ទិន្នន័យ នេះបង្ហាញថា ពាណិជ្ជកម្មទ្វេភាគីសរុបមានតម្លៃ១,០១៣ពាន់លានដុល្លារនៅត្រីមាស ទី១ឆ្នាំនេះកើនឡើង១០,២៦ភាគរយបើធៀបរយៈពេលដូចគ្នាកាលពីឆ្នាំ ទៅដែលមានជាង៩១៨,៦៩លានដុល្លារ។
លោក ត្រាន ទូ មន្ត្រីនៅការិយាល័យពាណិជ្ជកម្មវៀតណាមនៅកម្ពុជានិយាយថា ភាគីទាំងពីរនេះកំពុងផ្ដោតលើការជួយសម្រួលសកម្មភាពពាណិជ្ជកម្មតាម ព្រំដែនហើយកិច្ចប្រឹងប្រែងនេះនឹងរួមចំណែកដល់និន្នាការដែលចេះ តែកើនឡើងក្នុងកម្រិតពាណិជ្ជកម្មទូទៅរវាងប្រទេសទាំងពីរ។
លោក បន្តថា៖ «អត្រាកំណើននេះអាចទទួលយកបានស្របពេលមានការលំបាកក្នុងវិស័យ សេដ្ឋកិច្ចរបស់ប្រទេសទាំងពីរនិងការប្រកួតប្រជែងពីសំណាក់ដៃគូ បរទេសដទៃទៀត»។
តួលេខបង្ហាញថា ក្នុងត្រីមាសទី១ឆ្នាំ២០១៣ការនាំចេញសរុបរបស់កម្ពុជាទៅវៀតណាមមាន ជាង២២១,១៥លានដុល្លារកើនឡើងពីជាង២០១,១៩លានដុល្លារខណៈការនាំ ចូលរបស់វៀតណាមមកកម្ពុជាកើនឡើងពីជាង៧១៧,៤៩លានដុល្លារ ដល់ជាង ៧៩១,៨៥លានដុល្លារ។
ផលិតផលសំខាន់របស់កម្ពុជានាំទៅវៀតណាម មានអាហារសមុទ្រ ពោត ថ្នាំជក់ស្ងួតជ័រកៅស៊ូ ស្រូវគ្រាប់ស្វាយចន្ទី ខណៈផលិតផលសំខាន់នាំមកពីវៀតណាមមានដែកថែបគ្រប់ប្រភេទគ្រាប់ ធញ្ញជាតិសម្លៀកបំពាក់កៅស៊ូ បន្លែ និងផ្លែឈើ ម្រេច ផលិតផលធ្វើពីលោហធាតុគ្រឿងម៉ាស៊ីននិងគ្រឿងបន្លាស់ជាដើម។
លោក ម៉េង សក្ដិធារ៉ា អគ្គនាយកក្រសួងឧស្សាហកម្មរ៉ែ និងថាមពលបានប្រាប់ភ្នំពេញ ប៉ុស្ដិ៍កាលពីមុនថា វិស័យផលិតកម្មកម្ពុជាគឺកំពុងស្ថិតក្នុងដំណាក់កាលអភិវឌ្ឍន៍ទាក់ទង និងបច្ចេកទេស និងគុណភាព។
លោកបានបន្តថា៖ «ពេលនេះផលិតផលរបស់យើងអាចប្រៀបធៀបជាមួយបណ្ដាប្រទេសជិតខាងរបស់ យើងដូចជាវៀតណាមនិងថៃដោយសារគុណភាពរបស់យើងគឺល្អគ្រប់គ្រាន់ហើយ »។
លោក ត្រាន ទូ និយាយថា៖ « តាមការយល់ឃើញរបស់ខ្ញុំលទ្ធភាពក្នុងការផលិត ផលិតផលរោងចក្រនិងការផ្ដល់ទំនិញនិងសេវារបស់កម្ពុជាពេលនេះគឺមិន ទាន់មានគុណភាពល្អគ្រប់គ្រាន់ហើយសេដ្ឋកិច្ចក្នុងស្រុកមានផលលំបាក ក្នុងការឆ្លើយតបនឹងតម្រូវការរបស់អតិថិជន»។
លោកបន្តថា៖ «ជាលទ្ធផលកម្ពុជាត្រូវតែនាំចូលទំនិញរួមមានសម្ភារសម្រាប់វិស័យ ឧស្សាហកម្មដែលបណ្ដាលឲ្យមានឱនភាពពាណិជ្ជកម្មជាទូទៅមិនគ្រាន់តែ ជាមួយវៀតណាម ប៉ុន្តែជាមួយដៃគូពាណិជ្ជកម្មសំខាន់ៗដូចជាចិននិងថៃផងដែរ»។
លោក បន្តថា៖ «លើសពីនេះស្ទើរតែគ្រប់ផលិតផលនាំចេញទៅវៀតណាមរបស់កម្ពុជាគឺជា ផលិតផលកសិកម្មដែលតម្លៃលើទីផ្សារអន្តរជាតិគឺមិនតែងតែមានតម្លៃ ខ្ពស់នោះទេហើយកម្ពុជាមិនអាចទទួលប្រាក់ចំណេញបានច្រើនទេ»។ លោកបន្តថា៖ «ខ្ញុំពិតជាមានសុទិដ្ឋិនិយមអំពីការកើនឡើងទំហំពាណិជ្ជកម្មទ្វេ ភាគីដែលនឹងបើកផ្លូវដើម្បីទៅដល់ទិសដៅ៥ពាន់លាន ដុល្លារដែលបានកំណត់ឡើងដោយរដ្ឋាភិបាលទាំងពីរត្រឹមឆ្នាំ២០១៥»។
ទិន្នន័យ នេះបង្ហាញថា ទំហំពាណិជ្ជកម្មសរុបមានតម្លៃជាង៣,៣១ពាន់លានដុល្លារកាលពីឆ្នាំ មុន ធៀបនឹងជាង២,៨៣ពាន់លានដុល្លារពីឆ្នាំ២០១១៕ ប្រភព៖ ភ្នំពេញប៉ុស្តិ៍
Facebook
No comments:
Post a Comment