ក្រុមកម្មករបាននិយាយថា កាលពីថ្ងៃសៅរ៍ទី៤ ខែឧសភា ឆ្នាំ២០១៣ ពួកខ្លួនបានឃើញមានការដឹកម៉ាស៊ីនសម្រាប់កាត់ស្បែកជើងចេញពីរោងចក្រ ចំនួនប្រាំគ្រឿង តែមិនចាប់អារម្មណ៍អ្វីទេ។ ស្រាប់តែនៅថ្ងៃចន្ទនេះមានគេប្រាប់ថា កាលពិម្សិលមិញមានការព្យាយាមដឹកម៉ាស៊ីនចេញចំនួនពីរគ្រឿងទៀត តែសមត្ថកិច្ចហាមឃាត់ទាន់។ ជាមួយនឹងហេតុការណ៍នោះ ទើបពួកខ្លួនដឹងថា ថៅកែធំនៅភ្នំពេញបានត្រឡប់ទៅប្រ ទេសដោយមិនវិលមកវិញទេ ដូច្នេះហើយទើបពួកខ្លួនសម្រេចនាំគ្នាផ្អាកមិនធ្វើការមួយល្ងាច ហើយប្រមូលផ្តុំគ្នាទាមទារបើកប្រាក់ថ្លៃពលកម្ម និងប្រាក់អតីតការងារ។
លោកដួង សាវណ្ណ ប្រធានមន្ទីរការងារ និងបណ្តុះបណ្តាលវិជ្ជាជីវៈខេត្តកំពត បានប្រាប់ឱ្យដឹងថា កាលពីថ្ងៃទី៤ ខែឧសភា ឆ្នាំ២០១៣ ពិតជាមានហេតុការណ៍នៃការដឹកម៉ាស៊ីនដេរចេញពីរោងចក្រ មីង ដា មែន។ បន្ទាប់ពីទទួលដំណឹងនេះ ក្នុងនាមមន្ទីរជំនាញលោកបានរាយការណ៍ជូនលោកអភិបាលខេត្ត រហូត ទប់ស្កាត់បាននៅថ្ងៃបន្ទាប់ពេលគេព្យាយាមដឹកចេញពីរគ្រឿងទៀត។ ចំពោះព័ត៌មានដែលថា ថៅកែធំនៅភ្នំពេញវិលត្រឡប់ទៅប្រទេសតៃវ៉ាន់នោះ ជារឿងពិត តែត្រង់ថាគេមកវិញ ឬមិនមកនោះមិនប្រាកដទេ។ បើមានករណីគេចវេះមែននោះរាល់ទ្រព្យសម្បត្តិដែលមានទាំងប៉ុន្មាន មិនអាចយកចេញបានទេ។ ក្នុងនាម មន្ទីរជំនាញនឹងជួយបង្កលក្ខណៈដល់កម្មករក្នុងការដាក់បណ្តឹងចូល តុលាការ ដើម្បីសុំរក្សាការពារសម្រាប់ជាប្រយោជន៍ដល់កម្មកទាំងអស់។
ប្រធាន រដ្ឋបាលបន្តថា នៅពេលកម្មករភាគច្រើនកំពុងធ្វើការ ស្រាប់តែមានអ្នកផ្តាច់ភ្លើងធ្វើឱ្យកម្មករ ជ្រួលច្របល់ចេញពីកន្លែងធ្វើការ ហើយប្រមូលផ្តុំគ្នាកើតជារៀងតវ៉ារឿងប្រាក់ខែនេះ។ ប្រធានរដ្ឋបាលបានយល់ព្រមដោយអះអាងថា ជាសម្តីរបស់មេខាងលើថា នឹងបើកប្រាក់ខែជូនកម្មករនៅថ្ងៃទី១០ដូចសព្វដង ហើយកម្មករត្រូវបន្តធ្វើការជាធម្មតាចាប់ពីថ្ងៃស្អែកតទៅ។ ជាមួយនឹងដំណោះស្រាយនេះ កម្មករទាំងអស់សុខចិត្តទទួលយក រួចបំបែកហ្វូងទៅលំនៅស្ថានរៀងៗខ្លួន។
កម្មករម្នាក់ និយាយថា តាមពិតកាលពីព្រលឹមការងារធ្វើជាធម្មតាទេ តែក្រោយសម្រាកថ្ងៃត្រង់ ភាគច្រើនគេចូលធ្វើការ មួយចំនួនតូចព្យាយាមរេរាខាងក្រៅរហូតមានអ្នកទៅផ្តាច់ចរន្តអគ្គិសនី បណ្តាលឱ្យពួកគេមិនអាចធ្វើការបាន ទើបការធ្វើបាតុកម្មកើតចេញជាទ្រង់ទ្រាយធំបែបនេះ៕ ប្រភព៖ CEN
Facebook
No comments:
Post a Comment