តើឪពុកម្តាយរបស់អ្នក មានដែលស្តីបន្ទោសអ្នកដែរឬទេ? តើអ្នកមានអារម្មណ៍យ៉ាងណា នៅពេលគាត់ស្តីបន្ទោសដូច្នេះ? សារជាតិធម្មជាតិរបស់លោកទាំងពីរគឺតែងតែស្រឡាញ់ បារម្ភ និងចង់ឲ្យកូនៗរបស់គាត់ល្អជានិច្ច។ ថ្ងៃនេះគេហទំព័រ«គំនិត»សូមចែករំលែករឿងមួយ គឺ”មីមួយចានពីអ្នកដ៏ទៃ”។ តើរឿងនេះមានអត្ថន័យយ៉ាងណាដែរ? សូមអញ្ចើញទៅតាមដានទាំងអស់គ្នា!
មានយប់មួយ នីកាបានឈ្លោះប្រកែកជាមួយនឹងម្តាយរបស់នាង។ ដោយសារតែខឹងនឹងម្តាយនាងខ្លាំពេកនាងក៏រត់ចេញពីផ្ទះហើយចេញក្រៅទាំងយប់។ នៅពេលកំពុងដើរនៅតាមផ្លូវ ទើបនាងដឹងខ្លួនថា នាងមិនបានជាប់យកលុយមកជាមួយសម្បីតែមួយរៀល។
រំពេចនោះ នាងក៏បានដើរកាត់ហាងមីមួយនៅតាមដងផ្លូវ។ ដោយសារតែក្លិនដ៏ឆ្ងុយដែលភាយចេញពីហាងមីនោះ ធ្វើឲ្យនាងមានអារម្មណ៍ឃ្លានជាខ្លាំង។ នាងចង់ចូលទៅញ៉ាំខ្លាំងណាស់ ប៉ុន្តែជាអកុសលនាងមិនមានលុយជាប់នឹងខ្លួននាងឡើយ។
ថៅកែហាងមីនោះ បានឃើញសភាពស្ទាក់ស្ទើររបស់នាង ក៏បានបន្លឺសួរទៅកាន់នាងថា៖
-ក្មួយស្រី! តើក្មួយចង់ញ៉ាំមីមែនទេ?
- ប៉ុន្តែ…ខ្ញុំមិនបានជាប់លុយមកជាមួយនោះទេពូ! នាងឆ្លើយទាំងមានការខ្មាសអៀន។
- មិនអីទេ! ពូមិនយកលុយក្មួយទេ! ចូលមកក្នុងមក ពូនឹងទៅចម្អិនមីឲ្យក្មួយញ៉ាំ។
ប៉ុន្មាននាទីក្រោយមកថៅកែហាងក៏យកមីមួយចានដែលទើបនឹងចម្អិនហើយមកឲ្យនាង។ ញ៉ាំបានប៉ុន្មានម៉ាត់ នីកាក៏យំ។
-តើមានរឿងអ្វីហ្នឹង? ហេតុអ្វីទើបក្មួយយំ? ថៅកែហាងបានចោទសួរ
- គ្មានរឿងអីទេពូ។ ខ្ញុំគ្រាន់តែរំជួលចិត្តនូវទង្វើដ៏ល្អរបស់ពូតែប៉ុណ្ណោះ។ នីកានិយាយទាំងអួលដើមក៏ ព្រមជាមួយនឹងកាយវិការជូតទឹកភ្នែក។
- សូម្បីតែមនុស្សដែលមិនដែលស្គាល់គ្នាផងបានឲ្យមីខ្ញុំមួយចាន។ ប៉ុន្តែម្តាយខ្ញុំវិញ គ្រាន់តែទាស់សម្តីនឹងគាត់បន្តិចបន្តួច គាត់បានបណ្តេញខ្ញុំចេញពីផ្ទះ។ គាត់ពិតជាអាក្រក់ណាស់!!!
ថៅកែហាងដកដង្ហើមធំហើយនិយាយថា៖
-ក្មួយស្រី ហេតុអ្វីបានជាក្មួយគិតដូច្នេះ? ក្មួយសាកគិតម្តងទៀតទៅមើល! ពូគ្រាន់តែឲ្យមីក្មួយមួយចានប៉ុណ្ណោះ ធ្វើឲ្យក្មួយមានអារម្មណ៍បែបនេះ។ ម្តាយរបស់ក្មួយវិញបានចិញ្ចឹមបីបាច់ក្មួយតាំងតែពីក្មួយនៅជាទារិកា ហេតុអ្វីបានជាក្មួយមិនដឹងគុណម្តាយ ហើយមិនស្តាប់សម្តីគាត់អញ្ចឹង?
នីកាមានអារម្មណ៍ភ្ញាក់ខ្លួនបន្ទាប់ពីបានឮសម្តីរបស់ម្ចាស់ហាងមី។
“ហេតុអ្វីបានជាខ្ញុំមិនគិតដល់រឿងហ្នឹងដូច្នេះ? មីមួយចានបានធ្វើឲ្យខ្ញុំមានអារម្មណ៍ថាជំពាក់គុណ។ រីឯម្តាយរបស់ខ្ញុំវិញគាត់ខិតខំបីបាច់ចិញ្ចឹមខ្ញុំតាំងពីតូច ខ្ញុំមិនមានអារម្មណ៍បែបនេះសូម្បីតែបន្តិច!”
នៅតាមផ្លូវទៅផ្ទះវិញ នីកាបានសញ្ចឹងគិតថាតើគួរនិយាយអ្វីនៅពេលដែលនាងទៅដល់ផ្ទះវិញ៖ “ម៉ាក់! ឲ្យកូនសុំទោស។ កូនដឹងខុសហើយ លើកលែងទោសឲ្យកូនម្តងទៅ…”
នៅពេលដែលនីកាឈានចូលទៅក្នុងផ្ទះ នាងបានឃើញម្តាយរបស់នាងកំពុងតែមានសភាពភ័យព្រួយ និងបារម្ភពីនាងជាខ្លាំង។ គាត់មើលទៅហាក់អស់កម្លាំងជាខ្លាំងដោយសារតែខិតខំដើររកនីកា។ នៅពេលដែលគាត់បានឃើញនីកាមកវិញ គាត់បាននិយាយដោយសម្តីស្រទន់ថា “នីកា ចូលមកកូនសម្លាញ់។ កូនប្រាកដជាឃ្លានខ្លាំងហើយមែនទេ? ម៉ាក់បានរៀបចំបាយទឹកឲ្យកូនរួចហើយ តោះទៅញ៉ាំទៅកូន ទាន់នៅក្តៅៗ…!”
នីកាទប់អារម្មណ៍មិនបាន នាងក៏យំរួចក៏រត់ទៅឱបម្តាយរបស់នាង។
នៅក្នុងជីវិតប្រចាំថ្ងៃ ពេលខ្លះយើងមានការដឹងគុណ និងរីករាយចំពោះទង្វើបន្តិចបន្តួចរបស់អ្នកនៅជុំវិញខ្លួនយើង។ ប៉ុន្តែសម្រាប់សាច់ញាតិ ជាពិសេសឪពុកម្តាយរបស់យើងវិញ យើងគិតថាការលះបង់របស់ពូកគាត់គឺជាកាតព្វកិច្ចដែលធម្មជាតិតម្រូវឲ្យធ្វើ……
ក្តីស្រឡាញ់របស់ឪពុកម្តាយ និងការព្រួយបារម្ភរបស់ពួកគាត់ចំពោះកូនៗគឺជាវត្ថុដ៏មានតម្លៃ មិនអាចកាត់ថ្លៃបានដែលយើងរាល់គ្នាមានសំណាងទទួលបានតាំងពីយើងកើតមក។
ឪពុកម្តាយរបស់យើងទាំងអស់គ្នា មិនរំពឹងថាយើងនឹងតបស្នងនូវអ្វីៗដែលគាត់បានធ្វើចំពោះយើងនោះទេ… ប៉ុន្តែតើយើងមានដែលឲ្យតម្លៃ និងដឹងគុណចំពោះការលះបង់ដោយឥតលក្ខខណ្ឌនេះដែរឬទេ? ប្រភពមកពី គំនិត
ការវះកាត់បន្តឹងទ្វារមាស គឺទម្រង់ការនៃការវះកាត់មួយ
ដែលត្រូវបានគេស្គាល់ថាជា ការធ្វើអោយ ទ្វារមាសរបស់ស្ត្រី
មានភាពក្មេងវ័យមកវិញ ដោយវាបានកំណត់គោលដៅ ដោយការធ្វើអោយសាច់ដុំ
របស់ទា្វរមាស ទទួលបានមកវិញនូវ អាយតពលភាព ដែលវាត្រូវបានបាត់បង់
ក្នុងអំឡុងពេលនៃការ សម្រាលកូន និង ដំណើរចាស់ជរានៃអាយុកាល។
សមត្ថកិច្ចចម្រុះ ចាប់បានជនសង្ស័ យប្លន់លុយធនាគារអេស៊ីលីដា (ACLEDA) សាខាក្នុងស្រុកស្ទឹងត្រង់ ខេត្តកំពង់ចាម ៦នាក់ ក្រោយពេលពួកគេ បានសម្រុករត់ចេញ ពីអគារធនាគារចូលទៅលាក់ខ្លួន ក្នុងចំការកៅស៊ូ កាលពីយប់ថ្ងៃទី២៣ មករា។
ឆ្លើយនឹងសំណួរអ្នកកាសែត ស្នងការរងនគរបាល ខេត្តកំពង់ចាម ទទួលបន្ទុកកណ្ដាលយុត្តិធម៌ លោក ជឹម សេងហុង នៅថ្ងៃទី២៤ មករា មានប្រសាសន៍ថា បុគ្គលិកធនាគារអេស៊ីលីដា ៥នាក់ និងបក្សពួកម្នាក់ជាក្រុមជនសង្ស័យប្លន់ ដែលមានគម្រោងរួចស្រេចជា មុន ប៉ុន្តែមានបញ្ហាកើតឡើងខ្លះដែលសមត្ថកិច្ចមិន ទាន់អធិប្បាយបាន។
Facebook
