ព័ត៌មានដើមស្វាយ

Showing posts with label បច្ចេកវិទ្យា. Show all posts

Tuesday, May 21, 2013

Galaxy S4 Active អាចការពារជម្រាបទឹក លេចចេញរូបភាពជាក់ស្តែង

Posted by RothaDB at 3:40 PM 0 comments

បន្ទាប់ពីមានព័ត៌មានចចាមអារាមមួយចំនួន ស្តីពីរូបសណ្ឋាន ពេលនេះរូបភាពជាក់ស្តែង ដែល
ត្រូវបានចាត់ទុកថាជា Galaxy S4 Active ទើបតែត្រូវបានគេហទំព័របច្ចេកវិទ្យា GSM Arena ធ្វើ
ការបង្ហោះនៅលើអ៊ីនធឺណេត។ បណ្តារូបភាពទាំងនោះបានឲ្យឃើញថា ផលិតផលមានរូបរាង
ខាងក្រៅប្រហែលនឹង Galaxy S4 Version ដើម ប៉ុន្តែមានភាពខុសគ្នាខ្លះៗ ពីចំនុចតូចមួយចំនួន។

ដូចជានៅផ្នែកខាងមុខ ប៊ូតុងបីនៅផ្នែកខាងក្រោមអេក្រង់ ជាប៊ូតុងរឹង មិនមានប៊ូតុងប្រភេទ Touch
Screen ពីរនៅអមសងខាងទេ។ ផ្នែកខាងក្រោយ មានចែកជាផ្នែកតូចៗជាច្រើនផ្នែក និងអាចប្រើ
ប្រាស់ ខ្ចៅបួនគ្រាប់ ដើម្បីមួលឲ្យជាប់ណែនផ្នែកខាងក្រោយនៃស្មាតហ្វូន បង្កើនសមត្ថភាពការ
ពារជម្រាបចូលនៃទឹក និងធូលី។

រូបភាពជាក់ស្តែងមួយទៀតបានឲ្យឃើញថា Galaxy S4 Active មានឈ្មោះកូដ I9295, ឈ្មោះកូដ
សំរាប់ទីផ្សារអន្តរជាតិ។ GSM Arena ក៏បានធ្វើការប៉ាន់ស្មានថា ស្មាតហ្វូនអាចនឹងប្រើប្រាស់ chip
Snapdragon 600 ល្បឿន 1,9 GHz ជាមួយក្រាហ្វិក Adreno 320 ដូច S4 នៅលើទីផ្សារអាមេរិច
ដែរ។

ជាក់ស្តែង ព័ត៌មានដែលគួរឲ្យចាប់អារម្មណ៍បំផុតគឺ S4 Active នៅតែបំពាក់អេក្រង់ Full HD ប៉ុន្តែ
ទំហំប្រហែលជាស្ថិតក្នុងចន្លោះតែពី 4,65 - 4,7 inch ប៉ុណ្ណោះ។ កំរិត Pixel ឡើងដល់ 480 ppi,
ប្រហាក់ប្រហែលនឹង HTC One និងខ្ពស់ជាង Galaxy S4 5 inch (441 ppi)។

ក្នុងនោះ ការប៉ាន់ស្មានមួយចំនួនផ្សេងទៀត បានឲ្យដឹងថា Galaxy S4 Version មិនជ្រាបទឹក មាន
កាមេរ៉ាតែ 8 MP ជំនួសឲ្យ13 MP ដូចនៅលើ Version ដើម។

ចំពោះ ពេលវេលាច្បាស់លាស់នៃការបង្ហាញខ្លួន និងតំលៃលក់នៃស្មាតហ្វូននេះ នៅមិនទាន់បង្ហើប
ឲ្យដឹងនៅឡើយទេ៕ ប្រភពពី Camnews.com.kh

Apple អាចនឹងបង្ហាញខ្ឡួន MacBook Air ថ្មីនៅខែក្រោយ

Posted by RothaDB at 3:37 PM 0 comments

ប្រភពពី Appleinsider កាលពីពេលថ្មីៗនេះ បានឲ្យដឹងថា បណ្តាហាងលក់រាយតាមអនឡាញ
(Onlie Shop) ធំៗដូចជា MacConnection ជាដើម លែងមានគំរូ MacBook Air ដ៏ពេញនិយមដូច
ជាគំរូ 13,3 inch chip 1,8 GHz និង Hard Drive SSD ទំហំ 256 GB ទៀតហើយ, Best Buy បើ
ទោះជានៅផ្សាយពាណិជ្ជកម្មមានផលិតផលនេះ តែចំនួនក៏មានកំនត់ដែរ។

ជាធម្មតា ការដែលបណ្តាហាង ដែលជាសាខាទទួលបានសិទ្ធិចែកចាយផលិតផលរបស់ Apple
បន្ថយបរិមាណយ៉ាងលឿនដូច្នេះ វាគឺជាសញ្ញាមួយឲ្យដឹងថា ផលិតផលថ្មីមួយ ជិតបង្ហាញខ្លួន
ជំនួសហើយ។

នៅមិនទាន់មានព័ត៌មានច្រើនពីគំរូ MacBook Air ស៊េរី 2013 នេះទេ ប៉ុន្តែ Cnet បានសន្និដ្ឋានថា
Laptop ថ្មីនេះ នឹងប្រើប្រាស់ Chip ថ្មីរបស់ Intel។ ក្រុមហ៊ុនផលិតនេះ នឹងបង្ហាញ CPU Haswell
នៅដើមខែមិថុនានេះ ជាមួយនឹងល្បឿន សមត្ថភាពសន្សំសំចៃថាមពលអគ្គិសនី ក៏ដូចជាកំលាំង
ដំណើរការនៃក្រាហ្វិក សុទ្ធតែត្រូវបាន ធ្វើការអាប់ឌេត (Update) ឲ្យប្រសើរជាងមុនផងដែរ។

MacBook Air ថ្មី នឹងបង្ហាញខ្លួន នៅខែក្រោយ

សន្និសិទ WWDC របស់ Apple នឹងប្រារព្ធធ្វើឡើង នៅប៉ុន្មានថ្ងៃមិនយូរ ក្រោយពេលដែល Intel
ធ្វើការបង្ហាញខ្ឡួន Haswell រួច។ ហើយសន្និសិទនោះ ត្រូវបានអ្នកជំនាញជាច្រើន បានប៉ាន់ស្មាន
ថា ជាពេលវេលាបង្ហាញខ្លួនរបស់ MacBook Air ថ្មី ៕ ប្រភពពី Camnews.com.kh

Saturday, May 4, 2013

ចាក់សោរ Windows ជាមួយផ្ទាំង Lock Pattern ស្រដៀងប្រព័ន្ធប្រតិបត្តិការ Android

Posted by RothaDB at 10:16 PM 0 comments

មិនត្រឹមតែអ្នកប្រើប្រាស់ ទូរស័ព្ទដែលដើរដោយប្រព័ន្ធប្រតិបត្តិការ Android ប៉ុណ្ណោះទេ ដែលមានការចាប់អារម្មណ៍ទៅលើផ្ទាំង Lock Screen របស់ប្រព័ន្ធប្រតិបត្តិការនេះ សូម្បីតែអ្នកប្រើប្រព័ន្ធប្រតិបត្តិការ iOS ក៏មានការចាប់អារម្មណ៍យ៉ាងខ្លាំងផងដែរ ដោយហេតុថា វាមានលក្ខណៈស្អាត សាមញ្ញ ប៉ុន្តែគួរឲ្យទាក់ទាញ។
នៅពេលនេះ សំបុកអាយធី សូមនាំជូនមកនៅកម្មវិធីមួយ ដែលអាចឲ្យលោកអ្នកធ្វើការចាក់សោរ Windows ដោយប្រើផ្ទាំង Lock Screen របស់ប្រព័ន្ធប្រតិបត្តិការ Android។
XUS PC Lock បានផ្តល់នូវមធ្យោបាយគួរឲ្យចាប់អារម្មណ៍ថ្មីមួយ ក្នុងការចាក់សោរ computer របស់លោកអ្នក។ ជាមួយនឹងកម្មវិធីមួយនេះ លោកអ្នកនឹងប្រើប្រាស់ mouse របស់លោកអ្នកមកអូសជាគំនូស pattern សម្រាប់ចាក់សោរ។

XUS PC Lock ត្រូវបានភ្ជាប់មកជាមួយនូវមុខងារដ៏សម្បូរបែប ជាច្រើន ដូចជាចាក់សោរពេលបើក Computer (Start Up) ចាក់សោរដោយស្វ័យប្រវត្តិក្នុងរយៈមួយដែលបានកំណត់ ផ្តាច់ប្រព័ន្ធ Internet ចាក់សោរក្តារចុច(Keyboard) និងការដាក់សេចក្តីជូនដំណឹង(Alert Text) ជាដើម។

ជាមួយនឹងមុខងារដ៏សម្បូរបែបនេះ XUS PC Lock ក៏បានអនុញ្ញាតឲ្យលោកអ្នកប្តូរផ្ទាំង background របស់ Lock Screen ផងដែរ។

ដើម្បីជៀសវាងក្នុងការភ្លេច រូបគំនូសចាក់សោររបស់លោកអ្នក លោកអ្នកក៏អាចធ្វើការ Backup រូបគំនូសនោះទុក ក្នុងប្រភេទជាឯកសារ *.bmp បានផងដែរ។

រូបភាពពេលដែលកម្មវិធីធ្វើការ Lock Screen។

រូបភាពនៅពេលដែលអ្នកប្រើប្រាស់ គូសខុសច្រើនដង។

ប្រសិនបើលោកអ្នកចង់ចាក់សោរ computer ដូចជាចាក់សោរ ទូរស័ព្ទ smartphone របស់លោកអ្នក កម្មវិធី XUS PC Lock នេះគឺជាជម្រើសដ៏ប្រសើរមួយ

។ http://www.sombokit.com/

Saturday, April 27, 2013

វិធីបង្ហាញPassword ដែលបានលាក់នៅពីក្រោយសញ្ញារង្វង់មូលខ្មៅក្នុង Chrome និង Firefox

Posted by RothaDB at 10:58 AM 0 comments

ស្ទើរតែគ្រប់ Browser ទៅហើយ ដែលបាន Hide Passwordដោយសញ្ញារង្វង់មូលខ្មៅ ក្នុងគោលបំណងបង្កើន Security។ ប៉ុន្តែក្នុងករណីដែលអ្នកភ្លេចនូវ Password របស់អ្នក ហើយ Password នោះបាន Save ជាប់ទៅនឹង Browser តែមិនអាចបង្ហាញវាបាន តើអ្នកគួរធ្វើដូចម្តេចដើម្បីដឹងនូវ Password យើងវិញ? ដូចនេះ CM នឹងលើកយកនូវវិធីដើម្បីបង្ហាញ Password នោះមកបង្ហាញជូន។សូមធ្វើតាមការណែនាំដូចខាងក្រោម៖
ចំពោះ Google Chrome
បើកនូវវិបសាយណាមួយដែលយើងបាន Save Password ជាប់ Browser, បន្ទាប់មក Right Click នៅក្នុងប្រអប់ Password រួចជ្រើសរើសយកពាក្យ Inspect element ។

ពេលនោះ HTML Editor នៅក្នុង Chrome លោតចេញមក, រកមើលកន្លែង input type = “password” ហើយកែពាក្យ password ទៅជា text វិញ ដូចរូប។

បន្ទាប់មកចុច Enter ដើម្បី Save, ពេលនោះអ្នកនឹងឃើញថា Password របស់អ្នកនឹងត្រូវបានបង្ហាញ។

ចំពោះ Firefox
ដូចគ្នាដែរចំពោះ Firefox, គឺយើងត្រូវ Right Click នៅក្នុងប្រអប់ Password រួចជ្រើសរើសយកពាក្យ
Inspect Element (Q)។

ពេលនោះ Gray bar មួយនឹងលោតចេញមកជាមួយនឹង Password field។ ចុច Alt+M ឬចុចលើ Icon ដូចរូបខាងក្រោម ដើម្បីបើកនូវ Markup panel។

ពេលនោះវានឹងបង្ហាញកូដដែលនៅក្នុងប្រអប់ Password, សូមទៅក្នុងរូបខាងក្រោម ត្រង់កន្លែងដែលបាន highlighted, ត្រូវប្ដូរពាក្យ password ទៅជាពាក្យ Text វិញ។

ពេលនោះ Password របស់យើងនឹងត្រូវបានបង្ហាញ។
វិធីម្យ៉ាងមួយទៀត
លោកអ្នកអាចធ្វើការបង្ហាញលេខ សម្ងាត់បានយ៉ាងងាយស្រួលបំផុតផងដែរដោយគ្រាន់តែប្រើ Extension ជំនួយគឺ Firebug ជាមួយ Browser Firefox ។ សូមធ្វើការស្វែងរករួចដំឡើងវាបន្ទាប់មកអនុវត្តដូចខាងក្រោម៖
១. សូមចុច F12 រួចចុចលើសញ្ញាព្រួញ។

២. បន្ទាប់មកសូមយក Cursor (សញ្ញាព្រួញ)នោះយកទៅដាក់លើ Password រួចចុចលើវា។ រួចអ្នកត្រូវចុចកែ Code នៅត្រង់ ទៅជា វិញ។

នៅទីបញ្ចប់លោកអ្នកនឹងអាចមើលឃើញនូវលេខ Password ដោយមិនមានបង្ហាញជាសញ្ញាមូលខ្មៅនោះឡើយ។

បញ្ជាក់៖ ការបង្ហាញនេះមិនមែនអាចបង្ហាញបានរហូតទេ គឺគ្រាន់តែបង្ហាញនៅពេលពេលដែលអ្នកកែតែប៉ុណ្ណោះនៅពេលដែលអ្នក ចុច Refresh នោះវានឹងបង្ហាញសញ្ញាមូលខ្មៅដូចធម្មតា៕ cm.com.kh

Friday, March 8, 2013

មាន់ និងស៊ុតមាន់ តើមួយណាកើតមុន?

Posted by RothaDB at 1:38 PM 0 comments

សំណួរនេះមើលទៅគឺពិតជាសំណួរមួយដ៏សែនសាមញ្ញ ប៉ុន្តែ ពិបាកនឹងផ្តល់ចម្លើយមួយឲ្យត្រឹមត្រូវឥតខ្ចោះណាស់។ ប្រសិនបើយើងយកសំណួរនេះទៅសួរ ប្រាកដជាមានមនុស្សមួយចំនួនគិតថា យើងមិនគ្រប់ទឹកផងក៏មិនដឹង។ ប៉ុន្តែ សំណួរ “មាន់ និងស៊ុតមាន់មួយណាកើតមុន” គឺជាសំណួរមួយ ដែលអ្នកវិទ្យាសាស្ត្របានព្យាយាមធ្វើការឆ្លើយជាយូរណាស់មកហើយ។ ដូចនេះ គេហទំព័រ«គំនិត»សូមលើកយកប្រធានបទនេះមកចែករំលែកមិត្តអ្នកអាន អំពីការរកឃើញចុងក្រោយបំផុតពីបញ្ហានេះរបស់អ្នកវិទ្យាសាស្ត្រ។
សំណួរទាក់ទងនឹងមាន់ និងស៊ុតមាន់ គឺមានលើកឡើងតាំងពីជំនាន់មុនគ្រឹស្គសករាជមកម្ល៉េះដោយ អ្នកទស្សនវិទូដ៏ល្បីល្បាញម្នាក់ឈ្មោះអារីស្តូតដែលគាត់បានលើកឡើងថា “វាគួរតែមានបក្សីមួយដែលផ្តល់កំណើតដល់ស៊ុតសម្រាប់បក្សីណាដែល មានកំណើតចេញពីស៊ុត”។ មិនត្រឹមតែទស្សនវិទូអារីស្តូតនោះទេ មានមនុស្សជាច្រើនដែលបានធ្វើការឆ្លើយសំណួរនេះ តួរយ៉ាងអ្នករូបវិទូដ៏ល្បីល្បាញក្នុងសម័យបច្ចុប្បន្នបណ្ឌិត ’Stephen William Hawking ក៏បានចូលរួមចំណែកក្នុងការឆ្លើយនូវសំណួរខាងលើផងដែរ។ លោកបានលើកឡើងថាស៊ុតមាន់គឺមានកំណើតមុន។ ចំណែកឯទ្រឹស្តីនៃការវិវដ្ដន៍វិញក៏បានលើកឡើងផងដែរថា ស៊ុតត្រូវតែមានកំណើតមុន តែទ្រឹស្តីក៏បានបញ្ចាក់ថា ស៊ុតនោះគឺជាស៊ុតទូទៅមិនមែនជាស៊ុតដែលភ្ញាស់ចេញជាមាន់នោះទេ។ សម្រាប់ទ្រឹស្តីដែលចេញពីសាសនាវិញដូចជាសាសនាព្រះពុទ្ធ និងសាសនាហិណ្ឌូដែលជឿលើការចាប់ជាតិជាថ្មីនោះ បានកំណត់ថា មាន់ និងស៊ុតមាន់គ្មានមួយណាដែលកើតមុននោះទេ។
ទ្រឹស្តីនៃការវិវដ្តន៍បានបញ្ចាក់ថា ភាវរស់គឺមានបម្លាស់ប្តូរតាមរយៈពេលវេលាដោយដំណើរលាស់ថ្មី និងការបន្តពូជ។ ដោយសារតែDNAអាចធ្វើការផ្លាស់ប្តូរបានតែនៅមុននឹងការចាប់កំណើត ដំណើរលាស់ថ្មីនៃភាវរស់ត្រូវបានបង្កើតឡើងដោយភាវរស់មួយប្រភេទដែល ស្រដៀងនឹងសត្វមាន់ ប៉ុន្តែមិនមែនសត្វមាន់នោះទេ ដែលជាអ្នកបង្កើតស៊ុតមាន់។ ស៊ុតមាន់ទាំងនេះហើយដែលជាអ្នកបង្កើតសត្វមាន់ដែលមានវត្តមានមក ទល់នឹងសព្វថ្ងៃនេះដោយឆ្លងតាមការវិវដ្ដន៍ជាច្រើនដំណាក់កាល។ សរុបសេចក្តីមក ឆ្លងតាមការបន្តពូជ និងការវិវដ្តន៍ជាបន្តបន្ទាប់ធ្វើឲ្យយើងទទួលបានស៊ុតដែលក្នុងនោះ មានផ្ទុកអំប្រ៊ីយ៉ូ (ទារក)នៃសត្វមាន់ដំបូងបង្អស់។ ដូច្នេះ ស៊ុតមាន់ត្រូវតែមានកំណើតមុនសត្វមាន់។
ផ្ទុយទៅវិញ នៅឆ្នាំ២០១០អ្នកវិទ្យាសាស្ត្ររបស់ចក្រភពអង់គ្លេសដែលបានអះអាងពីភាព ជោគជ័យនៃការបំបែកប្រស្នាស្តីពី មាន់និងស៊ុតមាន់នោះបានបញ្ចាក់ថា សត្វមាន់មានកំណើតមុន។ នេះជាការលើកឡើងរបស់អ្នកស្រាវជ្រាវនៅសាកលវិទ្យាល័យ Sheffield និងWarwick។
អ្នកវិទ្យាសាស្ត្រមកពីសាកលវិទ្យាល័យទាំងពីរខាងលើបានរកឃើញថា ប្រូតេអ៊ីនដែលរកឃើញនៅក្នុងអូវ៉ែររបស់សត្វមាន់គឺមានសារៈសំខាន់ណាស់ សម្រាប់ការកកើតឡើងនៃស៊ុតមាន់ ហេតុនេះហើយអ្នកវិទ្យាសាស្ត្រខាងលើបានអះអាងថា ស៊ុតមាន់មានវត្តមានលុះត្រាណាតែមានវត្តមានសត្វមាន់ជាមុនសិន។
ប្រូតេអ៊ីននោះគឺជាភ្នាក់ងារបង្កើនល្បឿនការវិវដ្តន៍របស់សំបកស៊ុត ដែលជាភ្នាក់ងារដ៏មានសារៈសំខាន់សម្រាប់ការពារពងក្រហម និងអង្គធាតុរាវដែលនៅខាងក្នុងស៊ុតខណៈពេលដែលកូនមាន់កំពុងតែមានការ វិវដ្តន៍នៅក្នុងសំបក។
ឆ្លងតាមការលើកឡើងរបស់អ្នកវិទ្យាសាស្ត្រនានា យើងពិបាកនឹងធ្វើការសន្មតឲ្យបានត្រឹមត្រូវ១០០%ណាស់ថាតើសត្វមាន់ ឬក៏ស៊ុតមាន់មានកំណើតមុន។ ប៉ុន្តែ ការលើកឡើងរបស់ទ្រឹស្តីនៃការវិវដ្តន៍ហាក់ដូចជាមានភាពសមហេតុផល ច្រើនជាង។ចុះចំណែកអ្នកវិញ អ្នកយល់យ៉ាងណា?
http://kumnit.com
ឯកសារយោង៖
http://www.nbcnews.com/
http://articles.cnn.com/_s=PM:WORLD
http://www.icr.org/
http://en.wikipedia.org/
http://science.howstuffworks.com/

Tuesday, March 5, 2013

Samsung នឹងបង្ហាញ Galaxy S IV នៅថ្ងៃទី ១៤ ខែមិនា

Posted by RothaDB at 8:39 AM 0 comments

ស្ថាបនិកគេហទំព័រ Mobile-review លោក Eldar Murtazin បានបង្ហើបប្រាប់ឲ្យដឹងថា ក្រុមហ៊ុន Samsung នឹងដាក់បង្ហាញជាផ្លូវការ នៅថ្ងៃទី ១៤/៣ នៅទីក្រុង New York ។
តាមពាក្យចចាមអារាមមុននោះថា Galaxy S IV នឹងបំពាក់ដោយអេក្រង់ Full-HD ជាមួយ នឹងរ៉េសូលុយសិន 1.920x1.080, អង្គប្រតិបត្តិការណ៍ quad-core ល្បឿន 1.9GHz, ដំណើរការជាមួយប្រព័ន្ធប្រតិបត្តិការណ៍ Android 4.2 Jelly Bean ។
បច្ចុប្បន្ន ត្រកូល Galaxy S របស់ Samsung កំពុងតែទាក់ទាញការចាប់អារម្មណ៍ ពីសំណាក់អ្នកប្រើប្រាស់ជាខ្លាំង។ ដោយចាត់ទុកថា នេះជាដៃគូប្រកួតប្រជែងស្មើគ្នាជាមួយ នឹង iPhone របស់ Apple ។ksn-news

Vodafone បង្ហាញឧបករណ៍សាកថ្ម ដោយមិនចាំបាច់មានភ្លើងអគ្គីសនី

Posted by RothaDB at 8:33 AM 0 comments

ក្នុងខណៈ ដែលបណ្តាប្រទេសលោកខាងលិច កំពុងតែមានផលវិបាកជាមួយ នឹងការត្រួតពិនិត្យវិក័យបត្រទូរស័ព្ទរបស់ពួកគេ ក៏មានអ្នករស់នៅតំបន់សាហារ៉ា អាហ្រិ្វក កំពុងប្រឈម នឹងការកង្វះនូវមធ្យោបាយបញ្ចូលថ្មទូរស័ព្ទផងដែរ។ ព្រោះពួកគេ នៅទីនោះ មិនអាចបញ្ចូលថ្ម ជាមួយ នឹងឧបករណ៍សាកថ្មធម្មតា បានឡើយ។

បើតាម Telegraph បានបង្ហាញតួរលេខថា ជារៀងរាល់ឆ្នាំ មនុស្សប្រមាណជា ៦០០ លាននាក់ ដែលប្រើប្រាស់ទូរស័ព្ទ ត្រូវចំណាយ ១០ ពាន់លានដុល្លារ៍ ដើម្បីស្វែងរកទីកន្លែងមានអគ្គិសនី សម្រាប់បញ្ចូលថ្មទូរសព្ទរបស់ពួកគេ។
ទោះយ៉ាងនេះក្តី ក្រុមហ៊ុនយក្សផ្នែកគមនាគមន៍ Vodafone ថ្មីៗ នេះ បានរកឃើញដំណោះស្រាយ សម្រាប់ក្រុម "សំណាងតិច" ទាំងនោះ។
Vodafone ទើបបានប្រកាសថា ខ្លួន នឹងបញ្ចេញឧបករណ៍សាកថ្ម ក្នុងខែនេះ នៅ Tanzania ។ ឧបករណ៍សាកថ្មប្រភេទថ្មីនេះ អាចបញ្ចូលថ្ម ដោយទាញយកថាមពលពន្លឺព្រះអាទិត្យ ឬអាចបញ្ចូលបានជាមួយ នឹងដុំឌីណាម៉ូ ដែលជំនួយសាកថ្មតាមកង់។
ក្នុងតំណើរការសាកល្បង កាលពីឆ្នាំទៅ ក្រុមហ៊ុន Vodafone បានផ្គត់ផ្គងឧបករណ៍សាកថ្ម ដែលមានឈ្មោះថា ReadySet ទៅតំបន់ Tanzania នោះ។ ដោយការកត់សម្គាល់របស់ក្រុមហ៊ុន ឃើញថាកំណើននៃអ្នកប្រើប្រាស់ទូរស័ព្ទ បានកើនឡើង ដល់ទៅ ១៤ % ។
តាម Telegraph ក៏បានឲ្យដឹងទៀតថា Tanzania គឺជាទីផ្សារដ៏ធំមួយ សម្រាប់ Vodafone ហើយគេរំពឹងថា ទៅអនាគត់ នឹងអាចជួយកាត់បន្ថយការចំណាយលុយដ៏ច្រើនលើសលប់នេះ។ បន្ទាប់ពី Vodafone បញ្ចេញលក់ឧបករណ៍សាកថ្ម ជាផ្លូវការ នៅ Tanzania នោះ៕ http://ksn-news.com.

Monday, January 14, 2013

របៀបលុប Nevigation Bar ចេញពី Blogger

Posted by RothaDB at 9:39 AM 0 comments

នៅពេលដែលអ្នកទាំងអស់គ្នាប្រើប្រាស់នូវ Template របស់ Blogger នោះវានឹងចេញ Navigation Bar នៅលើ Blogger របស់យើង។ ដូចនេះវាធ្វើឱ្យប្លក់របស់យើងមិនសូវមានសោសោភ័ណភាព និងភាពទាក់ទាញ។

ថ្ងៃនេះ CM នឹងលើកយកនូវវិធីដើម្បីលុប Nevigation Bar ចេញពី Blogger មកបង្ហាញអ្នកទាំងអស់គ្នា។ សូមធ្វើតាមការណែនាំខាងក្រោម៖

មុនដំបូង យើងត្រូវ Log ចូលទៅក្នុង Account Blogger របស់យើង បន្ទាប់មកចូលទៅក្នុង Template រួចចុចលើពាក្យ Edit Template ដែលនៅផ្នែកខាងស្តាំ

បន្ទាប់មកវានឹងចេញផ្ទាំងដូចខាងក្រោម រួចចុច Proceed

បន្ទាប់មកធីកលើ Expand Widget Templates រួចចុច Ctrl + F ដើម្បី Search រកពាក្យ ]]>

បន្ទាប់មក Copy Code :
#navbar-iframe {
height:0px;
visibility:hidden;
display:none
}
ទៅដាក់នៅពីមុខ ]]> រួចចុច Save Template

ពេលនេះ Nevigation Bar ត្រូវបានលុបចេញពី Blogger របស់យើងបានសម្រេចហើយ។

Saturday, September 29, 2012

របៀបចាក់សោ Drive ក្នុង Computer របស់យើងដោយមិនចាំ បាច់ប្រើកម្មវិធីមកជំនួយ

Posted by RothaDB at 3:21 PM 0 comments

ការចាក់សោ Drive ក្នុង Computer គឺយើងតែងតែប្រើប្រាស់កម្មវិធីដើម្បីជំនួយ។ ប៉ុន្តែថ្ងៃនេះ ព័ត៌មានកណ្តាល នឹងលើកយកនូវវិធីថ្មីមួយ ដែលអាចចាក់សោ Drive Computer របស់អ្នកកុំឱ្យអ្នកដទៃបើកបាន ដោយមិនចាំបាច់ប្រើប្រាស់កម្មវិធីជំនួយទៀតឡើយ។ សូមធ្វើតាមការណែនាំខាងក្រោម៖
មុនដំបូង យើងត្រូវចុច Start + R ដើម្បីបើក Run

បន្ទាប់មកវាយពាក្យ gpedit.msc រួចចុច Enter

បន្ទាប់មកយើងត្រូវចូលទៅក្នុង User Configuration > Administrative Templates > Windows Components > Windows Explorer > Prevent access to drives from My Computer

យើងត្រូវជ្រើសរើសយកពាក្យ Enabled ត្រង់កន្លែង Pick one of the following combinations គឺសម្រាប់រើសនូវ Drive ដែលយើងចង់ចាក់សោ ពេលដែលយើងជ្រើសរើស
ចប់សព្វគ្រប់ហើយ សូមចុច OK
ពេលនោះ Drive របស់យើងបានចាកសោរួចរាល់ហើយ នៅពេលដែលយើងចុចបើកវា នោះវានឹងចេញដូចផ្ទាំងខាងក្រោម៖