ព័ត៌មានដើមស្វាយ

កំណាព្យ

    គុណម៉ែតាំងតែគភ៏ចាប់ផើ្តម      ទ្រំពរពោះផើមទ្រំលំបាក
    ដេកដើរដូចរោគតាមឥតស្រាក    ទម្រាំកូនចាកចេញពីផៃ្ទ ។
    ពេលឆ្លងទន្លេម៉ែឈឺខ្លាំង​​​​​​​​​​​​​​        ចិត្តតាំងកាយប្រឹងព្រមដោយភ័យ
    មិនដឹងយ៉ាងណាចិត្តមមៃ       នឹកភ័យក្រែងកូនសូន្យសង្ខារ។
    លុះកូនបានកើតជាទារក        ម៉ែថើបជញ្ជក់សព្វកាយា
    បីបមថ្នាក់ថ្នមពេញហត្ថា        មេតាប្រែឈាមជាទឹកដោះ។
    នៅពេលកូនឈឺម៉ែរក្សា        បីផ្ទប់ឪរាដោយចិត្តស្មោះ
    កូនឈឺម៉ែភ័យមុខស្លាំងអស់     មិនសម្រាន្តសោះវាស់ៗព្រឹក។
    នៅពេលកូនជាម៉ែសប្បាយ      ចិត្តម៉ែមិនណាយមានតែនឹក
    ឃ្លាតឆ្ងាយបន្តិចចិត្តវរវឹក        រលឹករកកូនវិលវិះភ្លាម ។
    អង្គុយកកិលក្រោកឈរដើរ      ទៅតាមដំណើរម៉ែព្យាយាម
    ខំបង្ហាត់កូនដោយមិនទាប      ក្នុងនាមជាគ្រូឧត្តមក្រៃ ។
    ជុះនោមហូបចុកស្លៀកដណ្តប់    ចំពោះចេះសព្វប្រចាំថ្ងៃ
    សម្តីភាសាមាយាទថ្លៃ         កូនកុំសង្ស័យក្រែងឥតគ្រូ ។
    កូនចេះមួយមុខម៉ែអរម្តង       អួតប្រាប់អ្នកផងមិនចាំយូរ
    ម៉ែនឿយយ៉ាងណាមិនគិតគូរ    បន្ធូរកង្វល់ដោយថ្ពាល់កូន ។
    កូនធំបន្តិចបែបរាងរឹង         កូនខ្លះទទឹងអាងជីដូន
    ម៉ែខឹងអន់ចិត្តមុខស្រពោន      វាយកូនរួចគិតអាណិតក្រោយ។
    កូនល្្អម៉ែសុខក្រៃកន្លង       បានដូចម៉ែផ្សងសូមអំណោយ
    ដូចបានកែវទិព្វទេវតាអោយ    ឬដូចបានអោយសុខសួគា៏។
    ពេលកូនបានសុខម៉ែសុខផង   ពេលកូនបានហ្មងម៉ែពុំជា
    កូនក្រលំបាកម៉ែរងារ         គ្រប់គ្រាម៉ែគិតកូនប្រុសស្រី ។
    កូនខូចអាក្រក់ក្នុងភូមិឃុំ       គេគុំគេស្អប់សព្វសាយសុស
    ម៉ែដឹងប្រាកដងថាកូនខុស      តែម៉ែបន្តោសប្រោសប្រណី។
    ម៉ែគឺជាព្រះរបស់កូន          ជាក្បូនជីវិតមនុស្សប្រុសស្រី
    ម៉ែមានគុណធ្ងន់ហួសពោលស្តី   គ្មានអី្វជំនួសម៉ែបានឡើយ។

ដូចនេះ យើងទាំងអស់គ្នា ត្រូវតែគិតថា ម៉ែមានគុណធ្ងន់ខាំ្លណាស់ ដែលពួកយើងទាំងគ្នាត្រូវមានតែយល់អោយបាន
ច្បាស់ អំពីគុណរបស់គាត់។ ម៉ែមាន​គុណធ្ងន់លើសប្រថពី មានន័យថា ធ្ងន់ជាងអី្វៗទៅទៀត ដែលយើងមិនអាចប្រៀបផ្ទឹមបានឡើយ។ ​ ម៉ែមានគុណតាំងពីដែលទារកចាប់កំណើត ត្រង់ថា នៅខែទី ១​ ២
ទារកប្រៀបបានដូចដុំ តូចមួយ ខែ ទី៣​ ៤ទារកដូច ដុំថ្មមួយដែលមានទម្ងន់ធ្ងន់បន្ទិច ខែទី ៥​ ៦ទារកចាប់ផ្តើមលូតលាស់អវជីវ ដូចជា ដៃ ជើង ក្បាល ដងខ្លួន​ និងជាច្រើនទៀត​ ហើយក៏ជាខែមួយដែល ទារក ធើ្វចលនា រើបម្រាស់ ពេលនោះអ្នកម្តាយឈឺយ៉ាងខ្លាំង តែគាត់ខំអត់ ដោយព្យាយាម ​ក្នុងពេលនោះអ្នកម្តាយហាក់បីដូចជាមានអាការះពិបាក ត្រង់ថា ពិបាកដើរ អង្គុយ ឈរ ដេក ហើយការញាំអាហារវិញ គឺមានការពិបាកខ្លាំង អាហារណាដែលយើងចង់ញាំមិនធអាចញាំបាន​ អាហារធ្លាប់ញាំពីមុនឥឡូវមិនអាចញាំ នេះជាហេតុមួយដែលពីបាកនិងធ្វើ។​ ខែទី ៧ ៨ ជាខែមួយដែលទារកមានសាពាង្គកាយគ្រប់គ្រាន់​ មានទម្ងន់ធ្ងន់ជាងមុន​ ខុសពីធ្មមតា ។ ជាពិសេស គឺខែទី ៩ ជាខែដែលសំខាន់ជាគេបំផុត ដែលជាខែដ៏គ្រោះថា្នក់ ទៅដល់អាយុជីវិត គឺជាខែឆ្លងទន្លេ យើងក៏អាចហៅបានថា សម្រាលកូន​ ក្នុងពេលនោះអ្នកម្តាយបាមលះបង់ជាច្រើន ក៏ប៉ុន្តែមានការលំបាកយ៉ាងណា មានគ្រោះថ្នាក់យ៉ាងាណាក៏អ្នកម្តាយ មិនត្អួញត្ែអ ហើយនិង មួយទៀតនោះ អ្នកម្តាយមិនគិតទៅដល់ខ្លួនឯនោះទេ អោយតែកូនកើតមកមានសុវត្តិភាព ។ ជាងនេះទៅទៀត ឈាមម្តាយបានក្លាយទឹកដោះ ដ៏ល្អបំផុត​ សម្រាប់កូនៗ ។