ភ្នំពេញៈ សាកលវិទ្យាល័យបចេ្ចកទេស រ៉ាចាម៉ាងហ្គាឡា (Rajamangala) របស់ថៃបានចុះអនុស្សរណៈយោគយល់គ្នា(MOU)ជាមួយវិទ្យាស្ថាន បច្ចេកទេសពីររបស់កម្ពុជាកាលពីថ្ងៃចន្ទដើម្បីពង្រឹងគុណភាពធនធានមនុស្សលើជំនាញវិជ្ជាជីវៈដែលកំពុងមានតម្រូវការខ្ពស់នៅកម្ពុជា។
រដ្ឋលេខាធិការក្រសួងការងារ បណ្តុះបណ្តាលវិជ្ជាជីវៈ លោក ពេជ្រ សោភ័ន ដែលបានចូលរួមជាអធិបតីក្នុងពិធីចុះកិច្ចព្រមព្រៀងនេះឲ្យដឹងថា ខណៈយុវជនកម្ពុជាកាន់តែច្រើនកំពុងទទួលការអប់រំកាន់តែខ្ពស់មាននិសិ្សត ជាច្រើនហាក់មើលរំលងអត្ថប្រយោជន៍នៃការទទួលការបណ្តុះបណ្តាលខាងផ្នែកបច្ចេកទេសវិជ្ជាជីវៈដែលកំពុងមានឱកាសការងារខ្ពស់ក្នុងការអភិវឌ្ឍសេដ្ឋកិច្ច។
លោកថ្លែងថា៖ «យើងសង្កេតឃើញមានការវិនិយោគបរទេសកាន់តែច្រើនកំពុងចូលមកវិនិយោគនៅ
កម្ពុជាជាពិសេសខាងវិស័យឧស្សាហកម្ម។ដោយហេតុដូច្នេះហើយបច្ចុប្បន្នអ្នកដែលបានបញ្ចប់ការសិក្សាខាងផ្នែកបច្ចេកទេសពីវិទ្យាស្ថានបណ្តុះបណ្តាលវិជ្ជាជីវៈមានឱកាសការងារច្រើននិងមានការប្រកួតប្រជែងតិចជាងអ្នកដែលចេញពីសាកលវិទ្យាល័យ»។
កម្ពុជាជាពិសេសខាងវិស័យឧស្សាហកម្ម។ដោយហេតុដូច្នេះហើយបច្ចុប្បន្នអ្នកដែលបានបញ្ចប់ការសិក្សាខាងផ្នែកបច្ចេកទេសពីវិទ្យាស្ថានបណ្តុះបណ្តាលវិជ្ជាជីវៈមានឱកាសការងារច្រើននិងមានការប្រកួតប្រជែងតិចជាងអ្នកដែលចេញពីសាកលវិទ្យាល័យ»។
កិច្ចព្រមព្រៀងនេះត្រូវបានធ្វើឡើងជាមួយវិទ្យាស្ថានជាតិពហុបច្ចេកទេសកម្ពុជា និង វិទ្យាស្ថានជាតិបណ្តុះបណ្តាលបច្ចេកទេស។
ភាគីទាំងពីរមិនបានបង្ហាញពីទំហំទឹកប្រាក់នៃកិច្ចព្រមព្រៀងនេះឡើយ។
លោក Numyoot Songthanapitak នាយកសាកលវិទ្យាល័យ រ៉ាចាម៉ាងហ្គាឡាបានឲ្យដឹងថាភាគីទំាងពីរនឹងជជែកគ្នាលម្អិតក្នុងការរៀបចំកាលវិភាគសិក្សានិងជ្រើសរើសជំនាញដែលរោងចក្រឧស្សាហកម្មកំពុងត្រូវការ។លោកបន្តថាគ្រូជំនាញពីវិទ្យាស្ថានទាំងពីរនឹងត្រូវបានទទួលការអប់រំបន្ថែមហើយសិស្សកាន់តែច្រើននឹងទទួលបានឱកាសទៅសិក្សានៅថៃ។ លោកបន្ថែមថា៖ «កិច្ចសហការនេះនឹងជួយបង្កើនគុណភាពអប់រំរបស់សាកលវិទ្យាល័យទាំងពីរនិងរួមចំណែកពង្រឹងគុណភាពធនធានមនុស្សក្នុងវិស័យឧស្សាហកម្ម»។
លោកស្រី ទេព ម៉ូណា ប្រធានក្រុមហ៊ុន SHRM &P ដែលផ្តោតលើការគ្រប់គ្រងធនធានមនុស្សនិងបង្កើនផលិតភាពក្នុងវិស័យឧស្សាហកម្មបានឲ្យដឹងថាសិស្សដែលមានជំនាញខាងបច្ចេកទេសខាងដំឡើងឬបញ្ជាម៉ាស៊ីនគ្រប់គ្រងចង្វាក់ផលិតកម្មឬគ្រប់គ្រងដំណើរការម៉ាស៊ីនតែងទទួលបានការងារជាអ្នកគ្រប់គ្រងថ្នាក់កណ្តាលឬប្រធានផ្នែក។
លោកបន្តថា៖ «ខ្ញុំគិតថាអ្នកដែលមានជំនាញខាងបច្ចេកទេសខាងវិស័យឧស្សាហកម្មជាជនជាតិខ្មែរនៅមានចំនួនតិចណាស់ដូច្នេះយើងត្រូវពង្រឹងសមត្ថភាពបើមិនដូច្នេះទេយើងអាចនឹងបាត់បង់ការប្រកួតប្រជែងនៅពេលដែលសមាហរណកម្មសេដ្ឋកិច្ចអាស៊ានចូលមកដល់»។
យោងតាមលោក ពេជ្រ សោភ័ន ការអភិវឌ្ឍជំនាញខាងបច្ចេកទេសមានសារៈសំខាន់ក្នុងកាលៈទេសៈនៃការអភិវឌ្ឍសេដ្ឋកិច្ចនៅពេលបច្ចុប្បន្ន។
លោកបន្តថា៖ «ប្រទេសដែលមានសេដ្ឋកិច្ចជឿនលឿនដូចជាកូរ៉េខាងត្បូងនិងសិង្ហបុរីសុទ្ធតែមានធនធានមនុស្សដែលមានគុណភាពខ្ពស់ខាងបច្ចេកវិទ្យា»៕
Facebook
No comments:
Post a Comment