ព័ត៌មានដើមស្វាយ

ច្បាប់កេរកាលថ្មី

     
  នេះបទព្រហ្មប្រាជ្ងប្រាយ​      ខ្ញុំអធិប្បាយលើកល្បត់ល្បង

  ប្រដៅកូនចៅផង           ចងជាច្បាប់ខុសនិងត្រូវ ។

  កត្តិកខ្នើតគ្នេរគ្នាន់           ក្នុងវស្សន្តរដួវ  

  ទឹកស្រែជន់លេចស្រូវ        នៅសំណល់សំណាបខ្ជី ។

  កេរកាលពីព្រេងព្រឹទ្ធ          ដើមគំនិតគិតលកលៃ

  ខ្ញុំលើកកេរកាលថ្មី            ចែងសេចក្តីជាបរមត្ត ។

  ក្នុងថ្ងៃពេញបូណ៏មី     ​      ម៉ោង៨ព្រលបើស្ងាត់

  ឆ្នាំចចក្វាក្សត្រ              ផាត់សករាជកន្លងឆ្ងាយ​​  ។

  សាសនាព្រះសមណ          បាន ២៤០០ បា្លត

  ៦៥ចាំចាយ                ចាត់អធិប្បាយពីខុសត្រូវ ។

  កូនអើយពាក្យឪពុក          ជាទំនុកទំនើបថ្មី 

  អភិប្រាយរាយបាលី          ឪពុកស្តីអោយកូនស្តាប់​​  ។

  គួរស្តាយកេរ្តិ៏ម៉ែឪ            កិរិយាត្រួវអោយខំត្រាប់

  កិរិយាណាខុសច្បាប់         គួរក្រលាប់ក្រលាស់ចោល ។

  ម្តាយឪពុកនឹងកូន           បីដួចខ្លួននិងស្រមោល

  ឃើញខុសកុំដេញដោល       កុំថ្កោលទោសអ្នកមានគុណ ។

  ល្ងង់ខ្លៅត្រូវតែសួរ           ពាក្យអោយគួរកុំអោយស៊ុន 

  យកពាក្យផ្អែមជាមុខ         ទន់លំទោនអោនប្រណិប័តន៏ ។

  ទោះម៉ែឪស្លួតកាច           គួរតែខ្លាចត្រួវប្រតិប័តន៏ 

  ម្តាយជេរពីរបីមាត់           គួរតែស្ងាត់ស្ងៀមអោយឈឹង ។

  ប្រដៅត្រូវតែស្តាប់           យកតំរាប់កុំទទឹង

  ម្នោម្នះចចេសរឹង            នឹងហើយហៅកូនសេសកម្ម ។

  ............           ............ ។
  ​​ជាតិមនុស្សទោះខ្ពស់ទាប     មិនចោលភាពពីម៉ែឪ

  ពាក្យមនុស្សវែងជាផ្លួវ        ស្រូវច្រើនខូបខូចអង្ករ  ។

  របស់ទ្រព្យថោកថ្លៃ          ទុកសំចៃលៃអោយល្អ

  អងអាងពាងក្រឡ           ត្រដរទិញកុំអោយខ្វះ ។

  កើតមកខ្លួនជារាស្រ្ត         ក្រប្រាក់មាសអោយមានខ្ញាស

  សារពើគ្រឿងប្រើប្រាស់       អោយមានចាស់អោយមានថ្មី ។

  ពូថៅដឹងកាំបិត            ពន្លាកខ្វិតចបវែងខ្លី 

  ខ្សែសេះគោក្របី           ឬស្សីផ្តៅកាច់សង្រែក ។

  ការងាយកុំអោយក្រ         អាក្រក់ល្អមានដោយឡែក

  ថ្ងៃនេះរបេះបាក់បែក         ស្អែកខំរើធើ្វអោយឆាប់ ។

  ឈ្មោះការប្រើលើដី          កុំចាំស្រីតឿប្រើប្រាប់ 

  អោយមានគ្រប់ប្រដាប់        សម្រាប់រាល់អោយសល់ប្រើ​​​​  ៕
  កុំខ្ជិលល្ងង់ខ្លៅពេក          អោយចេះដេកអោយចេះដើរ

   ចេញសព្វគ្រប់ប្រសើរ        កុំចង់ហើរហួសភាពខ្លួន ។

   ចង់ក្តីអោយរៀនច្បាប់        រស់នឹងស្លាប់អោយចេះក្បួន

   ចេះអ្វីចេះអោយមួន         កុំបន្លំផ្សំនឹងគេ ។

   កុំដេកចាំសំណាង          កុំក្អេងក្អាងចាំបុព្វេ

   ខំរកកុំទំនេរ              រេរៀនរិះចេះអោយគ្រប់ ។

   ជាតិមនុស្សទោះប្រុសស្រី     រាស្រ្តមន្រ្តីជាធម្មតា

   ពេលព្រឹកតែងឧស្សាហ៏      ថ្ងៃក្តៅល្អាខ្ជិលល្អិតឆ្អឹង ។

   ចង់ធំខំពីតូច              បើខ្លាចខួចកុំឆាប់ខឹង

   ការអ្វីអោយចេះថ្លឹង         កុំប្រឹងជុះតាមដំរី ។

   សំលឹងមើលអោយសព្វ      បើនឹងស្អប់កុំអាលបាញ់

   ក្តីឈ្នះគេចុះចាញ់          កុំក្នាញ់តាមផ្តនា្ទទៀត ។

   បើខឹងកុំរំលោភ            បើនឹងលោ្មភអោយល្មមមាត់

   កុំរមាស់ក្រែងភ្លាត់ស្នៀត      វាតហួសវង់ផុតគំនិត ។

   ដាំដូងអោយខំថែ           ចង់បានផ្លែអោយដុតគល់

   បើជួនសំណាងដល់         រវល់តែឆ្ងាញ់ពិសា ។

   ប្រាជ្ងប្រិតប្រៀនប្រដៅ       ចូរញាតិមិត្តពិចារណា 

   រំពឹងក្នុងប្រាជា្ញ            ស្រាយបញ្ហានេះអោយដឹង ។

   នេះច្បាប់កេរកាលថ្មី        អស់សេចក្តីតែប៉ុណ្ណឹង

   កូនប្រុសអ្នកខំប្រឹង         សំលឹងចាំតទៅមុខ ៕