ភ្នំពេញៈ រថយន្ត Ford Explorer ប្រមាណ២៤គ្រឿងនៅកម្ពុជាកំពុងត្រូវបានក្រុមហ៊ុនកោះប្រមូលចូលក្រុមហ៊ុនវិញដើម្បីកែសម្រួលបំពង់បង្ហូរប្រេង បន្ទាប់ពីរកឃើញថា វាអាចនឹងបង្កឲ្យមានការឆេះបាន។ នេះបើតាមតំណាងក្រុមហ៊ុនប្រចាំនៅកម្ពុជា។
នៅសប្តាហ៍នេះក្រុមហ៊ុន Ford បានប្រកាសប្រមូល Ford ជាច្រើនម៉ូដែលនៅទូទាំងពិភពលោក។ ដោយសារមានការប្រមូលនូវចំនួនដ៏ច្រើនគេសង្ស័យថា តើគ្រឿងបន្លាស់សម្រាប់ផ្លាស់នេះវាគ្រប់គ្រាន់ក្នុងការផ្លាស់ជាបន្ទាន់ដែរ ឬ ទេ?
លោក សេង វឿង ប្រធានផ្នែករបស់ក្រុមហ៊ុន RMA ប្រចាំកម្ពុជានិយាយថាស្ថិតក្រោមបញ្ជីរបស់ក្រុមហ៊ុន រថយន្ត Ford Explorer 24 គ្រឿង ត្រូវបានលក់ចេញតាមរយៈឈ្មួញដែលទទួលបានសិទ្ធិនៅទីនេះហើយក្រុមហ៊ុនតម្រូវឲ្យមានការផ្លាស់ចេញ។លោកបន្តថា៖ «យើងបានប្រាប់ទៅម្ចាស់រថយន្តរួចហើយ»។
លោក Mell Manin ប្រធានផ្ដល់សេវារបស់ RMA ឲ្យដឹងថា បញ្ហានេះគឺនៅក្នុងប្រព័ន្ធបំពង់បង្ហូរប្រេងរបស់រថយន្ត។ លោកបានបន្តថា សម្រាប់រថយន្ត Ford Explorer មានបំពង់ប្រេងតូចៗពីរត្រូវបានដាក់នៅក្បែរគ្នាហើយបំពង់ទាំងពីរនេះអាចញ័រនៅពេលរថយន្តធ្វើដំណើរលើដងផ្លូវបណ្ដាលឲ្យមានការធ្លាយដែលបណ្ដាលឲ្យឆេះប្រសិនបើរថយន្តត្រូវបានបញ្ឆេះ។ លោកបន្តថាម៉ូដែលដែលទទួលផលប៉ះពាល់រួមមាន 2013 Taurus, Flex, Fusion, Interceptor Utility, Interceptor Sedan, and Lincoln MKS, MKT និង MKZ ។ ប៉ុន្តែ RMA បានលក់តែម៉ូដែលមួយចំនួនប៉ុណ្ណោះនៅកម្ពុជា។ ក្រុមហ៊ុន RMA បានលក់ចេញប្រហែល ៥០០គ្រឿង កាលពីឆ្នាំមុន។
ក្រុមហ៊ុន Ford ដែលមានមូលដ្ឋាននៅអាមេរិកបានប្រកាសនៅដើមសប្ដាហ៍នេះអំពីការប្រមូលរថយន្ត ៤៦៥ ០០០គ្រឿងក្នុងចំណោមម៉ូដែលទាំងនេះ។ រថយន្ត៣៩០ ០០០គ្រឿងមាននៅអាមេរិក និងរថយន្តចំនួន ២៣ ០០០គ្រឿងនៅប្រទេសកាណាដា។ សេចក្ដីប្រកាសព័ត៌មានរបស់ក្រុមហ៊ុនបានឲ្យដឹងថា ទោះបីយ៉ាងនេះមកដល់ពេលនេះមិនទាន់មានករណីឆេះ ឬគ្រោះថ្នាក់ណាមួយកើតឡើងដោយសារបញ្ហានេះនៅឡើយទេ។
ទីភ្នាក់ងាររ៉យទ័រ បានឲ្យដឹងថា ក្រុមហ៊ុន Ford បាននិយាយថា ខ្លួននឹងមិនមានគ្រឿងបន្លាស់គ្រប់គ្រាន់សម្រាប់ម្ចាស់រថយន្តទាំងនោះ ទេរហូតដល់ខែកញ្ញា។ សម្រាប់ក្រុមហ៊ុន RMA លោក Mell Manin បន្តថា ៖ « យើងកំពុងបញ្ជាទិញបំពង់បង្ហូរប្រេងនេះហើយ»។លោកបន្តថា បើគ្រឿងអាចរកបានការផ្លាស់ប្តូរផ្ទាល់ខ្លួននឹងត្រូវការតែរយៈពេល «ពីរបីម៉ោងតែប៉ុណ្ណោះ»។
ឈ្នួញលក់រថយន្តទទួលបានសិទ្ធិនៅកម្ពុជារួមមានក្រុមហ៊ុន Ford ជាញឹកញាប់មានការត្អូញត្អែរពីរថយន្តនាំចូលតាមរយៈក្រុមហ៊ុន ដែលមិនទទួលសិទ្ធិជាច្រើន។ លោកបន្តថា RMA មានបំណងផ្លាស់គ្រឿងបន្លាស់រថយន្តទាំងនេះបើវាស្ថិតក្រោមម៉ូដែលកំពុងត្រូវបានប្រមូលលោកបន្តថា៖ «យើងមិនចង់ឲ្យអ្នកបើកបរប្រថុយនឹងគ្រោះថ្នាក់នោះទេ»៕ PB ប្រភពពី Postkhmer.com
Facebook
No comments:
Post a Comment