ភ្នំពេញ:
ស្ថិតក្នុងទឹកមុខក្រៀមក្រំ ស្លេកស្លាំង
ស្ត្រីម្នាក់អង្គុយក្នុងបន្ទប់ផ្ទះជួលដ៏តូចមួយ
ស្ថិតក្នុងភូមិទួលសង្កែ សង្កាត់ទួលសង្កែ ខណ្ឌឫស្សីកែវ មានតែមួយគ្រែ
គ្មានសម្ភារៈអ្វីជាដុំកំភួន សូម្បីតែកន្ទេល សម្រាប់ក្រាលដេក
ក៏គ្មានដែរ ដោយក្នុងបន្ទប់នោះ មានសមាជិកគ្រួសារចំនួន ៤ នាក់។
លោកស្រីបានប្រកាសខ្លួន
ជាជនរងគ្រោះម្នាក់ នៅក្នុងរឿងស្នេហាត្រីកោណ
របស់មេដឹកនាំនយោបាយប្រឆាំងម្នាក់ គឺលោក កឹម សុខា
ប្រធានស្តីទីគណបក្សសង្គ្រោះជាតិ ដោយលោកស្រីនិយាយថា
មានទំនាក់ទំនងស្នេហារយ:ពេល ១៦ឆ្នាំ មុនពេលបែកបាក់គ្នា។
អ្នកស្រី កែវ សុផាន់ណារី ស្ថិតក្នុងវ័យ ៣៨ឆ្នាំ បានរៀបរាប់ទាំងទឹកភ្នែកថា ក្នុងអំឡុង ឆ្នាំ១៩៨៩ នៅផ្ទះមិត្តភ័ក្តិរបស់នាងម្នាក់ ដែលមានគ្រួសារជាមន្ត្រី (ដែលគេហៅថាឯកឧត្តម) មានកម្មវិធីជប់លៀង ហូបចុកនៅផ្ទះ ហើយពេលនោះ ក៏មានបុរសម្នាក់ ( កឹម សុខា ) ចេះតែលួចសំឡឹងមើលនាង តែនាងហាក់បីដូចជា មិនចាប់អារម្មណ៍ ហើយម្យ៉ាងវិញទៀត ដោយនាងមិនស្គាល់ថា បុរសម្នាក់នោះ ជាអ្នកណាទេ។
ស្ត្រីនោះ បន្តថា ដោយរូបឆោមលោមពណ៌ ស្រស់ស្អាត មួយសប្តាហ៍ កន្លងផុតទៅ បុរសម្នាក់នោះបានធ្វើដំណើរទៅដល់ ផ្ទះនាង ដោយជិះឡាន ពណ៌ខ្មៅមួយគ្រឿង ជាមួយបុរសម្នាក់ទៀត ឈ្មោះ សុន ឆៃ ហើយក៏ចេះតែចុះឡើងរហូត បាននាំនាង ទៅញ៉ាំបាយនៅខាងក្រៅ ហើយនាងក៏បានប្រគល់ខ្លួនប្រាណ ឲ្យទៅបុរសម្នាក់នោះដោយទើបតែស្គាល់គ្នា បានតែពីរ សប្តាហ៍ប៉ុណ្ណោះ ព្រោះតែកាលនោះ បុរសម្នាក់ បានលួងលោមនាង និងមានជូនជាសម្ភារៈទំនើប ព្រមទាំងលុយកាក់ ដើម្បីជាធ្នាក់ ធ្វើឲ្យនាងលង់ស្រឡាញ់ដែរ។
កែវ សុផាន់ណារី បានបន្តថា “បើពីដំបូងខ្ញុំដឹងថា គាត់មានប្រពន្ធ និងជាអ្នករាជការ អ្នកនយោបាយ ខ្ញុំក៏មិនទទួលយក គាត់ដែរ”។ ក្រោយជួបគ្នា និងបានរស់នៅជាមួយគ្នារយៈពេល ៦ឆ្នាំ ទើបបែកធ្លាយរឿងនេះទៅដល់ប្រពន្ធរបស់លោក កឹម សុខា ដែលរស់នៅសហរដ្ឋអាមេរិក ពេលនោះនាងត្រូវប្រពន្ធរបស់លោក កឹម សុខា ទូរស័ព្ទមកជេរ មួយថ្ងៃពីរដង ព្រឹកម្តង ល្ងាចម្តង។
នាង បន្តថា នៅថ្ងៃមួយ លោក កឹម សុខា បានឲ្យអង្គរក្ស ទៅយកនាងចេញពីផ្ទះជួលមួយកន្លែងនៅខណ្ឌទួលគោក ពេលនោះនាងបានប្រញាប់ប្រញ៉ាល់ចេញ ដោយខ្លាចប្រពន្ធរបស់លោក កឹម សុខា មកទាន់ ព្រោះកន្លងមក លោក កឹម សុខា បានប្រាប់នាងថា ប្រពន្ធរបស់គាត់ ដើរទៅណាមកណា តែងដាក់កាំភ្លើងតាមខ្លួន ដូច្នេះនាង ក៏រួសរាន់ចេញដែរ។ ចេញផុតបានប្រមាណតែ ៥នាទីប៉ុណ្ណោះ ប្រពន្ធដើមរបស់លោក កឹម សុខា បានទៅផ្ទះជួលនោះ តែរកមិនឃើញ ព្រោះនាង បានចញទៅបាត់ទៅហើយ។
នាង សុផាន់ណារី បានបន្តទាំងទឹកភ្នែកថា ពីដំបូងលោក កឹម សុខា ស្រឡាញ់នាងខ្លាំងណាស់ បាននាំនាងទៅញ៉ាំបាយជាច្រើនកន្លែង។ នៅក្នុងប្រទេសខ្មែរ នាងបានស្គាល់ស្ទើរតែទាំងអស់ទៅហើយ ព្រោះរាល់ពេលដែលលោក កឹម សុខា ចុះទៅធ្វើវេទិការសាធារណៈ គឺលោកតែងតែនាំនាងទៅជានិច្ច ហើយនាងធ្លាប់បានលោក កឹម សុខា នាំទៅដល់ប្រទេសថៃ ដោយកាលនោះ លោក កឹម សុខា មានតួនាទីជូនលោក ជា ប៉ូច ឡើងយន្តហោះ និងឲ្យលោក កឹម សុខា ជួយបកប្រែផង ព្រោះលោក ជា ប៉ូច មិនចេះនិយាយភាសារអង់គ្លេសទេ លោកចេះតែហៅមីហូបតែប៉ុណ្ណោះ។ដូច្នេះ វា បណ្តាលឲ្យលោក មានជំងឺរាករហូត ទើបហៅលោក កឹម សុខា ឲ្យជួយ។
សុផាន់ណារី បញ្ជាក់ទៀតថា ចាប់តាំងពីស្គាល់គ្នា និងរស់នៅជាមួយគ្នា ដោយមិនបានរៀបការនោះទេ គឺគ្រាន់តែបានរៀបចំ បានម្ហូបតែមួយចាស់ដាក់សែន ដើម្បីកុំឲ្យមេបាកាច់តែប៉ុណ្ណោះ។ ក្រោយមកពួកគេបានរស់នៅជាមួយគ្នាដូចជាប្តីប្រពន្ធ ចេញចូល ដោយមានទាំងអង្គរក្ស តាមជាប់ ស្ថិតក្នុងផ្ទះឯភូមិវាលស្បូវ ស្រុកគៀនស្វាយ តែពេលនេះស្ថិតក្នុង ខណ្ឌមានជ័យ ដោយភូមិអ្នកស្រុក អ្នកណាក៏គេស្គាល់ នាងជាប្រពន្ធរបស់លោក កឹម សុខា ដែរ។
ក្រោយពីរស់នៅជាមួយគ្នាបានមួយរយៈមក លោក កឹម សុខា បានឲ្យនាងនិងម្តាយនាងលក់ផ្ទះនោះចោលទៅ ព្រោះលោក កឹម សុខា អះអាងមានអ្នកការសែតតាមដានលោក។ ម្យ៉ាងទៀត ប្រពន្ធរបស់លោក ក៏បានដឹងថា លោកមានប្រពន្ធចុងដែរ។ ក្រោយពីនាងលក់ផ្ទះនេះហើយ លោក កឹម សុខា បានសន្យាថា ចាំពេលបោះឆ្នោត នៅឆ្នាំ២០០៨ ចប់រួចរាល់ លោកនឹងរៀបចំ រកទិញផ្ទះឲ្យធំជាងនេះ។ ប៉ុន្តែការសន្យានោះ ហាក់បីដូចជាស្ងប់ស្ងាត់។ ពួកគេក៏បាន បែកបាក់គ្នាមួយរយៈទៅ។
នាងបានរំលឹកបន្ថែមថា “នៅពេលមួយនោះ ខ្ញុំបានដឹងថា គាត់ជាប់ពន្ធនាគារព្រៃស ខ្ញុំបានយកបាយម្ហូបទៅជូនគាត់ ក្នុងលក្ខណៈជាអ្នកធ្លាប់ស្គាល់ នឹងធ្លាប់ជាប្តីប្រពន្ធ។ ក្រោយមក ខ្ញុំក៏បានទទួលសំបុត្រមួយច្បាប់យ៉ាងខ្លី ពីលោក កឹម សុខា ដោយលោក សសេរថា បងមានញ៉ាំគ្រប់គ្រាន់ហើយ គិតគូរទុកខ្លួនឯងចុះ។ បងមិនអីទេ”។
កែវ សុផាន់ណារី បានបន្តថា “នៅថ្ងៃមួយ ដោយមិនចាំថ្ងៃខែ ក្រោយពីលោក កឹម សុខា ចេញពីគុកទៅហើយ លោក ចៅ ផល្លី បានបបួលខ្ញុំ ទៅញ៉ាំបាយ នៅហាងមួយកន្លែង នៅជិតវត្តកោះ ខ្ញុំមិនដឹងថា លោក ចៅ ផល្លី នេះ បានរៀបគម្រោង ឲ្យលោក កឹម សុខា មកជួបខ្ញុំទេ។ ពេលកំពុងអង្គុយញ៉ាំបាយនោះ ក៏ស្រាប់តែមានបុរសម្នាក់ យកដៃទាំងពីរបិទភ្នែកខ្ញុំ ពេលដែលខ្ញុំក្រឡេកឃើញគាត់ (កឹម សុខា) ខ្ញុំមានអារម្មណ៍ខឹងគាត់ខ្លាំងណាស់ បានស្ទុះរកកាំបិតបំរុង ទៅចាក់គាត់។ តែដោយមានការសម្របសម្រួល ពីលោក ចៅ ផល្លី និងមានការសុំទោសពីលោក កឹម សុខា ផងនោះ ពួកខ្ញុំក៏បានស្រុះស្រួលគ្នា នៅថ្ងៃនោះ និងបាននាំគ្នា ឡើងទៅសម្រាក នៅសណ្ឋាគារនោះ ជាមួយគ្នាទៅ”។
នាងបានបញ្ជាក់ទៀតថា អ្វីដែលធ្វើឲ្យនាងអត់ទ្រាំមិនបាន ក៏សម្រេចចេញមុខមកបកស្រាយ នោះគឺ គាត់ (កឹម សុខា) ឲ្យខ្ញុំចេញទៅរស់នៅតាមខេត្ត រយៈពេលប្រហែលជាង ៤ឆ្នាំ ព្រោះខ្លាចគេដឹង ដោយគាត់ ទទួលចិញ្ចឹម ក្នុងមួយខែ ១០០ ដុល្លារ។ ពេលនោះ ខ្ញុំរស់នៅទាំងលំបាកបំផុត។ រឿងមួយទៀត នោះគឺនៅពេលដែលនាងមានរបួសបាក់ដៃ នាងបានទូរស័ព្ទទៅលោក កឹម សុខា ឲ្យជួយឧបត្ថម្ភខ្លះ តែគាត់បានលួងលោម ឲ្យខ្ញុំទៅខ្ចីលុយគេសិនទៅ ព្រោះពេលនេះ គាត់ (លោក កឹម សុខា) មានការជាប់រវល់ខ្លាំងណាស់។
បច្ចុប្បន្នស្ត្រី ដែលបានអះអាងថា ជាប្រពន្ធចុងរបស់លោក កឹម សុខា កំពុងជួបការលំបាកខ្លាំង ក្រោយពីលោក កឹម សុខា លែងទទួលស្គាល់ ឈប់ផ្គត់ផ្គង់។ នាងរស់នៅបន្ទប់ជួល ដ៏តូចមួយ ខ្វះខាតការហូបចុក នឹងគ្មានលុយ បង់ថ្លៃផ្ទះជួលទៀតទេ។
លោក កឹម សុខា ប្រធានស្តីទីគណបក្សសង្គ្រោះជាតិ បានឲ្យCENដឹង នៅរសៀលថ្ងៃទី១១ ខែមិថុនា ឆ្នាំ២០១៣ ថា ចំពោះដំណឹងខាងលើនេះ លោកសុំធ្វើការបដិសេធទាំងស្រុង។ លោកថា វាជាការបង្ខូច និងរករឿងលោក ពីរឿងមួយទៅរឿងមួយ។
ប៉ុន្តែទោះបីជាយ៉ាងណាក៏ដោយចុះ អ្នកស្រី កែវ សុផាន់ណារី បានផ្តល់រឿងយ៉ាងលម្អិត ដែលគេពិបាកនឹងគិតថា ស្ត្រីដ៏សាមញ្ញម្នាក់ អាចធ្វើការប្រឌិតរឿង យ៉ាងប៉ិនប្រសប់បែបនេះ។ បើសិនជាអ្វីៗ ដូចដែលលោកស្រី បាននិយាយមែននោះ លោក កឹម សុខា ពិតជាបានក្លាយជាគ្លីនតុន នៅកម្ពុជា៕ ប្រភពព័ត៌មាន ៖ CEN
អ្នកស្រី កែវ សុផាន់ណារី ស្ថិតក្នុងវ័យ ៣៨ឆ្នាំ បានរៀបរាប់ទាំងទឹកភ្នែកថា ក្នុងអំឡុង ឆ្នាំ១៩៨៩ នៅផ្ទះមិត្តភ័ក្តិរបស់នាងម្នាក់ ដែលមានគ្រួសារជាមន្ត្រី (ដែលគេហៅថាឯកឧត្តម) មានកម្មវិធីជប់លៀង ហូបចុកនៅផ្ទះ ហើយពេលនោះ ក៏មានបុរសម្នាក់ ( កឹម សុខា ) ចេះតែលួចសំឡឹងមើលនាង តែនាងហាក់បីដូចជា មិនចាប់អារម្មណ៍ ហើយម្យ៉ាងវិញទៀត ដោយនាងមិនស្គាល់ថា បុរសម្នាក់នោះ ជាអ្នកណាទេ។
ស្ត្រីនោះ បន្តថា ដោយរូបឆោមលោមពណ៌ ស្រស់ស្អាត មួយសប្តាហ៍ កន្លងផុតទៅ បុរសម្នាក់នោះបានធ្វើដំណើរទៅដល់ ផ្ទះនាង ដោយជិះឡាន ពណ៌ខ្មៅមួយគ្រឿង ជាមួយបុរសម្នាក់ទៀត ឈ្មោះ សុន ឆៃ ហើយក៏ចេះតែចុះឡើងរហូត បាននាំនាង ទៅញ៉ាំបាយនៅខាងក្រៅ ហើយនាងក៏បានប្រគល់ខ្លួនប្រាណ ឲ្យទៅបុរសម្នាក់នោះដោយទើបតែស្គាល់គ្នា បានតែពីរ សប្តាហ៍ប៉ុណ្ណោះ ព្រោះតែកាលនោះ បុរសម្នាក់ បានលួងលោមនាង និងមានជូនជាសម្ភារៈទំនើប ព្រមទាំងលុយកាក់ ដើម្បីជាធ្នាក់ ធ្វើឲ្យនាងលង់ស្រឡាញ់ដែរ។
កែវ សុផាន់ណារី បានបន្តថា “បើពីដំបូងខ្ញុំដឹងថា គាត់មានប្រពន្ធ និងជាអ្នករាជការ អ្នកនយោបាយ ខ្ញុំក៏មិនទទួលយក គាត់ដែរ”។ ក្រោយជួបគ្នា និងបានរស់នៅជាមួយគ្នារយៈពេល ៦ឆ្នាំ ទើបបែកធ្លាយរឿងនេះទៅដល់ប្រពន្ធរបស់លោក កឹម សុខា ដែលរស់នៅសហរដ្ឋអាមេរិក ពេលនោះនាងត្រូវប្រពន្ធរបស់លោក កឹម សុខា ទូរស័ព្ទមកជេរ មួយថ្ងៃពីរដង ព្រឹកម្តង ល្ងាចម្តង។
នាង បន្តថា នៅថ្ងៃមួយ លោក កឹម សុខា បានឲ្យអង្គរក្ស ទៅយកនាងចេញពីផ្ទះជួលមួយកន្លែងនៅខណ្ឌទួលគោក ពេលនោះនាងបានប្រញាប់ប្រញ៉ាល់ចេញ ដោយខ្លាចប្រពន្ធរបស់លោក កឹម សុខា មកទាន់ ព្រោះកន្លងមក លោក កឹម សុខា បានប្រាប់នាងថា ប្រពន្ធរបស់គាត់ ដើរទៅណាមកណា តែងដាក់កាំភ្លើងតាមខ្លួន ដូច្នេះនាង ក៏រួសរាន់ចេញដែរ។ ចេញផុតបានប្រមាណតែ ៥នាទីប៉ុណ្ណោះ ប្រពន្ធដើមរបស់លោក កឹម សុខា បានទៅផ្ទះជួលនោះ តែរកមិនឃើញ ព្រោះនាង បានចញទៅបាត់ទៅហើយ។
នាង សុផាន់ណារី បានបន្តទាំងទឹកភ្នែកថា ពីដំបូងលោក កឹម សុខា ស្រឡាញ់នាងខ្លាំងណាស់ បាននាំនាងទៅញ៉ាំបាយជាច្រើនកន្លែង។ នៅក្នុងប្រទេសខ្មែរ នាងបានស្គាល់ស្ទើរតែទាំងអស់ទៅហើយ ព្រោះរាល់ពេលដែលលោក កឹម សុខា ចុះទៅធ្វើវេទិការសាធារណៈ គឺលោកតែងតែនាំនាងទៅជានិច្ច ហើយនាងធ្លាប់បានលោក កឹម សុខា នាំទៅដល់ប្រទេសថៃ ដោយកាលនោះ លោក កឹម សុខា មានតួនាទីជូនលោក ជា ប៉ូច ឡើងយន្តហោះ និងឲ្យលោក កឹម សុខា ជួយបកប្រែផង ព្រោះលោក ជា ប៉ូច មិនចេះនិយាយភាសារអង់គ្លេសទេ លោកចេះតែហៅមីហូបតែប៉ុណ្ណោះ។ដូច្នេះ វា បណ្តាលឲ្យលោក មានជំងឺរាករហូត ទើបហៅលោក កឹម សុខា ឲ្យជួយ។
សុផាន់ណារី បញ្ជាក់ទៀតថា ចាប់តាំងពីស្គាល់គ្នា និងរស់នៅជាមួយគ្នា ដោយមិនបានរៀបការនោះទេ គឺគ្រាន់តែបានរៀបចំ បានម្ហូបតែមួយចាស់ដាក់សែន ដើម្បីកុំឲ្យមេបាកាច់តែប៉ុណ្ណោះ។ ក្រោយមកពួកគេបានរស់នៅជាមួយគ្នាដូចជាប្តីប្រពន្ធ ចេញចូល ដោយមានទាំងអង្គរក្ស តាមជាប់ ស្ថិតក្នុងផ្ទះឯភូមិវាលស្បូវ ស្រុកគៀនស្វាយ តែពេលនេះស្ថិតក្នុង ខណ្ឌមានជ័យ ដោយភូមិអ្នកស្រុក អ្នកណាក៏គេស្គាល់ នាងជាប្រពន្ធរបស់លោក កឹម សុខា ដែរ។
ក្រោយពីរស់នៅជាមួយគ្នាបានមួយរយៈមក លោក កឹម សុខា បានឲ្យនាងនិងម្តាយនាងលក់ផ្ទះនោះចោលទៅ ព្រោះលោក កឹម សុខា អះអាងមានអ្នកការសែតតាមដានលោក។ ម្យ៉ាងទៀត ប្រពន្ធរបស់លោក ក៏បានដឹងថា លោកមានប្រពន្ធចុងដែរ។ ក្រោយពីនាងលក់ផ្ទះនេះហើយ លោក កឹម សុខា បានសន្យាថា ចាំពេលបោះឆ្នោត នៅឆ្នាំ២០០៨ ចប់រួចរាល់ លោកនឹងរៀបចំ រកទិញផ្ទះឲ្យធំជាងនេះ។ ប៉ុន្តែការសន្យានោះ ហាក់បីដូចជាស្ងប់ស្ងាត់។ ពួកគេក៏បាន បែកបាក់គ្នាមួយរយៈទៅ។
នាងបានរំលឹកបន្ថែមថា “នៅពេលមួយនោះ ខ្ញុំបានដឹងថា គាត់ជាប់ពន្ធនាគារព្រៃស ខ្ញុំបានយកបាយម្ហូបទៅជូនគាត់ ក្នុងលក្ខណៈជាអ្នកធ្លាប់ស្គាល់ នឹងធ្លាប់ជាប្តីប្រពន្ធ។ ក្រោយមក ខ្ញុំក៏បានទទួលសំបុត្រមួយច្បាប់យ៉ាងខ្លី ពីលោក កឹម សុខា ដោយលោក សសេរថា បងមានញ៉ាំគ្រប់គ្រាន់ហើយ គិតគូរទុកខ្លួនឯងចុះ។ បងមិនអីទេ”។
កែវ សុផាន់ណារី បានបន្តថា “នៅថ្ងៃមួយ ដោយមិនចាំថ្ងៃខែ ក្រោយពីលោក កឹម សុខា ចេញពីគុកទៅហើយ លោក ចៅ ផល្លី បានបបួលខ្ញុំ ទៅញ៉ាំបាយ នៅហាងមួយកន្លែង នៅជិតវត្តកោះ ខ្ញុំមិនដឹងថា លោក ចៅ ផល្លី នេះ បានរៀបគម្រោង ឲ្យលោក កឹម សុខា មកជួបខ្ញុំទេ។ ពេលកំពុងអង្គុយញ៉ាំបាយនោះ ក៏ស្រាប់តែមានបុរសម្នាក់ យកដៃទាំងពីរបិទភ្នែកខ្ញុំ ពេលដែលខ្ញុំក្រឡេកឃើញគាត់ (កឹម សុខា) ខ្ញុំមានអារម្មណ៍ខឹងគាត់ខ្លាំងណាស់ បានស្ទុះរកកាំបិតបំរុង ទៅចាក់គាត់។ តែដោយមានការសម្របសម្រួល ពីលោក ចៅ ផល្លី និងមានការសុំទោសពីលោក កឹម សុខា ផងនោះ ពួកខ្ញុំក៏បានស្រុះស្រួលគ្នា នៅថ្ងៃនោះ និងបាននាំគ្នា ឡើងទៅសម្រាក នៅសណ្ឋាគារនោះ ជាមួយគ្នាទៅ”។
នាងបានបញ្ជាក់ទៀតថា អ្វីដែលធ្វើឲ្យនាងអត់ទ្រាំមិនបាន ក៏សម្រេចចេញមុខមកបកស្រាយ នោះគឺ គាត់ (កឹម សុខា) ឲ្យខ្ញុំចេញទៅរស់នៅតាមខេត្ត រយៈពេលប្រហែលជាង ៤ឆ្នាំ ព្រោះខ្លាចគេដឹង ដោយគាត់ ទទួលចិញ្ចឹម ក្នុងមួយខែ ១០០ ដុល្លារ។ ពេលនោះ ខ្ញុំរស់នៅទាំងលំបាកបំផុត។ រឿងមួយទៀត នោះគឺនៅពេលដែលនាងមានរបួសបាក់ដៃ នាងបានទូរស័ព្ទទៅលោក កឹម សុខា ឲ្យជួយឧបត្ថម្ភខ្លះ តែគាត់បានលួងលោម ឲ្យខ្ញុំទៅខ្ចីលុយគេសិនទៅ ព្រោះពេលនេះ គាត់ (លោក កឹម សុខា) មានការជាប់រវល់ខ្លាំងណាស់។
បច្ចុប្បន្នស្ត្រី ដែលបានអះអាងថា ជាប្រពន្ធចុងរបស់លោក កឹម សុខា កំពុងជួបការលំបាកខ្លាំង ក្រោយពីលោក កឹម សុខា លែងទទួលស្គាល់ ឈប់ផ្គត់ផ្គង់។ នាងរស់នៅបន្ទប់ជួល ដ៏តូចមួយ ខ្វះខាតការហូបចុក នឹងគ្មានលុយ បង់ថ្លៃផ្ទះជួលទៀតទេ។
លោក កឹម សុខា ប្រធានស្តីទីគណបក្សសង្គ្រោះជាតិ បានឲ្យCENដឹង នៅរសៀលថ្ងៃទី១១ ខែមិថុនា ឆ្នាំ២០១៣ ថា ចំពោះដំណឹងខាងលើនេះ លោកសុំធ្វើការបដិសេធទាំងស្រុង។ លោកថា វាជាការបង្ខូច និងរករឿងលោក ពីរឿងមួយទៅរឿងមួយ។
ប៉ុន្តែទោះបីជាយ៉ាងណាក៏ដោយចុះ អ្នកស្រី កែវ សុផាន់ណារី បានផ្តល់រឿងយ៉ាងលម្អិត ដែលគេពិបាកនឹងគិតថា ស្ត្រីដ៏សាមញ្ញម្នាក់ អាចធ្វើការប្រឌិតរឿង យ៉ាងប៉ិនប្រសប់បែបនេះ។ បើសិនជាអ្វីៗ ដូចដែលលោកស្រី បាននិយាយមែននោះ លោក កឹម សុខា ពិតជាបានក្លាយជាគ្លីនតុន នៅកម្ពុជា៕ ប្រភពព័ត៌មាន ៖ CEN
Facebook
No comments:
Post a Comment