ពន្យល់ពាក្យពិបាក
កតិកា : ការសន្មតគ្នា ខសន្យា សេចក្តីប្តេជ្ញា។
កត្តិកាសញ្ញា : កិច្ចព្រមព្រេងខសន្យា ឬការសន្មតគ្នារវាងរដ្ឋ និងរវាងឯជន។
កូដកម្ម : ការសម្តែងអាកប្បកិរិយា ប្រឆាំងចំពោះរឿង ឬកិច្ចការណាមួយដែលខ្លួន មិនពេញចិត្ត។
កូរ៉ុម : ចំនួនវត្ថមានរបស់អ្នកត្រូវចូលរួម ដែលកំណត់សម្រាប់ អោយអង្គប្រជុំនៃក្រុមហ៊ុន ឬអង្គការណាមួយធ្វើការពិភាក្សាសម្រេចយកជាការ បាន។
កូនមានខាន់ស្លា : កូនដែលកើតពីឪពុកម្តាយ រៀបការតាមច្បាប់ និងតាមប្រពៃណីជាតិ
កាផា : ផាលមានរាងមូលប្រវែង រីកមាត់ មានខ្សែសម្រាប់ស៊ក ស្ពាយនឹងស្មាដាក់ពីក្រោយខ្នង ដែឡត្បាញដោយបន្លោះឬស្សី ផ្តៅ ជាដើម។
ចលនការ : ការធ្វើចលនារំពើក។
ច្បាប់ : វិធាន ជាលាយលក្ខណ៏អក្សរ ឬបទបញ្ញាតិដែលមានអានុភាពជាទូទៅនិងជាអចិន្រ្តៃយ៏ ដែលរដ្ឋសភាព និងព្រឹទ្ធសភា បានអនុម័ត ហើយ ដាក់អោយប្រជាជនទាំងអស់ ប្រតិ្តបត្តិតាម។
ជនជាតិ : ក្រុមមនុស្សដែលមានដែនដី ភាសា ប្រវត្តិសាស្ត្រវប្បធម៌តែមួយ។
ជំទប់ : មន្ត្រីអ្នកកាន់ការក្នុងឃុំ ឬជំនួយមេឃុំ ឬអនុមេឃុំ។
ដែនដី : ទីតាំងភូមិសាស្ត្រ ដែលជារបស់សិ្ថតនៅក្រោមច្បាប់ នៃអជ្ញាធរដែនដី
ឋានន្តរស័ក្តិ : បណ្តាស័ក្តិ តូច ធំ តាមមុខងារ។
ថាមពល : កម្លាំងចិត្ត ឬកម្លាំងកាយស្វាហាប់ ក្នុងការបំពេញកិច្ចការអ្វីមួយ
ទស្សនវិស័យ : ការប្រមើលមើល ឬការយល់ឃើញ។
ទិន្នន័យ : បំរាប់ជាក់ស្តែង ទូទៅជាលេខ ជាពិសេសត្រូវរៀបចំឡើងសម្រាប់ធ្វើវិភាគ ឬប្រើប្រាស់សម្រាប់ធ្វើសេចក្តីសម្រេចនានា។
ទុរភិក្ស : ដំណើរអត់បាយ ការអត់ឃ្លាន។
ទេសរដ្ឋមន្ត្រី : មន្ត្រីដែលមានតូនាទីធំជាងរដ្ឋមន្ត្រី។
និន្នាការ : ទំនោរ អាការះដែលទោរទន់ ឬលំអៀងទៅរកខាងណាមួយ។
នីតិកាល : ថិវរវេលានៃអាណត្តិរដ្ឋសភា ឬថិរវេលាដែលរដ្ឋសភាព ព្រឹទ្ធសភាក្តាប់អំណាច។
នីតិបញ្ញាត្តិ : ការតែងតាំងច្បាប់។
បរិស្ថាន : មជ្ឈដ្ឋាន ដែលនៅជុំវិញខ្លួន យើងទាំងអស់គ្នាដែលមានឥទិ្ធពលលើជីវិត និងការលូតលាស់របស់បណ្តាភាវះ ឬឯកតះ។
ប៊ីប : គម្ពីរគ្រឹស្តសាសនា។
បុព្វហេតុ : ហេតុដើម កំណើរដើម។
បេតិកភណ្ឌ : អ្វីៗដែលចាត់ទុកមរតករួម នៃសហគមន៏។
ប្រជាសាស្ត្រ : វិទ្យាសាស្ត្រ ដែលសិក្សាអំពីស្ថិតិប្រជាជន។
ប្រព័ន្ធឯកត្តនាម : ការបោះឆ្នោតដោយផ្ទាល់អោយបេក្ខជនដែឡមានចុះឈ្មោះអោយ ទៅគេបោះឆ្នោតអោយ។
ប្រព័ន្ធសមាមាត្រ : ការបោះឆ្នោតជ្រើសរើសបេក្ខជន តាមរយះគណបក្ស ចុះឈ្មោះប្រលងប្រជែង។
ប្រសិទ្ធិភាព : ភាពដែលធ្វើអោយសម្រេចកិច្ចការអ្វីមួយ ដែលមានគុណភាពនិងតម្លៃ។
ផលិតកម្ម : ផលដែលធ្វើបានសម្រាប់ហើយ។
ពិរុទ្ធជន : ជនជាប់ចោទដែលត្រូវគេពិនិត្យរកកំហុស ជនជាប់សង្កេត។
ព្យាការី : ទេវទូតនៅក្នុងគម្ពីរប៊ីប គឺបុរសដែលអាទិទេពទុកចិត្តអោយទំនោរក្នុងនាមព្រះអង្គ មកប្រាប់ពួកគ្រឹស្តសាសនិកជន។
ព្រម្មទណ្ឌ : ច្បាប់បញ្ញតិ្តសម្រាប់ពិភាក្សាកាត់ទោសពិន័យមនុស្ស ដែលប្រព្រឹត្តល្មើស និងបទបញ្ញាតិ្តសម្រាប់ប្រទេស។
ម៉ាក្រូសេដ្ឋកិច្ច : ផ្នែកមួយ នៃវិទ្យាសាស្ត្រសេដ្ឋកិច្ច ដែលសិក្សាអំពីបរិមាណសរុបនានា(ផលិតផលជាតិសរុប ការចំណាយថវិការជាតិ ការវិនិយោគ) ដែល ផ្សារភ្ជាប់គ្នា ក្នុងកម្រិតតំបន់ ប្រទេស និងទំនាក់ទំនងសេដ្ឋកិច្ច។
មាតុភូមិនិវត្តន៏ : ការវិលត្រលប់មកស្រុកកំណើតវិញ។
មុខវិជ្ជាជំវះ : តំនៃង ឬមុខរបរសម្រាប់ចិញ្ចឹមជីវិត។
មោទនភាព : អំណួត ការប្រកាន់ខ្លួនខ្ពស់ដោយសារ ចំនេះទ្រព្យសម្បត្តិឬមុខដំណែង ភាពសង្ហា ភាពក្រអឺត។
យុទ្ធសាស្ត្រ : ក្បួនចំបាំង។
រដ្ឋលេខាធិការ : មន្ត្រីជាន់ខ្ពស់ បន្ទាប់ពីរដ្ឋមន្ត្រី(ឬអនុរដ្ឋមន្ត្រី)។
រាជានុសិទ្ធិ : អ្នកគ្រប់គ្រងជំនួសព្រះរាជា ដែលនៅក្នុងវ័យកុមារ ឬអ្នកជំនួសព្រះរាជាដែលទ្រង់អវត្តមាន ឬចូលទីវង្គត។
លទ្ធភាព : ការដែលអាចប្រព្រឹត្តទៅបាន។
លទិ្ធប្រជាធិបតេយ្យ : របបមួយដែលមានរាស្ត្រ ជាម្ចាស់អំនាច ប្រជារាស្រ្ត ជ្រើសរើស តំណាងរបស់ខ្លួនតាម រយះការបោះឆ្នោត។
វាគ្មិន : អ្នកពូកែសំដី ឬប៉ិននិយាយ ឬអ្នកឡើងនិយាយ។
វិនិយោគិន : អ្នកវិនិយោគ អ្នករកស៊ីធ្វើការបណ្តាក់ទុក។
វិបល្លាស : ដំណើរប្រែប្រួល ការប្រែផ្លាស់។
វិសោទនកម្ម : កំនែលំអរខ្លឹមសារអត្ថបទច្បាប់ ឬលិខិតបទដ្ឋាន ទាំងក្នុងនីតិវិធីធ្វើច្បាប់ ទាំងក្រោយដែលច្បាប់ចេញជាធរមាន។
ស័ក្តសិទ្ធិ : ដែលវិសេសវិសាល ពូកែឆុតឆាប់ ដែលសខ្លាំងពូកែ។
សក្តានុភាព : អានុភាព នៃកម្លាំងដែលអាចធ្វើអ្វីមួយបានអំណាចដែលធ្វើអ្វីមួយបាន។
សន្ទស្សន៏ : ភស្តុតាង ឬសញ្ញាដែលប្រាប់អោយដឹង។
សន្និសិទ : ការថ្លែងសេចក្តីពន្យល់អំពីបញ្ហាផ្សេងៗ ដល់សាធារណជន។
សប្បទាន : ប្រគល់អោយ ការអោយដាច់។
សព្វវចនាធិប្បាយ : សៀវភៅអធិប្បាយពាក្យដោយសព្វគ្រប់។
សម្បជញ្ញះ : សេចក្តីដឹងខ្លួនការមិនភ្លេចខ្លួន។
សមភាព : ភាពស្មើគ្នា។
សមាហរណកម្ម : ការចូលរួមនៅក្នុងក្រុម ឬសង្គមដទៃទៀតដែលសំរបខ្លួនទៅតាមក្រុមឬសង្គមនោះ។
សមិទ្ធផល : ផលប្រយោជន៍ ដែលបានសម្រេចហើយ។
សរីរះ : រូបរាងកាយ ខ្លួនប្រាណ។
សិក្ខាបទ : ចំណែក មាត្រារបស់សីល ឬវិន័យ។
សិប្បនិម្មិត : អ្វីៗដែលកើតឡើងដោយមនុស្ស ច្នៃប្រឌិតមិនមែនកើតពីធម្មជាតិ។
សុខុមាលភាព : ភាពបរិបូរណ៍ដោយសេចក្តីសុខទំាងផ្លូវកាយ និងផ្លូវចិត្ត។
សំភាស : ការនិយាយបំភ្លឺ។
សំរាំងភេទ : ជម្រើសយកភេទណា ដែលគេពេញចិត្ត។
ហេដ្ឋារចនាសម្ព័ន្ធ : មធ្យោបាយ និងទំនាក់ទំនង ផលិតកម្មដែលជាមូលដ្ឋានសង្គមដូចជាផ្លូវ ស្ពាន ព្រលានយន្តហោះ កំពង់ផែ។
អគ្គសញ្ញាណ : គ្រឿងសំគាល់ខ្លួន ឬវត្ថុណាមួយ។
អនិយតកម្ម : ភាពមិនទៀងទាត់ ដំណើរប្រែប្រួល។
អនីតិជន : ជនពុំទាន់គ្រប់អាយដែលច្បាប់បានកំណត់ដើម្បីអោយពលរដ្ឋប្រើសិទ្ធិ ស៊ីវិល ឬសិទ្ធិនយោបាយ។
អនុសញ្ញា : កិច្ចព្រះព្រៀងជាផ្លូវការ និងស្ថិតស្ថេរ ដែលធ្វើឡើងរវាងប្រទេសឬរវាងសង្គម ដើម្បីផលប្រយោជន៍រួម។
អភ័យឯកសិទ្ធិ : ការលើកលែងមិនអាចចោទប្រកាន់ ឬមិនអាចដាក់ទោសបានលើបុគ្គលម្នាក់ ដែលស្ថិតនៅក្នុងស្ថានភាពមួយ ដែលច្បាប់បាន ចែងទុក ជាមុនថា គេមានបុព្វសិទ្ធិ ឬុឯកសិទ្ធិ។
អាជីវកម្ម : ការប្រកបមុខរបរចិញ្ចិមជីវិត។
អាណត្តិ : នីតិកាលនៃរដ្ឋសភា (រយះពេលរបស់រដ្ឋសភាដែលប្រជាពលរដ្ឋបោះឆ្នោតអោយ)។
អាសនានុក្រម : សិទ្ធិដែលត្រូវដាក់ឬអង្គុយមុនគេ ឬខ្ពស់ជាងគេតាមលំដាប់កិត្តិយសក្នុងទីប្រជុំ ឬពិធីផ្សេងៗ។
អាសា : ជួយឈើឆ្អាលដោយស្ម័គ្រ ចិត្ត ជួយសង្គ្រោះ។
ឥរិយាបថ : អារម្មណ៍ ឬទឹកចិត្តចំពោះអ្នកណាម្នាក់ ឬអ្វីមួយគន្លងនៃឥរិយាទាំង៤ដេក ដើរ ឈរ អង្គុយ។
ឥស្សរភាព : ភាពនៃអ្នកធំ។
ឧត្តមភាព : ភាពថ្លៃថ្នូរ ភាពប្រសើរ ភាពឧត្តុងឧត្តម។
Facebook
