លោក អ៊ឹម សិទ្ធី រដ្ឋមន្រ្តីក្រសួងអប់រំ យុវជន និងកីឡា បានលើកឡើងនៅក្នុងពិធីផ្សព្វផ្សាយដំណើរការសិក្សាលម្អិតមុខ វិជ្ជាសិក្សាទេសចរណ៍ក្នុងកម្មវិធីថ្នាក់វិទ្យាល័យទី១១ និងទី១២ កាលពីថ្ងៃចន្ទថា៖ «នៅពេលនេះយើងមើលឃើញថា យុវជនភាគច្រើនសិក្សាមុខវិជ្ជាពាណិជ្ជកម្ម ការងារការិយាល័យ និងការទំនាក់ទំនង ប៉ុន្តែពួកគេមិនយកចិត្តទុកដាក់និងកម្រមានការជ្រើសរើសយកមុខ វិជ្ជាវិស្វកម្ម និងការងារបច្ចេកទេស»។
លោកបន្តថា និស្សិតសាកលវិទ្យាល័យភាគច្រើនផ្ដោតលើឧស្សាហកម្មគ្មានផ្សែងគ្មាន ការបំពុលដោយសារពួកគេចូលចិត្តផ្នែកទំនាក់ទំនងដូចជាការសរសេរ និងការនិយាយច្រើនជាង។ លោកថ្លែងថា៖ «ប៉ុន្តែមុខវិជ្ជាដែលបម្រើឲ្យរោងចក្រនិងសហគ្រាសគេមិនទៅសិក្សា ទេ។ ដូច្នេះសព្វថ្ងៃយើងចាប់ផ្ដើមគិតពីបញ្ហានេះ»។
លោក តិច សំណាង ទីប្រឹក្សារដ្ឋាភិបាលកម្ពុជា និងជាអតីតអគ្គលេខាធិការរបស់គណៈកម្មាធិការវាយតម្លៃគុណភាពអប់រំ កម្ពុជាបានយល់ស្របជាមួយលោក អ៊ឹម សិទ្ធី។ លោកថ្លែងថា និស្សិតភាគច្រើនជ្រើសរើសមុខវិជ្ជាសិក្សាមិនបានផ្អែកលើគោលបំណង របស់ពួកគេ។ លោកបានបន្តថា៖ ពួកគេមើលឃើញលុយភ្លាមៗ ហើយពួកគេនាំគ្នាខ្វែងជើងគ្នាទៅសិក្សាមុខវិជ្ជានោះ។ នៅពេលពួកគេដាក់ពាក្យរកការងារធ្វើក្រុមហ៊ុនមួយត្រូវការបុគ្គលិក ១០នាក់ប៉ុន្តែអ្នកដាក់ពាក្យសុំអាចមានដល់ពាន់នាក់។ តើពួកគេអាចជាប់ដោយរបៀបណា?»។
លោក លើកឡើងថា កម្ពុជាត្រូវការជំនាញវិស្វកម្មច្រើនពិសេសនៅក្នុងវិស័យកសិកម្ម ខណៈយុវជនកម្ពុជាភាគច្រើនបានគិតថា ការសិក្សាខាងកសិកម្មពួកគេអាចនឹងត្រឡប់ទៅធ្វើការនៅតាមកសិដ្ឋាន វិញប៉ុន្តែពួកគេមិនដឹងថា ពួកគេអាចប្រើបច្ចេកទេសថ្មីៗដើម្បីផលិតឲ្យបានផលកាន់តែច្រើននោះ ទេ។
សម្រាប់ឆ្នាំសិក្សា ២០១១-២០១២ប្រទេសកម្ពុជា មានសិស្សប្រឡងបញ្ចប់ថ្នាក់វិទ្យាល័យសរុបប្រមាណ១១៤ ១១៤នាក់ ក្នុងនោះមានជាង៩ម៉ឺននាក់បានប្រឡងជាប់សញ្ញាបត្រមធ្យមសិក្សា ទុតិយភូមិ។
យោងតាមស្ថិតិ និង សូចនាករអប់រំ ២០១១-២០១២ ប្រទេសកម្ពុជាមានសិស្សចុះឈ្មោះចូលរៀននៅអនុវិទ្យាល័យនិង វិទ្យាល័យចំនួន ៥៥៤ ៨២៨នាក់។
លោក ហេង វ៉ាន់ដា នាយកវិទ្យាស្ថានវ៉ាន់ដា ដែលបង្រៀនមុខវិជ្ជាទាំងអស់សុទ្ធតែពាក់ព័ន្ធនឹងពាណិជ្ជកម្ម និយាយថា បច្ចុប្បន្ននេះមាននិស្សិតប្រមាណ ៨០០០នាក់កំពុងសិក្សាមុខវិជ្ជាធុរកិច្ច ជាពិសេស ជំនាញគណនេយ្យ។ លោកបន្តថា ពាណិជ្ជកម្មអាចបំបែកទៅជំនាញជាច្រើនទៀតរួមមាន គ្រប់គ្រង ទីផ្សារ គណនេយ្យ និង ទេសចរណ៍ ដែលធ្វើឲ្យនិស្សិតទទួលបានការងារក្នុងអំឡុងពេលសិក្សា ហើយសិក្សាខ្លះរួមគ្នាបង្កើនអាជីវកម្មផ្ទាល់ខ្លួនដូចជាបើកហាងជា ដើម។ លោកបន្ថែមថា៖ «កម្ពុជាខ្វះធនធានមនុស្សក្នុងជំនាញជាន់ខ្ពស់ដែលទើបតែមាននៅ កម្ពុជាដូចជាជំនាញវិភាគហិរញ្ញវត្ថុនៅក្នុងទីផ្សារភាគហ៊ុន ព្រោះវាទើបតែមាននៅកម្ពុជាក្នុងឆ្នាំ ២០១២ប៉ុណ្ណោះ»។
លោក អ៊ឹម សិទ្ធី បានលើកឡើងថា មន្ត្រីអប់រំជាច្រើនកំពុងសិក្សាពីបទពិសោធពីទីកន្លែងផ្សេងៗ ដើម្បីផ្ដល់ចំណេះដឹងទូទៅ និងការងារបច្ចេកទេសដែលមានស្រាប់ក្នុងប្រព័ន្ធអប់រំរបស់ក្រសួងហើយ បង្កើនការលើកទឹកចិត្តយុវជនឲ្យសិក្សាជំនាញបច្ចេកទេស។ លោកបន្តថា៖ «តំបន់មួយចំនួនចាំបាច់ត្រូវតែធ្វើដើម្បីបង្កើតឲ្យមានមុខវិជ្ជា នេះហើយកន្លែងខ្លះដែលចាំបាច់តាមបណ្ដាខេត្តមួយចំនួនត្រូវតែមាន សាលាបណ្ដុះបណ្ដាលបច្ចេកទេស»៕PB ប្រភពពី http://www.postkhmer.com/index.php/business/business/98525-2013-05-29-04-28-26
Facebook
No comments:
Post a Comment