លី ច័ន្ទសីហា រៀបការស្ងាត់ៗជាមួយ អ្នកសិល្បៈដូចគ្នា

ភ្នំពេញៈ តារាទឹកភ្នែកចង្កាស្រួច សម្បុរស្រអែម លី ច័ន្ទសីហា ដែលកន្លងមកធ្លាប់អះអាងថា នាងមិន ទាន់ចង់គិតពីរឿងរ៉ាវស្នេហានោះទេ ព្រោះថានាងធ្លាប់មានដំបៅចាស់ ជួបស្នេហ៍បរាជ័យម្ដងរួចមកហើយ។ តែពេលនេះ អ្វីដែលធ្វើឲ្យទស្សនិកជន និយមគាំទ្រជាមួយនាងជាច្រើន មានការងឿងឆ្ងល់ ខណៈដែលនាងបានបង្ហាញជា សាធារណៈនូវរូបថតអាពាហ៍ពិពាហ៍របស់នាង ដោយស្ងាត់ៗនៅលើ Facebook ។
កាលពីថ្ងៃទី១ ខែមិថុនា ឆ្នាំ២០១៣នេះ គឺជាទិវាសិទ្ធកុមារ ហើយក៏ស្រាប់ថ្ងៃ ដែលតារាស្រីល្បីឈ្មោះ ខាងពូកែបង្ហូរទឹកភ្នែក កញ្ញា លី ច័ន្ទសីហា បានសម្រេចចិត្តកសាងចូលរោងការ មានគ្រួសារស្ងាត់ៗ ខណៈកន្លងមកតារាស្រីរូបនេះ មិនធ្លាប់បានបង្ហើបពីទំនាក់ទំនង ស្នេហារបស់នាង ជាមួយបុរសណាម្នាក់ឡើយ។
ស្រាប់តែសុខៗនាងបង្ហោះរូបថតក្នុងថ្ងៃរៀបការ ជាមួយបុរសវ័យស្របាលគ្នា មានរូបរាងសង្ហា ដែលកូនប្រុសនោះមានឈ្មោះថា ឃូល សូល ជាគូនឹងកូនស្រីឈ្មោះ លី ច័ន្ទសីហា ។ នេះគឺជារឿង ដែលគួរឲ្យភ្ញាក់ផ្អើលខ្លាំងណាស់ បន្ទាប់ពីនាងជ្រើសរើសបានម្ចាស់គ្រងបេះដូងថ្មី ក្រោយពីនាងធ្លាប់ មានស្លាកស្នាមឈឺចាប់ម្តង ជាមួយអតីតគូដណ្តឹងរបស់នាង រហូតធ្វើឲ្យនាងរាងចាល នឹងរឿងស្នេហា លែងចង់ប្រាថ្នាគិតពីរឿងនេះតទៅទៀត។
ជាមួយគ្នានោះដែរ កន្លងមក កញ្ញា លី ច័ន្ទសីហា ធ្លាប់បានប្រាប់ LookingTODAY ឲ្យដឹងថា នាងមិនទាន់ចង់គិតពីរឿងស្នេហាទេ ព្រោះចង់ទុកពេលវេលា សម្រាប់ការងារ និងរបររកស៊ី ។ តែពេលនេះនាង បែរជាបង្ហោះរូបថតរៀបការ ទាំងដែលគ្មានអ្នកណាម្នាក់ដឹងទេ ថាជាមង្គលការពិតឬក៏ គ្រាន់តែជាការសម្តែង។ តែអ្វីដែលគេឃើញច្បាស់នោះ គឺឈ្មោះកូនប្រុសស្រី និងរូបថតរៀបការរបស់ពួកគេទាំងពីរនាក់ ។
LookingTODAY មិនទាន់អាចទាក់ទងទៅ តារាសម្តែង លី ច័ន្ទសីហា បានទេ ។ តែទោះជាយ៉ាង LookingTODAY ក៏ សង្ឃឹមថា នាងនឹងចេញមុខបកស្រាយពាក់ព័ន្ធ ព័ត៌មាននេះក្នុងពេលឆាប់ៗ៕ ប្រភពពី Lookingtoday.com