ព័ត៌មានដើមស្វាយ

ច្បាប់ល្បើកថ្មី

បទកាកគតិ

ខែចែត្រឆ្នាំច    ចត្វាស័កក  
    
ក៏គិតកាព្យថ្មី      លើកច្បាប់ប្រដៅ  
   
កូនចៅប្រុសស្រី     តួចក្តីធំក្តី  
  
ចូរស្តាប់គ្រប់គ្នា ។

 
ត្បិតមនុស្សឥឡូវ    យកខុសជាត្រូវ  
   
យកឆ្កួតធើ្វជា       អំពើអាក្រក់   

ឡឹកឡក់លីលា   ​  ព្រហើនពានពារ 

អាងមាសអាងប្រាក់​។

  
អាងព្រើលអាងប្រាជ្ង    អាងកោងអាងកាច  
 
អាងកាប់អាងចាក់      អាងជើងអាងដៃ​ 
   
អាងវាយអាងធាក់     អាងគុកច្រវាក់ 
    
អាងម៉ាស៊ីនកាត់ក ។ 

 
អាងសុទ្ធតែខុស      កូនអើយចាំចុះ 

អាងនោះមិនល្អ     អ្នកគិតអោយល្អិត  
 
ត្បិតស្រុកលោកក្រ    ប្រមាណដំណ  

តទៀតទៅមុខ  ។ 

 
អ្នកជឿពាក្យចាស់    ជឿចាំអោយច្បាស់

កុំធ្វើបំពា       អ្នកហ៊ានស្បែកដាច 
 
អ្នកខ្លាចស្បែកជា      មនុស្សចោរប៉ោបៀ  
    
កុំយកខ្លួនបៀត  ។​​​  

 
ឃើញឬកគេល្អ​     ទោះមានឬក្រ  

យកគេជាញាតិ      គួររាប់អ្នកក្រៅ 
  
ផៅអ្នកឯទៀត​      តាមរើសមារយាទ  

សុចរិតត្រឹមត្រួវ ។ 

 
រៀនបទរៀនបាទ    កុំកោងហួសខ្នាត  
 
កុំភ្លាត់ហួសផ្លួវ       កុំភើ្លនភ្លេចម៉ែ 
    
កុំប្រែប្រួសឪ​​       ឃើញចាស់សក់ស្កូវ  
      
កុំសូវមើលងាយ  ។  

 
របស់ឬ​ទ្រព្យ       ដែលជាសំអប់​  
     
កុំបាច់សំអាត     ទ្រព្យណាចំណេញ  
  
អស់អញឪហាត      ចូរចៅសង្វាត   
 
ជួយថែរក្សា  ។   

 
កុំជិះកុំជាន់        ស្មៅផ្ទីអាមច៏មាន់ 
     
ពាក្យចាស់ឧបមា    បុរាណហៅផ្ទី 
      
ពីរបីប្រការ      កុំស៊ីត្រង់ណា  
   
ជុះដាក់ត្រង់នឹង​ ។ 

សាច់សារលោហិត​​     កុំផ្តួលផ្តេតផ្តិត 
   
ផ្តួចទោសកើតប្តឹង    អាពុកផ្តែផ្តាំ  

ចូរចាំចេះថ្លឹង     សាច់ថ្លើមសួតឆ្អឹង   

នឹងស្បែកខាងក្រៅ    ។  

សាច់សួតក្នុងខ្លួន    ទុកស្មើបងប្អួន    
    
ប្រពន្ធកូនចៅ         សរសៃនឹងស្បែក 
        
ចែកជាញាតិផៅ       ខ្ញុំស្រខាងក្រៅ  
    
 ជាស្មៅអាមច៏មាន់ ។

.............................។

កុំដៀលអ្នកស្រែ     ត្រកូលឯងខ្មែរ

កុំប្រែក្រលាស      ក្រលេកមើលគុណ

ទន់ភ្លន់សំពះ      កុំធើ្វអ្នកណាស់

កុំត្មះអ្នកក្រ ៕

  
អ្នកកុំភ្លេចគុណ     គ្រូលេខនព្វន្ត

គ្រូសូត្រអក្សរ      កុំចាប់ដៃទាញ

គំនាប់ងក់ក       កុំជជែកត

ស្មើមិត្រសំលាញ់ ។

 
រាស្ត្ររត់ចូលជ្រក   កុំថាគេថោក

កុំអើឯងអញ      ពាក្យពុំពិរោះ

គេកើតមួក្នាញ់     គេដៀលផ្ទាល់ផ្ទាញ់

អន្តរាយកេរ្តិ៏ឈ្មោះ ។ 

កុំឆ្មើងអាងបុណ្យ    ស្រដីអោយទន់

ពោលពាក្យពិរោះ    ខ្លួនអ្នកនឹងថ្កើង

នឹងឡើងស័ក្តយស   កុំឆ្លៀតនាំឈ្មោះ 

ញុះញង់អ្នកធំ ។

 
កុំស្តាប់អ្នកតួច      បើឃើញគ្នាខួច

កូចគិតប្រមុំ        ទោសគ្នាតិចតួច

ផ្តួចឡើងជាធំ       ផ្សែងពូតជាដុំ

ផ្តុំឆេះជាភ្លើង ។

 
តាំងពីឆ្នាំច       ចាំជាដំណ

ទំនិញឡើងថ្លៃ     ចងក្បិនអោយតឹង

ប្រឹងកុំសំចៃ       សញ្ជឹងយប់ថ្ងៃ

កុំអោយក្រខ្សត់ ។

 
បើចង់ស្រាលខ្លួន    រៀនសួត្រអោយមួន

អោយមាំអោយស្ទាត់  កុំចេះស្ទាក់ស្ទើរ

ល្ងីល្ងើឥតបទ       បើចេះប្រាកដ

ប្រាក់រត់តាមហៅ​។

 
កុំថ្មមកំលាំង     កាប់ជីកចូកចាំង

កុំថារងាក្តៅ      រៀនអ្វីអោយឆ្អិន

កុំអោយខ្លោចឆៅ   កុំដេកតែខ្លៅ

ក្រក្រៅសណ្តាប់ ។

​