ព្រៃ​តំបន់​អភិរក្ស​សត្វ​ជិត ១ម៉ឺន​ហិកតា​ត្រូវ​បាន​កាប់​ខុស​ច្បាប់

រតនគិរីៈ ព្រៃ​ឈើ​ជិត​​ ១០០០០ ហិក​តា​ នៃ​តំបន់​​អភិរក្ស​ជីវិត​សត្វ​ព្រៃ​​​លំផាត់ ក្នុង​ខេត្ត​រតនគិរី ​ត្រូ​វ​បានកាប់​ដោយ​ខុស​ច្បាប់​​ ចាប់​តាំង​ពី​ខែ​​តុលា។ ​នេះ​បើ​តាម​​មន្រ្តី​​អង្គការ​ក្រៅ​រដ្ឋា​ភិបាល​ឲ្យ​ដឹង​កាល​ពី​ថ្ងៃ​ចន្ទ​ ។
​លោក​ ស៊ុម ភារុន មន្រ្តី​គម្រោង​​របស់​​​អង្គការ​ជីវិត​បក្សី​អន្តរជាតិ​​ សម្រាប់​កម្ពុជា​ ​បាន​ថ្លែង​ថា​ លោក​បាន​​ចុះ​ទៅ​កន្លែង​នោះ ​​កាល​ពី​ខែ​មុន ​និង​មាន​ការ​ភ្ញាក់​ផ្អើល​ ចំពោះ​​ទំហំ​នៃ​ការ​កាប់​ឈើ​ខុស​ច្បាប់ ​​នៅ​ក្រៅ​តំបន់​​​ដែល​ផ្តល់​សម្បទាន​សេដ្ឋ​កិច្ច​​​ ទៅ​ឲ្យ​​ក្រុម​ហ៊ុនវៀត​ណាម Hoang Anh Gia Lai (HAGL)។
​លោក​បាន​ថ្លែង​​​ថា​៖ «​​តំបន់​អភិរក្ស​សត្វ​ព្រៃ ​​គឺ​ជា​ជំរក​​មួយ​​ សម្រាប់​​​សត្វព្រៃ​គ្រប់​​ប្រភេទ​ ​ប៉ុន្តែ​អ្វី​ដែល​ខុស​គឺ​ថា ការ​កាប់​ឈើ​ខុស​ច្បាប់​​​ ដែល​កំពុង​ធ្វើ​ឡើង​​ ចំពោះ​ព្រៃ​នេះ​ ​និង​ធន​ធាន​ធម្មជាតិ​របស់​វា​ គឺ​ជា​សោកនាដ​កម្ម​មួយ​​»។ ​​
លោក​បន្ត​ថា​៖ «​វា​ស្ទើរ​មិន​អាច​ជឿ​ទៅ​រួច​»។ ប្រភពពី Postkhmer.com