សន្ទុះនៃផេះផង់ពោរពេញទៅដោយគ្រោះថ្នាក់ហុយទ្រលោម នេះ បានធ្វើឲ្យមនុស្សស្លាប់ និងរបួស។ យ៉ាងហោចណាស់ ក៏មានមនុស្ស ៥ នាក់ បានស្លាប់ និង ៧ នាក់ទៀត រងរបួស -នេះបើតាមសេចក្តីរាយការណ៍ចុងក្រោយ របស់លោក Eduardo del Rosario ប្រធានក្រុមប្រឹក្សាគ្រប់គ្រង និងកាត់បន្ថយហានិភ័យគ្រោះមហន្តរាយជាតិ។
មន្ត្រីរូបនោះ បានឲ្យដឹងទៀតថា “យើងនៅមិនទាន់ទទួលបានអត្តសញ្ញាណនៃជនរងគ្រោះ (ស្លាប់ និងរបួស) ទាំងនោះ ថាតើពួកគេជនបរទេស ឬក៏ជាប្រជាពលរដ្ឋក្នុងតំបន់យើងនោះទេ”។ គាត់បានបន្តថា ឥឡូវនេះ ក្រុមជួយសង្គ្រោះ បានកំពុងរិះរកវិធីឡើងទៅកាន់ភ្នំភ្លើងនោះហើយ ដើម្បីបញ្ជាក់បន្ថែមលើរបាយការណ៍ខាងលើនេះ។
អ្នកនាំផ្លូវ ទេសចរណ៍ម្នាក់នៅលើភ្នំនេះ បានប្រាប់ស្ថានីយ៍ទូរទស្សន៍ក្នុងស្រុកតាមទូរស័ព្ទថា ជនរងគ្រោះដែលបានស្លាប់ គឺដោយសាររងការវាយប្រហារយ៉ាងខ្លាំងក្លាពីបំណែកដុំថ្មធំៗ ដែលបានធ្លាក់ចុះមក បន្ទាប់ពីផ្ទុះជាផេះ។
ដោយឡែក របាយការណ៍ក្នុងតំបន់ បាននិយាយថា មានមនុស្សប្រហែល ២០ នាក់ បានកំពុងឡើងភ្នំ ខណៈភ្នំភ្លើងនោះបានចាប់ផ្តើមផ្ទុះតែម្តង៕ ប្រភពពី ksn-news.com
Facebook
No comments:
Post a Comment