ប្រភព
CEN : កំពង់ចាម: ឈ្មួញបាននិងកំពុងជញ្ជូនឈើមូល ឬហុប និងឈើកែច្នៃរួចជាច្រើនកន្លែងតាមមាត់ទន្លេ ក្នុងឃុំរអាង ឃុំរំចេក និង ឃុំហាន់ជ័យ ស្រុកកំពង់សៀម ទម្លាក់ចូលក្នុងទឹកបឹង និងទន្លេ នៅពេលយប់ ខណៈដែលចំណាត់ការបង្ក្រាបរបស់សមត្ថកិច្ច ស្ថិតក្នុងភាពមិនច្បាស់លាស់។
សកម្មភាពកម្មករកំពុងសែងឈើកែច្នៃ រួចដឹកតាមផ្លូវទឹកយកមកលក់ឲ្យឈ្មោះ គា នៅភូមិរអាងក្រោម ឃុំរអាង ស្រុកកំពង់សៀម ដែលសមត្ថកិច្ចមិនទាន់បានបង្ក្រាប ហើយបច្ចុប្បន្ន បានជញ្ជូនពីមាត់ ទន្លេយកទៅលាក់ក្នុងទឹកបឹងក្រោយផ្ទះខ្លួនឯង
សកម្មភាពឈ្មួញផ្អើលយកឈើលាក់នេះ បន្ទាប់ពីមានសារព័ត៌មានបានផ្សព្វផ្សាយពីការនាំ ក្បូនឈើភាគច្រើនជាប្រភេទឈើធ្នង់ ជាឈើកំពុងមានហាងឆេងត្រូវប៉ាន់ សម្រាប់លក់ឲ្យឈ្មួញវៀតណាម បានប្រើរូបភាពបង្កប់ក្រោមអុសសំណាត់ ពីទឹកដីស្រុកសម្បូរ ខេត្តក្រចេះ មកលក់ និងកែច្នៃ នៅស្រុកកំពង់សៀម ខេត្តកំពង់ចាមនោះ កាលពីសប្តាហ៍កន្លងមកសមត្ថកិច្ចរួមមាន រដ្ឋបាលព្រៃឈើ និង កម្លាំងប៉ូលិស ដែលដឹកនាំដោយលោក ផាន់ សុភ័ក្ត្រ ព្រះរាជអាជ្ញារងអមសាលាដំបូងខេត្តកំពង់ចាម បានចុះទៅរឹបអូសឈើមូលបានចំនួនជាង ១០០ កំណាត់របស់ឈ្មោះ រ័ត្ន និង ឆក នៅភូមិថ្មី ឃុំរំចេក ស្រុកកំពង់សៀម។
សកម្មភាពកម្មករកំពុងសែងឈើកែច្នៃ រួចដឹកតាមផ្លូវទឹកយកមកលក់ឲ្យឈ្មោះ គា នៅភូមិរអាងក្រោម ឃុំរអាង ស្រុកកំពង់សៀម ដែលសមត្ថកិច្ចមិនទាន់បានបង្ក្រាប ហើយបច្ចុប្បន្ន បានជញ្ជូនពីមាត់ ទន្លេយកទៅលាក់ក្នុងទឹកបឹងក្រោយផ្ទះខ្លួនឯង
សមត្ថកិច្ចបានបង្ក្រាបតែរយៈពេលចំនួន ពីរ ថ្ងៃគឺថ្ងៃទី ១៦-១៧ ខែសីហា ឆ្នាំ២០១៣ប៉ុណ្ណោះហើយបានដកថយវិញ។ ប៉ុន្តែការបង្ក្រាបនោះ រងការរិះគន់ពីសំណាក់មហាជនថា ការបង្ក្រាបមិនស្មើភាពគ្នា និងមិនច្បាស់លាស់បែរជាទុកឱកាស ឲ្យឈ្មួញមានអត្តសញ្ញាណច្បាស់លាស់ បានសែងឈើដែលបាន ខារ និងសែងឡើងលើច្រាំងកន្លងមកនោះ ទម្លាក់ចុះទឹកទន្លេវិញអស់។ មានន័យថា ការបង្ក្រាបលើកនោះ ទំនងគ្មានផែនការពិតប្រាកដ។ ជាក់ស្តែងឈ្មួញ ឈើល្បីឈ្មោះ ឈ្មោះ គា នៅភូមិរអាងក្រោម ឃុំរអាង ស្រុកកំពង់សៀម ដែលធ្លាប់ឆ្លើយថា ដេប៉ូរបស់ខ្លួនជាដេប៉ូឈើមានច្បាប់អនុញ្ញាតត្រឹមត្រូវ ហើយខ្លួនលក់តែឈើនាំចូលមានអាជ្ញាប័ណ្ណច្បាស់លាស់ បែរជាឲ្យកម្មករសែងឈើកែច្នៃ ជាសសររួចហើយប្រមាណ ១០០ ដើមយកទៅលាក់ក្នុងទឹកបឹងក្រោយផ្ទះ។
សកម្មភាពកម្មករកំពុងសែងឈើកែច្នៃ រួចដឹកតាមផ្លូវទឹកយកមកលក់ឲ្យឈ្មោះ គា នៅភូមិរអាងក្រោម ឃុំរអាង ស្រុកកំពង់សៀម ដែលសមត្ថកិច្ចមិនទាន់បានបង្ក្រាប ហើយបច្ចុប្បន្ន បានជញ្ជូនពីមាត់ ទន្លេយកទៅលាក់ក្នុងទឹកបឹងក្រោយផ្ទះខ្លួនឯង
ជុំវិញករណីឈ្មួញរកស៊ីឈើហុប បង្កប់ក្រោមក្បូនអុសសំណាត់ និងអ្នករកស៊ីឈើកែច្នៃអត់ច្បាប់អនុញ្ញាត ឬប្រើប្រាស់រូបភាពបន្លំជ្រកក្រោមស្លាកឈើស្របច្បាប់របស់ឈ្មោះ គា នេះមជ្ឈដ្ឋានអ្នកតាម ដានសំណុំរឿងឈ្មួញឈើនៅស្រុកកំពង់សៀមសង្ឃឹមថា សមត្ថកិច្ចនឹងវែកមុខស្រាវជ្រាវរកជនដែល ពាក់ព័ន្ធក្នុងការប្រព្រឹត្តបទល្មើស និងអ្នកប្រព្រឹត្តផ្ទាល់យកមកផ្តន្ទាទោស ដើម្បីបញ្ឈប់សកម្មភាពល្មើសនៅលើកក្រោយបន្តទៀត៕
Facebook
