ព័ត៌មានដើមស្វាយ

Rotha Company

Tuesday, June 17, 2014

ព្រឺព្រួចបែបណា! បើមានក្រហូង ត្បូងយក្ស នៅចំកណ្ដាលទីក្រុង បែបនេះ?

Posted by RothaDB at 2:46 PM 0 comments

ប្រភពពី khmerload.com

រុស្សី៖ ទីក្រុងមួយដែលមានឈ្មោះថា Mirny គឺជាតំបន់មួយ ស្ថិតនៅចំកណ្ដាល បេះដូងអាស៊ី នៃសាធារណៈរដ្ឋ Yakutia តែស្ថិតនៅក្រោមការគ្រប់គ្រងរបស់ រុស្សី។

ប្រសិនជាអ្នកទៅដល់ ទីនោះ នោះអ្នក នឹងប្រទះឃើញ ក្រហូងដ៏ធំមួយ ដែលមានជម្រៅ ៥២៥ម៉ែត្រ និង អង្កត់ផ្ចិត ១.២គ.ម ខាងស្ដាំជាប់នឹង ទីក្រុងនេះផ្ទាល់តែម្ដង។ តាមរបាយការណ៍ របស់ Sploid បានឲ្យដឹងថា ក្រហូងនេះ គឺជាកន្លែងដែលគេ ជីកយក ត្បូង ២៥% នៃចំនួន ត្បូងដែលមានទាំងអស់ នៅក្នុងពិភពលោក ។ សម្រាប់ចំនុចមួយនេះ ត្រូវបានបើកឡើង កាលពីឆ្នាំ ១៩៥៥ និង វាបានក្លាយជា មជ្ឈមណ្ឌល នៃការផលិតត្បូង នៅក្នុងប្រទេសរុស្សី។ ជាមួយគ្នានោះ ការជីកចុះទៅក្រោម និងធ្វើកន្លែងមួយនេះ ត្រូវបានបញ្ចប់ កាលពីដើមឆ្នាំ ២០០៩ និងបន្ទាប់មក ពួកគេក៏ចាប់ផ្ដើម ជីកនិងស្វែងរកត្បូង នៅខាងក្រោមដីនេះ តែម្ដង។

សូមមើលរូបភាពខាងក្រោមទាំងអស់គ្នា៖

គយគន់សម្រស់ នារីស្អាតៗបង្ហាញវត្តមាន ក្នុងព្រឹត្តិការណ៍ World Cup 2014

Posted by RothaDB at 2:43 PM 0 comments

ប្រភព៖ Lookingtoday

រេស៊ីល ៖ នេះជាថ្ងៃទី៥ហើយ សម្រាប់ព្រឹត្តិការណ៍ World Cup ឆ្នាំ២០១៤ ដែលបានប្រារព្ធឡើង នៅក្នុងប្រទេសប្រេស៊ីល ខណៈកាលពីយប់ ថ្ងៃទី១៦ ម្សិលមិញនេះ ក្រុមជម្រើសជាតិអាល្លឺម៉ង់ វាយបំបាក់យ៉ាងចាស់ដៃលើ ក្រុមជម្រើសជាតិព័រទុយហ្គាល់ ក្នុងលទ្ធផលបច្ចេកទេស ៤-០។

ខាងក្រោមនេះគឺជារូបភាពនារីស្អាតៗ នៃក្រុមអ្នកគាំទ្រក្រុមបាល់ទាត់ នៅក្នុងព្រឹតិ្តការណ៍ World Cup លើកទី២០ ឆ្នាំ២០១៤មានដូចខាងក្រោម៖

Angry Birds Transformers នឹងចេញឆាប់ៗនេះ

Posted by RothaDB at 2:39 PM 0 comments

ប្រភពពី lookingtoday.com

ក្រុមហ៊ុន Rovio ទើបតែប្រកាសបង្ហាញហ្គេម Angry Birds Epic និងដាក់ឲ្យទាញយកនៅលើ Google Play, iTunes និង Windows Phone Store ខណៈពេលដែលហ្គេមថ្មី មួយទៀតនឹងលេចមុខ នៅក្នុងពេលឆាប់ៗនេះ។

ក្រុមហ៊ុន Rovio បានប្រកាសឲ្យដឹងថា ខ្លួនបានចាប់ដៃជាមួយនឹងក្រុមហ៊ុន Hasbro Inc ដែលជាម្ចាស់ស្លាកសញ្ញា Transformers ក្នុងការបង្កើតវគ្គថ្មី។ លោក Blanca Juti ប្រធានទីផ្សាររបស់ Rovio បានថ្លែងថា "យើងបានសហការ ជាមួយនឹងក្រុមហ៊ុន Hasbro Inc ក្នុងការបង្កើតហ្គេម Angry Birds Transformers"។

គួរបញ្ជាក់ផងដែរថា ហ្គេម Angry Birds Transformers នេះនឹងបង្ហាញនៅក្នុង ពេលឆាប់ៗនេះ ប៉ុន្តែក្រុមហ៊ុនមិនបាន បញ្ជាក់ពីព័ត៌មានលម្អិត នោះទេ៕

អាមេរិកថ្កោលទោសការសម្លាប់រង្គាលរបស់ក្រុមសកម្មប្រយុទ្ធ ISIL នៅអ៊ីរ៉ាក់

Posted by RothaDB at 2:35 PM 0 comments

ប្រភពពី postkhmer.com

ក្រុងបាកដាដៈ សហរដ្ឋអាមេរិកកាលពីថ្ងៃចន្ទ បានថ្កោលទោសការសម្លាប់រង្គាល«គួរឲ្យរន្ធត់» របស់ក្រុមសកម្មប្រយុទ្ធអ៊ិស្លាមនិយមដែលគេបាននិយាយថា បានសម្លាប់ទាហានអ៊ីរ៉ាក់រាប់រយនាក់ ខណៈពួកគេបានរុលទៅកាន់ក្រុងបាកដាដ បន្ទាប់ពីបានដណ្តើមកាន់កាប់តំបន់ភាគខាងជើងអ៊ីរ៉ាក់ ដ៏ធំល្វឹងល្វើយ។ អ៊ីរ៉ាក់ បាននិយាយ ថា ខ្លួនបានទទួល«ការផ្តើមគំនិតថ្មី»ប្រឆាំងក្រុមយុទ្ធជនមកពីរដ្ឋអ៊ីរ៉ាក់និង ឡឺ វ៉ង់អ៊ិស្លាមនិយម ខណៈរបាយការណ៍គួរឲ្យខ្ពើម ជាច្រើនបានលេចចេញអំពើឃោរឃៅ ដែលត្រូវបានប្រព្រឹត្តនៅក្នុងអំឡុងពេលនៃការវាយលុកលឿនដូចផ្លេកបន្ទោររបស់ពួកគេ។

រូបថតជាច្រើន ដែលបានបង្ហោះ តាមអ៊ីនធឺណិត ត្រូវបាននិយាយថា បានបង្ហាញពីក្រុមសកម្មប្រយុទ្ធ កំពុងប្រហារជីវិតភ្លាមៗ នៃសមាជិកនៃកម្លាំងសន្តិសុខដែលត្រូវបានចាប់ខ្លួនរាប់សិបនាក់ ខណៈការបង្ហោះតាមធ្វីធើរ របស់ក្រុម ISIL បានអះអាងថាពួកគេបានសម្លាប់ ទាហាន Shia១៧០០នាក់។

នៅក្នុងសេចក្តីថ្លែងការណ៍មួយអ្នកនាំពាក្យក្រសួងការបរទេស អាមេរិក លោកស្រី Jen Psaki បាននិយាយថា៖ «ការអះអាងពីក្រុមរដ្ឋអ៊ីរ៉ាក់ និងឡឺវ៉ង់អ៊ិស្លាមនិយម ថាខ្លួនបានសម្លាប់រង្គាលទាហានទ័ពអាកាស Shia អ៊ីរ៉ាក់ដែលទើបនឹងរើសថ្មី ១៧០០ នាក់នៅក្រុងទីគ្រីត គឺគួរឲ្យរន្ធត់ និងការពិពណ៌នាពិតៗ អំពីការ បង្ហូរឈាម ដែលក្រុមភេរវកម្មទាំងនេះ តំណាងឲ្យ»។

លោកស្រីបានថ្លែងថា៖ «ខណៈយើងមិនអាចបញ្ជាក់ពីរបាយការណ៍ទាំងនេះ បំណងសំខាន់របស់ ISIL គឺដើម្បីបំភ័យទឹកចិត្តពលរដ្ឋអ៊ីរ៉ាក់គ្រប់រូប និងជំរុញការបាក់បែកខាងនិកាយ។

លោកស្រី Psaki បានថ្លែងថា អាមេរិក នឹងជម្លៀសបុគ្គលិកខ្លះចេញ និងបង្កើនសន្តិសុខនៅឯ ស្ថានទូតរបស់ខ្លួន ដែលធំបំផុតរបស់អាមេរិកទូទាំងពិភពលោក និងរៀបចំតំបន់បៃតងដែលការពាររឹងមាំនៅក្រុងបាកដាដ ដោយសារអស្ថិរភាពកំពុងបន្ត។

កម្លាំងអ៊ីរ៉ាក់ដែលបង្វឹកដោយអាមេរិកបានបរាជ័យភ្លាមៗ នៅពេលដែលក្រុមជ្រុលនិយម ISIL បានកាន់កាប់ទីប្រជុំជនសំខាន់ៗភា្លមៗពីសប្តាហ៍មុន ដោយបានបោះបង់រថយន្តនិងទីតាំង និងបោះឯកសណ្ឋានចោល។

ពួកគេ បានកាន់កាប់ក្រុងមូស៊ុលដែលជាក្រុងធំទី២ និងក្រុងទីគ្រីត ជាស្រុកកំណើតរបស់សាដាម ហ៊ូសេន ជាជនផ្តាច់ការចុងក្រោយ និងជារដ្ឋធានីនៃខេត្តសាឡាហិដឌីន។ ក្នុងពេល៤ថ្ងៃ ពួកគេស្ថិតក្នុងចម្ងាយ៨០គ.ម. ព្រំប្រទល់ក្រុងបាកដាដ។

ក្រុមមន្ត្រីអ៊ីរ៉ាក់ បាននិយាយថា ពេលនេះកម្លាំងពួកគេបាននិងកំពុងចាប់ផ្តើមវាយរុញច្រានក្រុមសកម្មប្រយុទ្ធ ហើយទាហាន បាន កាន់កាប់ទីប្រជុំជនពីរ នៅខាងជើងក្រុងបាកដាដ។

វីរសេនីយ៍ឯកប៉ូលិសម្នាក់និងវេជ្ជបណ្ឌិតម្នាក់ បាននិយាយថា ខណៈពួកគេបានចាប់ផ្តើមរុញក្រុមជនសកម្មប្រយុទ្ធចេញ ពួកគេបានឃើញសាកសព ប៉ូលិសឆេះខ្លោច១២នាក់នី ទីប្រជុំជនអ៊ីសាគី។

ក្រុងវ៉ាស៊ីនតោន ក៏បានដាក់ពង្រាយក្រុមនាវាផ្ទុកយន្តហោះមួយទៅកាន់តំបន់ឈូងសមុទ្រ ខណៈប្រធានាធិបតីអាមេរិកលោក អូបាម៉ា បានថ្លែងថា លោកកំពុងថ្លែងគ្រប់ជម្រើសដើម្បីគាំទ្រដល់អ៊ីរ៉ាក់៕ PSA

រុស្ស៊ីនឹងជួបកូរ៉េខាងត្បូងនៅរាត្រីនេះ

Posted by RothaDB at 2:30 PM 0 comments

ប្រភពពី postkhmer.com

ក្រុងឃូយូបា: ក្រុមមិនសូវខ្លាំងកូរ៉េខាងត្បូង នឹងត្រូវជាមួយនឹងក្រុមបាល់ទាត់ជម្រើសជាតិរុស្ស៊ី ដោយសង្ឃឹមថា អាចបង្ហាញភាពអស្ចារ្យមួយក្នុងទីក្រុង Cuiaba រាត្រីនេះ។

ជោគវាសនារបស់កូរ៉េខាងត្បូង បានលិចលង់យ៉ាងជ្រៅចាប់តាំងពីថ្ងៃដ៏អស្ចារ្យនៃព្រឹត្តិការណ៍ World Cup ឆ្នាំ២០០២ ដែលនៅពេលនោះពួកគេបានបង្កើតប្រវត្តិសាស្ត្រមួយតាមរយៈការក្លាយជាក្រុមទ្វីបអាស៊ីទី១មួយក្នុងការឈានទៅប្រកួតវគ្គពាក់កណ្តាលផ្តាច់ព្រ័ត្រក្នុងជុំផ្តាច់ព្រ័ត្រ។

ប៉ុន្តែ នៅមុនពេលការឈានទៅប្រកួត World Cup ជាលើកទី៨ជាប់ៗគ្នារបស់ពួកគេ ពួកគេបានជួបភាពត្រដាបត្រដួសយ៉ាងខ្លាំងក្នុងវគ្គជម្រុះប្រចាំទ្វីប ខណៈដែលពួកគេបានឈានទៅដល់ដំណាក់កាលនេះដោយសារតែមានគ្រាប់បាល់ស៊ុតបញ្ចូលទីច្រើនជាងប៉ុណ្ណោះ។ ពួកគេក៏បានរងបរាជ័យក្នុងការប្រកួតកម្តៅសាច់ដុំមុនយុទ្ធនាការ World Cup ក្រោមថ្វីជើងក្រុមជម្រើសជាតិទុយនីស៊ី ក្នុងលទ្ធផល ១-០ និងបានរងបរាជ័យ ៤-០ ក្រោមស្នាដៃក្រុមជម្រើសជាតិហ្គាណាកាលពីឆ្នាំមុន។

បែលហ្ស៊ិកត្រៀមបង្កើតភាពអស្ចារ្យ

ក្រុមប្រជុំដោយកីឡាករវ័យក្មេងរបស់បែលហ្ស៊ិក កំពុងតែត្រៀមលក្ខណៈក្នុងការចាប់ផ្តើមយុទ្ធនាការ World Cup របស់ពួកគេនៅពេលជួបក្រុមជម្រើសជាតិអាល់ហ្សេរីនៅរាត្រីនេះ ក្នុងការប្រកួតពូល H។

ខណៈដែលត្រូវបានចាត់ទុកថា ជាក្រុមមិនសង្ឃឹមច្រើនក្នុងការឈ្នះបានរង្វាន់នេះ ក្រុមប្រជុំដោយកីឡាករវ័យក្មេងដ៏មានទេពកោសល្យមួយនេះ មានកីឡាករឆ្នើមៗជាច្រើនដូចជាខ្សែបម្រើ Eden Hazard របស់ក្លិប Chelsea ខ្សែប្រយុទ្ធដ៏មានថាមពល Romelu Lukaku និងខ្សែការពារ Vincent Kompany របស់ក្លិប Manchester City។

ជំនួបជាមួយម៉ិកស៊ិកនឹងរំឭកដល់ការចងចាំដ៏អាក្រក់សម្រាប់ប្រេស៊ីល

ខ្សែប្រយុទ្ធអន្តរជាតិប្រេស៊ីល Hulk បញ្ជាក់ថា ការសងសឹកមិនស្ថិតក្នុងគម្រោងរបស់ពួកគេឡើយ ខណៈដែលក្រុមម្ចាស់ផ្ទះ World Cup មួយនេះ ត្រូវខិតខំដណ្តើមកៅអីក្នុងវគ្គ១៦ក្រុមចុងក្រោយនៅពេលជួបក្រុមម៉ិកស៊ិកនៅរាត្រីនេះ។ ម៉ិកស៊ិក បានកម្ទេចក្តីសង្ឃឹមរបស់ប្រេស៊ីលក្នុងការឈ្នះពានមួយក្នុងចំណោមពានពីរដែលពួកគេមិនធ្លាប់ឈ្នះកាលពីពីរឆ្នាំមុន នៅពេលពួកគេបានផ្តួលក្រុមជើងខ្លាំងរបស់អាមេរិកខាងត្បូងមួយនេះ ២-១ ដើម្បីឈ្នះមេដាយអូឡាំពិកក្នុងទីក្រុងឡុងដ៍៕ IS

កម្មវិធីប្រកួតនៅរាត្រីនេះ

បែលហ្ស៊ិក v អាល់ហ្សឺរី - 11 យប់

ប្រេស៊ីល v ម៉ិកស៊ិក - 2 ទៀបភ្លឺ

រុស្ស៊ី v កូរ៉េខាងត្បូង - 5 ទៀបភ្លឺ

គង់ ចាន់រដ្ឋា អន់ចិត្តនឹង ខ្លួនឯង ពេលឡើងគីឡូ

Posted by RothaDB at 2:27 PM 0 comments

ប្រភពពី camnews.com.kh

ភ្នំពេញ៖ គង់ ចាន់រដ្ឋា បច្ចុប្បន្ននេះ ត្រូវបានគេដឹងថា នាងកំពុងតែស្នាក់នៅសម្តែង លើទឹកដី ប្រទេសមហាអំណាច លោក បារ៉ាក់ អូបាម៉ា ជាមួយនឹងភាពជោគជ័យខ្លាំង ក្រោយពេល តារា ស្រីរូបនេះ បានចាកចេញ ពីកម្ពុជាកាលពីអំឡុងចុង ខែមីនា ឆ្នាំ២០១៤ កន្លងមកនេះ។

ជាការកត់សម្គាល់ ចាប់តាំងពី កញ្ញា គង់ ចាន់រដ្ឋា បានទៅដល់ និងស្នាក់នៅច្រៀង លើដីសហ រដ្ឋអាមេរិក អស់មួយ រយៈមកនេះ តែងមានព័ត៌មានថា នាងត្រូវបានការយកចិត្ត និងគាំទ្រខ្លាំង ពីសំណាក់បងប្អូនខ្មែរ រស់នៅទីនោះ ចំពោះ អត្តចរិតរួសរាយ រាក់ទាក់មិនឆ្មើងឆ្មៃ ពីសំណាក់ តារាចម្រៀង របស់ខ្មែរ នាង គង់ ចាន់រដ្ឋា។ មិនតែប៉ុណ្ណោះ ដោយសារ ការស្រឡាញ់ រាប់អាន ខ្លាំង រដ្ឋា ក៏តែងទទួលបានការ អញ្ជើញចូលរួម ក្នុងកម្មវិធីជប់លៀង នៅតាមហាង និងតាម គេហដ្ឋាន ទៀតផង។

យ៉ាងណាក្តី ដោយសារតែការជោគជ័យ បូករួមនឹងការសប្បាយចិត្ត នៅលើទឹកដីប្រទេស អាមេរិក រហូតធ្វើឲ្យតារាចម្រៀង គង់ ចាន់រដ្ឋា ភេ្លចគិតទៅដល់ការថែរក្សារាង បណ្តោយខ្លួន ឲ្យឡើងទម្ងន់រហូតដល់៤គីឡូ បន្ថែមទៀត ព្រោះតែការញ៉ាំ អាហារច្រើនពេក។

ឆ្លើយឆ្លងគេហទំព័រ LookingTODAY តាមសារអេឡិចត្រូនិច នៅរសៀលថ្ងៃទី១៦ ខែមិថុនា ឆ្នាំ ២០១៤ នេះកញ្ញា គង់ ចាន់រដ្ឋា បានប្រាប់ឲ្យដឹងថា សម្រាប់ការងារ និងសុខភាពរបស់នាង មិនមានបញ្ហាអ្វីទេ ។ ប៉ុន្តែនាងពិបាកចិត្ត ព្រោះឡើងគីឡូ ច្រើនពេក។ គង់ ចាន់រដ្ឋា បានបន្តថា មូលហេតុនាំឲ្យនាងឡើងទម្ងន់ ព្រោះនៅទីនោះ មានភាពត្រជាក់ ហើយធ្វើឲ្យនាងញ៉ាំ អីក៏ ឆ្ងាញ់ និងបានច្រើន។ ម្យ៉ាងទៀត មកពីនាងសប្បាយចិត្ត ព្រោះបងប្អូននៅទីនោះ ចាប់អារម្មណ៍គាំទ្រច្រើន មកលើខ្លួន។

តារាចម្រៀងកញ្ញា គង់ ចាន់រដ្ឋា បានចាកចេញពីស្រុកខ្មែរ ទៅចម្រៀង និងសម្តែងនៅ សហ រដ្ឋអាមេរិក កាលពីអំឡុងចុង ខែមីនា ឆ្នាំ២០១៤តាមរយៈប្រធាន សមាគមខ្មែរ នៅទីនោះ ជា អ្នកធានាចេញទៅ។ បើតាមគម្រោង គឺតម្រូវឱ្យ នាងស្នាក់ នៅទីនោះ រយៈពេល៣ខែ ទើប វិលត្រឡប់ មកស្រុកខ្មែរវិញ៕

លោកស ខេង នាយករដ្ឋមន្ត្រីស្តីទីប្រគល់សញ្ញាបត្រដល់និស្សិតវិទ្យាស្ថានស៊ីតិក

Posted by RothaDB at 2:23 PM 0 comments

ប្រភពពី កោះសន្តិភាព

រាជធានីភ្នំពេញ ៖ លោក ស ខេង នាយករដ្ឋមន្ត្រីស្តីទី បានអញ្ជើញជាគណៈអធិបតីក្នុងពីធីប្រគល់សញ្ញាបត្រដល់និស្សិតថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៃវិទ្យាស្ថានសុីតិកចំនួន១.៥៧៤នាក់ កាលពីវេលាព្រឹកថ្ងៃទី១៧ មិថុនា ២០១៤ នេះ ដែលរៀបចំឡើងនៅសាលប្រជុំវិទ្យាស្ថានជាតិអប់រំ ស្ថិតក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ ។

នាយករដ្ឋមន្ត្រីស្តីទីថ្លែងក្នុងពិធីនោះថា ការបញ្ចប់សិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់ប្រកបដោយជោគជ័យរបស់និស្សិតនៃវិទ្យាស្ថានសុីតិកនេះ សបញ្ជាក់ឱ្យឃើញថា វិទ្យាស្ថានសុីតិកសម្រេចបានស្នាដៃដ៏ធំធេងក្នុងការលើកកម្ពស់គុណភាពបណ្តុះបណ្តាល និងអភិវឌ្ឍន៍ធនធានមនុស្សសម្រាប់ប្រទេសជាតិ ស្របតាមគោលនយោបាយអប់រំ បណ្តុះបណ្តាលរបស់ក្រសួងអប់រំ យុវជន និងកីឡា ដែលរាជរដ្ឋាភិបាលជានិច្ចកាលតែងតែយកចិត្តទុក្ខដាក់ខ្ពស់ដល់ការកសាងជំនាន់យុវវ័យសម្រាប់បន្តវេន ។

តាងនាមរាជរដ្ឋាភិបាលកម្ពុជា តាងនាមសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងនាមលោកផ្ទាល់ សូមថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំសាស្ត្រាចារ្យ បុគ្គលិកវិទ្យាស្ថានសុីតិក ដែលបានប្រឹងប្រែងបំពេញការងារតាមតួនាទី និងភារកិច្ចរៀងៗខ្លួន ជាពិសេសសូមថ្លែងនូវក្តីសរសើរដោយស្មោះចំពោះក្មួយៗនិស្សិតជ័យលាភីទាំងអស់ដែលខិតខំរៀនសូត្រ និងគោរពវិន័យរបស់វិទ្យាស្ថានរហូតទទួលបាននូវចំណេះដឹងសមតាមបំណងប្រាថ្នា ។

Friday, June 6, 2014

ក្មេងមែនពិត តែវាយឌឺដងដាក់គ្នាមិនចាញ់ កែវ រំចង់ ប៉ុន្មានទេ (Video Inside)

Posted by RothaDB at 10:54 AM 0 comments

ប្រភព៖ Lookingtoday

ភ្នំពេញៈ គូប្រដាល់វ័យក្មេងរបស់ថៃ ដែលមិនទាន់បាត់ធំក្លិន ទឹកដោះផងនោះ បានធ្វើឲ្យកក្រើកពេញ សង្វៀន ប្រដាល់ ដោយការវាយដូរកណ្តាប់ដៃគ្នា និងជាពិសេសនោះ គឺការវាយឌឺដងដាក់គ្នាទៅវិញទៅមក មិនចាញ់ កីទ្បាករជើងខ្លាំងកម្ពុជា កែវ រំចង់ ប៉ុន្មានទេ ។

យ៉ាងណាមិញ បើមើលពីសកម្មភាពប្រកួត ដ៏អស្ចារ្យរវាង អ្នកប្រដាល់វ័យក្មេងថៃ ទាំងពីរនេះ យើងឃើញ ថា កីទ្បាករ បង្គោលខៀវ ដែលរាងធាត់ជាងគេនោះ បើធៀបទៅនឹង ជើងខ្លាំងកម្ពុជា កែវ រំចង់ វិញនោះ គឺមិន លើសមិនខ្វះគ្នា ប៉ុន្មាននោះទេ ដោយវាយអាងតែកម្លាំងបាយ ហើយអ្វីដែលគួរឲ្យ កត់សំគាល់នោះ គឺចូលចិត្ត វាយឲ្យ មុខឌឺដងដាក់ គូប្រកួតជានិច្ចតែម្តង ៕បើចង់ជ្រាបច្បាស់ ពីការប្រកួត ដ៏អស្ចារ្យខាងលើនេះមាន លក្ខណៈយ៉ាងណានោះ សូមទស្សនាវីដេអូខាង ក្រោមទំាងអស់គ្នា ៖

សន្តិសុខ ក្រុមហ៊ុន FTB ដក់កាំភ្លើង គំរាមអ្នកលក់ងាវ ត្រូវបានសមត្ថកិច្ច ឃាត់ខ្លួន

Posted by RothaDB at 10:51 AM 0 comments

ប្រភព៖ ដើមអម្ពិល

ភ្នំពេញ ៖ បុរសម្នាក់ត្រូវ បានសមត្ថកិច្ច ឃាត់ខ្លួនពាក់ព័ន្ធ និងរឿងដកកាំភ្លើង បញ្ឆោត (គ្មានគ្រាប់ពិត) ភ្ជង់គម្រាម ទៅលើស្រី អ្នកលក់ងាវ ព្រោះតែរឿងជម្លោះពាក្យ សំដីបន្តិចបន្តួច ពេលតថ្លៃងាវ ។ហេតុការណ៍ភ្ញាក់ផ្អើលនេះ បានកើតឡើងនៅវេលាម៉ោង២៣និង២០នាទីយប់ ថ្ងៃទី៥ខែមិថុនា ឆ្នាំ២០១៤ ស្ថិតនៅក្នុង តាមបណ្ដោយផ្លូវលេខ១៩៣ កែងផ្លូវលេខ២៩៨ សង្កាត់អូរឡាំពិក ខណ្ឌចំការមន ។

យោងតាមសំដីជនរងគ្រោះ បានឲ្យដឹងថា មុនពេលកើតហេតុ រួបគេបានឈលក់ងាវ នៅចំណុចផ្សារ អូរឡាំពិក ភ្លាមនោះស្រាប់តែឃើញបុរសម្នាក់ បានដើរមកពីទិសខាងលិច ហើយខណៈមកដល់ ចំណុច កើតហេតុ ក៏បានស្រែជេរនារីរងគ្រោះនិងទះតុមួយដៃ ថែមទាំងដក់កាំភ្លើងមកគំរាម ធ្វើឲ្យផ្អើល ប្រជា ពលរដ្ឋនិង អ្នកលក់នៅជិតខាងរត់ជាន់ជើងគ្នា ហៅសមត្ថកិច្ចចុះ មកអន្តរាគមន៍ភ្លាមៗ។

នារីរងគ្រោះបានបន្តទៀតថា បុរសខាងលើនេះ តែងតែមកបង្ករឿង និងជេរប្រមាថនាងជាញឹកញាប់ តែនាងមិនរវីវវល់ទេ ព្រោះគិតថាគាត់ស្រវឹង ។

សមត្តកិច្ចបានបញ្ជាក់ថា បុរសដែលដក់កាំភ្លើង និងគំរាមនារីលក់ងាវខាងលើនេះ ឈ្មោះសូន សំអាង អាយុ៣៩ឆ្នាំ ជាសត្ថិសុខក្រុមហ៊ុន FTB ។

បច្ចុប្បន្នជនបង្ក ត្រូវបានសមត្ថកិច្ចបញ្ជូនខ្លួន ទៅសួរនាំនៅប៉ុស្តិ៍ នគរបាលរដ្ឋបាល ទួលស្វាយព្រែទី១ រួចកសាងសុំណុំរឿង បញ្ជូនបន្តទៅកាន់អធិការដ្ឋាន ខណ្ឌចំការមន ដើម្បីចាត់ការបន្តតាមផ្លូវ ច្បាប់ ៕

តុលាការខេត្តកំពង់ឆ្នាំងសម្រេចឃុំខ្លួនជនសង្ស័យម្នាក់ពីបទចែកចាយថ្នាំញៀន(មានវីដេអូឃ្លីប)

Posted by RothaDB at 10:48 AM 0 comments

ប្រភពពី កោះសន្តិភាព

ខេត្តកំពង់ឆ្នាំង ៖ ជនសង្ស័យជួញដូរគ្រឿងញៀនម្នាក់ត្រូវតុលាការខេត្តកំពង់ឆ្នាំងសម្រេចឃុំខ្លួនដាក់ពន្ធនាគារកាលពីល្ងាចថ្ងៃទី៥ មិថុនា ២០១៤ បន្ទាប់ពីត្រូវកម្លាំងនគរបាលការិយាល័យប្រឆាំងគ្រឿងញៀនរបស់ស្នងការដ្ឋាននគរបាលខេត្តឃាត់ខ្លួនតាមដីកាបង្គាប់ឱ្យនាំខ្លួនរបស់ចៅក្រមសាលាដំបូងខេត្ត ដោយចោទប្រកាន់ពីបទជួញដូរគ្រឿងញៀនដែលបានប្រព្រឹត្តឡើងកាលពីអំឡុងខែមីនា ២០១៤ នៅសង្កាត់ផ្សារឆ្នាំង។

លោកគឹម រិទ្ធ នាយនគរបាលការិយាល័យប្រឆាំងការជួញដូរគ្រឿងញៀននៃស្នងការដ្ឋាននគរបាលខេត្តបានមានប្រសាសន៍ថា ជនសង្ស័យខាងលើនេះឈ្មោះវ៉ាន់ ច័ន្ទសុភ័ក្រ អាយុ២៥ឆ្នាំ មានទីលំនៅភូមិកំពង់អុស សង្កាត់ផ្សារឆ្នាំង ក្រុងកំពង់ឆ្នាំង។

លោកប្រធានការិយាល័យបានរំលឹកថា នៅថ្ងៃបង្ក្រាបការជួញដូរគ្រឿងញៀនកាលពីថ្ងៃទី១១ មីនា ២០១៤ កន្លងទៅ សមត្ថកិច្ចចាប់បានស្ត្រីម្នាក់ឈ្មោះត្រេន ដា អាយុជាង២០ឆ្នាំ មានទីលំនៅរាជធានីភ្នំពេញ រួមជាមួយថ្នាំញៀនជាច្រើនកញ្ចប់ ដែលឈ្មោះនេះបានមកទំនាក់ទំនងជាមួយឈ្មោះវ៉ាន់ ច័ន្ទសុភ័ក្រដើម្បីចែកចាយថ្នាំញៀន ប៉ុន្តែពេលចាប់ស្ត្រីនោះ គឺមិនបានចាប់ឈ្មោះវ៉ាន់ ច័ន្ទសុភ័ក្រនោះទេ ព្រោះគេចខ្លួន បន្ទាប់មកតុលាការបានចេញដីកាឱ្យចូលខ្លួនទៅបំភ្លឺជាច្រើនលើក តែឈ្មោះនេះមិនព្រមមកបំភ្លឺតាមដីកាទើបឈានដល់ចេញដីកាឱ្យនាំខ្លួនតែម្តង៕

សត្វជ្រូកក្រហម និងសត្វទារស់ត្រូវគេនាំចូលពីប្រទេសវៀតណាមរាល់ថ្ងៃ មិនរំខានសមត្ថកិច្ច

Posted by RothaDB at 10:32 AM 0 comments

ប្រភពពី កោះសន្តិភាព

ខេត្តតាកែវ ៖ ចាប់តាំងពីខែឧសភា ២០១៤ រហូតដល់ថ្ងៃនេះសត្វជ្រូកក្រហមរបស់វៀតណាមត្រូវបានអាជ្ញាធរ និងជំនាញពាក់ព័ន្ធកំពុងឃុបឃិតគ្នានាំចូលមករាប់រយក្បាលក្នុងមួយថ្ងៃៗ រួចគេយកលេសថា ជាជ្រូកក្រុមហ៊ុន ហើយសកម្មភាពក្នុងការនាំសត្វជ្រូកក្រហមមកពីប្រទេសវៀតណាមនេះត្រូវបានឈ្មួញដឹកចែកចាយទៅកាប់សាច់នៅតាមទីសត្វឃាតនានាក្នុងខេត្ត និងមួយចំនួនទៀតដឹកយកទៅកាប់សាច់នៅភ្នំពេញ។

មន្ត្រីពេទ្យសត្វខេត្តបានឱ្យដឹងថា រាល់ថ្ងៃនេះមានក្រុមហ៊ុនមួយកំពុងតែនាំសត្វជ្រូករស់ចូលមកពីប្រទេសវៀតណាមជារៀងរាល់ថ្ងៃ ដោយនៅក្នុងលិខិតអនុញ្ញាតនោះឱ្យនាំចូលសត្វជ្រូកក្រហមពីស្រុកយួន១ថ្ងៃ៥០ក្បាលសម្រាប់ក្នុងខេត្ត និងដឹកទៅភ្នំពេញ១០ក្បាល តែតាមពិតគេបាននាំចូលមករាប់រយក្បាលឯណោះក្នុង១ថ្ងៃ។

ទន្ទឹមនឹងការនាំជ្រូករស់ជ្រកក្រោមស្លាកក្រុមហ៊ុននោះមានឈ្មួញម្នាក់ទៀតឈ្មោះធួក កំពុងនាំសត្វជ្រូករស់ចូលមកយ៉ាងអនាធិបតេយ្យបំផុត ហើយការដែលឈ្មួញម្នាក់នេះអាចនាំសត្វជ្រូកក្រហមពីវៀតណាមចូលមកបានដោយសារមានការអនុញ្ញាតពីអាជ្ញាធរខេត្ត មិនតែប៉ុណ្ណោះគេនាំសត្វទារស់ចូលមកពីប្រទេសវៀតណាមតាមស្រុកអង្គរបុរី និងស្រុកបុរីជលសាផងដែរ៕

ហាយឡិនឌ័រផ្ទុះកង់មុខរេចង្កូតទៅបុករថយន្តយីឌុបខ្ទេចមួយចំហៀង

Posted by RothaDB at 10:30 AM 0 comments

ប្រភពពី កោះសន្តិភាព

ខេត្តកំពង់ឆ្នាំង ៖ រថយន្តហាយឡិនឌ័រមួយគ្រឿងបានបែកកង់មុខខាងឆ្វេង ហើយក៏រេចង្កូតទៅបុកជាមួយរថយន្តយីឌុបមួយគ្រឿងទៀត បណ្តាលឱ្យខ្ទេចខ្លួនមួយចំហៀង កាលពីវេលាម៉ោង៦ និង៣០នាទីព្រឹកថ្ងៃទី០៦ មិថុនា ២០១៤ ស្ថិតនៅតាមបណ្តោយផ្លូវជាតិលេខ៥ ក្នុងភូមិអូរំចេក ឃុំចក ស្រុកបរិបូណ៏ ។ ទោះជាយ៉ាងណា អ្នកបើកបររថយន្តហាយឡិនឌ័រគ្រាន់តែរងរបួសស្រាលប៉ុណ្ណោះ ។

ប្រភពបានឱ្យដឹងថា មុនពេលកើតហេតុ គេរថយន្តហាយឡិនឌ័រមួយគ្រឿង ពណ៌ស្ក ធ្វើដំណើរពីត្បូង ទៅជើង លុះមកដល់កន្លែងកើតហេតុ ស្រាប់តែបែកកង់ខាងមុខ ធ្វើឱ្យរថយន្តរេចង្កូតទៅខាងឆ្វេងដៃ ស្របពេលជាមួយគ្នានោះ មានរថយន្តយីឌុប មួយគ្រឿងទៀតបើកមកបញ្ច្រាសទិសគ្នា ឃើញដូច្នោះអ្នកបើកបរយីឌុបបានព្យាយាមគេចចេញមកស្តាំដៃដែរ តែមិនផុតបណ្តាលឱ្យរថយន្តទាំង២គ្រឿងកៀរគ្នាយ៉ាងខ្លាំងតែម្តង ។

ដំណឹងល្អ! iOS 8 របស់ក្រុមហ៊ុន Apple បានជួយសម្រួល ថាមពលថ្ម កាន់តែល្អ ជាងមុន!

Posted by RothaDB at 10:27 AM 0 comments

ប្រភពពី khmerload.com

ប៉ុន្មានថ្ងៃមុននេះ ខ្មែរឡូតទើបតែ បង្ហាញពីព័ត៌មានមួយ ដែលនិយាយអំពី សន្និបាទរបស់ក្រុមហ៊ុន Apple បានប្រកាសពី ប្រព័ន្ធប្រតិបត្តិការ ថ្មីរបស់ខ្លួន នោះគឺ iOS 8 ដែលវានឹងមិន អាចដំណើរការបាន សម្រាប់ទូរស័ព្ទ iPhone 4 ឡើយ។

ស្របពេលនោះដែរ ក៏មានការប្រកាស ពីលក្ខណៈពិសេស របស់ iOS 8 ផងដែរ ដែលនឹងដាក់ចេញ អំឡុងសប្តាហ៍នេះ ប៉ុន្តែមិនបានបញ្ជាក់ ពីដំណឹងល្អមួយទៀត ដែលនិយាយអំពី ការកែប្រែ ថាមពលថ្ម កាន់តែប្រសើរ ជាងមុនឡើយ។

Slide Show សម្រាប់ជាការ ធ្វើបទបង្ហាញនៅ ក្នុងសន្និបាទនោះ បានបញ្ជាក់ថា iOS 8 នឹងមានកម្មវិធី សម្រាប់គ្រប់គ្រង ថាមពលថ្ម ដូចជាការ ប្រាប់អោយដឹង ពីកម្មវិធី ឬដំណើរការណា ដែលត្រូវបិទ ដើម្បីរក្សាថាមពល ថ្មអោយនៅ ល្អនិង កាន់បានយូរ។

លើសពីនេះទៀត នៅមានដំណឹង ជាច្រើនដែលបញ្ជាក់ថា iPhone 6 នឹងមានរូបរាង ស្តើងនិងធំ ជាងមុនព្រមទាំង ភ្ជាប់មកនូវ លក្ខណៈពិសេស ក៏ដូចជាកម្មវិធី ថ្មីៗមួយចំនួន ផងដែរក្នុងនោះ មានដូចជា កម្មវិធីសម្រាប់ តាមដានសុខភាព, កម្មវិធីកែប្រែ កាមេរ៉ាអោយ ល្អជាងមុន, និងជាច្រើនផ្សេងទៀត។

យើងនឹងរង់ចាំ មើលអំពី លក្ខណៈពិសេស ពិតប្រាកដនៅក្នុង ទូរស័ព្ទ iPhone 6 ដែលនឹងត្រូវ ដាក់លក់នា ពេលឆាប់ៗនេះ៕

តើប្រិយមិត្តយល់ យ៉ាងណាដែរ?

Thursday, May 22, 2014

គយខេត្តព្រះសីហនុ បើកសន្និសីទ បង្ហាញពីប្រតិបត្តិការ ចាប់ភ្លុកដំរី

Posted by RothaDB at 2:10 PM 0 comments

ប្រភព៖ ដើមអម្ពិល

ព្រះសីហនុ៖ លោក គិន លី ប្រធានសាខាគយប្រចាំខេត្តព្រះសីហនុ នៅព្រឹកថ្ងៃទី២២ ខែឧសភា ឆ្នាំ២០១៤នេះ បានបើកសន្និសីទកាសែតមួយនៅក្នុងសាលប្រជុំ នៃកំពង់ផែស្វយ័តក្រុងព្រះសីហនុ ស្ដីអំពីប្រតិបត្តិការចាប់ភ្លុកដំរី ជាង ៣ពាន់គីឡូក្រាម កាលពីដើមខែឧសភា។

លោក គិន លី បានថ្លែងនៅក្នុងសន្និសីតកាសែតនោះថា ភ្លុកដំរី ដែលមានចំនួនរហូតទៅដល់ ៣.០០៨គីឡូក្រាម ដែលមានប្រភពចេញមកពីប្រទេសកេនយ៉ា ឆ្លងកាត់ប្រទេសម៉ាឡេស៊ី មកកម្ពុជា ក្នុងគោលដៅបន្ដទៅប្រទេសទី៤ ទៀតនោះ បច្ចុប្បន្នកំពុងរៀបចំសំណុំរឿងបញ្ជូនទៅតុលាការខេត្តព្រះសីហនុ។

សូមជំរាបថា ភ្លុកដំរីខុសច្បាប់នេះ ត្រូវបានកម្លាំងគយចាប់បាន កាលពីថ្ងៃទី០៩ ខែឧសភា ឆ្នាំ២០១៤ ដោយលួច បង្កប់នៅក្នុងកុងតឺន័រដឹកសណ្ដែក៕

មេដឹកនាំអាវក្រហម ត្រូវបានតុលាការថៃ កាត់ទោស ឲ្យជាប់គុក ៦ ខែ ពិន័យជាប្រាក់ ៥ម៉ឺនបាត

Posted by RothaDB at 2:09 PM 0 comments

ប្រភព ដើមអម្ពិល

បាងកក៖ មេដឹកនាំអាវក្រហម លោក ចាតុផន ព្រំផាន ត្រូវបានសាលា ឧទ្ធរណ៍ក្រុងបាងកក សម្រេចកាត់ ទោស ដាក់ព័ទ្ធធនាគារ ៦ ខែ និង ពិន័យជាប្រាក់ ៥ ម៉ឺនបាត ពីបទបរិហាកេរ្តិ៍ ប្រធានបក្ស ប្រឆាំងថៃ។

យោងតាមគេហទំព័រ Thai News នៅថ្ងៃ ព្រហស្បតិ៍ ទី ២២ ខែ ឧសភា ឆ្នាំ ២០១៤ នេះបានចុះផ្សាយ ឲ្យដឹងថា ចៅក្រមសាលាឧទ្ធរណ៍ក្រុងបាងកក បានវិនិច្ឆ័យ ដាក់ទោស លោក ចាតុផន ព្រំផាន មេដឹកនាំ ចលនាប្រជាជនប្រឆាំងរបបផ្តាច់ការ ឬ ក្រុមអាវក្រហម ឲ្យជាប់ពន្ធនាគារ ៦ ខែ ផាកពិន័យ ជាប្រាក់ ៥ ម៉ឺនបាត ស្មើប្រមាណ ១៣០០ ដុល្លារអាម៉េរិក ប៉ុន្តែត្រូវបានព្យួរទោស ២ ឆ្នាំ ហើយតុលាការក៏បាន បង្គាប់ឲ្យចុះផ្សាយ សាលក្រមខាងលើ ជាសាធារណៈ តាមរយៈសារព័ត៌មានក្នុងស្រុង រយៈពេល ១សប្ពាហ៍។

លោក ចាតុផន ត្រូវបានជាប់ចោទពីបទ បរិហាកេរ្តិ៍ លោក អាប់ភស៊ីត វ៉េចាជីចា អតីតនាយករដ្ឋមន្រ្តី និងជាប្រធានក្សប្រជាធិបេតយ្យ (បក្សប្រឆាំងថៃ) ថាបានបញ្ជាកម្លាំងយោធាឲ្យស្លាប់ប្រជាពលរដ្ឋ ថៃ ដែលបានជួបគ្នា ដើម្បីទាមទាររដ្ឋាភិបាល ដែលដឹកនាំដោយ លោក អាប់ភិស៊ីត រំលាយសភា រៀបចំការ បោះឆ្នោតជាថ្មី កាលពីឆ្នាំ ២០១០ បានស្លាប់មនុស្សជិត ១០០ នាក់ និង ជាង ៣ ពាន់នាក់ផ្សេងទៀត រងរបួស។

អ្នកទស្សនារឿង "ខ្ញុំខ្លាចហើយម៉ែណាត" ខកចិត្ត រអ៊ូស្ដាយលុយ និងពេលវេលា

Posted by RothaDB at 2:07 PM 1 comments

ប្រភពពី khmerload.com

ភ្នំពេញ៖ ទស្សនិកជនជាច្រើនពាន់នាក់ ដែលទន្ទឹងរង់ចាំមើលភាពយន្តថៃដ៏ល្បី "ខ្ញុំខ្លាចហើយម៉ែណាត" (Make Me shhunder II) បានស្ងប់ចិត្តហើយ បន្ទាប់ពីរឿងបញ្ចាំងជាស្ថាពរ នៅថ្ងៃទី១៥ ខែ ឧសភា កន្លងទៅ ។កាន់តែគួរឲ្យ រំភើបជាងនេះទៅទៀត គឺវត្តមាន តារាសម្ដែងថៃ ក្មេងៗ និងស្រស់សង្ហា បានបង្ហាញវត្តមានមុខ ខ្សែភាពយន្តត្រូវ បានចាក់បញ្ចាំង ។ ទស្សនិកជនទៅទទួលស្វាគមន៍ តារាសម្ដែងក្មេងៗទាំងនោះ ស្របពេលមានពាក្យសម្ដីឌឹដង ផ្លែផ្កាគ្នាពេញ បណ្ដាញសង្គមហ្វេសបុក តែមិនមែនជាបញ្ហា សម្រាប់ខ្សែរឿង ដ៏ល្បីនេះទេ ព្រោះមកទល់នៅពេលនេះ រឿងថៃដ៏ល្បីនេះ នៅតែមានអ្នកទស្សនាច្រើន រហូតដល់ទៅទិញសំបុត្រមើល មិនបាន អ្នកខ្លះត្រូវកក់ទុកមុន ឯតំលៃសំបុត្រវិញ៥ដុល្លារ ។

ជារឿងគួរឲ្យអស្ចារ្យមួយ ដែលខ្សែរឿងមួយដ៏ល្បីល្បាញ ប៉ុន្តែក្រោយពីទស្សនាហើយ បែរជាទស្សនិកជន មួយចំនួនគ្រវីក្បាល ហួសចិត្តទៅវិញ រួចពួកគេនិយាយថា ស្ពតល្អមើលអស់ទាស់ តែសាច់រឿងមើលមិនកើត ។ យុវជនម្នាក់ជានិស្សិតនៃសាកវិទ្យាល័យមួយ ក្នុងរាជធានីភ្នំពេញ បាននិយាយថា រូបគេប្រើពេល៥ថ្ងៃ ទំរាំបានទិញសំបុត្រចូលទស្សនារឿង "ខ្ញុំខ្លាចហើយម៉ែណាត" ព្រោះឮគេល្បីថា ល្អមើលណាស់ និងមានការផ្សព្វផ្សាយនានាជាច្រើន ។

ប៉ុន្តែសាច់រឿងហាក់ប្លែកខុសគេ ដូចជាមិនសមតំលៃសំបុត្រ ចូលទស្សនាទាល់តែសោះ ព្រោះសាច់រឿង មានរយៈពេល១១៨នាទី ល្អមើលមានប្រហែលជា បីទៅបួនឈុតប៉ុណ្ណោះ ។ ចំណែកឯឈុតដទៃ ហាក់មិនសូវល្អមើលព្រោះរឿងនេះ ជារឿងកំប្លែង បែរជាមិនកំប្លែងប៉ុន្មាន ចាញ់កាលវគ្គ១ដាច់ និងរឹតតែចាញ់រឿង "ភីម៉ាក" ដាច់តែម្ដង ។ យុវជននោះបន្តថា មើលហើយស្ដាយលុយណាស់ ស្ដាយទាំងការខំព្យាយាមរង់ចាំមើល ទៀតផង។

ចំណែកឯតារា ហ្វេសប៊ុក PeyPeyDy បានប្រើប្រាស់ ហ្វេសប៊ុករបស់ខ្លួន និយាយថា "ឃើញគេផ្អើលមើល ខ្ញុំខ្លាចហើយម៉ែណាត រហូតគ្មានសំបុត្រមើល ត្រូវកក់សំបុត្រ ទើបបានមើល នឹកស្មានថាល្អមើលខ្លាំងណាស់ តែពេលមើលហើយ មានអារម្មណ៍ថា សាច់រឿងមិនសូវប្រទាក់ក្រឡា ដូចជា "ភីម៉ាក" និង "Make Me shhunder I" សោះ ហើយក៏មិនសូវមាន កន្លែងសើចដែរ មើលឡើងដេកលក់៣ដង ។ មិនមែននិយាយហ្នឹងបានន័យថា រឿងហ្នឹងមិនល្អមើលទេ គ្រាន់តែអស់សង្ឃឹម ចំពោះការទន្ទឹងរង់ចាំមើល ព្រោះគិតថា អាចនឹងសើច ពីដើមដល់ចប់ តែខុសស្រឡះ ។

គួរបញ្ជាក់ថា ខ្សែភាពយន្តរឿង "ខ្ញុំខ្លាចហើយម៉ែណាត" បន្ទាប់ពីទស្សនិកជាច្រើន បានទស្សនាហើយ សុទ្ធតែរអ៊ូរទាំ គ្រប់ៗ ព្រោះវាបានបំផ្លាញអារម្មណ៍ល្អៗ និងការរង់ចាំ ដ៏យូររបស់ខ្សែភាពយន្តមួយនេះ និងបានបញ្ជាក់ថា រឿងបរទេស មិនប្រាកដថា ល្អមើលទាំងស្រុង ដូចរឿងក្នុងប្រទេសយើងឡើយ៕

ចាន់ កែវនិមល មិនចង់រស់ ឱបទ្រព្យក្ដៅក្រហាយ

Posted by RothaDB at 2:05 PM 0 comments

ប្រភពី Khmerload.com

ភ្នំពេញ៖ អស់រយៈពេលបី សប្ដាហ៍មកហើយ ការប្រគំតន្រ្តី វីខនសឺត បានដំណើរការ តាមខេត្តក្រុងនានា ក្នុងប្រទេសកម្ពុជា ក្នុងនោះ រួមមានខេត្ត កំពង់ចាម ខេត្តសៀមរាប និង ខេត្តបាត់ដំបង មានព្រឹត្តិការណ៍ប្លែកៗ ជាច្រើនបានកើតឡើង ក្នុងការប្រគំតន្រ្តី ដូចជា តារាចម្រៀងល្បីៗ មកច្រៀងក្នុងបទចម្រៀងតែមួយ មានការំឭកឡើងវិញ នូវបទចម្រៀងល្បីល្បាញ របស់តារាចម្រៀងទាំងនោះ ជាដើម។ ក្នុងនោះគេក៏សង្កេតឃើញ វត្តមានពីធីការិនីមួយរូប ដែលមានសំនួន វោហាស័ព្ទ មិនចេះរីងស្ងួត ខណៈទស្សនិកជនជាច្រើន មិនទាន់ស្គាល់ថា ជានរណា មកពីណា? ហេតុអ្វី ក៏មានវត្តមាន លើកញ្ចក់ទូរទស្សន៍ ហង្សមាស ទៅវិញ ។

ពិធីការិនីសម្បូរសំនួន វោហាស័ព្ទ និងរូបសម្រស់ស្រស់ សោភាម្នាក់នេះ មានឈ្មោះថា ចាន់ កែវនិមល មិនមែនទើបតែប្រឡូកសិល្បៈ ក្នុងរយៈពេលខ្លីទេ គឺនាងបានប្រឡូក ក្នុងសិល្បៈ តាំងពីឆ្នាំ២០០៩មកម្ល៉េះ ប៉ុន្តែកាលនោះ នាងជាពិធីការិនីមួយរូប នៅស្ថានីយទូរទស្សន៍ អប្សរា ។ ក្រោយមកក៏បានធ្វើតេស្ត ជាប់នៅទូរទស្សន៍ ហង្សមាស ខណៈកម្មវិធីដំបូងរបស់នាង គឺ "តន្រ្តីពិសេស" និងជាកម្មវិធីប្រគំតន្ត្រី ដំបូងបំផុត របស់ទូរទស្សន៍ ហង្សមាស ។

អ្វីដែលគួរឲ្យភ្ញាក់ផ្អើល សម្រាប់នាង ក៏ព្រោះតែពិធីការិនីវ័យក្មេងនេះ មិនមែនជាស្ត្រីនៅលីវទេ គឹនាងមានប្ដី និង កូនធំជិតទន្ទឹមខ្លួនទៅហើយ ប៉ុន្តែបើក្រឡេកមើលរូបរាង របស់អ្នកនាងវិញ គឺស្អាតជាងក្រមុំទៅទៀត ។ ទស្សនិកជនខ្លះ រឹតតែមិនជឿថា ចាន់ កែវនិមល មានគ្រួសារហើយ ពោលស្មានតែអ្នកនាងកុហក ។ កន្លងមក ក៏មានបុរស សម្បូរដុំដុល្លារ ចូលចែចង់អ្នកនាងដែរ ព្រោះមិនបានដឹងថា មានគ្រួសារ ស្រាប់តែអ្នកនាង និមល តបតវិញយ៉ាង សមរម្យថា អ្នកនាងមានប្ដីហើយ ។

នាង ចាន់ កែវនិមល បាននិយាយប្រាប់ LookingTODAY ថា នាងមិនខ្លាចនឹងប្រាប់គេថា អ្នកនាងមានកូន និងប្ដីនោះទេ ព្រោះសិល្បៈគឺ និយាយពីសមត្ថភាព មិនមែនរឿងអ្វីផ្សេង ព្រោះមនុស្សម្នាក់ៗ សុទ្ធតែមានជីវិតឯកជនរៀងៗខ្លួន ។ ចាន់ កែវនិមល បន្តថា ធ្វើការងារ សិល្បៈព្រោះតែស្រឡាញ់ មិនមែនដើម្បីលាភសក្ការៈ នាងជាមនុស្សស្រឡាញ់សេចក្ដីថ្លៃថ្នូរ ។ រាល់ថ្ងៃពិតជា មានសុភមង្គល ជាមួយ ក្រុមគ្រួសារ ពិសេសស្វាមីអ្នកនាង បានផ្គល់ភាពកក់ក្ដៅ ដល់ក្រុមគ្រួសារមួយនេះ នឹងកូនស្រីដ៏គួរឲ្យស្រឡាញ់ ជាចំណែកមួយ នៃសុភមង្គល ដ៏ពិតប្រាកដ ។ ចាន់ កែវនិមល មិនត្រូវការអ្វីផ្សេងទៀតទេ ព្រោះជាទ្រព្យក្ដៅក្រហាយ មិនសប្បាយចិត្ត នឹងប្រើប្រាស់ ទ្រព្យអ្នកដទៃឡើយ ។

អ្នកនាង ចាន់ កែវនិមល មិនត្រឹមតែជាពិធីការិនី សម្បូរសំនួន វោហាស័ព្ទទេ នាងក៏ជាអតីតនិស្សិតម្នាក់ បានបញ្ចប់ការសិក្សា នៅសាកលវិទ្យាល័យ ន័រតុន ផ្នែកគូរប្លង់ ។ ចាន់ កែវនិមល ក៏មានមុខជំនួញនាំចូល គ្រឿងសំអាង គឺអាមេរិកផ្ទាល់ មកស្រុកខ្មែរ ។ ពិសេសអ្នកនាងកំពុងតែ រស់នៅក្នុងវីឡាដ៏ស្កឹមស្កៃ នៅស្ទឹងមានជ័យ ដែលមើលទៅ នាងជាពិធីការិនីម្នាក់ មានសុភមង្គលខ្លាំងណាស់ ។ ផ្ទុយពីពិធីការិនីខ្លះ រស់នៅជាមួយភាពហ៊ឺហារ ប៉ុន្តែក្នុងចិត្តបង្កប់ ដោយរឿងភ័យខ្លាច ៕

Subscribe to: Posts (Atom)

ព័ត៌មានថ្មីៗ
ព្រឹត្តការណ៍
តំណភ្ជាប់

ព័ត៌មានដើមស្វាយ © 2013 ផ្នែកទំនាក់ទំនងសង្គម និងសារព័ត៌មាន