សម្តេចតេជោ ហ៊ុន សែន បានអញ្ជើញជាអធិបតីសម្ពោធទីស្នាក់ការថ្មីគណៈកម្មាធិការជាតិអូឡាំពិកកម្ពុជានៅព្រឹកនេះ

Thursday, June 13, 2013

សម្តេចតេជោ ហ៊ុន សែន បានអញ្ជើញជាអធិបតីសម្ពោធទីស្នាក់ការថ្មីគណៈកម្មាធិការជាតិអូឡាំពិកកម្ពុជានៅព្រឹកនេះ

Posted by RothaDB at 8:01 AM 0 comments

រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានអញ្ជើញជាអធិបតីដ៏ខ្ពង់ ខ្ពស់ក្នុងពិធីសម្ពោធដាក់ឱ្យប្រើប្រាស់ជាផ្លូវការនូវទី ស្នាក់ការគណៈកម្មាធិការជាតិអូឡាំពិកកម្ពុជា ដែលទើបស្ថាបនារួចថ្មីៗបែបទំនើបនៅព្រឹកថ្ងៃទី១៣ មិថុនា ២០១៣ ដែលមានទីតាំងស្ថិតនៅខាងកើតពហុកីឡដ្ឋានជាតិអូឡាំពិក ក្បែររង្វង់មូលវត្តសំពៅមាស រាជធានីភ្នំពេញ ។

ពិធីនេះមានការអញ្ជើញចូលរួមពីមន្ត្រី ជាន់ខ្ពស់រាជរដ្ឋាភិបាល សមាជិក សមាជិកា រដ្ឋសភា ព្រឹទ្ធសភា តំណាងស្ថានទូតនានាប្រចាំកម្ពុជា ដៃគូអភិវឌ្ឍន៏ មន្ត្រីអ្នកមុខអ្នកការផ្នែកកីឡា និងក្រុមកីឡាករជាច្រើននាក់ ។ ទីស្នាក់ការថ្មីនេះដែរ គឺជាអំណោយដ៏ថ្លៃថ្លារបស់រាជរដ្ឋាភិបាលកម្ពុជា ជាការលើកទឹកចិត្ត និងជំរុញផ្នែកកីឡាឱ្យកាន់តែមានភាពរីកចម្រើនខ្លាំងក្លា ។

សូមបញ្ជាក់ថា រោងធំនៃពិធីសម្ពោធនេះចាប់ផ្តើមធ្វើរយៈពេល២ថ្ងៃមកហើយ គឺរង់ចាំវត្តមានអញ្ជើញដល់របស់សម្តេចតេជោ ហ៊ុន សែន នៅថ្ងៃស្អែកនេះ ៕

ប្រភពពី កោះសន្តិភាព