ភ្នំពេញៈ ធនាគារអភិវឌ្ឍន៍អាស៊ី(ADB)និយាយថាកម្ពុជារំពឹងថានឹងអាចផលិត ថាមពលប្រហែលជាពាក់កណ្ដាលដែលខ្លួនត្រូវការត្រឹមឆ្នាំ២០៣៥។
ប៉ុន្តែកម្ពុជានិងបណ្ដាប្រទេសជិតខាងខ្លួនជាច្រើននឹងគិត ពិចារណាការធ្វើសមាហរណកម្មថាមពលអគ្គិសនីរបស់ពួកគេផងដែរដែលនឹង នាំមកនូវការប្រកួតប្រជែងតម្លៃព្រមទាំងការសន្សំប្រាក់បានរាប់ ពាន់លានដុល្លារ។
លោក Donghyun Park ប្រធានសេដ្ឋវិទូនៅនាយកដ្ឋានសេដ្ឋកិច្ច និងស្រាវជ្រាវរបស់ ADB បាននិយាយថា បច្ចុប្បន្នកម្ពុជាមិនស្ថិតនៅឆ្ងាយពីអត្រាផ្ដល់ថាមពលគ្រប់គ្រាន់ ដោយខ្លួនឯង ដែលមាន៥២ភាគរយនៅឆ្នាំ២០៣៥ទេ។
លោកបាននិយាយនៅសិក្ខាសាលា ADB កាលពីម្សិលមិញស្ដីពីទស្សនវិស័យថាមពលរបស់អាស៊ី។ លោកនិយាយថា ដើម្បីបង្កើនសុវត្ថិភាពថាមពលរបស់ខ្លួនកម្ពុជានិង ប្រទេសផ្សេងទៀតរបស់មហាអនុតំបន់ទន្លេមេគង្គដូចជា មីយ៉ាន់ម៉ា ថៃ វៀតណាម ឡាវ និងផ្នែកជាច្រើនរបស់ប្រទេសចិនគួរតែភ្ជាប់ទំនាក់ទំនងអគ្គិសនី របស់ពួកគេ និងថាមពលឧស្ម័នធម្មជាតិ។
លោកបន្តថា៖ «នេះគឺជាតំបន់ដែលមានភាពខុសប្លែកគ្នាច្រើន។ ម៉្យាងវិញទៀតប្រទេសមួយចំនួនជាអ្នកនាំចេញថាមពលប្រទេសខ្លះជា អ្នកនាំចូលថាមពលដូច្នេះមានការចំណេញដ៏ច្រើនពីកិច្ចសហប្រតិបត្តិ ការថាមពលក្នុងតំបន់»។ លោកបន្តថា ឧទាហរណ៍ ទឹកប្រាក់ចំនួន១៤ពាន់លានដុល្លារនឹងត្រូវបានសន្សំក្នុងរយៈពេល ២០ឆ្នាំតាមរយៈការប្រើវារីអគ្គិសនីជំនួសប្រេងក្នុងតំបន់។
លោកបន្តថាអត្ថប្រយោជន៍ផ្សេងទៀតអាចនឹងមានតម្លៃស្ដង់ដារនិងបទ ប្បញ្ញត្តិជាប់ពាក់ព័ន្ធនឹងជាលទ្ធភាពនៃទីផ្សារថាមពលប្រកួត ប្រជែងកាន់តែច្រើន។ តម្លៃថាមពលខ្ពស់ព្រមទាំងការដាច់ភ្លើងនាពេលថ្មីៗនេះ ជារឿយៗមានការត្អូញត្អែរក្នុងចំណោមវិនិយោគិននៅកម្ពុជា។ ប៉ុន្តែលោកបន្តថា ការធ្វើសមាហរណកម្មទីផ្សារបែបនោះប្រឈមនឹងការអត់ធ្មត់ច្រើន ។ លោកថ្លែងថា៖ «វាមានការលំបាកដោយសារតែការផ្ដត់ផ្គង់ថាមពលអគ្គិសនីចេះតែចង់ ធ្វើផ្ដាច់មុខតែឯង»។
លោក Hiroshi Suzuki អគ្គនាយកវិទ្យាស្ថានស្រាវជ្រាវពាណិជ្ជកម្មកម្ពុជាប្រាប់ភ្នំពេញ ប៉ុស្តិ៍កាលពីលើកមុនថា ខ្សែបញ្ជូនថាមពលអគ្គិសនីភ្ជាប់ទៅថៃ វៀតណាម ឡាវ និងកម្ពុជាត្រូវបានសាងសង់ ហើយនឹងដំណើរក្នុងពេលណាមួយ។
លោក កែវ រតនៈ អគ្គនាយកអគ្គិសនីកម្ពុជាធ្លាប់បាននិយាយថា កង្វះថាមពលនៅតាមបណ្តាប្រទេសក្នុងតំបន់អាស៊ានបានបង្ហាញពីបញ្ហា ប្រឈមយ៉ាងធ្ងន់ធ្ងរក្នុងការធ្វើសមាហរណកម្មនៅក្នុងតំបន់នេះទាំង មូល៕ PB ប្រភព postkhmer.com
Facebook
No comments:
Post a Comment