តំបន់ទេសចរណ៍សំខាន់ទាំងបីរបស់កម្ពុជាគឺតំបន់ភាគឦសានប្រទេសឆ្នេរសមុទ្រ និងតំបន់ជុំវិញ ក្រុងសៀមរាប។
លោកតឹក រ៉េតសំរេច រដ្ឋលេខាធិការទីស្តីការគណៈរដ្ឋមន្រ្តីបានឲ្យដឹងថា នៅក្នុងខេត្តសៀមរាបមានសក្តានុពលដើម្បីទទួលភ្ញៀវទេសចរបានរហូតដល់ ទៅ១០ លាននាក់ក្នុងមួយឆ្នាំដូច្នេះការធ្វើទស្សនកិច្ចទៅកាន់តំបន់ ជុំវិញនេះគួរតែត្រូវ បានលើកទឹកចិត្ត។
លោកបន្តថា៖ «សព្វថ្ងៃនេះភ្ញៀវទេសចរស្នាក់នៅក្នុងខេត្តសៀមរាបតែមួយឬពីរយប់ ប៉ុណ្ណោះហើយពួកគេមកទស្សនាតែប្រាសាទសំខាន់ៗរបស់អង្គរ»។
ប៉ុន្តែលោកបន្តថាការស្នាក់នៅរបស់ពួកគេនឹងមានរយៈពេលយូរជាង នេះបើសិនពួកគេដឹងអំពីការទាក់ទាញដែលអាចធ្វើទៅបានជុំវិញ ខេត្តសៀមរាប ដូចជាប្រាសាទព្រះវិហារ ភ្នំគូលែន ប្រាសាទកោះកេរ ស្ពានកំពង់ក្ដី និងតំបន់រលួស។
លោក តឹក រ៉េតសំរេច ដែលជាប្រធានក្រុមហ៊ុនអាកាសចរណ៍កម្ពុជាអង្គរអ៊ែរឲ្យដឹងថា តំបន់ទាំងនេះ «ត្រូវការការផ្សព្វផ្សាយបន្ថែមនិងព័ត៌មានលម្អិតស្ដីពីភ្ញៀវ ទេសចរមានទិសដៅជាកញ្ចប់»។
ស្ថិតិបានពីក្រសួងទេសចរណ៍បង្ហាញថាសៀមរាបទាក់ទាញភ្ញៀវទេសចរអន្តរជាតិចំនួន២,០៦លាននាក់កាលពីឆ្នាំទៅ។
ភ្ញៀវទេសចរអន្តរជាតិទាំងនេះបានស្នាក់នៅជាមធ្យមរយៈពេល៦,៣ ថ្ងៃនៅប្រទេសកម្ពុជាដែលជារយៈពេលខ្លីបំផុតចាប់តាំងពីឆ្នាំ ២០០៥។
ចំណែកឆ្នាំ២០១២វិញ វិស័យទេសចរណ៍បានរួមចំណែកប្រហែលជា១២ភាគរយនៃផលិតផលក្នុងស្រុកសរុប ឬមាន២ពាន់លានដុល្លារ។
លោក តឹក រ៉េតសំរេច និយាយនៅសិក្ខាសាលាឧស្សាហកម្មមួយដែលរៀបចំដោយ CAA កាលពីសប្ដាហ៍មុនថា៖ «ពីមុនឧស្សាហកម្មទេសចរណ៍របស់យើងមិនអាចប្រើប្រាស់សក្តានុពលរបស់ ខ្លួនចំពោះវិសាលភាពដ៏អស្ចារ្យដោយសារតែហេតុផលជាច្រើន។ ដូច្នេះចំនួននៃការមកដល់របស់ភ្ញៀវទេសចរបរទេសនៅតែមានចំនួនតិច តួច»។
ដើម្បីជំរុញវិស័យទេសចរណ៍លោកបានស្នើថាប្រតិបត្តិករទេសចរណ៍ទាំង អស់ត្រូវផ្សព្វផ្សាយពីភាគឦសានប្រទេសកម្ពុជា និងធ្វើតារាងពី«ព័ត៌មានលម្អិតពីលទ្ធភាពដែលចូលទៅដល់តំបន់នេះ»។
តំបន់ព័ទ្ធជុំវិញដូចជាខេត្តរតនគិរី មណ្ឌលគិរី ស្ទឹងត្រែង និងខេត្តក្រចេះ នឹងលើកតម្កើងពីទឹកជ្រោះ សត្វព្រៃនិងវប្បធម៌របស់ជនជាតិភាគតិច។បើនិយាយអំពីតំបន់ឆ្នេរ ដូចជា កោះកុង ព្រះសីហនុ កំពត និងកែប «មានភ្ញៀវទេសចរជាច្រើនប៉ុន្តែព័ត៌មានអំពីអ្នកទេសចរនៅមាន កម្រិត»។
លោក ហូ វណ្ឌី សហប្រធានក្រុមការងារវិស័យទេសចរណ៍ឯកជនរដ្ឋាភិបាលបាននិយាយថា វិស័យនេះដូចជាខេត្តរតនគិរីនិងមណ្ឌលគិរីផ្លូវចូលមានការលំបាកដែល ត្រូវចំណាយពេល១០ម៉ោងចេញពីភ្នំពេញ។
ផ្ទុយទៅវិញលោកនិយាយថា ក្រុមហ៊ុនអាកាសចរណ៍កម្ពុជាអង្គរអ៊ែរ និងក្រុមហ៊ុនអាកាសចរណ៍កម្ពុជាអ៊ែរឡាញគួរតែបង្កើតជើងហោះហើរ ក្នុងស្រុកដើម្បីទៅកាន់តំបន់ទាំងនេះដូច្នេះវាមានការងាយស្រួល សម្រាប់ក្រុមហ៊ុនទេសចរណ៍របស់យើងផ្សព្វផ្សាយដល់ពួកគេ»៕ PB Postkhmer.com
Facebook
No comments:
Post a Comment