន្ថែមទៀត។

លោកបន្ថែមថា៖ «យើងបានឯកភាពបង្កើតច្រកអន្តរជាតិ៤ទៀត គឺនៅខេត្តព្រះវិហារ បាត់ដំបង ពោធិ៍សាត់ និងខេត្តឧត្តរមានជ័យ»។

ប្រទេស កម្ពុជានិងថៃមានអរិយភាពជុំវិញបញ្ហាព្រំដែនចាប់តាំងពីឆ្នាំ២០០៨ មកម្ល៉េះ បន្ទាប់ពីប្រទេសថៃ បានដាក់កងទ័ពចូលលុកលុយតំបន់ប្រាសាទព្រះវិហាររបស់ខ្មែរ ហើយរហូតពេលនេះនៅតែមិនទាន់ដោះស្រាយចប់សព្វគ្រប់នៅឡើយ។

លោក Surapong Tovichakchaikul រដ្ឋមន្ត្រីការបរទេសបានថ្លែងដោយសុទិដ្ឋិនិយម ក្រោយពីកិច្ចប្រជុំនេះតាមរយៈអ្នកបកប្រែថា៖ «ដោយសារតែយើងមានជំនឿជឿជាក់រួមគ្នាថា ភាគីទាំងពីរតទៅនេះ ព្រំដែនថៃនិងកម្ពុជា នឹងក្លាយទៅជាព្រំដែននៃសន្តិសុខ មិត្តភាព និងភាពរុងរឿងយ៉ាងសុខសាន្ត»។

យ៉ាងណាក៏ដោយ កិច្ចប្រជុំទ្វេភាគីនេះ មិនបានលើកពីបញ្ហាព្រំដែនមកជជែកគ្នានោះទេ៕ ប្រភព៖ VOA

មន្ត្រីជាន់ខ្ពស់ថៃ អះអាងពីឆន្ទៈ ក្នុងការរក្សានូវទំនាក់ទំនងល្អជាមួយកម្ពុជា

Posted by RothaDB at 9:48 AM 0 comments

ភ្នំពេញៈ ក្នុងជំនួបសំដែងការគួរសមសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពជា ដែលធ្វើឡើង នៅវិមានសន្តិភាពរសៀលថ្ងៃទី១១ ខែមិថុនានេះ លោក ស៊ូរ៉ាពង្ស តូវីចាក់ឆៃគុល ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេសថៃ បានមានប្រសាសន៍ថា រដ្ឋាភិបាលថៃ មានឆន្ទៈក្នុងការរក្សានូវទំនាក់ទំនងល្អជាមួយនឹងប្រជាជនកម្ពុជា។

លោក អ៊ាង សុលផ្លែត ជំនួយការផ្ទាល់របស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានមានប្រសាសន៍ឲ្យដឹងបន្ទាប់ពីជំនួបនោះថា លោក ស៊ូរ៉ាពង្ស តូវីចាក់ឆៃគុល បានមានប្រសាសន៍ថា ប្រជាជនថៃយល់ថា ទំនាក់ទំនងនៃប្រទេសទាំងពីរ ធ្វើឲ្យមានជំនឿទុកចិត្ត តាមរយៈនេះ ទំនាក់ទំនងរវាងថ្នាក់ដឹកនាំ នៃប្រទេសទាំងពីរ ពិតជាមានសារៈសំខាន់ខ្លាំងណាស់ ពោលគឺការផ្លាស់ប្តូរដំណើរទស្សនកិច្ច នៃថ្នាក់ដឹកនាំទាំងពីរពិតជាបានឆ្លុះបញ្ចាំង ពីទំនាក់ទំនងល្អ នៃប្រទេសទាំងពីរដែលជាកត្តាជំរុញឲ្យមានជំនឿទុកចិត្តខ្លាំងឡើង សម្រាប់ប្រជាពលរដ្ឋនៃប្រទេសទាំងពីរក្នុងន័យនេះ លោកជំទាវ យីងឡាក់ ស៊ីណាវ៉ាត្រ សូមគោរពអញ្ជើញសម្តេចតេជោនាយករដ្ឋមន្ត្រី ទៅបំពេញទស្សនកិច្ចជាផ្លូវការនៅប្រទេសថៃ។

លោក ស៊ូរ៉ាពង្ស តូវីចាកចៃគុល បន្តថា សម្រាប់ដំណើរទស្សនកិច្ចមកកាន់ប្រទេសកម្ពុជានៅពេលនេះ លោកបានជួបពិភាក្សាការងារជាមួយនិងសមភាគីកម្ពុជា លោកឧបនាយករដ្ឋមន្ត្រី ហោ ណាំហុង ដោយបានធ្វើការពិភាក្សាគ្នាក្នុងការអភិវឌ្ឍន៍នៅតាមតំបន់ព្រំដែន នៃប្រទេសទាំងពីរ កម្ពុជា-ថៃ ធ្វើយ៉ាងណាដើម្បីឲ្យប្រជាពលរដ្ឋ នៃប្រទេសទាំងពីរ មានជីវភាពកាន់តែល្អប្រសើរឡើង តាមរយៈការពិភាក្សាគ្នា ក្នុងការបង្កើតតំបន់សេដ្ឋកិច្ចពិសេស ការកសាងហេដ្ឋារចនាសម្ព័ន្ធតភ្ជាប់ ការបើកច្រកព្រំដែន ដើម្បីសំរួលចរាចរណ៍ទំនិញឆ្លងកាត់ ការអភិវឌ្ឍន៍ធនធានមនុស្ស សំដៅធ្វើយ៉ាងណាបង្កើតការងារ និងចំណូល ក៏ដូចជាពង្រឹងពាណិជ្ជកម្មនៅតាមព្រំដែន ដើម្បីឲ្យប្រជាពលរដ្ឋនៃប្រទេសទាំងពីរមានជីវភាពកាន់តែប្រសើរឡើង។

ក្នុងជំនួបពិភាក្សាគ្នានោះដែរ លោកឧបនាយករដ្ឋមន្ត្រី ក្នុងនាមរដ្ឋាភិបាលនិងប្រជាជនថៃ បានចូលរួមអបអរសាទរជូនចំពោះលោកជំទាវ ប៊ុន រ៉ានី ហ៊ុនសែន ដែលត្រូវបានព្រះមហាក្សត្រកម្ពុជា ប្រោសព្រះរាជទាននូវគោរម្យងារជា សម្តេចកិត្តិព្រឹទ្ធបណ្ឌិត។

សម្តេចតេជោ នាយករដ្ឋមន្ត្រីមានប្រសាសន៍សំដែងនូវការវាយតំលៃខ្ពស់ ចំពោះលទ្ធផល នៃកិច្ចពិភាក្សា រវាងរដ្ឋមន្ត្រីការបរទេសនៃប្រទេសទាំងពីរ ពិសេសការពិភាក្សាលើការតភ្ជាប់កំណាត់ផ្លូវដែក ផ្លូវគោក ការតភ្ជាប់បណ្តាញ អគ្គិសនី និងការបើកច្រកព្រំដែនដទៃទៀត ដែលជាប្រធានបទដ៏សំខាន់ នៃកិច្ចពិភាក្សារបស់ថ្នាក់ដឹកនាំទាំងពីរ។

សម្តេចតេជោបន្តថា យើងត្រូវតែមានការប្តេជ្ញាចិត្តរួមគ្នាថា ប្រជាជនរស់នៅតាមព្រំដែន នៃប្រទេសទាំងពីរ ត្រូវតែ ឈប់មានការភិតភ័យខ្លាច និងមានជីវភាពរស់នៅកាន់តែប្រសើរឡើង។ ក្នុងកិច្ចសន្ទនាគ្នានោះដែរ សម្តេចតេជោ នាយករដ្ឋមន្ត្រី ក៏បានផ្តល់នូវអនុសាសន៍ដល់ក្រុមការងារនៃប្រទេសទាំងពីរ ត្រូវតែជំរុញបន្ថែមទៀតលើការងារដោះគ្រាប់មីន និងយុទ្ធភណ្ឌមិនទាន់ផ្ទុះ នៅតាមព្រំដែន ពោលគឺស៊ីម៉ាក និងធីម៉ាក គប្បីត្រូវតែសហការគ្នាបំផ្លាញឃាតកកំបាំងមុខ ដែលលាក់កប់ក្នុងដីឲ្យអស់ ដែលនោះគឺជាសោកនាដកម្មដ៏ធ្ងន់ធ្ងរសម្រាប់កងកម្លាំងប្រដាប់អាវុធ និងប្រជាជននៃប្រទេសទាំងពីរ។

ជាមួយគ្នាសម្តេចតេជោ ក៏បានស្នើដល់ភាគីទាំងពីរ បង្កើនកិច្ចសហប្រតិបត្តិការលើវិស័យពាណិជ្ជកម្ម ទេសចរណ៍ និងកសិកម្ម ដើម្បីឲ្យទំហំពាណិជ្ជកម្មនៃប្រទេសទាំងពីរ កាន់តែមានទំហំទ្វេឡើងថែមទៀត៕ ប្រភព៖ CEN

Friday, February 22, 2013

ឡានក្រុងថៃ ចាប់ផ្តើមធ្វើដំណើរការពីបាងកក មកសៀមរាប និងភ្នំពេញ

Posted by RothaDB at 9:01 AM 0 comments

ភ្នំពេញ: កាសែតថៃ បាងកក ប៉ុស្តិ៍ របស់ប្រទេសថៃ បានរាយការណ៍ថា នៅថ្ងៃព្រហស្បតិ៍ ទី២១ ខែកុម្ភៈ ឆ្នាំ២០១៣ រាជរដ្ឋាភិបាលកម្ពុជា និងរាជរដ្ឋាភិបាលថៃ បានចាប់ផ្តើមសេវាកម្មឡានក្រុង ដោយចេញដំណើរទៅមក ពីទីក្រុងបាងកក មកកាន់រាជធានីភ្នំពេញ និងខេត្តសៀមរាប។ ឡានក្រុងដឹកអ្នកដំណើរឆ្លងដែននេះ គឺជាជំហានមួយ នៃការពង្រីកវិស័យទេសចរណ៍ និងទំនាក់ទំនងសេដ្ឋកិច្ច រវាងប្រទេសទាំងពីរ។

កាសែត បានរាយការណ៍ថា ឡានក្រុងរបស់ថៃចំនួនពីរគ្រឿង បានចេញដំណើរពីទីក្រុងបាងកក មករាជធានីភ្នំពេញ និងខេត្តសៀមរាប។ ឡានក្រុងចេញពីទីក្រុងបាងកក មករាជធានីភ្នំពេញ ចាប់ផ្តើមពីម៉ោង ៨ និង ១៥ នាទីព្រឹក និងត្រឡប់ ទៅកាន់ទីក្រុងបាងកកវិញ នៅម៉ោង ៧ យប់។ ការធ្វើដំណើរលើចម្ងាយផ្លូវ ៧១៩ គីឡូម៉ែត្រ ដោយចំណាយពេល ១១ ម៉ោង និងតម្លៃសំបុត្រ គឺ ៣០ ដុល្លារ។ ចំណែកឡានក្រុងពីក្រុងបាងកក ទៅខេត្តសៀមរាប ចាប់ផ្តើមចេញដំណើរនៅម៉ោង ៩ ព្រឹក ដោយត្រឡប់មកវិញនៅម៉ោង ៨ យប់។ ការធ្វើដំណើរលើចម្ងាយផ្លូវ ៤២៤ គីឡូម៉ែត្រ ដោយចំណាយពេល ៧ ម៉ោង និងតម្លៃសំបុត្រ ២៥ ដុល្លារ។

ក្នុងឆ្នាំ២០១២ កម្ពុជាទទួលបានភ្ញៀវទេសចរប្រមាណជា ៣.៥៨០.០០០ នាក់ ដែលបានកើនឡើង ២៤%។ វិស័យទេសចរណ៍ បានផ្តល់ចំណូលដល់កម្ពុជាសរុបចំនួនជាង ២ ពាន់លានដុល្លារ។

សូមរម្លឹកថា រាជរដ្ឋាភិបាលកម្ពុជា និងរាជរដ្ឋាភិបាលថៃ តាមរយៈក្រសួងគមនាគមន៍ និងដឹកជញ្ជូន បានចុះកិច្ចព្រមព្រៀង ដើម្បីឲ្យមានការផ្តល់សេវាកម្ម ដឹកជញ្ជូនអ្នកដំណើរ តាមឡានក្រុងឆ្លងដែនដោយផ្ទាល់ ពីភ្នំពេញ ទៅកាន់ទីក្រុងបាងកក និងពីបាងកក មកកាន់ខេត្តសៀមរាប៕cen.com.kh