ប្រភព CEN : ភ្នំពេញ: នៅក្នុងដំណើរទស្សនកិច្ចមកកាន់ព្រះរាជាណាចក្រកម្ពុជា លោក វ៉ាង យី រដ្ឋមន្ត្រីក្រសួងការបរទេស នៃសាធារណរដ្ឋប្រជាមានិតចិន ត្រូវបានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អនុញ្ញាតឱ្យចូលជួបសំដែងការគួរសមនៅវិមានសន្តិភាព ទីស្តីការនាយករដ្ឋមន្ត្រី នាព្រឹកថ្ងៃទី ២១ខែសីហានេះ។ រដ្ឋមន្ត្រីការបរទេសចិន បានជំរុញឲ្យកម្ពុជា ដោះស្រាយបញ្ហាបោះឆ្នោត ដោយសន្តិវិធី តាមរយៈកិច្ចពិភាក្សា។
លោក ប្រាក់ សុខុន រដ្ឋមន្ត្រីប្រតិភូអមនាយករដ្ឋមន្ត្រី បានឱ្យដឹងថា នៅក្នុងជំនួបនោះ សម្តេចតេជោ បានសម្តែងនូវការស្វាគមន៍ចំពោះដំណើរទស្សនៈកិច្ចរបស់លោក វ៉ាង យី ដោយសម្តេចបានចាត់ទុកថា ដំណើរទស្សនៈកិច្ចនេះ នឹងពង្រឹងបន្ថែមទៀត នូវចំណងមិត្តភាព និងកិច្ចសហប្រតិបត្តិការរវាងប្រទេសទាំងពីរ។
ជាមួយគ្នានេះ សម្តេចតេជោ ហ៊ុន សែន ក៏បានផ្តាំផ្ញើរនូវការសាកសួរសុខទុក្ខ ចំពោះថ្នាក់ដឹកនាំប្រទេសចិនផងដែរ។
ដោយឡែកលោក វ៉ាង យី បានជំរាបជូនសម្តេចតេជោ ហ៊ុន សែន អំពីការសាកសួរសុខទុក្ខពីសំណាក់ថ្នាក់ដឹកនាំនៃប្រទេសចិន ជាពិសេសលោកប្រធានាធិបតីចិន ស៊ី ជីងពីង និងនាយករដ្ឋមន្ត្រីចិន លី ឃឺជ័ង ចំពោះសម្តេច ហើយថ្នាក់ដឹកនាំចិន បានសម្តែងនូវការអបអរសាទរ ដែលគណបក្សប្រជាជនកម្ពុជា បានឈ្នះឆ្នោត និងទទួលបានអសនៈភាគច្រើនរបស់សភា។
លោក វ៉ាង យី បានសម្តែងនូវការកោតសរសើរសម្តេចតេជោ ហ៊ុន សែន ចំពោះការដឹកនាំប្រទេសកម្ពុជា ដែលបានធ្វើអោយមានការអភិវឌ្ឍន៍និងសម្រេចបានសមទ្ធិផលជាច្រើន។
លោក វ៉ាង យី បានអះអាងថា ប្រទេសទាំងពីរគឺជាមិត្តភ័ក្រល្អ ជាប្រទេសជិតខាងល្អ ហើយក្រោមការដឹកនាំរបស់ថ្នាក់ដឹកនាំនៃប្រទេសទាំងពីរ បានបង្កើតអោយមានការអភិវឌ្ឍន៍ និងទំនាក់ទំនង ដែលមានលក្ខណៈពិសេស ព្រមទាំងពង្រឹងនូវការទុកចិត្តគ្នា និងគាំទ្រគ្នាទៅវិញទៅមក។
លោក វ៉ាង យី បានបន្តថា ក្រោមស្មារតីនេះ ហើយដែលថ្នាក់ដឹកនាំនៃប្រទេសចិន បានបញ្ជាអោយរូប លោកដឹកនាំគណៈប្រតិភូចិន មកបំពេញទស្សនកិច្ច នៅប្រទេសកម្ពុជា ដើម្បីពង្រឹងភាពជាដៃគូយុទ្ធសាស្ត្រគ្រប់ជ្រុងជ្រោយរបស់ប្រទេសទាំងពីរ និងម្យ៉ាងទៀត ដើម្បីបញ្ជាក់ថា ប្រទេសចិន យកចិត្តទុកដាក់ចំពោះទំនាក់ទំនង ជា មួយប្រទេសកម្ពុជាដោយប្រទេសចិនគាំទ្រ និងខិតខំរក្សាការពារអោយបាននូវចំណងមិត្តភាពរវាងប្រទេសទាំងពីរ។
លោក ប្រាក់ សុខុន ក៏បានបន្តថា សម្តេចតេជោ ហ៊ុន សែន និងលោក វ៉ាង យី ក៏បានពិភាក្សា និងផ្លាស់ប្តូរព័ត៌មាន អំពីសភាពការណ៍ នៅប្រទេសកម្ពុជា និងសភាពការណ៍នៅប្រទេសចិន។
លោក វ៉ាង យី បានជំរាបសម្តេចតេជោថា លោកនាយករដ្ឋមន្ត្រីចិន នឹងរង់ចាំសម្តេច ដើម្បីពិភាក្សាអំពីសហប្រតិបត្តិការរវាងប្រទេសទាំងពីរ នៅឯខេត្តណានីង ក្នុងឱកាសដែលសម្តេចអញ្ជើញទៅចូលរួមពិធីតាំងពិព័រណ៍ នាដើមខែក្រោយនេះ។
ជាការឆ្លើយតប សម្តេចតេជោ ហ៊ុន សែន បានបញ្ជាក់ថា សម្តេចនឹងអញ្ជើញទៅ ណានីង ប្រទេសចិន ដើម្បីជួបជាមួយលោកនាយករដ្ឋមន្ត្រីចិន។
ពាក់ព័ន្ធនឹងការបោះឆ្នោតនៅកម្ពុជា នៅក្នុងជំនួបជាង ២ ម៉ោង ចាប់ពីម៉ោង ៩ ព្រឹកនេះ រវាងសម្តេចហ៊ុនសែន និងចិនរដ្ឋមន្ត្រីការបរទេសចិន ក៏ត្រូវបានលោក ប្រាក់ សុខុន បានបញ្ជាក់ទៅកាន់អ្នកកាសែតថា ចិនបានសាទរនូវការបោះឆ្នោត ដែលគណបក្សប្រជាជនកម្ពុជា បានឈ្នះកៅអីភាគច្រើន នៅក្នុងរដ្ឋសភា។ ក្នុងនោះ ចិនមើលឃើញពីការប្រសើរលើសភាពការណ៍បោះឆ្នោត ហើយចិនបានជំរុញឲ្យកម្ពុជា ដោះស្រាយបញ្ហាបោះឆ្នោត ដោយសន្តិវិធី តាមរយៈការជជែកចរចា រកច្រកចេញពីវិបត្តិក្រោយការបោះឆ្នោត។
ជាមួយគ្នានោះ សម្តេចហ៊ុនសែន ក៏បានបញ្ជាក់ជំហរទៅកាន់រដ្ឋមន្ត្រីការបរទេសចិនថា ជំហររបស់រដ្ឋាភិបាលកម្ពុជា ក៏ដូចជាគណបក្សប្រជាជនកម្ពុជា គ្មានអ្វីផ្លាស់ប្តូរទេ នោះគឺកិច្ចប្រជុំរដ្ឋសភាលើកដំបូង ក្រោយការបោះឆ្នោតយ៉ាងយូរ ៦០ថ្ងៃ គិតចាប់ពីថ្ងៃទី២៨កក្កដា ឆ្នាំ២០១៣ និងការបង្កើតរដ្ឋាភិបាល នឹងប្រព្រឹត្តទៅដូចការគ្រោងទុក ដោយគ្មានការជាប់គាំងនយោបាយអ្វីឡើយ។
សូមរម្លឹកថា បន្ទាប់ពីជួបជាមួយសម្តេចនាយករដ្ឋមន្ត្រី ហ៊ុន សែន លោករដ្ឋមន្ត្រីការបរទេសចិន ក៏បានជួបជាមួយនឹងលោកឧបនាយករដ្ឋមន្ត្រី ហោ ណាំហុង រដ្ឋមន្ត្រីការបរទេស នៅក្នុងជំនួបអាហារថ្ងៃត្រង់ នៅសណ្ឋាគារ អាំងទែកុងទីណង់តាល់។ ជាកិច្ចប្រជុំ ដែលោក ប្រាក់ សុខុន បានបញ្ជាក់ថា ដើម្បីជជែកពិស្តារ ពីកិច្ចសហប្រតិបត្តិការស៊ីជម្រៅរវាងប្រទេសកម្ពុជា និងចិន មុននឹងប្រមុខការទូតទាំងពីរ ចេញសេចក្តីថ្លែងការណ៍រួម៕
លោក វ៉ាង យី បានអះអាងថា ប្រទេសទាំងពីរគឺជាមិត្តភ័ក្រល្អ ជាប្រទេសជិតខាងល្អ ហើយក្រោមការដឹកនាំរបស់ថ្នាក់ដឹកនាំនៃប្រទេសទាំងពីរ បានបង្កើតអោយមានការអភិវឌ្ឍន៍ និងទំនាក់ទំនង ដែលមានលក្ខណៈពិសេស ព្រមទាំងពង្រឹងនូវការទុកចិត្តគ្នា និងគាំទ្រគ្នាទៅវិញទៅមក។
លោក វ៉ាង យី បានបន្តថា ក្រោមស្មារតីនេះ ហើយដែលថ្នាក់ដឹកនាំនៃប្រទេសចិន បានបញ្ជាអោយរូប លោកដឹកនាំគណៈប្រតិភូចិន មកបំពេញទស្សនកិច្ច នៅប្រទេសកម្ពុជា ដើម្បីពង្រឹងភាពជាដៃគូយុទ្ធសាស្ត្រគ្រប់ជ្រុងជ្រោយរបស់ប្រទេសទាំងពីរ និងម្យ៉ាងទៀត ដើម្បីបញ្ជាក់ថា ប្រទេសចិន យកចិត្តទុកដាក់ចំពោះទំនាក់ទំនង ជា មួយប្រទេសកម្ពុជាដោយប្រទេសចិនគាំទ្រ និងខិតខំរក្សាការពារអោយបាននូវចំណងមិត្តភាពរវាងប្រទេសទាំងពីរ។
លោក ប្រាក់ សុខុន ក៏បានបន្តថា សម្តេចតេជោ ហ៊ុន សែន និងលោក វ៉ាង យី ក៏បានពិភាក្សា និងផ្លាស់ប្តូរព័ត៌មាន អំពីសភាពការណ៍ នៅប្រទេសកម្ពុជា និងសភាពការណ៍នៅប្រទេសចិន។
លោក វ៉ាង យី បានជំរាបសម្តេចតេជោថា លោកនាយករដ្ឋមន្ត្រីចិន នឹងរង់ចាំសម្តេច ដើម្បីពិភាក្សាអំពីសហប្រតិបត្តិការរវាងប្រទេសទាំងពីរ នៅឯខេត្តណានីង ក្នុងឱកាសដែលសម្តេចអញ្ជើញទៅចូលរួមពិធីតាំងពិព័រណ៍ នាដើមខែក្រោយនេះ។
ជាការឆ្លើយតប សម្តេចតេជោ ហ៊ុន សែន បានបញ្ជាក់ថា សម្តេចនឹងអញ្ជើញទៅ ណានីង ប្រទេសចិន ដើម្បីជួបជាមួយលោកនាយករដ្ឋមន្ត្រីចិន។
ពាក់ព័ន្ធនឹងការបោះឆ្នោតនៅកម្ពុជា នៅក្នុងជំនួបជាង ២ ម៉ោង ចាប់ពីម៉ោង ៩ ព្រឹកនេះ រវាងសម្តេចហ៊ុនសែន និងចិនរដ្ឋមន្ត្រីការបរទេសចិន ក៏ត្រូវបានលោក ប្រាក់ សុខុន បានបញ្ជាក់ទៅកាន់អ្នកកាសែតថា ចិនបានសាទរនូវការបោះឆ្នោត ដែលគណបក្សប្រជាជនកម្ពុជា បានឈ្នះកៅអីភាគច្រើន នៅក្នុងរដ្ឋសភា។ ក្នុងនោះ ចិនមើលឃើញពីការប្រសើរលើសភាពការណ៍បោះឆ្នោត ហើយចិនបានជំរុញឲ្យកម្ពុជា ដោះស្រាយបញ្ហាបោះឆ្នោត ដោយសន្តិវិធី តាមរយៈការជជែកចរចា រកច្រកចេញពីវិបត្តិក្រោយការបោះឆ្នោត។
ជាមួយគ្នានោះ សម្តេចហ៊ុនសែន ក៏បានបញ្ជាក់ជំហរទៅកាន់រដ្ឋមន្ត្រីការបរទេសចិនថា ជំហររបស់រដ្ឋាភិបាលកម្ពុជា ក៏ដូចជាគណបក្សប្រជាជនកម្ពុជា គ្មានអ្វីផ្លាស់ប្តូរទេ នោះគឺកិច្ចប្រជុំរដ្ឋសភាលើកដំបូង ក្រោយការបោះឆ្នោតយ៉ាងយូរ ៦០ថ្ងៃ គិតចាប់ពីថ្ងៃទី២៨កក្កដា ឆ្នាំ២០១៣ និងការបង្កើតរដ្ឋាភិបាល នឹងប្រព្រឹត្តទៅដូចការគ្រោងទុក ដោយគ្មានការជាប់គាំងនយោបាយអ្វីឡើយ។
សូមរម្លឹកថា បន្ទាប់ពីជួបជាមួយសម្តេចនាយករដ្ឋមន្ត្រី ហ៊ុន សែន លោករដ្ឋមន្ត្រីការបរទេសចិន ក៏បានជួបជាមួយនឹងលោកឧបនាយករដ្ឋមន្ត្រី ហោ ណាំហុង រដ្ឋមន្ត្រីការបរទេស នៅក្នុងជំនួបអាហារថ្ងៃត្រង់ នៅសណ្ឋាគារ អាំងទែកុងទីណង់តាល់។ ជាកិច្ចប្រជុំ ដែលោក ប្រាក់ សុខុន បានបញ្ជាក់ថា ដើម្បីជជែកពិស្តារ ពីកិច្ចសហប្រតិបត្តិការស៊ីជម្រៅរវាងប្រទេសកម្ពុជា និងចិន មុននឹងប្រមុខការទូតទាំងពីរ ចេញសេចក្តីថ្លែងការណ៍រួម៕
Facebook
No comments:
Post a Comment