ពន្លឺភ្លឺចិញ្ចាចបានជះមកកាន់ទីតាំងសម្តែងសិល្បៈ១ ក្រោយពេលអាចម៌ផ្កាយ១បានផ្ទុះ
ដុំភ្លើង១ បានបោះពួយចុះមកទីក្រុង Santiago del Estero
នៅយប់ថ្ងៃទី២១ មេសា ។ ពិធីស្រមោលសរតន្ត្រី១កំពុងប្រព្រឹត្តទៅ
គ្រាដែលអាចម៌ផ្កាយធ្លាក់ចុះ
ហើយទស្សនិកម្នាក់បានថតវីដេអូពីទិដ្ឋភាពនេះ ខណៈពេលដែលវាផ្ទុះ។ ពន្លឺពីការផ្ទុះនេះ បានធ្វើឲ្យទិដ្ឋភាពជុំវិញនោះ ត្រូវបានបំភ្លឺយ៉ាងច្បាស់ក្នុងរង្វង់ប៉ុន្មានវិនាទី។ មនុស្សរាប់ពាន់នាក់ ដែលបានចូលរួមក្នុងពិធីស្រមោលសរនេះ សុទ្ធសឹងមើលឃើញករណីដ៏អស្ចារ្យខាងលើនេះ។
លោក Jorge Coghlan នាយកស្ថានីយតារាសាស្ត្រ Santa Fe នៅអាហ្សង់ទីន បានពោលប្រាប់ស្ថានីយវិទ្យុថា អាចម៌ផ្កាយចុះនៅ Santiago del Estero មានវិជ្ជមាត្រប្រមាណ ៤៥ សង់ទីម៉ែត្រ ហើយបោះពួយចុះមកកាន់ផែនដី ក្នុងល្បឿនប្រមាណ ១២៨.០០០ គីឡូម៉ែត្រ/ម៉ោង។ វាចាប់ផ្តើមឆាបឆេះនៅទីតាំង១ចម្ងាយពីផ្ទៃដី ចម្ងាយ ៦៤ គីឡ។
កាសែត Nuevo Diario បានឲ្យដឹងថា មានពលដ្ឋយ៉ាងតិច ៩ នាក់ រស់នៅខេត្តរបស់អាហ្សង់ទីន បានមើលឃើញដុំភ្លើងធ្លាក់ចុះ ហើយពួកគេចែករំលែករូបភាពនេះ តាមរយៈបណ្តាញសង្គម Twitter និង Facebook ។ មនុស្សខ្លះទៀត បានដាក់ផ្សាយខ្សែវីដេអូ។ ចំណែកទិន្នន័យពីកាមេរ៉ាចរាចរទាំងឡាយ ក៏បានបង្ហាញឲ្យនូវពន្លឺសញ្ចែងសញ្ចាចគ្រប់ដណ្តប់បណ្តាវិថី ក្នុងទីក្រុង ប៉ុន្មានវិនាទី។
គួររម្លឹកឡើងវិញថា ព្រឹត្តិការណ៍នេះបានកើតឡើង ក្នុងរយៈពេលទើបបានជាង២ខែប៉ុណ្ណោះ ក្រោយពេលដែលអាចម៌១ បានធ្លាក់ចុះកណ្តាលប្រទេសរុស្ស៊ី។ អាចម៌ផ្កាយដែលបានធ្លាក់ក្នុងប្រទេសរុស្ស៊ី មានទំហំធំជាងអាចម៌ផ្កាយនៅអាហ្សង់ទីន ប្រមាណ ៣០ ដង ហើយបានផ្ទុះនៅទីតាំង១កៀកផែនដីជាង។
អ្នកជំនាញការ១ចំនួន បានប៉ាន់ប្រមាណថា អាចម៍ផ្កាយដែលបានធ្លាក់នៅ Santiago del Estero អាចជាបំណែកមួយ នៃភ្លៀងអាចម៌ផ្កាយ Lyrid meteor ដែលតែងកើតឡើងនាខែមេសា រៀងរាល់ឆ្នាំ៕
Facebook
No comments:
Post a Comment