មន្ត្រីក្រសួងពាណិជ្ជកម្មកម្ពុជាបានសម្ដែងនូវក្តីបារម្ភថា ឧស្សាហកម្មវាយនភ័ណ្ឌកម្ពុជា អាចនឹងរងផលប៉ះពាល់ដោយសារកិច្ចព្រមព្រៀងទាំងនេះ។
លោក ចម ប្រសិទ្ធ រដ្ឋមន្ត្រីក្រសួងពាណិជ្ជកម្ម បានថ្លែងនៅកិច្ចប្រជុំអនុគណៈកម្មការពាណិជ្ជកម្ម និង វិនិយោគសប្តាហ៍មុនថា កម្ពុជាអាចបាត់បង់សមត្ថភាពប្រកួតប្រជែងក្នុងវិស័យវាយនភ័ណ្ឌ។
វិស័យវាយនភ័ណ្ឌរបស់កម្ពុជាជាសសរស្ដម្ភមួយរបស់សេដ្ឋកិច្ច ហើយអាចនឹងប្រឈមនឹងការបាត់បង់ភាពប្រកួតប្រជែងនាពេលអនាគតជាមួយ នឹងប្រទេសវៀតណាម និង មីយ៉ាន់ម៉ា។
ប្រទេសវៀតណាមកំពុងចរចាពាណិជ្ជកម្មសេរីជាមួយសហរដ្ឋអាមេរិក ចំណែកប្រទេស មីយ៉ាន់ម៉ាក៏ជជែកជាមួយសហភាពអឺរ៉ុបដើម្បីទទួលបានការនាំចូលដោយ រួចពន្ធដូចកម្ពុជាផង ដែលបញ្ហានេះជាឧបសគ្គសម្រាប់ទំនិញកម្ពុជា។
លោក ចម ប្រសិទ្ធ បានលើកឡើងថា ៖«អ្វីជាគ្រោះថ្នាក់សម្រាប់យើងគឺខ្ញុំមើលឃើញថា វៀតណាមចរចាពាណិជ្ជកម្មសេរីជាមួយអាមេរិក ហើយវៀតណាមនឹងជំរុញផលិតផលកាត់ដេរចូលទីផ្សារអាមេរិកដោយរួចពន្ធ ខណៈដែលវាយនភ័ណ្ឌកម្ពុជាជាប់ពន្ធ២៥ភាគរយនាំទៅកាន់ទីផ្សារអាមេរិក »។ លោកបន្ថែមថា៖ «ឥឡូវនេះយើងឃើញសហភាពអឺរ៉ុបឈានចូលប្រទេសមីយ៉ាន់ម៉ា ដែលក្រីក្រដូចយើង។ ពេលដែលគេចាប់ទទួលស្គាល់មីយ៉ាន់ម៉ាធ្វើពាណិជ្ជកម្មជាមួយគ្នា នោះមានន័យថា មីយ៉ាន់ម៉ាអាចនាំទៅកាន់សហភាពអឺរ៉ុបដោយគ្មានជាប់កាតព្វកិច្ចពន្ធ ដូចយើង»។
ប្រទេសកម្ពុជានឹងបាត់បង់ការប្រកួតប្រជែង នៅពេលអ្នកវិនិយោគគិនចេញពីកម្ពុជា ព្រោះអគ្គិសនីនៅកម្ពុជាមានតម្លៃថ្លៃដែលនាំទៅដល់តម្លៃផលិតកម្ម ថ្លៃ។
លោក វ៉ាន់ ស៊ូអៀង ប្រធានសមាគមរោងចក្រកាត់ដេរនៅកម្ពុជាបានឲ្យដឹងថា បាតុកម្មញឹកញាប់អាចធ្វើឲ្យអ្នកវិនិយោគត្រឡប់ទៅកាន់ប្រទេស ឥណ្ឌូនេស៊ី និងមីយ៉ាន់ម៉ាវិញព្រោះគេគ្មានបាតុកម្ម។ លោកបន្តថា៖ «បើវៀតណាមចរចាជាមួយអាមេរិកជោគជ័យ អ្នកវិនិយោគនឹងទៅវៀតណាមព្រោះកម្ពុជាបាត់បង់មុខមាត់»។ លោកបន្ថែមថា៖ «កម្ពុជាក៏កំពុងខ្វះខាតកម្លាំងពលករសម្រាប់បំពេញក្នុងវិស័យនេះផង ដែរ»។
លោក ត្រាន ទូ មន្ត្រីពាណិជ្ជកម្មប្រចាំស្ថានទូតវៀតណាមនៅកម្ពុជា បានឲ្យដឹងថា រហូតមកដល់ពេលនេះវៀតណាម និងអាមេរិកមិនទាន់មានផែនការបង្កើតតំបន់ពាណិជ្ជកម្មសេរីទ្វេ ភាគីទេ ប៉ុន្តែឥឡូវនេះប្រទេសអូស្ត្រាលី ម៉ាឡេស៊ី ប៉េរូ អាមេរិក និងវៀតណាម កំពុងរៀបចំចូលរួមក្នុងកិច្ចព្រមព្រៀងភាពជាដៃគូយុទ្ធសាស្ត្រ សេដ្ឋកិច្ចអន្តរប៉ាស៊ីហ្វិក(TPP)។ លោកបន្តថា៖ «ខ្ញុំគិតថា វៀតណាមចូលរួមក្នុងកិច្ចព្រមព្រៀងTPP នេះវានឹងក្លាយជាឱកាសល្អសម្រាប់យើងក្នុងការធ្វើសមាហរណកម្ម កាន់តែស៊ីជម្រៅទៅក្នុងសេដ្ឋកិច្ចសកល។
វិស័យកាត់ដេរកម្ពុជា ជាវិស័យដ៏ចំណាស់មួយសម្រាប់ទ្រទ្រង់សេដ្ឋកិច្ចជាតិ។ នៅក្នុងត្រីមាសទីមួយនេះការនាំចេញផលិតផលវាយនភ័ណ្ឌកម្ពុជាបាន កើនឡើងដល់១៦ភាគរយដោយមានចំនួនទឹកប្រាក់ជាង១,៣៤ពាន់លានដុល្លារ កើនពីជាង១,១៤ពាន់លានដុល្លារ។ នេះបើតាមតួលេខពីក្រសួងពាណិជ្ជកម្ម។
លោក កង ច័ន្ទតារារ័ត្ន ប្រធានវិទ្យាស្ថានកម្ពុជាសម្រាប់ការសិក្សា និងអភិវឌ្ឍន៍បាននិយាយថា ស្ថានភាពនោះប្រទេសវៀតណាម និងមីយ៉ាន់ម៉ាគឺជាអ្នកប្រកួតប្រជែងដ៏មានសក្តានុពលរបស់កម្ពុជា ក្នុងវិស័យនេះទៅក្នុងអនាគត។ លោកបន្តថា បាតុកម្មមិនមែនជាបញ្ហាធំទេ ប៉ុន្តែកម្ពុជាត្រូវពិនិត្យមើលលក្ខខណ្ឌផ្សេងៗទៀតដែលធានាគុណភាព ផលិតផល ការរចនាម៉ូដថ្មីៗ បញ្ហាសុខុមាលភាពរបស់កម្មករ កម្មការិនី និងការវិនិយោគរយៈពេលវែង។
លោកបន្តថា៖ «ការវិនិយោគរយៈពេលវែងត្រូវការពិភាក្សាស្តីពីលក្ខខណ្ឌ។ បើវិនិយោគិនចាកចេញវិនិយោគិនផ្សេងមកពិភាក្សាលើលក្ខខណ្ឌនេះ»៕ ប្រភព Postkmer.com
Facebook
No comments:
Post a Comment