មាន​ដឹង​ទេ​ថា​ឈុត ព្រីម លីហ្សា ស្លៀក​ទៅ​ទទួល​ពាន អា​ណា​ចក្រ​តា​រា មាន​តម្លៃ​ប៉ុន្មាន?

ប្រភព Lookingtoday.com : ភ្នំពេញៈ ជាធម្មតាកញ្ញា ព្រីម លីហ្សា តែងតែសម្ញែងបង្អួតសម្លៀកបំពាក់ តម្លៃជិតខ្ទង់ម៉ឺន
ដុល្លារ ក្នុងការស្លៀកទៅចូលរួមកម្មវិធី នៅក្នុងសង្គមសិល្បៈដូចជា កម្មវិធីខួបកំណើត 
សម្ពោធហាងរបស់មិត្តសិល្បៈករជាដើម តែដោយឡែកឈុតខ្លី ដែលនាងស្លៀកទៅចូល
រួម ក្នុងកម្មវិធី “អាណាចក្រតារា” កាលពីពេលកន្លងទៅថ្មីៗនោះ គេមិនទាន់ដឹងថាមានតម្លៃ
ថ្លៃ ដល់កម្រិតណាហើយមានការច្នៃម៉ូដ និងទិញពីប្រទេសណានោះទេ ។

កញ្ញា ព្រីម លីហ្សា គឺជាតារាស្រីមួយរូបដែល មានភាពលេចធ្លោខ្លាំងទៅលើ ការប្រើប្រាស់
សម្ភារៈ និយមតម្លៃថ្លៃ ជាមួយសំលៀកបំពាក់ម៉ាកល្បីៗ ហើយកាលពីកម្មវិធី “អាណាចក្រ
តារា” ឆ្នាំមុន នាងបានគ្រងជាមួយរ៉ូបវែងឆែកត្រឹមភ្លៅ ពណ៌ស្លាបកំភេន ចំណាយលុយជិត
ខ្ទង់១ម៉ឺនដុល្លារ ក្នុងការស្លៀកពាក់តុបតែងខ្លួន ឲ្យមានភាពលេចធ្លោក្នុងកម្មវិធី រហូតធ្វើឲ្យ
តារាជាច្រើនរយនាក់ មានការចាប់អារម្មណ៍ និងសរសើរមិនដាច់ពីមាត់ថានាង ជាតារាមួយ
រូបដែលហ៊ានចំណាយធំ លើការស្លៀកពាក់ហ៊ឺហារដូចតារាបរទេស ។

ក្នុងកិច្ចសម្ភាសន៍ជាមួយ Looking TODAY កាលពីថ្ងៃទី២១ ខែសីហា ឆ្នាំ២០១៣នេះ ស្រីស្អាត
វ័យក្មេងសិចស៊ី កញ្ញា ព្រីម លីហ្សា បានប្រាប់ឲ្យដឹងថា ឈុតដែលនាងស្លៀកទៅចូលរួមកម្ម
វិធី “អាណាចក្រតារា” ឆ្នាំនេះ មិនបានកាត់និងច្នៃម៉ូដដូចរ៉ូបមុនៗទេ គឺនាងទិញស្រាប់ពីក្រៅ
ប្រទេស មកតែម្តងព្រោះនាងគិតថាឈុតនេះ ស្អាតទាក់ទាញប្លែកភ្នែក ដោយសារឆ្នាំមុននាង
ស្លៀកឈុត វែងដល់ឆ្នាំនេះផ្លាស់មកស្លៀកឈុតខ្លីប្លែកភ្នែកខ្លះដែរ ។

តារាស្រីស៊ីវិល័យ កញ្ញា ព្រីម លីហ្សា បានប្រាប់ឲ្យដឹងទៀតថា “ ឈុតខ្ញុំស្លៀកទៅចូលរួមកម្ម
វិធីនោះ មានតម្លៃមិនសូវថ្លៃដូចឆ្នាំមុនទេ ឈុតខ្លីខ្ញុំស្លៀកចូលរួមកម្មវិធី កាលពីថ្ងៃទី១៥ ខែ
សីហា នោះតម្លៃត្រឹមតែ ៤៥០០ដុល្លារ ហើយសម្រាប់ស្បែកជើងម៉ាកល្បី ដែលខ្ញុំពាក់ទៅចូល
រួមនោះ មានតម្លៃជិត២ពាន់ដុល្លារ ចំណែករឿងខ្សែដៃកាបូប និងគ្រឿងតុបតែងខ្លួនមួយចំនួន
ទៀត ខ្ញុំសុំមិននិយាយទេ ព្រោះខ្លាចគេថាខ្ញុំអួត ” ។

ជាមួយគ្នានោះដែរ កញ្ញា ព្រីម លីហ្សា បានប្រាប់ឲ្យដឹងផងដែរថា សម្រាប់ឈុតនាងស្លៀក
ចូលរួមកម្មវិធីនេះនាងគិតថាជាឈុតសាមញ្ញធម្មតាៗ នាងមិនចង់និយាយពីតម្លៃ ឈុតស្លៀក
ពាក់ទេ ព្រោះថាជារឿយៗតែងតែត្រូវគេសរសេរ វាយប្រហារនាងថាចូលចិត្ត អួតរឿងស្លៀក
ពាក់ ។

ប៉ុន្តែនាងមិនខ្វល់ទេហើយពេលនេះនាងកំពុង តែចាប់ផ្តើមមមាញឹកជាមួយការងារ ក្នុងពេល
ឆាប់ៗខាងមុខនេះ នាងក៏ត្រៀមថតរឿងថ្មីមួយ ឲ្យផលិតកម្មក្នុងស្រុក ហើយនាងក៏ទើបតែ
ថតបញ្ចប់ ជាមួយបទចម្រៀងកាយវិការខារ៉ាអូខេ ឲ្យផលិតកម្មសាន់ដេ ទើបតែចប់ ៕