ព័ត៌មានដើមស្វាយ

Showing posts with label ផ្នែកសារព័ត៌មាន. Show all posts

Wednesday, June 26, 2013

កាត់ទោស ដេវិដ ឆាណាយវា រឿងវ៉ៃអ្នកកាសែត

Posted by RothaDB at 8:12 AM 0 comments

ភ្នំពេញៈ សមាជិកមេធាវីដែលត្រូវបណ្តេញចេញលោក ដេវិដ ឆាណាយវា ត្រូវសាលាដំបូងរាជធានីបើកជំនុំជម្រះទោសកាលពីម្សិលមិញជាមួយនឹង ក្មួយប្រុសម្នាក់ និងមិត្តភក្តិដែលគេចខ្លួនម្នាក់ទៀត ពីបទវាយអ្នកកាសែតមួយក្រុមនៅខណ្ឌដូនពេញ រាជធានីភ្នំពេញ ប៉ុន្តែការផ្តល់ការសន្និដ្ឋានរបស់ព្រះរាជអាជ្ញា ជននេះគួរលើកលែងការចោទប្រកាន់។

លោក ដេវិដ ឆាណាយវា វ័យ៤១ឆ្នាំ អតីតមេធាវី និងទីប្រឹក្សារបស់ព្រឹទ្ធសភា លោក យាន ស៊ីណា វ័យ៤៤ឆ្នាំ អតីតរដ្ឋលេខាធិការក្រសួងយុត្តិធម៌ និងលោក ប្រាក់ អ៊ូហ្វី វ័យ២០ឆ្នាំ ជានិស្សិតច្បាប់ត្រូវជាក្មួយលោក ឆាណាយវា បានរងការចោទ ពីបទប្រព្រឹត្តអំពើហិង្សាកាលពីខែមីនា។

ចៅក្រមសាលាដំបូងរាជធានីលោកស្រី ចាំង ស៊ីណាត បានថ្លែងថា ឈ្មោះ ដេវិដ ឆាណាយវា និងក្មួយគាត់ឈ្មោះ អ៊ូហ្វី ត្រូវប៉ូលិសចាប់ខ្លួនកាលពីថ្ងៃទី១៩ ខែមីនា បន្ទាប់ពីអ្នកកាសែតមួយក្រុមបានដាក់ពាក្យបណ្តឹងចោទថា អ្នកទាំងបីវាយពួកគេបន្ទាប់ពីទៅព្យាយាមថតរូបគ្រោះថ្នាក់ចរាចរណ៍ បង្កដោយឈ្មោះ អ៊ូហ្វី។ ឈ្មោះ យាន ស៊ីណា បានគេចខ្លួនបណ្តោះអាសន្នពីការចាប់ខ្លួន។

ឈ្មោះ ឆាណាយវា បានបដិសេធការចោទប្រកាន់នេះថា គាត់គ្រាន់តែស្ថិតនៅកន្លែងកើតហេតុនោះដើម្បីជួយក្មួយគាត់ ប៉ុណ្ណោះខណៈដែលរថយន្តរបស់គាត់រងការខូចខាតយ៉ាងដំណំ។

សាក្សីម្នាក់ ឈ្មោះ ពីន គង់ មេប៉ុស្តិ៍ប៉ូលិសសង្កាត់បឹងរាំង បានថ្លែងថា លោកមិនបានឃើញលោក ឆាណាយវា ឬលោក ស៊ីណា ប្រព្រឹត្តអំពើហិង្សាណាមួយក្នុងអំឡុងពេលនោះទេ។

លោក ពិន គង់ បញ្ជាក់ថា៖« ខ្ញុំបានឃើញលោក ដេវិដ ឆាណាយវា និងលោក យាន ស៊ីណា ត្រូវក្រុមអ្នកកាសែតនិងក្រុមមនុស្សចោមរោមគាត់។ ខ្ញុំមិនឃើញពួកគេវាយអ្នកកាសែតទេ។ ភ្លាមៗនោះខ្ញុំ បានជួយពួកគេ ដោយបាននាំខ្លួនទៅប៉ុស្តិ៍ប៉ូលិសដើម្បីសាកសួរ»។

អ្នកកាសែតទាំង៥នាក់នោះ បានដកពាក្យបណ្តឹង ហើយក៏មិនបង្ហាញមុខនៅក្នុងសវនាការដែរ កាលពីម្សិលមិញ។

លោក សុវណ្ណ រិទ្ធី អ្នកយកព័ត៌មានទូរទស្សន៍បាយ័ន និយាយក្នុងអំឡុងជម្លោះនោះថា លោកត្រូវមនុស្សលោក ឆាណាយវា វាយ។ លោកបានទារជំងឺចិត្ត១ ម៉ឺនដុល្លារពីពួកគេ។

លោកនិយាយថា ៖ «ខ្ញុំបានដកពាក្យបណ្តឹងពីតុលាការប្រឆាំងនឹងជនជាប់ចោទទាំងបី ព្រោះខ្ញុំរវល់ការងារហើយគ្មានពេលតាមដានរឿងក្តីនៅតុលាការទេ។ ខ្ញុំទទួលបានការសម្របសម្រួលពីគ្រួសារជនជាប់ចោទហើយខ្ញុំ ក៏ទទួលបានសំណងជំងឺចិត្តពីពួកគេផងដែរ»។

ក្នុងសវនាការកាលពីម្សិលមិញ តុលាការបានចាក់វីដេអូឃ្លីប អំពីគ្រោះថ្នាក់ចរាចរណ៍នោះ តែទោះជាយ៉ាងណាគេមិនឃើញមាននរណាម្នាក់ប្រើអំពើហិង្សាទេនៅ ក្នុងខ្សែវីដេអូនោះ។

នៅពេលបិទសវនាការ ព្រះរាជអាជ្ញារងលោក ជេត ខេមរ៉ា បានស្នើឲ្យទម្លាក់ការចោទប្រកាន់លើជនជាប់ចោទ។ លោកថ្លែងថា ៖ «មិនមានភ័ស្តុតាងណាបង្ហាញថា ពួកគេវាយជនរងគ្រោះដូចការចោទប្រកាន់ទេ។ ដោយសារតែជនរងគ្រោះទាំង៥នាក់ បានដកពាក្យបណ្តឹងប្រឆាំងពួកគេ ខ្ញុំស្នើលោកចៅក្រមសម្រេចលើរឿងក្តីនេះទៅតាមច្បាប់»។

សាលក្រមរឿងក្តីនេះចៅក្រមគ្រោងប្រកាសនៅថ្ងៃទី២៧ ខែមិថុនានេះ៕ ប្រភពព័ត៌មាន ៖ ភ្នំពេញប៉ុស្តិ៍

Thursday, June 6, 2013

ចោរប្លន់យ៉ាង សកម្ម ក្នុងរាជធានីភ្នំពេញ ក្នុងភូមិសាស្រ្ត ខណ្ឌដង្កោ ខណៈពួកគេរៀបគម្រោង ប្លន់ម៉ូតូត្រូវ នគរបាល ចាប់ក្របួចបាន

Posted by RothaDB at 12:40 PM 0 comments

ភ្នំពេញ ៖ ក្រុមចោរប្លន់ពីរនាក់ ល្បីខាង យក ដែកឆាប នឹងដំបងឈើ វាយមនុស្សប្លន់ យកម៉ូតូនឹងទ្រព្យ សម្បត្តិ តាមផ្លូវ សាធារណៈ ជាច្រើន លើ ច្រើន សារ នៅក្នុងភូមិសាស្រ្ត ខណ្ឌដង្កោ ដ៏ដូចជាក្នុងរាជធានី ភ្នំពេញ ពេលនេះ ត្រូវអស់លក្ខ័ ខណៈពួកគេរៀបចំគម្រោង ប្លន់ម៉ូតូ នៅតាម ផ្លូវ ព្រៃស ភូមិប្រកា សង្កាត់ព្រៃស ខណ្ឌដង្កោ ត្រូវនគរបាល ដែលកំពុងជិះម៉ូតូល្បាត ឃើញក៏ចាប់ឃាតសួរនាំ ទើបដឹកថា ពួកជាចោរប្លន់ សមត្ថកិច្ច សម្រេចវាយខ្នោះចោរប្លន់ពីរនាក់នេះ យកមកកាន់អធិការដ្ឋាន នគរបាលខណ្ឌដង្កោ កាលពីវេលាម៉ោង ៥ នឹង ៣០ ថ្ងៃទី០៥ ខែមិថុនា ឆ្នាំ ២០១៣ ។
លោក យឹម សារ៉ាន់ អធិការខណ្ឌដង្កោ បានឲ្យដឹងថា ក្រុមចោរប្លន់ពីរនាក់ ដែលនគរបាលឃាត់ខ្លួន ខាងលើនេះ ទី១ ឈ្មោះ ឡាន ប៊ុនធឿន ភេទ ប្រុស អាយុ២៥ឆ្នាំ នឹងទី២ ឈ្មោះ ស៊ុក សក ហៅតូច ភេទប្រុស អាយុ២៧ឆ្នាំ ពួកគេមានមុខរបរ ជាចោរប្លន់តែម្តង នឹងមានស្រុកកំណើត នៅភូមិ បារាជ ឃុំព្រៃឈ្នេស ស្រុកមេសាង ខេត្តព្រៃវែង ។
លោកអធិការបានបន្តថា មុននឹងឈានដល់ការចាប់ខ្លួន ចោរប្លន់ខាងលើនេះ នគរបាលខណ្ឌដង្កោ ក្រោមការ បញ្ជាផ្ទាល់ របស់លោកនោះ គឺបាន ជិះម៉ូតូដើរល្បាត តាមផ្លូវដែលគួរឲ្យកត់ សម្គាល់នៅក្នុងភូមិសាស្រ្ត រហូត ពេលជិះល្បាត នៅតាមបណ្តោយផ្លូវព្រៃស ក្នុងភូមិប្រកា សង្កាត់ព្រៃស ខណ្ឌដង្កោ នគរបាលបានឈ្មោះ ឡាន ប៊ុនធឿន នឹង ឈ្មោះ ស៊ុក សក ហៅតូចរត់កាច់ព្រៃ ខ្លួនប្រលាក់សុទ្ធតែភក់ នឹងកាន់ដែកឆាប ដែលប្រឡាក់ ឈាម តែទាំងមានដំបង នៅជាប់ដៃពួកគេទៀតនោះ ទើបកម្លាំងនគរបាលមាន ការសង្ស័យក៏បាន ព័ទ្ធចាប់ ដើម្បីសាកសួរ ប៉ុន្តែពេលនោះក្រុមចោរ ប្លន់ដឹកខ្លួន បានព្យាយាមគេចពីនគរបាល តែជាលទ្ធផលត្រូវ នគរបាល ចម្រុះ ខណ្ឌដង្កោ ចុះឡោព័ទ្ធចាប់ក្របួចបានភ្លាមៗ យកទៅកាន់អធិការ ដ្ឋាននគរបាល ខណ្ឌដង្កោ ដើម្បីបន្តការ សាកសួរ ។
លោកអធិការខណ្ឌដង្កោ យឹម សារ៉ាន់ បានបន្តថា ដោយសមត្ថកិច្ចសាកសួរ ទៅតាមជំនាញ ព្រហ្មទណ្ឌនោះ ក្រុម ចោរប្លន់ទាំងពីរនាក់ បានឆ្លើយ សារភាពថា កន្លងមកពួកគេបានធ្វើ សកម្មភាពប្លន់យកម៉ូតូជាច្រើនដង មក ហើយ សុទ្ធតែបានសម្រេចទាំងអស់ ដោយពួកគេគ្រាន់តែយកដែកឆាប នឹងដំបងឈើជ្រុង មកវាយមនុស្ស កំពុងជិះម៉ូតូតាមផ្លូវ ។ លើសពីនេះចោរប្លន់ទាំងពីរនាក់ នេះធ្លាប់បន្លំហៅម៉ូតូឌុបជិះ ធ្វើដំណើរតាមផ្លូវព្រែកថ្លឹង ក្នុងសង្កាត់ព្រែកកំពឹស រួចបានធ្វើសកម្មភាព យកដែកឆាបចាក់ម្ចាស់ម៉ូតូ ហើយប្លន់យកម៉ូតូជិះរត់គេចខ្លួនបាត់ នឹងធ្លាប់វាយនារីម្នាក់ ប្លន់យកម៉ូតូ អាយខុន មួយគ្រឿង នៅក្នុងភូមិសាស្រ្តសង្កាត់ព្រែកកំពឹស នៅមានករណី ដែល ជាច្រើនដែលគេបានសារភាពថាពួកគេធ្លាប់វាយ នឹង ចាក មនុស្សប្លន់យកទ្រព្យសម្បត្តិ ។
ជាជំហានដំបូងចោរប្លន់ពីរនាក់នេះ បាននិយាយប្រាប់សមត្ថកិច្ចពួកគេ បានធ្វើសកម្មភាពប្លន់បានចំនួន ៦ លើក ហើយនៅក្នុងរាជធានីភ្នំពេញនេះ គឺភាគីច្រើនពួកគេប្រើអាវុធ ជាដែកឆាប នឹងដំបងឈើ ជាឧបករណ៍ប្លន់តែម្តង ។ នេះបើតាមការសារភាព នឹងឆ្លើយបំភ្លឺនៅ ចំពោះមុខសមត្ថកិច្ច គឺសមត្ថកិច្ច បានឲ្យដឹងថា ពួកគេជា ចោរប្លន់ ដែលភាគច្រើនល្បីខាង ចាក់នឹងដែកឆាប វាយនឹងដំបងឈើ សម្លាប់មនុស្សប្លន់យកម៉ូតូ ។
សមត្ថកិច្ចបានបញ្ជាក់ថា ចោរប្លន់ទាំងពីរខាងលើនេះ ត្រូវបានសមត្ថកិច្ចនៅនឹងកំពុង ធ្វើការស៊ើបសួរ នឹងកសាង សំណុំរឿងបញ្ជូនខ្លួន ពួកគេទៅ កាន់ សាលាដំបូង រាជធានីភ្នំពេញ ដើម្បីសុំឲ្យតុលាការ ផ្តន្ទាទោស ទៅតាមនីតិវិធីច្បាប់ ៕

ប្រភព ដើមអម្ពិល

Monday, June 3, 2013

ចិនភ័យខ្លាច "អាវុធវាយប្រហាររហ័សទូទាំងពិភពលោក" ថ្មីរបស់អាមេរិក

Posted by RothaDB at 3:46 PM 0 comments

តាម japan Times ជប៉ុនទើបចុះផ្សាយអត្ថបទមានចំណងជើងថា "ចិនព្រួយបារម្ភនឹងអាវុធថ្មីរបស់អាមេរិក" សរសេរដោយ Michael Richardson អ្នកជំនាញការជាន់ខ្ពស់របស់វិទ្យាស្ថានស្រាវជ្រាវអាស៊ីអាគ្នេយ៍ សិង្ហបុរី ។

ការដែលអាមេរិកអភិវឌ្ឍន៍និងសាកពិសោធន៍ ជោគជ័យប្រភេទអាវុធវាយលុករយៈចម្ងាយឆ្ងាយល្បឿនលឿន ជំនាន់ថ្មីបំផុត ពិតប្រាដកណាស់ គឺសំដៅកាត់បន្ថយក៏ពឹងផ្អែកលើអាវុធនុយក្លេអ៊ែរ សម្រាប់ទប់ទល់ជាមួយចិន ។ ប្រការនេះកាន់តែធ្វើឲ្យមានការកើនឡើងនៃភាពខ្វល់ខ្វាយ និងប្រុងប្រយ័ត្នរបស់ក្រុងប៉េកាំង ។

ថ្ងៃទី០១/៥កន្លងមកនេះ អាមេរិកបានសាកល្បងដំណើរហោះហើររយៈចម្ងាយឆ្ងាយបានយ៉ាងជោគជ័យ នូវបរិក្ខារហោះហើរកំពូលសំឡេង X-51 Ware Rider បំណងលុបចោលកង្វល់របស់ចិនចំពោះអាវុធនុយក្លេអ៊ែរ ប៉ុន្តែវាកាន់តែធ្វើឲ្យក្រុងប៉េកាំងបារម្ភជាងមុន អំពីឧត្តមភាពលើសលុបរបស់អាមេរិកក្នុងវិស័យអាវុធធម្មតាពិតមែន តែវាផ្ទុកនូវលទ្ធភាពផ្ទុះជម្លោះនុយក្លេអ៊ែរខ្លាំងជាងមុន ។

ក្នុងការពិសោធន៍សាកល្បងនោះ គ្រឿងយន្តប្រតិកម្មវិវឌ្ឍន៍(Static ) កំពូលសំឡេង (Ramjef) របស់ X-51 Wave Rider បានបញ្ជាពីលំហអាកាសអាត្លង់ទិក ។ ក្នុងល្បឿនសុក្រិតរបស់ X-51 ក្នុងការពិសោធន៍នេះ គឺ 6245km លើសពីល្បឿនកំពូល Mach5 (លឿនជាងសំឡេង៥ដង) ។

ថ្វីត្បិតតែថ្ងៃណាមួយនោះគ្រឿងយន្ត Ramjef អាចត្រូវបានយកមកប្រតិបត្តិក្នុងវិស័យអាកាសចរណ៍ស៊ីវិលក្តី តែបច្ចុប្បន្ននេះសំខាន់ស្ថិតក្នុងកណ្តាប់ដៃយោធាជាអ្នកស្រាវជ្រាវ ។

ពុំត្រឹមតែទ័ពអាកាស ថ្មើរជើងទេ ដោយរួមទាំងស្នងការស្រាវជ្រាវបណ្តាគំរោងការជាន់ខ្ពស់របស់ ក្រសួងការពារជាតិអាមេរិក ក៏វិស្វករស្រាវជ្រាវពិសោធន៍សាកល្បងឧបករណ៍ហោះហើរគ្មានអ្នកបើកបរ ល្បឿនលឿនជាងសំឡេងដែរ ។ ទាំងអស់នេះដោយសារវាជាផ្នែកសំខាន់បំផុតមួយក្នុង "ផែនការ វាយលុករហ័សទូទាំងពិភពលោក" (PGS) របស់កងទ័ពអាមេរិក ។

ក្នុងការពិសោធន៍ថ្មីបំផុតក្នុងផែនការ PGS របស់អាមេរិកថ្វីត្បិតធ្វើឲ្យរុស្ស៊ីព្រួយបារម្ភ ប៉ុន្តែចិនទេ ដែលជាប្រទេសភ័យបំផុត ។ ព្រោះចំនួនកាំជ្រួចក្នុងឃ្លាំងអាវុធរបស់ចិនមានសមត្ថភាពវាយស្កាត់ ក្បាលគ្រាប់នុយក្លេអ៊ែររបស់អាមេរិកទាបជាងរុស្ស៊ីឆ្ងាយណាស់ ។

ឧបករណ៍កំពូលល្បឿនលឿនជាងសំឡេង X-51 Wave Rider របស់អាមេរិក

ក្រៅពៅនោះបណ្តាអ្នកជំនាញការវិភាគរ បស់អាមេរិកក៏បានឲ្យដឹងថា បណ្តាប្រព័ន្ធដែលមានសមត្ថភាពវាយស្កាត់ កាំជ្រួចវាយលុករបស់ចិនក៏ស្ទើរតែគ្មាន ហើយសក្តានុពលចាញ់រុស្ស៊ីឆ្ងាយណាស់ ។ បច្ចុប្បន្នបើតាមការគិតគូររបស់អាមេរិកចិនមានកាំជ្រួចដែលសមត្ថភាព អាចវាយស្កាត់បានខ្ទង់១០ប៉ុណ្ណោះ សម្រាប់កម្ទេចកាំជ្រួចអន្តរដែនដីបំពាក់ក្បាលគ្រាប់នុយក្លេអ៊ែររបស់ អាមេរិក ។

ផ្នែកក្បាលនៃកំពូលកាំជ្រួចលឿនជាងសំឡេងរបស់អាមេរិក

នៅថ្ងៃអនាគត ប្រសិនបើអាមេរិកចល័តអាវុធកំពូលល្បឿនលឿនជាងសំឡេងនោះបានជោគជ័យ គូសត្រូវរបស់ពួកគេបង្ខំត្រូវប្រើការវាយប្រហារ "ភ្លាមៗ" ពុំនោះសោតវាគ្មានឱកាសសម្រាប់វាយយកដោយ "នុយក្លេអ៊ែរ" បង្ខំចិត្តត្រូវចុះចាញ់ ៕ ប្រភពពី ksn-news.com

Friday, May 3, 2013

កម្ពុជាត្រូវគេដាក់ក្នុងចំណោមប្រទេសគ្មានសេរីភាពសារព័ត៌មាន

Posted by RothaDB at 7:50 AM 0 comments

វ៉ាស៊ីនតោន៖ ប្រទេសកម្ពុជាត្រូវគេដាក់ឲ្យស្ថិតនៅក្នុងចំណោមប្រទេសគ្មានសេរីភាព ផ្នែកសារព័ត៌មានសម្រាប់ឆ្នាំ២០១៣។ អង្គការ ស.រ.អា. ផ្នែកខាងសេរីភាព និងប្រជាធិបតេយ្យឈ្មោះ Freedom House បានដាក់ប្រទេសកម្ពុជានៅក្នុងលំដាប់ប្រទេស«គ្មានសេរីភាព» សារព័ត៌មាន។ នេះបើតាមរបាយការណ៍ប្រចាំឆ្នាំដែលអង្គការនេះបានប្រកាសកាលពីថ្ងៃ ពុធអំពីសេរីភាពសារព័ត៌មានជុំវិញពិភពលោកនៅឯសារៈមន្ទីរព័ត៌មាន Newseum ក្នុងរដ្ឋធានីវ៉ាស៊ីនតោន។

របាយការណ៍ជាសង្ខេបរបស់ អង្គការ Freedom House បាននិយាយថា យោងទៅលើការចាប់ខ្លួនលោកម៉ម សូណង់ដូ ប្រធានស្ថានីយ៍វិទ្យុសម្បុកឃ្មុំឯករាជ្យដាក់គុករយៈពេល២០ឆ្នាំ ការសម្លាប់អ្នកកាសែតកាលពីឆ្នាំ២០០៨គឺលោកឃឹម សំបូរនិងការយារយីអ្នកសារព័ត៌មានផ្សេងទៀត។

ថ្លែងប្រាប់ វីអូអេក្រោយពីការចេញផ្សាយរបាយការណ៍និងបង្ហាញរូបផែនទី ជាផ្លូវការអំពីចំណាត់ថ្នាក់ប្រទេសក្នុងពិភពលោកដែលមាន«សេរី» «សេរីមួយផ្នែក» និង«មិនសេរីនោះ» លោកដាវីដ ក្រមើ (Davis J. Kramer) នាយកអង្គការ Freedom House បានអះអាងថា៖

«មូលហេតុដែល ប្រទេសមួយត្រូវដាក់ថា ជាប្រទេសគ្មានសេរីភាពគឺដោយសារ ប្រទេសនោះមិនបានបំពេញលក្ខខណ្ឌផ្នែកសេរីភាពខាងផ្លូវច្បាប់ សេរីភាពខាងនយោបាយ សេរីភាពខាងសេដ្ឋកិច្ច ដែលអនុញ្ញាតឲ្យអ្នកសារព័ត៌មាន និងអង្គការបណ្តាញព័ត៌មានអាចដំណើរការបាន។ ដូច្នេះប្រទេសដែលស្ថិតនៅក្នុងប្រភេទមិនសេរីគឺមានច្រើន»។

លោក បានបញ្ជាក់ថា មានចំនួនពលរដ្ឋពិភពលោកជាង៤៣ភាគរយដែលរស់នៅក្នុងប្រទេសដែលគ្មាន សេរីភាពខាងផ្នែកព័ត៌មាន ដែលគួរតែធ្វើអ្វីៗដើម្បីឲ្យប្រសើរឡើង។

អ្នក ស្រីការីន កាលិការ (Karin Deutsch Karlekar) អ្នកស្រាវជ្រាវជាន់ខ្ពស់និងជា នាយកផ្នែកចាត់ចែងនៃអង្គការ Freedom House បានអះអាងថា និន្នាការរបស់ ប្រទេសកម្ពុជាមានភាពអវិជ្ជមានក្នុងរយៈពេលមួយឆ្នាំ ពីរឆ្នាំចុងក្រោយនេះ ហើយបានដើរថយក្រោយកាលពីឆ្នាំទៅ។

អ្នក ស្រីថ្លែងថា៖ «ជាការណ៍ពិត បរិយាកាសសារព័ត៌មានក្នុងប្រទេសកម្ពុជាមានលក្ខណៈបើកទូលាយជាងប្រទេស វៀតណាម និងប្រទេសភូមា។ នេះជាការណ៍ពិត។ តែទោះជាយ៉ាងណាក៏ដោយ បញ្ហានៅកម្ពុជាដែលនាំឲ្យមានក្តីបារម្ភគឺច្បាប់និងក្រមព្រហ្ម ទណ្ឌដែលអាចដាក់ទោសព្រហ្មទណ្ឌដោយការបរិហាកេរ្តិ៍។ យើងទទួលបានចំនួននៃការវាយប្រហារយ៉ាងច្រើននិងការយារយីដល់ក្រុម អ្នកសារព័ត៌មាន កាន់តែធ្ងន់ធ្ងរឡើងនៅប៉ុន្មានឆ្នាំថ្មីៗនេះ។ យើងឃើញមានករណីដ៏អាក្រក់កើតឡើងកាលពីឆ្នាំទៅប្រឆាំងនឹងលោកម៉ម សូណង់ដូ ប្រធានវិទ្យុសម្បុកឃ្មុំដែលត្រូវចាប់ដាក់គុក២០ឆ្នាំ»។

ប្រទេស កម្ពុជាឆ្នាំនេះស្ថិតនៅចំណាត់ថ្នាក់លេខរៀងទី១៤៩ ក្នុងចំណោមប្រទេស១៩៦។ ប្រទេសកម្ពុជាត្រូវគេដាក់ក្នុងចំណោមប្រទេសដែលគ្មាន សេរីភាពសារព័ត៌មានឬមិនសេរី (Not Free) ស្មើទៅនឹងប្រទេសគុយបា ភូមា អ៊ីរ៉ង់ វៀតណាម ចិន ថៃ និងកូរ៉ខាងជើងជាដើម។ កាលពីឆ្នាំទៅ កម្ពុជាក៏ត្រូវគេ ចាត់បញ្ចូលក្នុងចំណោមប្រទេសមិនសេរីដែរ៕ ប្រភព៖ VOA