ក្រុមហ៊ុន Hennessy៖ “ជោគជ័យ​ពី​ការ​រៀប​ចំ​មហាព្រឹត្តិការណ៍​តន្រ្ដី​ពិភព​លោក​នៅកម្ពុជា”

ប្រភពពី news.sabay.com.kh : ក្រុមហ៊ុន​ស្រា​ Hennessy បាន​វាយ​តម្លៃ​​ពីភាព​ជោគជ័យ​នៃការ​រៀប​ចំ​មហា​ព្រឹត្តិការណ៍​ នៃ​តន្រ្តី​​សិល្បៈ​លាយ​បញ្ចូល​គ្នា​ទូទាំង​ពិភព​លោក​ប្រចាំ​ឆ្នាំ “Hennessy Artistry 2013” ដែល​​បាន​​ប្រព្រឹត្តិ​ទៅ កាល​ពី​រាត្រី​​ថ្ងៃ​​ទី 30 ខែ​ វិច្ឆិកា ឆ្នាំ 2013 នៅ​សណ្ឋាគារ​សូហ្វីតែល ភូគីត្រា​ភ្នំពេញ។ វត្តមាន​តារា​ល្បី​ៗ​មក​ពី​បណ្ដា​ប្រទេស​ផ្សេង​គ្នា​ បាន​ជួបជុំ​គ្នា​ ច្រៀង​ និង​សម្ដែង​ បាន​យ៉ាង​ល្អ​ឥតខ្ចោះ បាន​ស្រូប​យក​អ្នក​ទស្សនា​យ៉ាង​ច្រើន​កុះករ អម​ដោយ​ស្នូរទះដៃ​ស្វាគមន៍​ចំពោះ​កម្មវិធី​​សែន​សប្បាយ​រីករាយ​​នារាត្រី​ កាល​នោះ។

វត្តមាន​ពីសិល្បករ តារា​ចម្រៀង និង ​ឌីជេ (DJ) ល្បីៗ​ជាតិ និង អន្តរជាតិ​ដែល​បាន​ចូលរួម ​រួមមាន៖ Katreeya Engkish/ ថៃ. Mong Manith and Vanilla/ កម្ពុជា. Andy Murphy/អូស្រ្តាលី. Dennis Lau and Koujee/ ម៉ាឡេស៊ី The Angels Percussion and ZORA/ ឥណ្ឌូនេស៊ី. រួម​ជាមួយ​តារា​ចម្រៀង​ល្បីៗ​ជាច្រើន​ទៀត​ ដើម្បី​ឆ្លុះ​បញ្ចាំង​ពី​សិល្បៈ នៃ​ការ​លាយ​បញ្ចូល​គ្នា​ជាសាកល​ដ៏​អស្ចារ្យ​ ដែល​មាន​សិល្បៈ​ប្លែកៗ​ជាមួយ​នឹង​គំនិត​ច្នៃ​ប្រឌិត​នៃ​តន្ត្រី បទភ្លេង ភាព​រំជួល​អារម្មណ៍ ស្ទីល វប្បធម៌​ និង ​Hennessy ។​
Hennessy Artistry Cambodia 2013 នឹង​ផ្ដល់​ឱ្យ​អតិថិជន​ស្គាល់​ប្រភេទ​ស្រា ដែល​ត្រូវ​បាន​នាំ​យក​មកពី​ចំការ​ទំពាំងបាយជូរ​ឈាន​មុខ​គេ​នៅ​តំបន់​កូញ៉ាក់ នោះ​គឺ​ភាព​នៃ​ការ​លាយ​បញ្ចូលគ្នា​នូវ​ប្រភេទ​ស្រា Hennessy V.S.O.P ។ ព្រឹត្តិការណ៍​នេះ​ត្រូវ​បាន​គេ​ប៉ាន់​ប្រមាណ​ថា​ មាន​អ្នក​ចូលរួម​ទស្សនា​ប្រមាណ​ពី ​១,៨០០ទៅ២,០០០នាក់ ។
សូម​បញ្ជាក់​ថា នេះ​គឺ​ជា​ឆ្នាំ​ទី​បួន ​នៃ​ការ​ត្រឡប់​មក​វិញ​របស់​ Hennessy Artistry Cambodia 2013​ ហើយ​ក្រុមហ៊ុន​ក៏​បាន​រៀបចំ​កម្មវិធី Hennessy Artistry Club Series ២០១៣ ចាប់ពីថ្ងៃទី៦ ខែកញ្ញា ដល់ថ្ងៃទី២៩ ខែវិច្ឆិកា ឆ្នាំ២០១៣ ដើម្បី​ឲ្យ​អតិថិជន​ចូលរួម​ប្រកួតប្រជែង​ថត​យក​នូវ​រូបភាព​មាន​សញ្ញា​ សម្គាល់ (Logo) Hennessy Artistry ដែល​មាន​នៅ​ក្នុង​ក្លិប​ចំនួន​ ៥ ​ក្នុង​រាជធានី​ភ្នំពេញ​ គឺ៖ DarlinDarlin, Jet’s Studio, Nova, River house Lounge, The Majesty Lounge។
លោក​អ្នក​អាច​ចូល​ទៅ​កាន់​ទំព័រ Facebook Hennessy Cambodia នឹង​បាន​ឃើញ​ការ​រៀប​ចំ​កម្មវិធី Hennessy Artistry Cambodia ដែល​មាន​ជាបន្តបន្ទាប់។

Read more...

ខេមរៈ សិរីមន្ត ប៉ះ ព្រាប សុវត្ថិ ក្នុងព្រឹត្តិការណ៍ Muzik A World Of Music 2013 មួយណាខ្លាំងជាង

ភ្នំពេញ៖ នៅថ្ងៃទី២៥ ខែឧសភា ឆ្នាំ២០១៣ខាងមុខនេះ កំពូលតារាចម្រៀងប្រចាំផលិតកម្ម
ហង្សមាស លោក ព្រាប សុវត្ថិ និងប៉ះគ្នាជាមួយកំពូលតារា ចម្រៀងប្រចាំផលិតកម្ម សាន់ដេ
លោក ខេមរៈ សិរីមន្ត នៅពហុកីឡាដ្ឋានជាតិអូឡាំពិក ជាមួយតារាចម្រៀងប្រុសស្រី មួយចំនួន
ផ្សេងទៀត ក្នុងកម្មវិធីប្រគំតន្ត្រី «Muzik A World Of Music 2013 »ដែលរៀបចំដោយក្រុមហ៊ុម
ទូរស័ទ្ទមិត្តហ្វូន ។
នៅក្នុងព្រឹត្តិការណ៍ប្រគំតន្ត្រីនាឱកាសនោះ ក៏មានការចូលរួមពីតារាចម្រៀង ប្រុសស្រីល្បីឈ្មោះ
ជាច្រើន នាក់មកពីបណ្តាល ផលិតកម្មនានា ក្នុងនោះ មានដូចជាលោក ព្រាប សុវត្ថិ ខេមរៈ សិរី
មន្ត ឱក សុគន្ធកញ្ញា ឆាយ វីរៈយុទ្ធ ពេជ្រ សោភា ឆន សុវណ្ណារាជ ណុប បាយ៉ារិទ្ធ នីកូ យក់ ឋិត
រដ្ឋា លោក រ៉ូលីន និងសិល្បករ សិល្បការិនីល្បីមួយចំនួនផ្សេងទៀត ។
ជំនួបរវាងកំពូលតារាចម្រៀងល្បីៗទាំងអស់ ក្នុងកម្មវិធីប្រគំតន្ត្រីដ៏ធំអស្ចារ្យ នៅពេលខាងមុខនេះ
បានធ្វើឲ្យ មហាជននិងស្រទាប់យុវវ័យ ទទ្ទឹងរង់ចាំគ្រប់ៗគ្នា ព្រោះនេះ ជាព្រឹត្តិការណ៍មួយ ដែល
ប្រជុំទៅដោយតារាចម្រៀងល្បីៗ នៅក្នុងប្រទេសកម្ពុជា ។ ដោយឡែកមហាជន និងស្រទាប់យុវ
វ័យមួយចំនួន ចាំមើលថា តើលោក ព្រាប សុវត្ថិ និង ខេមរៈ សិរីមន្ត មួយណាមានប្រៀបលើការ
គាំទ្រ និងទទួលបានប្រជាប្រិយភាពខ្លាំងជាងគេ ព្រោះថាអ្នកទាំងពីរ សុទ្ធតែជាតារាចម្រៀងល្បី
ឈ្មោះដូចៗគ្នា ប្រចាំប្រទេសកម្ពុជា។
ដូច្នេះនៅក្នុងព្រឹត្តិការណ៍នេះ មហាជន និងស្រទាប់យុវវ័យផ្តោតអារម្មណ៍ ខ្លាំងជាងគេ គឺមានតែ
តារាចម្រៀងទាំងពីរនាក់ លោក ព្រាប សុវត្ថិ និង ខេមរៈ សិរីមន្ត នេះទេ ។ តែទោះជាយ៉ាងណាក្តី
នៅពេលនេះ មហាជននៅមិនទាន់ដឹងថាប្រជាប្រិយភាព របស់លោក ព្រាប សុវត្ថិ និង ខេមរៈ សិរី
មន្ត អ្នកណាខ្លាំងជាងអ្នកណានោះទេ មានតែចាំតាមដានទស្សនា នៅក្នុងព្រឹត្តិ ការណ៍នោះនាថ្ងៃទី
២៥ ខែឧសភា ខាងមុខនេះ ទាំងអស់គ្នា ៕

ផ្តល់សិទ្ធិដោយ៖ ដើមអំពិល

Read more...