គង់ ចាន់រដ្ឋា អន់ចិត្តនឹង ខ្លួនឯង ពេលឡើងគីឡូ

ប្រភពពី camnews.com.kh

ភ្នំពេញ៖ គង់ ចាន់រដ្ឋា បច្ចុប្បន្ននេះ ត្រូវបានគេដឹងថា នាងកំពុងតែស្នាក់នៅសម្តែង លើទឹកដី ប្រទេសមហាអំណាច លោក បារ៉ាក់ អូបាម៉ា ជាមួយនឹងភាពជោគជ័យខ្លាំង ក្រោយពេល តារា ស្រីរូបនេះ បានចាកចេញ ពីកម្ពុជាកាលពីអំឡុងចុង ខែមីនា ឆ្នាំ២០១៤ កន្លងមកនេះ។

ជាការកត់សម្គាល់ ចាប់តាំងពី កញ្ញា គង់ ចាន់រដ្ឋា បានទៅដល់ និងស្នាក់នៅច្រៀង លើដីសហ រដ្ឋអាមេរិក អស់មួយ រយៈមកនេះ តែងមានព័ត៌មានថា នាងត្រូវបានការយកចិត្ត និងគាំទ្រខ្លាំង ពីសំណាក់បងប្អូនខ្មែរ រស់នៅទីនោះ ចំពោះ អត្តចរិតរួសរាយ រាក់ទាក់មិនឆ្មើងឆ្មៃ ពីសំណាក់ តារាចម្រៀង របស់ខ្មែរ នាង គង់ ចាន់រដ្ឋា។ មិនតែប៉ុណ្ណោះ ដោយសារ ការស្រឡាញ់ រាប់អាន ខ្លាំង រដ្ឋា ក៏តែងទទួលបានការ អញ្ជើញចូលរួម ក្នុងកម្មវិធីជប់លៀង នៅតាមហាង និងតាម គេហដ្ឋាន ទៀតផង។

យ៉ាងណាក្តី ដោយសារតែការជោគជ័យ បូករួមនឹងការសប្បាយចិត្ត នៅលើទឹកដីប្រទេស អាមេរិក រហូតធ្វើឲ្យតារាចម្រៀង គង់ ចាន់រដ្ឋា ភេ្លចគិតទៅដល់ការថែរក្សារាង បណ្តោយខ្លួន ឲ្យឡើងទម្ងន់រហូតដល់៤គីឡូ បន្ថែមទៀត ព្រោះតែការញ៉ាំ អាហារច្រើនពេក។

ឆ្លើយឆ្លងគេហទំព័រ LookingTODAY តាមសារអេឡិចត្រូនិច នៅរសៀលថ្ងៃទី១៦ ខែមិថុនា ឆ្នាំ ២០១៤ នេះកញ្ញា គង់ ចាន់រដ្ឋា បានប្រាប់ឲ្យដឹងថា សម្រាប់ការងារ និងសុខភាពរបស់នាង មិនមានបញ្ហាអ្វីទេ ។ ប៉ុន្តែនាងពិបាកចិត្ត ព្រោះឡើងគីឡូ ច្រើនពេក។ គង់ ចាន់រដ្ឋា បានបន្តថា មូលហេតុនាំឲ្យនាងឡើងទម្ងន់ ព្រោះនៅទីនោះ មានភាពត្រជាក់ ហើយធ្វើឲ្យនាងញ៉ាំ អីក៏ ឆ្ងាញ់ និងបានច្រើន។ ម្យ៉ាងទៀត មកពីនាងសប្បាយចិត្ត ព្រោះបងប្អូននៅទីនោះ ចាប់អារម្មណ៍គាំទ្រច្រើន មកលើខ្លួន។

តារាចម្រៀងកញ្ញា គង់ ចាន់រដ្ឋា បានចាកចេញពីស្រុកខ្មែរ ទៅចម្រៀង និងសម្តែងនៅ សហ រដ្ឋអាមេរិក កាលពីអំឡុងចុង ខែមីនា ឆ្នាំ២០១៤តាមរយៈប្រធាន សមាគមខ្មែរ នៅទីនោះ ជា អ្នកធានាចេញទៅ។ បើតាមគម្រោង គឺតម្រូវឱ្យ នាងស្នាក់ នៅទីនោះ រយៈពេល៣ខែ ទើប វិលត្រឡប់ មកស្រុកខ្មែរវិញ៕

Read more...

ចាន់ កែវនិមល មិន​ចង់​រស់ ឱប​ទ្រព្យក្ដៅ​ក្រហាយ

ប្រភពី Khmerload.com 

ភ្នំពេញ៖ អស់រយៈពេលបី សប្ដាហ៍មកហើយ ការប្រគំតន្រ្តី វីខនសឺត បានដំណើរការ តាមខេត្តក្រុងនានា ក្នុងប្រទេសកម្ពុជា ក្នុងនោះ រួមមានខេត្ត កំពង់ចាម ខេត្តសៀមរាប និង ខេត្តបាត់ដំបង មានព្រឹត្តិការណ៍ប្លែកៗ ជាច្រើនបានកើតឡើង ក្នុងការប្រគំតន្រ្តី ដូចជា តារាចម្រៀងល្បីៗ មកច្រៀងក្នុងបទចម្រៀងតែមួយ មានការំឭកឡើងវិញ នូវបទចម្រៀងល្បីល្បាញ របស់តារាចម្រៀងទាំងនោះ ជាដើម។ ក្នុងនោះគេក៏សង្កេតឃើញ វត្តមានពីធីការិនីមួយរូប ដែលមានសំនួន វោហាស័ព្ទ មិនចេះរីងស្ងួត ខណៈទស្សនិកជនជាច្រើន មិនទាន់ស្គាល់ថា ជានរណា មកពីណា? ហេតុអ្វី ក៏មានវត្តមាន លើកញ្ចក់ទូរទស្សន៍ ហង្សមាស ទៅវិញ ។

ពិធីការិនីសម្បូរសំនួន វោហាស័ព្ទ និងរូបសម្រស់ស្រស់ សោភាម្នាក់នេះ មានឈ្មោះថា ចាន់ កែវនិមល មិនមែនទើបតែប្រឡូកសិល្បៈ ក្នុងរយៈពេលខ្លីទេ គឺនាងបានប្រឡូក ក្នុងសិល្បៈ តាំងពីឆ្នាំ២០០៩មកម្ល៉េះ ប៉ុន្តែកាលនោះ នាងជាពិធីការិនីមួយរូប នៅស្ថានីយទូរទស្សន៍ អប្សរា ។ ក្រោយមកក៏បានធ្វើតេស្ត ជាប់នៅទូរទស្សន៍ ហង្សមាស ខណៈកម្មវិធីដំបូងរបស់នាង គឺ "តន្រ្តីពិសេស" និងជាកម្មវិធីប្រគំតន្ត្រី ដំបូងបំផុត របស់ទូរទស្សន៍ ហង្សមាស ។

អ្វីដែលគួរឲ្យភ្ញាក់ផ្អើល សម្រាប់នាង ក៏ព្រោះតែពិធីការិនីវ័យក្មេងនេះ មិនមែនជាស្ត្រីនៅលីវទេ គឹនាងមានប្ដី និង កូនធំជិតទន្ទឹមខ្លួនទៅហើយ ប៉ុន្តែបើក្រឡេកមើលរូបរាង របស់អ្នកនាងវិញ គឺស្អាតជាងក្រមុំទៅទៀត ។ ទស្សនិកជនខ្លះ រឹតតែមិនជឿថា ចាន់ កែវនិមល មានគ្រួសារហើយ ពោលស្មានតែអ្នកនាងកុហក ។ កន្លងមក ក៏មានបុរស សម្បូរដុំដុល្លារ ចូលចែចង់អ្នកនាងដែរ ព្រោះមិនបានដឹងថា មានគ្រួសារ ស្រាប់តែអ្នកនាង និមល តបតវិញយ៉ាង សមរម្យថា អ្នកនាងមានប្ដីហើយ ។

នាង ចាន់ កែវនិមល បាននិយាយប្រាប់ LookingTODAY ថា នាងមិនខ្លាចនឹងប្រាប់គេថា អ្នកនាងមានកូន និងប្ដីនោះទេ ព្រោះសិល្បៈគឺ និយាយពីសមត្ថភាព មិនមែនរឿងអ្វីផ្សេង ព្រោះមនុស្សម្នាក់ៗ សុទ្ធតែមានជីវិតឯកជនរៀងៗខ្លួន ។ ចាន់ កែវនិមល បន្តថា ធ្វើការងារ សិល្បៈព្រោះតែស្រឡាញ់ មិនមែនដើម្បីលាភសក្ការៈ នាងជាមនុស្សស្រឡាញ់សេចក្ដីថ្លៃថ្នូរ ។ រាល់ថ្ងៃពិតជា មានសុភមង្គល ជាមួយ ក្រុមគ្រួសារ ពិសេសស្វាមីអ្នកនាង បានផ្គល់ភាពកក់ក្ដៅ ដល់ក្រុមគ្រួសារមួយនេះ នឹងកូនស្រីដ៏គួរឲ្យស្រឡាញ់ ជាចំណែកមួយ នៃសុភមង្គល ដ៏ពិតប្រាកដ ។ ចាន់ កែវនិមល មិនត្រូវការអ្វីផ្សេងទៀតទេ ព្រោះជាទ្រព្យក្ដៅក្រហាយ មិនសប្បាយចិត្ត នឹងប្រើប្រាស់ ទ្រព្យអ្នកដទៃឡើយ ។

អ្នកនាង ចាន់ កែវនិមល មិនត្រឹមតែជាពិធីការិនី សម្បូរសំនួន វោហាស័ព្ទទេ នាងក៏ជាអតីតនិស្សិតម្នាក់ បានបញ្ចប់ការសិក្សា នៅសាកលវិទ្យាល័យ ន័រតុន ផ្នែកគូរប្លង់ ។ ចាន់ កែវនិមល ក៏មានមុខជំនួញនាំចូល គ្រឿងសំអាង គឺអាមេរិកផ្ទាល់ មកស្រុកខ្មែរ ។ ពិសេសអ្នកនាងកំពុងតែ រស់នៅក្នុងវីឡាដ៏ស្កឹមស្កៃ នៅស្ទឹងមានជ័យ ដែលមើលទៅ នាងជាពិធីការិនីម្នាក់ មានសុភមង្គលខ្លាំងណាស់ ។ ផ្ទុយពីពិធីការិនីខ្លះ រស់នៅជាមួយភាពហ៊ឺហារ ប៉ុន្តែក្នុងចិត្តបង្កប់ ដោយរឿងភ័យខ្លាច ៕

Read more...

ឆយី ព្រលែង​ដើមទ្រូង​ម៉ា​ឈ្នះ​ដៃ..! អង្រួន​អារម្មណ៍​ប្រុសៗ ឲ្យ​ឈ្លក់​វង្វេង នៅ​អូស្រ្តាលី

ប្រភពពី Camnews.com.kh : ភ្នំពេញៈ កន្លងមកតារាសម្តែង ឆយី ធ្លាប់ត្រូវព្រនង់ នៃការការរិះគន់ ពីសំណាក់មហាជន ទៅ
លើការស្លៀកពាក់សិចស៊ី បញ្ចេញសាច់ដើមទ្រូងសរខ្ចី កាលពីអំឡុងពេលនាង ទៅចូលរួមកម្ម
វិធី "អាណាចក្រតារា" ដែលកាលនោះ នាងបានបង្ហាញខ្លួនជាមួយ ឈុតពណ៌ក្រហម ឆ្លុះសាច់
សរខ្ចី បញ្ចេញសាច់ដើមទ្រូង ទ្រលុកទ្រលន់ ធ្វើឲ្យទស្សនិកជនរិះគន់ នាងយ៉ាងចាស់ដៃ ។
ចាប់តាំងពីពេលនោះមក នាងបានក្លាយជា តារាស្រីមួយដួង ជាសញ្ញាព្រួញ សម្រាប់ទស្សនិក
ជន សម្លឹងមើលក្នុង ការស្លៀកពាក់ ហើយម្តងជាពីរដង គេហាក់ឃើញនាង មិនអើពើនឹង ការ
រិះគន់ទាំងអស់នោះទេ គេនៅតែឃើញបង្ហាញ ការសិចស៊ីដដែលៗ មិនដាច់ទាល់តែសោះ។
នេះមិនមែនជាលើកទី១ទេ ដែលតារាស្រីធ្មេញជំពើស ឆយី ទទួលរងការរិះគន់ ពីទស្សនិកជន
ដែលធ្លាប់ស្រឡាញ់ និងគាំទ្រនាង ជាក់ស្ដែងនៅពេលថ្មីៗនេះ គេបែរជាឃើញ នាងបង្អួតសាច់
ដើមទ្រូង ស្លៀកពាក់បញ្ចេញល្វែងខាងលើ ចំហរដើមទ្រូងមូលក្បំតឹងណែន ធ្វើឲ្យក្រសែភ្នែក
បុរសៗជាច្រើន សម្លឹងមើលមិនដាក់ភ្នែក និងធ្វើឲ្យទស្សនិកជនជាច្រើន នៅតែបន្តរិះគន់ មិន
ពេញចិត្តយ៉ាងខ្លាំ ងទៅលើនាង អាចចេតនាផ្គើន នឹងមហាជនទៀតផង ។
រូបថតជាច្រើនសន្លឹក របស់ កញ្ញា ឆយី បានបង្ហោះជាសាធារណៈ ពេលសម្តែងខនសឺត នៅ
លើទឹកដីអូស្ត្រាលី និងក្រុមការងារ ហើយនៅក្នុងនោះ គេសង្កេតឃើញថា ក្នុងចំណោមតារា
ស្រីទាំង៣ដួង ស្រីស្រស់ ឆយី មានភាពលេចធ្លោខ្លាំងជាងគេ ត្រង់ការបញ្ចេញសាច់ដើមទ្រូង។
កន្លងមកគេធ្លាប់ នៅចាំបានថា ធ្លាប់មានតារាស្រីមួយដួង បានធ្លាក់ប្រជាប្រិយភាព និងបាត់បង់
ឱកាស បង្ហាញមុខនៅលើកញ្ចក់ ទូរទស្សន៍ ដោយសារតែការបញ្ចេញ ភាពសិចស៊ី ជ្រុលមួយ
ពេល ខណៈនាងចេញទៅ សម្តែងនៅក្រៅប្រទេស ។ ពេលនេះគេសង្កេតឃើញ មានតារាស្រី
មួយ ដួងទៀតហើយ គឺ កញ្ញា ឆយី កំពុងតែត្រូវបាន មហាជនរិះគន់ បន្តបន្ទាប់មិនដាច់ ៕

Read more...

គៀត សុវណ្ណាឡាង លេចពន្លឺស្នេហ៍កូន ថៅកែធំសម្បូរទ្រព្យ

ប្រភព Lookingtoday : ភ្នំពេញ៖  កញ្ញា គៀត សុវណ្ណាឡាង ជាតារាសម្តែងស្រី ដែលបានវិវឌ្ឍន៍ខ្លួន ក្លាយជាតារា
ចម្រៀង ជ្រកក្រោមដំបូល ផលិតកម្មភ្លេងរីខត ហើយត្រូវបាន មហាជនមើល ឃើញថា នាង
ជាតារាច្រៀង ស្រីមួយដួង ដែលមានភាពលេចធ្លោ ទាំងរូបសម្បត្តិ និង ប្រជាប្រិយភាព ។ 
ម្យ៉ាងទៀតនាង ក៏ជាតារាស្រីវ័យក្មេង មានការគាំទ្រ ពីទស្សនិកជន គ្រប់ស្រទាប់វណ្ណៈ ទៀត
ផង។

ស្របពេលជាមួយគ្នា នឹងកេរ្តិ៍ឈ្មោះ កំពុងតែបោះជំហាន ល្បីទៅមុខជាបណ្តើរៗ តាមរយៈ
នៃបទចម្រៀង នៅក្នុងផលិតកម្មភ្លេងរីខត នេះ កញ្ញា គៀត សុវណ្ណាឡាង ថ្មីៗនេះ ក៏ស្រាប់
តែ មានប្រភពមួយ ដែលជិតដិតបាន បង្ហើបព័ត៌មានថា តារាចម្រៀងស្រី រូបនេះ កំពុងតែ
មានភាពស្និទ្ធស្នាលប្លែក ជាមួយនឹងបុរសម្នាក់ ដែលគេដឹងថា ជាកូនថៅកែធំ មានទ្រព្យស្តុក
ក្នុងស្រុកម្នាក់។

ផ្អែកតាមប្រភពព័ត៌មានមួយ នៅក្បែរ កញ្ញា គៀត សុវណ្ណាឡាង បានលួចបង្ហើបប្រាប់ឲ្យដឹង
ថា មួយរយៈនេះ គេសង្កេតឃើញ គៀត សុវណ្ណាឡាង បែរជាទៅមាន ភាពស្និទ្ធស្នាលប្លែក 
ជាមួយនឹងបុរសម្នាក់ ដែលមានវ័យ ស្របាលគ្នានឹងនាង ហើយភាពស្និទ្ធស្នាលនេះ ប្រហែល
ជាអ្នកទាំងពីរ មានទំនាក់ទំនងស្នេហា ជាមួយគ្នាហើយមើលទៅ។

ប្រភពខាងលើ បាននិយាយទៀតថា ភាពស្និទ្ធស្នាល រវាង គៀត សុវណ្ណឡាង និងបុរសវ័យ
ក្មេងម្នាក់នោះ មើលទៅទើបនឹងបាន ចាប់ផ្តើមឡើង ក្នុងពេលថ្មីៗនេះទេ។ ម្យ៉ាងទៀតបើគេ
សង្កេតមើល លើទំនាក់ទំនង របស់អ្នកទាំង កំពុងស្ថិតក្នុងដំណាក់កាល នៃស្វែងយល់ចិត្តគ្នា ។
ប្រភពដដែលនេះ បានបន្តថា ជារឿយៗគេឧស្សាហ៍ ឃើញអ្នកទាំងពីរដើរ ទៅណាមកណា
ជាមួយគ្នា ហាក់ដូចជា កំពុងតែផ្តល់ឱកាស និងពេលវេលា សម្រាប់ឲ្យស្វែងយល់ លើចិត្ត 
និងអត្តចរិកពីគ្នា ទៅវិញទៅមកទៀតផង។

ជុំវិញនឹងព័ត៌មាន លេចឮនេះ គេហទំព័រ Looking TODAY បានព្យាយាមទាក់ទង ដើម្បីសុំការ
បំភ្លឺឲ្យ បានច្បាស់ពីកញ្ញា គៀត សុវណ្ណាឡាង ប៉ុន្តែមិនទាន់ អាចទាក់ទងទេ កាលពីរសៀល
ថ្ងៃទី២២ ខែសីហានេះ ។ ដូច្នេះ Looking TODAY រង់ចាំការចេញមុខ មកបកស្រាយ ពីសំណាក់
កញ្ញា គៀត សុវណ្ណាឡាង នៅពេលក្រោយ ដោយក្ដីរីករាយ៕

Read more...

ភោ សុផានិត បាយបាយ ពីទ្រនំហង្សមាសស្ងាត់ៗ

ប្រភព​ Camnews.com.kh : ភ្នំពេញ៖ អតីតពិធីករ ល្បីល្បាញរបស់ស្ថានីយទូរទស្សន៍ ស៊ីធីអិន ដែលមានសំនួនវោហា
ស័ព្ទមិនចេះរឹងស្ងួត លោក ភោ សុផានិត បានលោតចូលស្ថានីយទូរទស្សន៍ ហង្សមាស ព្រោះ
លោកបានលាឈប់ពី ស៊ីធីអិន ដើម្បីបំពេញកាងារមួយចំនួន រួចក៏ធ្វើជា ពិធីករនៅ ស្ថានីយ
ទូរទស្សន៍មួយ នៅសៀមរាប និងក៏ជាម្ចាស់ភាគហ៊ុន មួយចំណែកផងដែរ ។ បន្ទាប់ពីវិលពី
សៀមរាបវិញ លោកហក់ចូល ហង្សមាស ដោយសារលោកធ្លាប់ជាពិធីករ ឲ្យផលិតកម្មចម្រៀង
ដ៏ធំនេះ ក្នុងកម្មវិធី ប្រគំតន្រ្តីនានា មុនពេលហង្សមាស បើកជាទូរទស្សន៍របស់ខ្លួន។

ពីធីករសម្ដីផ្អែមស្ទើរ តែស្រមោចរោម ភោ សុផានិត កំពុងតែរងពាក្យល្បីល្បាញថា ពេលនេះ
លោកក៏បានរៀបបង្វេចចាកចេញពី ហង្សមាស រួចបាត់ទៅហើយ ។ កម្មវិធី "វិមានសុបិន" 
ដែលជាកម្មវិធីប្រគំតន្រ្តី បែបជំនាន់បារាំង ដែលលោកជាពិធីករ ត្រូវបានជំនួស ដោយលោក
ញ៉ែម សុគន្ធ។ ចំណែកកម្មវិធី "រដូវរីករាយ"វិញ គឺត្រូវលុបចោលតែម្ដង ។

ប្រភពពីស្ថានីយទូរទស្សន៍ ហង្សមាស បាននិយាយថា លោក ភោ សុផានិត បានបាយៗ ពី
ស្ថានីយទូរទស្សន៍ ហង្សមាស បាត់ទៅហើយ.. ក្រោយពីលោកមិនសូវទទួលបានកម្មវិធីអ្វី
លេចធ្លោរ ។ លោក ភោ សុផានិត មិនមានជំលោះឬ អាក់អ ន់ស្រពន់ចិត្តជាមួយ អ្នកណាទេ 
តែលោក ភោ សុផានិត គាត់រវល់ជាមួយ ការងាររដ្ឋច្រើនជាង ព្រោះគេដឹងថា ក្រៅពីការងារ
សិល្បៈ លោកជាមន្ត្រីរាជការនៅក្នុងក្រសួងមួយ ។

នៅថ្ងៃកម្មវិធី "អាណាចក្រតារា" ក៏សង្កេតឃើញវត្តមានលោកចូលរួមនឹងគេដែរ ដែលបង្ហាញ
ថាលោកនៅស្រឡាញ់សិល្បៈ នៅមិនអាចឆ្ងាយពីសង្គមនេះបានទេ។ តែមិនទាន់ប្រាកដថា 
លោកនឹងមានវត្តមាន លើស្ថានីយទូរទស្សន៍ថ្មីណាមួយឲ្យប្រាកដឡើយ។

នៅថ្ងៃច័ន្ទនេះ LookingTODAY មិនអាចសុំការបំភ្លឺ ពីលោក ភោ សុផានិត បានទេ ខណៈដែល
ទូរស័ព្ទលោក មិនអាចទាក់ទងបាន..៕

Read more...

ក្រចកពណ៌ក្រហមក្រមៅ ជួយកំចាត់ភាពរងា ក្នុងរដូវរំហើយ

អ្នកស្រឡាញ់ពណ៌ក្រមៅ និងតែងចូលចិត្តផ្លាស់ប្ដូរពណ៌ក្រចកដ៏គួរឱ្យពេញចិត្តរបស់ខ្លួន ដូច្នេះ
នៅក្នុងរដូវរំហើយ ឆ្នាំ ២០១៣ ចូរសាកល្បងទទួលបទពិសោធជាមួយពណ៌ក្រហមក្រមៅដ៏ទាក់
ទាញ!

មិនត្រឹមតែកៀបសង្កត់លើប្រភេទពណ៌ផ្សេងៗ ក្នុងកម្រងម៉ូដែលក្នុងរដូវរំហើយ  និងរដូវរងាឆ្នាំ 
២០១៣ ពណ៌ក្រហមក្រមៅ (ពណ៌ឈាមជ្រូក) ក៏ថែមទាំងត្រូវបានក្រុមអ្នកឯកទេសផ្នែកតុបតែង
សម្រស់ និងរចនាក្រចក យកមកធ្វើជាពណ៌គោល នៅក្នុងការគូស និងលាបក្រចក ក្នុងនោះ គេ
ឃើញពណ៌ក្រហមក្រមៅត្រូវគេប្រើ ស្ទើរតែ ១០០% ។

មូលហេតុដែលទទួលបានការពេញចិត្តពីក្រុមអ្នករចនាក្រចក និងពិភពអ្នកនិយមម៉ូដែលក្រចក
គឺដោយសារតែពណ៌ក្រហមក្រមៅ ជួយឱ្យគេមានអារម្មណ៍ថា កក់ក្ដៅក្នុងរដូវរំហើយដែលមាន
ខ្យល់ខ្លាំង និងរដូវរងាត្រជាក់កាយ។

ប្រសិនចូលចិត្តការរចនាក្រចកដោយប្រើប្រាស់ពណ៌ក្រហមក្រមៅនេះ សូមទស្សនារូបភាពខាង
ក្រោម ៖

ប្រភពមកពី camnews.com.kh 

Read more...

ក្រលេកមើល Hot Boy របស់អាស៊ី ដែលល្បីនៅអាមេរិច

ទស្សនិកជន ធ្លាប់បានទស្សនារួចមកហើយ អំពីបណ្តាតារាៗដែលជា Hot Girl និង Hot ប្រចាំ
វិស័យសិល្បៈ ក្នុងអាស៊ី និងអាមេរិចជាដើម ។ ថ្ងៃនេះ Camnews ក៏បានស្វះស្វែង រកបណ្តា
Hot Guy របស់អាស៊ី ដែលមានប្រជាប្រិយភាពនៅអាមេរិចម្តង មកចែកជូនទស្សនិកជន បាន
ទស្សនា ។

-Lee Byung Hun គឺជាតារាសំដែងរបស់ កូរ៉េ ដែលបានឡើងតំណែង ក្លាយជាតារាសំដែង
របស់អាស៊ីដែលល្បីជាងគេ ក្នុងឆាកអន្តរជាតិ បន្ទាប់ពីបានចូលរួមសំដែង នៅក្នុងភាពយន្ត
ខ្នាតធំ GI Joe : The Rise Of Cobra ជាមួយនិង Channing Tatum ហើយក៏បន្តសំដែងទៅ
ដល់រឿង GI Joe : Retaliation ។ Lee Byung Hun ក៏នឹងបង្ហាញមុខ នៅក្នុងរឿង Red 2 រួម
ជាមួយ Bruce Willis ផងដែរ ។

-Godfrey Gao គឺជាតារាម៉ូដែល លំដាប់កំពូលរបស់តៃវ៉ាន់ ដែលត្រូវបានគេចាប់អារម្មណ៍និង
ចាប់ផ្តើមល្បី ពេលដែលគាត់ ត្រូវបានម៉ាកសំលៀកបំពាក់ Luis Vuitton ហៅទៅធ្វើជាតារា
ម៉ូដែល ជាលើកដំបូង ។

-Steven Yeun គឺជាតារាសំដែងភាពយន្ត ដែលកើតនៅកូរ៉េ តែធំដឹងក្តីនៅអាមេរិច ដែលបាន
កសាងឈ្មោះល្បីរបស់ខ្លួន តាមរយៈភាពយន្តភាគរឿង The Walking Dead ។

-Harry Shum Jr. គឺជាតារាចំរៀង សំដែង និងអ្នករាំដ៏ល្បី ដែលធ្លាប់បានសំដែងក្នុងរឿង Step
Up 2: The Street, Step Up 3D និង White Frog ។ មិនត្រឹមតែប៉ុណ្ណោះ Harry ក៏ជាសមាជិក
សំដែងក្នុងរឿង Glee ផងដែរ ដែលជារឿងភាគមួយដ៏ល្បី ។

-Daniel Henney គឺជាតារាម៉ូដែលកូនកាត់ របស់អាមេរិច និង កូរ៉េ ដែលបានឆក់យកបេះដូង
នារីៗ អោយបាក់ស្រឡាញ់ជាច្រើន ។ Daniel Henney ក៏ត្រូវបាន Jessica (SNSD) តែងតែ
សរសើរមិនដាច់ពីមាត់ផងដែរ ។ Daniel Henney ក៏បានសំដែងក្នុងរឿង X-Man Origin ផងដែរ ៕

ប្រភពមកពី Camnews.com.kh 

Read more...