ជប៉ុន​-​រុស្ស៊ី ថ្កោលទោស​កម្មវិធី​នុយក្លេអ៊ែរ​កូរ៉េខាងជើងៗ ត្រៀម​បាញ់​មី​ស៊ី​ល​

ក្នុង​សេចក្តីថ្លែងការណ៍​រួម ក្រោយ​ជំនួប​កំពូល​នៅ​មូ​ស្គូ រុស្ស៊ី និង ជប៉ុន បាន​ថ្កោលទោស​ការដែល​កូរ៉េខាងជើង មិន​ព្រម​បោះបង់ចោល​កម្មវិធី​អាវុធ​នុយក្លេអ៊ែរ ព្រមទាំង​អំពាវនាវ​ឲ្យ​ប្រទេស​នេះ​គោរព​តាម​សេចក្តីសម្រេចចិត្តរ​ប់ស​ ក្រុមប្រឹក្សាសន្តិសុខ​អង្គការសហប្រជាជាតិ​។ សេចក្តីថ្លែងការណ៍​នេះ បានធ្វើ​ឡើង​ក្រោយ​កិច្ចប្រជុំ​ពិភាក្សា​របស់​ប្រមុខ​ដឹកនាំ​ប្រទេស​ទាំងពីរ កាលពី​ថ្ងៃទី​១៩ មេសា​។​ ​នៅ​ថ្ងៃទី​២៩ មេសា ម្សិលមិញ​នេះដែរ អ្នកនាំពាក្យ​ខុ​ទ្ធ​កាល័យ​ប្រធានាធិបតី​កូរ៉េខាងត្បូង Yoon Chang-Jung បាន​ថ្លែងថា កូរ៉េខាងជើង​កំពុង​ត្រៀម​បំរុង​សម្រាប់​ការបាញ់​ម៉ី​ស៊ី​ល​រយៈ​ចម្ងាយ​មធ្យម ថ្វីបើ​ព័ត៌មាន​ខ្លះ​បាន​លើកឡើងថា ប្រទេស​កុ​ម្មុយ​និ​ស្ត​មួយ​នេះ ប​នា​ផ្អាក​ជា​បណ្តោះអាសន្ន​ការបាញ់​ម៉ី​ស៊ី​ល​ក៏ដោយ​ក្តី​។​

​តាម Reuters នៅ​ថ្ងៃទី​២៩ មេសា ដដែល កូរ៉េខាងជើង​បាន​រក្សា​ទុក​កម្មករ ៧ នាក់ ក្នុងចំណោម​កម្មករ ៥០ នាក់ ដែល​នៅ​សេសសល់​ក្នុង​តំបន់ឧស្សាហកម្ម​រួម Kaesong ដោយ​សំអាង​លេស​ថា ត្រូវការ​ត្រួតពិនិត្យ​បណ្តា​ខ្ទង់​ពន្ធដារ និង​បៀវត្ស​។ ទង្វើរ​នេះ​ធ្វើឡើង​ចំពោះ​អ្នក​ចាកចេញ​នាទីចុងក្រោយ​។​

​ គួរ​រម្លឹក​ឡើងវិញ​ថា ក្រុង​សេ​អ៊ូ​ល បាន​ដឹក​កម្មករ​ចេញពី​តំបន់​នោះ​ចំនួន ៥៣.០០០ នាក់ ក្រោយពី​ភាព​តានតឹង​រវាង​ប្រទេស​កូរ៉េ​ទាំងពីរ​កើនឡើង​មិន​ឈប់ឈរ ក្នុងអំឡុង​២​ខែ​កន្លងមកនេះ​។​

​តំបន់ឧស្សាហកម្ម​រួម​កូរ៉េខាងជើង​-​ ត្បូង បាន​នាំ​ប្រយោជន៍​ឲ្យ​ប្រទេស​កូរ៉េខាងជើង ក្នុង​១​ឆ្នាំៗ ប្រមាណ ៩០ លាន​ដុល្លារ ហើយ​កម្មករ​របស់​កូរ៉េខាងជើង ត្រូវបាន​ក្រុមហ៊ុន​កូរ៉េខាងត្បូង ផ្តល់ប្រាក់​បៀវត្ស​ប្រមាណ ១៣០ ដុល្លារ USD ក្នុង​១​ខែៗ​៕​ ksn-news.com