ភ្នំពេញៈ ការផ្តល់កម្ចីពីគ្រឹះស្ថានធនាគារនៅកម្ពុជាគិតមកត្រឹមដំណាច់ត្រីមាសទីមួយឆ្នាំនេះមានការកើនឡើងប្រមាណ៣២ ភាគរយបើប្រៀបធៀបនឹងដំណាច់ត្រីមាសទីមួយកាលពីឆ្នាំមុន ស្របពេលកំណើនប្រាក់បញ្ញើក្នុងរយៈពេលដូចគ្នាបានកើនឡើងប្រមាណ២៨ភាគរយ។ នេះបើយោងតាមធនាគារជាតិនៃកម្ពុជា(NBC)។
របាយការណ៍ហិរញ្ញវត្ថុពី NBC ដែលភ្នំពេញ ប៉ុស្តិ៍ទទួលបានកាលពីម្សិលមិញបង្ហាញថា គិតមកត្រឹមដំណាច់ខែមីនាទំហំប្រាក់កម្ចីដែលផ្តល់ដោយគ្រឹះស្ថានធនាគារនៅកម្ពុជាមានចំនួនសរុប ៦,១៤ពាន់លានដុល្លារ គឺកើនឡើងពីចំនួនប្រហែល៤,៦៥ ពាន់លានដុល្លារកាលខែមីនាឆ្នាំមុន។ ស្របពេលជាមួយគ្នានេះទំហំប្រាក់បញ្ញើសរុបបានកើនឡើងដល់៦,៣៩ ពាន់លានដុល្លារ។
លោកស្រី ងួន សុខា អគ្គនាយិកាធនាគារជាតិនៃកម្ពុជាបានប្រាប់ភ្នំពេញ ប៉ុស្តិ៍កាលពីម្សិលមិញថា ការរីកចម្រើនផ្នែកប្រព័ន្ធធនាគារទាំងផ្នែកប្រាក់កម្ចី និង ប្រាក់បញ្ញើគឺជាការឆ្លុះបញ្ចាំងពីកំណើនផ្នែកសេដ្ឋកិច្ចក្នុងប្រទេសព្រោះថាវិស័យធនាគារប្រៀបបានដូចជាប្រេងរំអិលដើម្បីរុញច្រានសកម្មភាពសេដ្ឋកិច្ច។
លោកស្រីបានបន្តថា៖ «តម្រូវការសេវាហិរញ្ញវត្ថុមានទំហំធំណាស់នៅកម្ពុជា។ ប្រទេសយើងនៅតែរក្សាបានអត្រាកំណើនសេដ្ឋកិច្ចក្នុងចន្លោះពី៧ ទៅ៨ ភាគរយប្រចាំឆ្នាំ ដូច្នេះអត្រាកំណើនប្រាក់កម្ចីនិងប្រាក់បញ្ញើនឹងនៅបន្តមានក្នុងអត្រាដែលយើងឃើញនាពេលនេះ»។
លោកស្រីបានលើកឡើងថាចំនួនកម្ចីដែលប្រឈមនឹងហានិភ័យមានត្រឹមតែ២ភាគរយប៉ុណ្ណោះ ដែលនេះជាសូចនាករដ៏សំខាន់មួយបង្ហាញថា វិស័យធនាគារមានការរីកចម្រើនប្រកបដោយសុខុមាលភាព។
ការរក្សាកំណើនលើទំហំប្រាក់កម្ចីនេះបានរួមចំណែកពីវិស័យផ្សេងៗជាច្រើន ហើយការផ្តល់កម្ចីទៅលើវិស័យកសិកម្មបានរួមចំណែកសំខាន់ជាងគេ។
អត្រាកំណើនលើកម្ចីផ្នែកកសិកម្មនៅដំណាច់ត្រីមាសទីមួយនេះ មានប្រហែល៤០ភាគរយ បើធៀបនឹងដំណាច់ត្រីមាសទីមួយកាលពីឆ្នាំមុន។
អ្នកជំនាញក្នុងវិស័យហិរញ្ញវត្ថុបានលើកឡើងថា ការផ្តល់ប្រាក់កម្ចីពីគ្រឹះស្ថានធនាគារទៅឲ្យវិស័យកសិកម្មកំពុងមាននិន្នាការកើនឡើង ជាពិសេសនៅរយៈពេលចុងក្រោយនេះ។ តំណាងគ្រឹះស្ថានធនាគារធំៗបានបង្ហាញទំនុកចិត្តជាងមុនលើការផ្តល់កម្ចីលើវិស័យកសិកម្មបន្ទាប់ពីរដ្ឋាភិបាលកម្ពុជាបានដាក់ចេញនូវគោលនយោបាយគាំទ្រវិស័យកសិកម្ម ជាពិសេសគោលនយោបាយនាំចេញអង្ករ។
របាយការណ៍ស្តីពីការផ្តល់ប្រាក់កម្ចីនៅធនាគារអេស៊ីលីដាដែលជាធនាគារក្នុងស្រុកធំមួយនៅកម្ពុជាបានបង្ហាញថា គិតមកដល់ដំណាច់ត្រីមាសទីមួយឆ្នាំនេះ ការផ្តល់ប្រាក់កម្ចីសរុបនៅក្នុងធនាគារអេស៊ីលីដា បានឈានដល់១,៣៥ ពាន់លានដុល្លារ ហើយក្នុងនោះការផ្តល់កម្ចីដល់វិស័យកសិកម្មមានដល់ទៅ២៥៤ លានដុល្លារ។ អត្រានេះតំណាងឲ្យប្រមាណ១៩ ភាគរយនៃការផ្តល់ប្រាក់កម្ចីសរុប។
លោក អ៊ិន ចាន់នី ប្រធាននាយកប្រតិបត្តិធនាគារអេស៊ីលីដា បានឲ្យដឹងថា៖ «ទំនុកចិត្តក្នុងការផ្តល់កម្ចីដល់វិស័យកសិកម្មមានកាន់តែខ្លាំងជាងមុនដោយសារគោលនយោបាយរបស់រដ្ឋាភិបាលក្នុងការពង្រឹងការអភិវឌ្ឍវិស័យកសិកម្មពិសេសគោលនយោបាយនំាចេញអង្ករ»។លោកបានបញ្ជាក់បន្ថែមថា ការផ្តល់កម្ចីដល់រោងម៉ាស៊ីនកិនស្រូវមានរហូតដល់១៦ លានដុល្លារគិតមកត្រឹមដំណាច់ខែមីនាឆ្នាំនេះ តែធនាគាររបស់លោកមិនបានរាប់បញ្ចូលកម្ចីកសិកម្មទេ។
លោក Grant Knuckey នាយកប្រតិបត្តិធនាគារ ANZ Royal បានឲ្យដឹងថា ការផ្តល់កម្ចីទៅលើវិស័យកសិកម្មកំពុងកើនឡើងគួរឲ្យកត់សម្គាល់។
គិតមកដល់ដំណាច់ត្រីមាសទីមួយឆ្នាំនេះធនាគារ ANZ Royal បានផ្តល់កម្ចីដល់វិស័យកសិកម្មកើនឡើងប្រមាណ៣៥ភាគរយប្រៀបធៀបនឹងដំណាច់ត្រីមាសទីមួយកាលពីឆ្នាំមុន។
លោកបានលើកឡើងថា៖« វិស័យកសិកម្មជាវិស័យដ៏សំខាន់មួយសម្រាប់ការរីកចម្រើនដល់វិស័យធនាគារ។ តែរហូតមកទល់ពេលនេះបញ្ហាប្រឈមមួយចំនួននៅតែកើតមានដូចជា ការមិនបានរៀបចំរបាយការណ៍ហិរញ្ញវត្ថុបានត្រឹមត្រូវ និងកង្វះឯកសារពាក់ព័ន្ធផ្សេងៗ[ពីអ្នកទទួលកម្ចី]»៕ ប្រភពពី
Postkhmer.com
Facebook
ប្រភពពី kntnews: នៅយុគសម័យនេះភាពសិចស៊ី ស៊ីវីល័យ ជាគ្រឿងលម្អដែលសុភាពនារីចង់បាន ដើម្បីបង្អួតភ្នែកអ្នកជុំវិញឲ្យងាកក្រសភ្...
ភ្នំពេញ៖ វីដេអូចម្រៀងមួយបទ ដែលមានចំណងជើងថា «អត្មានិយម» របស់តារាចម្រៀង ប្រចាំផលិតកម្មថោន នាង មាស សុខ សោភា បានជាប់លើ VEVO ក្នុង YouTube ដែល ន...
១. និយមន័យបរិស្ថាន ពាក្យបរិស្ថាន មកពីភាសាបារាំង (Environner) វាមានន័យថាជាការព័ទ្ធជុំវិញ ឬរបស់នៅ ជុំវិញ ឬទី២ គឺជាលក្ខណ្ឌទាក់ទិនគ្នានៅក្នុងសង្...
ប្រាសាទអង្គរវត្ត ប្រាសាទអង្គរវត្តជាប្រាសាទដ៏អស្ចារ្យជាអង្គរដ៏ស្រស់ស្អាតនៃ ប្រទេស កម្ពុជាដែលសិ្ថតនៅក្នុង ខេត្តសៀមរាប។ដែលត្រួវ បានកសាងដោយ ...
ប្រភពពី lookingtoday.com : បុរសដែលមានប្រដាប់ភេទតូច ជាបញ្ហាចម្រងមួយ ធ្វើឲ្យកើតមានការតូចចិត្ត និងមិនទុកចិត្តខ្លួនឯង នៅពេលរួមភេទម្តងៗ។ បើយោងកា...
ទឹកសាបនៅកម្ពុជា ១.ទឹកហូរ អូរ ស្ទឹង ព្រែក ទន្លេជាប្រភពទឹកសាបដ៏សំខាន់បំផុត។ទឹកភ្លៀង ដែលធ្លាក់មក ត្រូវជ្រាបចូល ទៅក្នុងដីមួយចំនួន ឯមួយទៀតដែលម...
No comments:
Post a Comment