ព័ត៌មានដើមស្វាយ

Showing posts with label Love. Show all posts

Thursday, March 13, 2014

៧វិធី ដើម្បីជួយគ្រប់គ្រង អារម្មណ៍ប្រច័ណ្ឌរបស់អ្នក

Posted by RothaDB at 11:06 AM 0 comments

ប្រភពពី amerika : ក្ដីប្រច័ណ្ឌ ជារឿងដែលមិនអាចចៀសផុតបាន រវាងគូស្នេហ៍ ដែលស្រឡាញ់គ្នា។

ពេលខ្លះអ្នកសប្បាយរីករាយ នៅពេលដែលបានឃើញ គូស្នេហ៍របស់អ្នក ប្រច័ណ្ឌខឹង ងរង៉ក់ដាក់អ្នក តែពេលខ្លះទៀត ការ ប្រច័ណ្ឌក៏ អាចបណ្ដាល អោយកើតក្ដីបែកបាក់ និង ភាពមិនសប្បាយចិត្តផងដែរ។

ដូច្នេះហើយ ទើបខ្មែរឡូតសូមលើកឡើងនូវ វិធីទាំង៧ ក្នុងការគ្រប់គ្រងការ ប្រច័ណ្ឌ ហួសហេតុ របស់អ្នក ដែលមុននឹងសំរេចចិត្តថា ត្រូវធ្វើអ្វីមួយនោះ។

១. អ្នកត្រូវតែមានហេតុផល ចំពោះរឿងដែលអ្នក ប្រច័ណ្ឌ។ ពេលខ្លះ ឬ ក៏រឿងខ្លះ ដែលមិនសមហេតុ សមផល គឺ មិនមែនត្រូវតែ រករឿងឈ្លោះអោយតែបាននោះឡើយ។ ត្រូវគិត សំអាង លើហេតុផលជាក់ស្ដែង កុំឡើយធ្វើតាមអារម្មណ៍ខ្លួនឯង។

២. ត្រូវជឿជាក់ ដៃគូរបស់អ្នក។ ទោះបីជាមានអ្នកដទៃ តាមទាក់ទង ដៃគូរបស់អ្នកក៏ដោយ ក៏អ្នកត្រូវទុកចិត្ត និង គិតថា បើគេស្រលាញ់យើងមែននោះ គេនឹងនៅតែជាមួយយើង តែបើគេបែកចិត្តទៅរកថ្មីភ្លាម វាក៏ល្អសំរាប់អ្នកដែរ ក្នុងការ សំរេចចិត្តនៅជាមួយគេយូរអង្វែង ម្យ៉ាងទៀត អ្នកត្រូវមានអំនួតលើខ្លួនឯង ទៅវិញទេ ដែលដៃគូរបស់យើង មានភាពទាក់ទាញខ្លាំងយ៉ាងនេះ។

៣. គិតថាខ្លួនអ្នក ល្អជាងអ្នកដទៃឆ្ងាយណាស់ ទើបបានជា ដៃគូរបស់អ្នក ជ្រើសយកអ្នក។ ធ្វើដូចនេះ ក៏អាចជួយ គ្រប់គ្រងស្ថានភាព ប្រច័ណ្ឌ បានមួយផ្នែកផងដែរ។

៤. បំភ្លេចអតីតកាល របស់គេចោលអោយអស់ កុំគិតតែ ប្រច័ណ្ឌ ជាមួយនឹង អតីតកាលធ្វើអ្វី។

៥. ចំនាយពេលនៅជាមួយគ្នា អោយបានច្រើន ព្រោះធ្វើអោយអ្នកទាំងពីរយល់ ពីគ្នាបានល្អ។

៦. មិនត្រូវ ប្រច័ណ្ឌ ដោយគ្រាន់តែឃើញ សកម្មភាពផ្សេងៗ របស់ដៃគូ នៅលើ បណ្ដាញទំនាក់ទំនងសង្គម ដូចជា ហ្វេសប៊ុកជាដើមនោះឡើយ។

៧. ត្រូវជឿលើភាពជាក់ស្ដែង និង មើលលើអត្តចរិតរបស់ដៃគូ។ ជាការពិតណាស់ យើងអាចគ្រប់គ្រងការ ប្រច័ណ្ឌនេះបាន ជាឧទាហរណ៍ ដៃគូរបស់អ្នក ជាមនុស្សសុភាពរាបសារ តើគាត់អាចទេ ដែលក្បត់ចិត្តអ្នក? គិតដូចនេះ អាចជួយរំងាប់ អារម្មណ៍ឆេវឆាវ និង ប្រច័ណ្ឌ បានមួយគ្រា ហើយអាចអង្គុយចុះ ស្ដាប់នូវហេតុផលបកស្រាយរបស់គាត់វិញម្ដង។

តើប្រិយមិត្តយល់ស្របនឹងចំនុចទាំង៧ខាងលើនេះដែរឬទេ?

Wednesday, January 15, 2014

ប្រកួតបឺតមាត់គ្នា ដើម្បីឈ្នះរង្វាន់ ចិញ្ចៀនពេជ្រ (មានវីដេអូ)

Posted by RothaDB at 11:06 AM 0 comments

ប្រភពពី khmer-note.com : ចិន៖ មានមនុស្សជាច្រើនបានប្រមូលផ្តុំគ្នាមកទស្សនា ការប្រកួតថើបគ្នារបស់គូស្នេហ៍ ដើម្បី ឈ្នះរង្វាន់ចិញ្ចៀនពេជ្រ។ កម្មវិធីប្រកួតថើបគ្នានេះបានធ្វើឡើងនៅក្នុងទីក្រុង Wuhan ខេត្ត Hubei ប្រទេសចិន ហើយបេក្ខជនចូលរួមប្រកួតតំរូវ អោយថើបបឺតមាត់គ្នាអោយបានយូរ ជាងគេ ហើយគូស្នេហ៍ ណាថើបគ្នាបានយូរជាងគេនឹងទទួលបានចិញ្ចៀនពេជ្រ ដែល មានតំលៃថ្លៃមួយវង់។ កម្មវិធីប្រកួតថើបគ្នានេះទទួលបានការ ចាប់អារម្មណ៍យ៉ាងខ្លាំងពីសំណាក់ អ្នកចូលរួមទស្សនា ហើយ ដើម្បីដោយកម្មវិធីកាន់តែរំភើប អ្នករៀបចំកម្មវិធីក៏បានបន្ថែម រង្វាន់ ផ្សេងជាច្រើនផ្នែកទៀតដល់អ្នកចូលរួមប្រកួតផងដែរ ដូចជាគូស្នេហ៍ថើបគ្នាបានយូរជាងគេ គូស្នេហ៍ថើបគ្នាប្លែកជាង គេ និងរង្វាន់ជាច្រើនទៀត។ តើអ្នកទាំងអស់គ្នាយល់យ៉ាងណា ចំពោះការប្រកួតប្រជែងនេះ?

Monday, December 23, 2013

សិស្សសាលាស្រីប្រុសមួយគូរត់ចេញពីផ្ទះ បបួលគ្នាចូលផ្ទះសំណាក់ត្រូវបងប្អូនតាមរកឃើញចាប់វាយផ្អើលឈុល

Posted by RothaDB at 10:03 AM 0 comments

ប្រភពពី ប្រភព កម្ពុជាថ្មី : ភ្នំពេញ ៖ ពាក្យចាស់លោកពោលថា កុំមានស្នេហាក្នុងវ័យសិក្សា ប៉ុន្តែបច្ចុប្បន្ន នេះគេសង្កេតឃើញ យុវជននិងសិស្សសាលាវ័យក្មេងៗ ភាគច្រើន បានភ្លើតភ្លើន ពពាក់ពពូនតាមសម្ភារៈនិយម ភ្លេចអស់ប្រពៃណីខ្មែរ នាំគ្នាចូលបារ ចូលក្លឹបកំសាន្ត រាត្រី ពេលភ្លើងតណ្ហាឡើងដល់កម្រិត ពួកគេបានបបួលគ្នាចូលផ្ទះ សំណាក់ក្រេបរសជាតិស្នេហ៍យ៉ាងត្រេកត្រអាល ភ្លេចផ្ទះ សម្បែងភ្លេចការសិក្សា ធ្វើឱ្យឪពុកម្តាយ ឈឺក្បាល ជួនកាលបានប្តឹងផ្តល់គ្នាទ្បើងតុលាការទៀតផង។
ជាក់ស្តែង សិស្សសាលាសង្សារវ័យក្មេងមួយគូដែលស្ថិតក្នុងវ័យសិក្សានៅឡើយបាន នាំគ្នារត់ចេញពីផ្ទះ៣ថ្ងៃមកហើយដែលធ្វើឱ្យឪពុកម្តាយ មានការព្រួយបារម្ភ យ៉ាងខ្លាំង ហើយខំដើររកគ្រប់ច្រកល្ហក ព្រោះតែខ្លាចមានរឿង គ្រោះថ្នាក់ដល់ជីវិត តែតាមការពិត ពួកគេបានបបួលគ្នាទៅឡើងឋានសួគ៌នៅផ្ទះសំណាក់ ហើយត្រូវបងប្រុស ស្រីភាគីខាងប្រុសតាមរកឃើញចាប់ត្រឡប់ទៅផ្ទះវិញ តែពួកគេក្រាញននាលមិនព្រមទៅ ក៏ត្រូវបងប្រុសហូតខ្សែក្រវាត់វាយប្អូនប្រុសព្រោះតែភាពរឹងរូស ឃើញដូចនោះនាងជាសង្សាររត់ទៅអោបហើយស្រែកឱ្យគេជួយថា មានគេចាប់មនុស្ស បង្កឱ្យមានការភ្ញាក់ផ្អើលដល់សមត្ថកិច្ច ខណ្ឌ៧មករាទាំងយប់។
ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង១១ និង៣០នាទីយប់ ថ្ងៃទី២១ ធ្នូ ២០១៣ នៅផ្ទះសំណាក់BS ហ្គូដដេ ស្ថិតនៅតាមបណ្តោយផ្លូវលេខ១៣៤ សង្កាត់មិត្តភាព ខណ្ឌ៧មករា។
បើទោះបីយ៉ាងណា បន្ទាប់ពីមានការភ្ញាក់ផ្អើល ដល់សមត្ថកិច្ច ទៅជួយអន្តរាគម នៅកន្លែងកើតហេតុ ក្រោយមកបងប្រុសរបស់តួអង្គខាងប្រុសបានចាប់ប្អូនប្រុសនិងសង្សារ របស់គេបញ្ចូលក្នុងរថយន្តទាំង២នាក់ចេញទៅបាត់ តែម្តងប៉ុន្តែក្រោយមកលឺថាគេបានទម្លាក់នាងចោលនៅតាមផ្លូវហើយទូរ សព្ទ័ ហៅបងស្រីនាងមកយកទៅផ្ទះវិញ។
បើតាមសន្តិសុខយាមរថយន្តនៅកន្លែងកើតហេតុបានឱ្យដឹងថា គូសង្សារទាំង២នាក់នេះទើបតែចូលដេកផ្ទះសំណាក់ BSហ្គូដដេ កាលពីក្បាលល្ងាចថ្ងៃទី២១ ធ្នូ រហូតដល់ម៉ោងកើតហេតុ គូសង្សារនេះបាននាំគ្នាចេញមកខាងក្រៅក្នុងបំណងទៅដើរលេងស្រាប់តែ យុវជនជាសង្សារក្រឡេកឃើញរថយន្តវីស្តូពណ៌លឿងជិះ២នាក់ស្គាល់ថា ជារថយន្តរបស់បងប្រុសរបស់គេ ក៏បានរត់ចូលក្នុងផ្ទះសំណាក់វិញត្រូវបងប្រុសឃើញទាន់ឈប់រថយន្ត ចុះទៅចាប់ប្រទាញប្រទង់គ្នា ដោយចាប់ញាត់ចូលក្នុងរថយន្ត តែយុវជននោះក្រាញននៀលមិនព្រមចូលទើបបងប្រុសហូតខ្សែក្រវាត់បម្រុង វាយប្អូនប្រុស។
ប្រភពបានបន្តថា ពេលឃើញបងប្រុសបំរុងវាយប្អូនបែបនេះនាងជាសង្សារបានរត់ទៅអោប យុវជនជាសង្សារជាប់ស្អិតក៏ត្រូវបងប្រុសវាយមួយខ្សែក្រវាត់របួស ទាំង២នាក់តែម្តង តែមិនធ្ងន់ធ្ងរទេ បន្ទាប់មកនាងជាសង្សារបានស្រែកថា មានគេចាប់មនុស្សក៏បង្កឱ្យមានការភ្ញាក់ផ្អើលដល់អ្នកជិតខាងប្ដឹង នគរបាល និងកងរាជអាវុធហត្ថចុះទៅអន្តរាគមន៍។
បន្ទាប់ពីសមត្ថកិច្ចបានសួរនាំបងប្រុស ស្រីទាំង២នាក់ទើបដឹងថា ប្អូនប្រុសរបស់គាត់បាត់ពីផ្ទះ២ទៅ៣ថ្ងៃហើយ សូម្បីតែទូរស័ព្ទក៏តេមិនចូលដែរ មិនដឹងជាស្លាប់ ឬរស់ទេ ទើបនាំគ្នាដើររកគ្រប់ច្រកល្ហកទើបតែប្រទះឃើញក៏ចាប់ដាក់រថយន្ត តែម្តងធ្វើឱ្យមានការភ្ញាក់ផ្អើលឆោឡោពួកគេក៏ចាប់ទាំងប្អូន ប្រុស និងនាងជាសង្សារដាក់ក្នុងរថយន្តបើកចេញទៅបានបន្តិចក៏ទម្លាក់ នាងជាសង្សារនៅតាមផ្លូវ ហើយទូរស័ព្ទហៅបងស្រីរបស់នាងដឹកត្រឡប់ទៅផ្ទះវិញ។
សមត្ថកិច្ចបានសួរនាំដឹងរឿងរាវអស់ហើយក៏មិនបានឃាត់ខ្លួនដែរក៏ អនុញ្ញាតឱ្យពួកគេនាំប្អូនប្រុសនិងសង្សារត្រឡប់ទៅវិញព្រោះជារឿង គ្រួសាររបស់គេ៕

Thursday, October 17, 2013

សកម្មភាពអាក្រក់ ១០យ៉ាង ដែលមនុស្សប្រុស មិនត្រូវធ្វើចំពោះមនុស្សស្រី

Posted by RothaDB at 6:30 PM 0 comments

ប្រភពមកពី Camnews.com..kh : នេះគឺជាសកម្មភាព មួយចំនួន ដែលមនុស្សប្រុស មិនគួរធ្វើទៅលើមនុស្សស្រី ឬ មនុស្សដែលខ្លួន
ស្រលាញ់ ដែលបណ្តាលនាង អន់ចិត្ត មិនសប្បាយចិត្ត ឬ ខឹង។

១/ យកសក់ ផ្ទៃមុខ រូបរាង ឬក៏សម្លៀកបំពាក់របស់នាង មកបង្អាប់លេងសើច ដាច់ខាតកុំធ្វើបែប
នេះឲ្យសោះ។

២/ កុំបញ្ឈឺចិត្តនាង ក្នុងករណីមួយចង់លេងសើច ទោះបីជាការនិយាយបញ្ឈឺចិត្ត ជាភាសាដទៃ
ក៏ដោយក៏កុំធ្វើដែរ។

៣/ កុំញ៉ែនារីដទៃៈ ការចែចង់នារីដទៃ មិនត្រឹមតែធ្វើឲ្យនាងលេងត្រូវការយើងទៀតនោះទេ ថែម
ទាំងខឹងយើងផងដែរ។

៤/ កុំមានល្បិចកលជាមួយនាងៈ វិធីនេះដាច់ខាតកុំប្រព្រឹត្តរឿងនេះចំពោះនាង។

៥/ កុំសន្យាទាំងដឹងថាមិនអាចធ្វើបាន បើសិនជាអ្នកមិនគិតថា អ្នកមិនអាចធ្វើរឿង នោះបាន
ទេ កុំនិយាយវាឡើងឲ្យសោះ។

៦/ កុំនិយាយថា “បងស្រឡាញ់អូន”នៅពេលគ្មានន័យបែបនេះ។

៧/ កុំកុហក៖ អ្នកនឹងត្រូវនាងចាប់បាននៅថ្ងៃណាមួយ បើសិនជាអ្នកនៅប្រើប្រាស់ ពាក្យកុហក
ដដែលៗទៅកាន់នាង។ លើកក្រោយសំដីរបស់អ្នក នឹងគ្មានប្រសិទ្ធភាព។

៨/ បដិសេធការពិតៈ បើសិនជានារីម្នាក់ជំរិតសួរអ្នរឿងអ្វីមួយដែល នាងបានដឹងការពិតរួចទៅ
ហើយ។ ពាក្យបដិសេធនឹងកាន់តែធ្វើឲ្យនាងខឹងកាន់តែខ្លាំង។ ព្យាយាមបកស្រាយ ការពិតនិង
ពន្យល់នាងឲ្យសមហេតុផល។

៩/ ដាក់សម្ពាធលើនាង បើសិនជានាងចង់ធ្វើអ្វីជាមួយអ្នក នាងនឹងធ្វើ កុំបង្ខំនាងឲ្យសោះ។

១០/ និយាយលេងសើចថា អ្នកចង់បែកគ្នា ជាមួយនឹងនាង។ វាមិនជាពាក្យមួយ ដែលអ្នក ត្រូវ
យកមកនិយាយជាមួយនាងនោះទេ ពាក្យនឹងធ្វើឱ្យនាងខឹង និង ធ្វើឱ្យអ្នកក្លាយជាមនុស្សឯកា
មុននឹងអ្នក បានពន្យល់ប្រាប់នាង ឱ្យដឹងថា នោះគ្រាន់តែជាពាក្យលេងសើច។

ដូច្នេះ សូមថែរក្សា ការពារ និង ស្រលាញ់ អ្វីដែលអ្នកកំពុងតែមាន ឱ្យគង់វង្ស កុំព្យាយាមសាក
ល្បង ជាមួយនឹងអ្វីដែលថ្មី ប្រសិនបើ អ្វីដែលអ្នកកំពុងតែមាននោះ ធ្វើល្អ និង ផ្តល់ភាពកក់ក្តៅ
សំរាប់អ្នកហើយ។ ការប៉ះទង្គិចគ្នា បន្តិចបន្តួច គឺជារឿងធម្មតា របស់មនុស្ស សំខាន់ត្រូវចេះ
អធ្យាស្រ័យឱ្យគ្នាទៅវិញទៅ ទើបអាចរស់នៅជាមួយគ្នា ប្រកបដោយសុភមង្គល៕