ព័ត៌មានដើមស្វាយ

បទព្រហ្មគិត

---

 
  តែងជាបទព្រហ្មគិត         លើកដោយដិតតាមទំនង

  ដំណើរពីមុនហោង         អ្នកប្រាជ្ញលោកលើកមកស្រាប់​។

  .............         .....................
  កាលនោះអស្ចារ្យក្រៃ       មានក្សត្រថ្លៃដោយរាជា

  ស្តេចទ្រង់ព្រះនាមា        ហៅព្រះបាទវង្សអស្ចារ្យ។

  ស្តេចមានអំណាច​​​         សេពសោយរាជ្យដោយនួវធម៏

  គ្រប់គ្រងអស់រាស្ត្រណា     សឹងក្សេមដោយបារមី។

  ស្តេចមានវរជាយា         ទ្រង់នាមាទ័យវតី 

  ឆោមឆាយស្រស់សោភី     ជាច្បងច្បាស់អស់ស្នំផង ។    

  អនេកនូវបរិពារ          ស្រីស្រឹងា្គរឥតឯឆ្គង

  ស្រីស្រស់ទន់ទងវង       រៀបរាយរៀងបំរើនិត្យ។

  ព្រះមហាក្សត្រត្រកូល      ជាឥសូរអង្គឯក្សត្រ

  សឹងមហាប្រណិប័តន៏      ថ្វាយបង្គំឥតឯកឆ្គង។

  សឹងនាំភ្ញីប្រាក់មាស       ច្រើនដេរដាសដោយពណ៏ហោង      
  ក៏ថ្វាយនូវសួយផង       ជាប្រក្រតីពុំដែលអាក់​​​​​​​​​​​​​​​​​​​​។

  អនេកនូវទ្រព្យផង        រតន៏កែវកងនូវមាសប្រាក់
  ព្រំព្រែវិស័យចក្រ    ​​    ខៀនក្រឡាកាសាវ័ចន្ទន៏។

  អនេលនូវដុះរី           រថពាជីរាជយាន                
  ក្លឹង្គក្កស់នូវពិតាន        វាំងនននែបមាសមាលា។

  អនេកនូវរេហ៏ពល        ទាំងសកលសែនយោធា
  ខុនណាងមន្រ្តីត្រា        គ្រប់គ្រងគាល់ច្រើនក្រាស់ក្រៃ។

  ស្តេចមានព្រះរាជបុត្រ     ប្រុសពិសុទ្ធពិសេសក្រៃ   
  ប្រសើរព្រះនាមនៃ       ហៅព្រះកេតុមាលាហោង។

  រីព្រះរាជកុមារ          បុណ្យសំភារក្រៃកន្លង
  លឺសូរស័ព្ទសាយហោង    អស្ចារ្យកើតកាលនោះណា។

  កក្រើកដាលដូចដល់     សួគ៏សកលត្រៃត្រឹង្សា
  សម្តេចព្រះឥន្រ្ទា        បើកទិព្វចក្ខុមើលមកហោង។

  យល់ព្រះរាជកុមារ       មានសំភារក្រៃកន្លង
  ជៀងដាក់ជាច្បាស់ច្បង    លើសលែងលង់លើក្សត្រា។

  .............    ...................៕