គណបក្ស ទាំង៥ដែល គ.ជ.ប ទទួលស្គាល់ជាផ្លូវការនោះរួមមាន គណបក្សប្រជាជនកម្ពុជា គណបក្សសញ្ញាតិកម្ពុជា គណបក្សហ្វុនស៊ិនប៉ិច គណបក្សសម្ពន្ធ័ដើម្បីប្រជាធិបតេយ្យ និងគណបក្សសាធារណរដ្ឋប្រជាធិបតេយ្យ។ នេះបើយោងតាមសេចក្តីប្រកាសព័ត៌មានរបស់ គ.ជ.ប ដែលចេញផ្សាយនៅចុងសប្តាហ៍នេះ។
លោកទេព នីថា អគ្គលេខាធិការគណៈកម្មាធិការជាតិរៀបចំការបោះឆ្នោតបានប្រាប់វិទ្យុ បារាំងអន្តរជាតិនៅថ្ងៃនេះថា រហូតមកទល់រសៀលថ្ងៃអាទិត្យនេះ ក្រៅពីគណបក្សចំនួន៦ដែលបានដាក់ពាក្យសុំចុះបញ្ជីរួចហើយនោះ គ្មានគណបក្សថ្មីណាផ្សេងទៀតបានដាក់ពាក្យទៅ គ.ជ.ប នោះទេ ខណៈដែលកាលបរិច្ឆេទទទួលពាក្យសុំចុះបញ្ជីគណបក្សដើម្បីចូលរួម ការបោះឆ្នោតនឹងផុតកំណត់នៅល្ងាចថ្ងៃចន្ទស្អែកនេះ។
ចំណែកឯ គណបក្សសង្គ្រោះជាតិដែលទើបតែបានដាក់សំណុំឯកសារទៅ គ.ជ.ប ក្រោយគេកាលពីថ្ងៃសុក្រ កំពុងទទួលការត្រួតពិនិត្យពី គ.ជ.ប នៅឡើយ។ បើយោងតាមលោក ទេព នីថា គ.ជ.ប មានរយៈពេល៧ថ្ងៃដើម្បីពិនិត្យសំណុំឯកសាររបស់គណបក្សនីមួយៗបន្ទាប់ពី ការដាក់ពាក្យសុំចុះបញ្ជី។ គេនៅមិនទាន់ដឹងថា តើសំណុំឯកសាររបស់គណបក្សប្រឆាំងមួយនេះមានបញ្ហាអ្វីឫក៏អត់ នោះទេ។
ប៉ុន្តែអ្វីដែលគេបានដឹងគឺ លោកសម រង្ស៊ីប្រធានគណបក្សសង្គ្រោះជាតិនិងជាបេក្ខជននាយករដ្ឋមន្ត្រីរបស់គ ណបក្សនេះគ្មានឈ្មោះក្នុងបញ្ជីបេក្ខជនឈរឈ្មោះបោះឆ្នោតទេដោយសារ តែ បញ្ហាផ្លូវច្បាប់។
សូមបញ្ជាក់ថា គណបក្សនយោបាយដែលបានចុះឈ្មោះនៅឯក្រសួងមហាផ្ទៃក្នុងឆ្នាំ ២០១៣ នេះមានចំនួន ៤២ គណបក្ស។ ប៉ុន្តែ ទំនងជាមានគណបក្សមិនលើសពី៦នេះទេដែលត្រូវចូលរួមប្រកួតក្នុងការ បោះឆ្នោតសភាអាណត្តិទី៥នៅខែកក្កដាខាងមុខនេះ។ ចំនួននេះតិចជាងការបោះឆ្នោតសភាអាណត្តិទី៤ កាលពីឆ្នាំ ២០០៨ ដែលមានគណបក្សរហូតដល់ ១១ គណបក្ស៕ ប្រភព៖ RFI
Facebook
No comments:
Post a Comment