កិច្ចព្រមព្រៀងមួយត្រូវបានធ្វើឡើងក្នុងអំឡុងកិច្ចប្រជុំកាល ពីថ្ងៃទី២២ ខែមេសានិងថ្ងៃទី២៦ ខែមេសារវាងTRC និងក្រុមហ៊ុនទូរស័ព្ទទាក់ទងនឹងការកំណត់តម្លៃសេវាទូរស័ព្ទ ដោយបញ្ឈប់ជាស្ថាពរនៃការផ្សាយឃោសនាពាណិជ្ជកម្មរបស់បណ្ដា ប្រតិបត្តិករទូរស័ព្ទទាំងអស់ដែលរំលោភលើប្រកាសអន្តរក្រសួងដែលបាន ចុះហត្ថលេខាកាលពីឆ្នាំ២០០៩។
ប៉ុន្តែលិខិតដែលចុះហត្ថលេខាដោយលោក សូរ ឃុន រដ្ឋមន្រ្តីក្រសួងប្រៃសណីយ៍និងទូរគមនាគមន៍ប្រកាសផ្អាកការអនុវត្ត សេចក្ដីសម្រេចទាំងនោះ។
សេចក្តីប្រកាសនេះបានបន្ថែមថា៖ « TRC ត្រូវតែពិភាក្សាជាមួយបណ្ដាប្រតិបត្តិករទាំងអស់ស្របតាមនីតិវីធី នៃច្បាប់និងបទប្បញ្ញត្តិជាធរមានដើម្បីពិនិត្យកែសម្រួលគោលនយោបាយ លិខិតបទដ្ឋាន និងបទប្បញ្ញត្តិពាក់ព័ន្ធជាធរមានដែលមិនសមស្របនឹងសភាពការណ៍ បច្ចុប្បន្នជាក់ស្ដែង។
មិនអាចទាក់ទងលោក សូរ ឃុន រដ្ឋមន្ត្រីក្រសួងប្រៃសណីយ៍ និងទូរគមនាគមន៍ដើម្បីសុំការអត្ថាធិប្បាយបានទេកាលពីថ្ងៃ ម្សិលមិញ។លោក ម៉ៅ ចរិយា នាយក TRC បាននិយាយថាកិច្ចប្រជុំនិងកិច្ចព្រមព្រៀងដែលបានធ្វើឡើងកាលពី ខែមេសាភាគច្រើនប្រតិបត្តិករទាំងនោះបានយល់ព្រមលើអ្វីដែលចែង ក្នុងប្រកាសតែសេចក្តីប្រកាសកាលពីថ្ងៃអាទិត្យរបស់ក្រសួងមិនបាន ផ្ដល់ការកម្រិតណាមួយលើប្រតិបត្តិករទូរស័ព្ទទាំងអស់នោះទេ។លោក បន្តថា៖ «យើងនឹងធ្វើតាមសេចក្ដីប្រកាសថ្មីរបស់ក្រសួងតែយើងមិនដឹងពី ពេលវេលាកំណត់កិច្ចប្រជុំនៅឡើយទេ»។
នៅពេលសួរថាតើក្រសួងបានអនុញ្ញាតឲ្យប្រតិបត្តិករទូរស័ព្ទទាំង អស់ធ្វើការឃោសនាពាណិជ្ជកម្មនិងការផ្សាយពាណិជ្ជកម្មដល់អតិថិជន ជាថ្មីដូចលើកមុនទេលោក ម៉ៅ ចរិយា បានឲ្យដឹងថាក្រសួងបានបញ្ឈប់ជាបណ្ដោះអាសន្នលើការរឹតបន្តឹងនេះ ហើយ។
ប៉ុន្តែលោកមិនបាននិយាយថា តើតម្លៃសេវាទូរស័ព្ទក្នុងប្រព័ន្ធនិងឆ្លងប្រព័ន្ធអាចមានតម្លៃ ទាបជាង ឬថ្លៃជាងនោះទេ។ លោកបន្តថា៖«យើងត្រូវតែគិតដូចនេះព្រោះអ្វីដែលយើងកំពុងធ្វើគឺ ដើម្បីប្រជាជន។ តម្លៃកាន់តែទាបគឺជាអ្វីដែលរដ្ឋាភិបាលចង់បាន»។
លោក Thomas Hundt អគ្គនាយកប្រតិបត្តិករទូរគមនាគមន៍Smart បាននិយាយថា ក្រុមហ៊ុននេះបានដឹងអំពីលិខិតរបស់ក្រសួងហើយសេចក្ដីប្រកាសនេះធ្វើ ឡើងដោយក្រសួងកាលពីថ្ងៃអាទិត្យ។ លោកឲ្យដឹងថា៖ «ស្មាតពិតជាស្វាគមន៍សេចក្ដីសម្រេចចិត្តនេះតាមរយៈក្រសួង ដែលធ្វើការសម្រេចចិត្តនិងសេចក្ដីប្រកាសនេះ»។
មិនអាចទាក់ទងក្រុមហ៊ុន Cellcard និង Beeline បានទេ កាលពីថ្ងៃម្សិលមិញ។
លោក សុង ឡេង នាយកលេខាធិការដ្ឋាន TRC កាលពីម្សិលមិញបានចេញលិខិតមួយដល់ប្រតិបត្តិករទូរស័ព្ទទាំងអស់ ដែលពីលើកមុនត្រូវបានអញ្ជើញឲ្យចូលរួមក្នុងកិច្ចប្រជុំជាមួយ TRC ដើម្បីជូនដំណឹងដល់ពួកគេអំពីការផ្អាកកិច្ចប្រជុំនេះ។ កិច្ចប្រជុំនេះសំដៅពិភាក្សាអំពីប្រកាសលេខ២៣២ស្ដីពីតម្លៃ អប្បបរមារបស់ទូរស័ព្ទចល័ត ទូរស័ព្ទលើតុ និងតម្លៃភ្ជាប់ប្រព័ន្ធដើម្បីទូរស័ព្ទទៅកាន់បណ្ដាញផ្សេង។ លិខិតនេះបានឲ្យដឹងថា មន្រ្តីនឹងជូនដំណឹងដល់បណ្ដាប្រតិបត្តិករអំពីកាលបរិច្ឆេទសម្រាប់ កិច្ចប្រជុំពេលក្រោយ៕ PB ប្រភពពី http://www.ksn-news.com/
Facebook
No comments:
Post a Comment