ព័ត៌មានដើមស្វាយ

 
   កុំខ្ជិលល្ងង់ខ្លៅពេក          អោយចេះដេកអោយចេះដើរ

   ចេញសព្វគ្រប់ប្រសើរ        កុំចង់ហើរហួសភាពខ្លួន ។

   ចង់ក្តីអោយរៀនច្បាប់        រស់នឹងស្លាប់អោយចេះក្បួន

   ចេះអ្វីចេះអោយមួន         កុំបន្លំផ្សំនឹងគេ ។

   កុំដេកចាំសំណាង          កុំក្អេងក្អាងចាំបុព្វេ

   ខំរកកុំទំនេរ              រេរៀនរិះចេះអោយគ្រប់ ។

   ជាតិមនុស្សទោះប្រុសស្រី     រាស្រ្តមន្រ្តីជាធម្មតា

   ពេលព្រឹកតែងឧស្សាហ៏      ថ្ងៃក្តៅល្អាខ្ជិលល្អិតឆ្អឹង ។

   ចង់ធំខំពីតូច              បើខ្លាចខួចកុំឆាប់ខឹង

   ការអ្វីអោយចេះថ្លឹង         កុំប្រឹងជុះតាមដំរី ។

   សំលឹងមើលអោយសព្វ      បើនឹងស្អប់កុំអាលបាញ់

   ក្តីឈ្នះគេចុះចាញ់          កុំក្នាញ់តាមផ្តនា្ទទៀត ។

   បើខឹងកុំរំលោភ            បើនឹងលោ្មភអោយល្មមមាត់

   កុំរមាស់ក្រែងភ្លាត់ស្នៀត      វាតហួសវង់ផុតគំនិត ។

   ដាំដូងអោយខំថែ           ចង់បានផ្លែអោយដុតគល់

   បើជួនសំណាងដល់         រវល់តែឆ្ងាញ់ពិសា ។

   ប្រាជ្ងប្រិតប្រៀនប្រដៅ       ចូរញាតិមិត្តពិចារណា 

   រំពឹងក្នុងប្រាជា្ញ            ស្រាយបញ្ហានេះអោយដឹង ។

   នេះច្បាប់កេរកាលថ្មី        អស់សេចក្តីតែប៉ុណ្ណឹង

   កូនប្រុសអ្នកខំប្រឹង         សំលឹងចាំតទៅមុខ ៕