តាមទិន្នន័យ ក្នុងចំណោមនោះប្រាក់ចំណូលបានមកពីអគ្គនាយកដ្ឋានពន្ធដារ បានកើនឡើងប្រហែល៣០ភាគរយខណៈចំណូលពីអគ្គនាយកដ្ឋានគយ និងរដ្ឋាករ បានកើនឡើងប្រហែល៤ភាគរយ និងប្រាក់ចំណូល បានមកពីអគ្គនាយកដ្ឋានពន្ធដារ បានកើនឡើងប្រហែល៣០ភាគរយខណៈចំណូលបានពីអគ្គនាយកដ្ឋានគយ និងរដ្ឋាករបានកើនឡើងប្រហែល៤ភាគរយនិងប្រាក់ចំណូលបានពីតាមបណ្ដា ក្រុងនិងខេត្តបានកើនឡើង ៣៣,៥ ភាគរយ ហើយចំណូលផ្សេងៗទៀតបានកើនឡើង ១៤,៦ ភាគរយ។
លោក Hiroshi SUZUKI ប្រធានអគ្គនាយកសេដ្ឋវិទូនៅវិទ្យាស្ថានស្រាវជ្រាវពាណិជ្ជកម្មកម្ពុជា បានថ្លែងថាភ្នាក់ងារអន្តរជាតិជាច្រើនដូចជាមូលនិធិ រូបិយវត្ថុអន្តរជាតិ IMF ធនាគារពិភពលោកនិងធនាគារអភិវឌ្ឍន៍អាស៊ីកំពុងបង្ហាញពីសារៈសំខាន់ ក្នុងការបន្តកិច្ចខិតខំប្រឹងប្រែងលើ ការប្រមូលពន្ធរបស់រដ្ឋាភិបាលដោយសារប្រាក់ចំណូលថេរគឺចាំបាច់ សម្រាប់ការអភិវឌ្ឍរបស់កម្ពុជា។
លោកបន្តថា៖ «រហូតមកដល់ពេលនេះពិសេសជំនួយពីធនាគារពិភពលោកក្រសួងសេដ្ឋកិច្ច និងហិរញ្ញវត្ថុបានខិតខំប្រឹងប្រែងយ៉ាងខ្លាំងក្នុងការបង្កើនការ ប្រមូលពន្ធនេះ។
ក្រសួងនិងម្ចាស់ជំនួយជាច្រើនបានសហប្រតិបត្តិការយ៉ាងល្អដើម្បី បង្កើតនិងអនុវត្តកម្មវិធីកំណែទម្រង់ការគ្រប់គ្រងហិរញ្ញវត្ថុ សាធារណៈ។
ឧទាហរណ៍នៅក្នុងវិស័យគយធនាគារពិភពលោកបានផ្ដល់ប្រព័ន្ធ ASYCUDA ក្នុងការកែលម្អការប្រមូលពន្ធនៅតាមទីស្នាក់ការគយដូចជា កំពង់ផែក្រុងព្រះសីហនុ»។
លោកលើកឡើងថា៖ «សមត្ថភាពការអភិវឌ្ឍរបស់បុគ្គលិកនៅអគ្គនាយកដ្ឋានពន្ធដារ និងអគ្គនាយកដ្ឋានគយនិងរដ្ឋាករ មានសារៈសំខាន់ណាស់សម្រាប់រដ្ឋាភិបាល។ អង្គការ JICA បានបញ្ជូនអ្នកជំនាញជាច្រើនមក និងអគ្គនាយកដ្ឋានគយនិងរដ្ឋាករក្នុងការធ្វើឲ្យមានភាពល្អប្រសើរ ឡើងនូវប្រព័ន្ធគយ និងសមត្ថភាពរបស់បុគ្គលិក»។
លោក កង ច័ន្ទតារារ័ត្ន ប្រធានវិទ្យាស្ថានដើម្បីការសិក្សាអភិវឌ្ឍន៍កម្ពុជាបានប្រាប់ ភ្នំពេញ ប៉ុស្ដិ៍ថ្មីៗនេះថា វិស័យសំណង់អាចរួមចំណែកសម្រាប់កំណើនសេដ្ឋកិច្ច។ លោកថ្លែងថា៖ «ការបង្កើនក្នុងការប្រមូលពន្ធឆ្លុះបញ្ចាំងពីការពិតដោយសារ វិស័យសំណង់ចាប់ផ្ដើមកើនឡើងជាថ្មីបន្ទាប់ពីការធ្លាក់ចុះ។ ក្រៅពីនេះវិស័យអប់រំក្លាយជាការវិនិយោគគួរឲ្យទាក់ទាញក្នុងអំឡុង ពេលប៉ុន្មានឆ្នាំចុងក្រោយនេះដោយសារតម្រូវការមិនប្រែប្រួល»។
លោកថ្លែងថា ការបាត់បង់ពន្ធអាចកើតឡើងបានដោយសារការអភិវឌ្ឍប្រព័ន្ធប្រមូល ពន្ធនៅមានកម្រិតភាពត្រឹមត្រូវរបស់របាយការណ៍ពាណិជ្ជកម្ម សមត្ថភាពរបស់មន្រ្តីពន្ធ។ល។
គណបក្សប្រឆាំងអះអាងថា រដ្ឋាភិបាលបាត់បង់ប្រាក់ចំណូលចន្លោះពី៤០០លានដុល្លារ ដល់៥០០លានដុល្លារទៅក្នុងអំពើពុករលួយដែលប្រព្រឹត្តដោយមន្រ្តី ទាំងនោះ។
លោក Suzuki លើកឡើងថា៖ «ការកែលម្អពន្ធដារគឺមិនមែនជាការងារងាយស្រួលនោះទេ។ ប្រទេសកំពុងអភិវឌ្ឍន៍ មិនមែនមានតែកម្ពុជានោះទេ ដែលបាននិងកំពុងដោះស្រាយបញ្ហានេះ។ ខ្ញុំសង្ឃឹមថា ទាំងរដ្ឋាភិបាលនិងម្ចាស់ជំនួយនឹងបន្តកិច្ចខិតខំប្រឹងប្រែងរបស់ ខ្លួនលើបញ្ហានេះសម្រាប់កម្ពុជា»។
ជាមួយគ្នានេះដែរការចំណាយថវិការបស់រដ្ឋាភិបាល(ដោយមិនគិតចំណាយ តាមគម្រោងក្រៅរតនាគារជាតិ)មានចំនួន១៧៧៣ពាន់លានរៀល(៤៤៣លាន ដុល្លារ) ឬធ្លាក់ចុះ៥,៨ភាគរយ បើធៀបរយៈពេលដូចគ្នាកាលពីឆ្នាំមុន។
ការចំណាយបច្ចុប្បន្នបានកើនឡើងចំនួន៦,៩ភាគរយ និងការចំណាយដើមទុនបានធ្លាក់ចុះ៤៧,៣ ភាគរយ៕PB ប្រភពពី Postkhmer.com
Facebook
No comments:
Post a Comment