អ្នកគាំទ្រនានានៅតែបញ្ចេញយោបល់ថាតើក្រុមណាលើកពាន ? សម្រាប់ការប្រកួតដណ្តើមចំណាត់ថ្នាក់លេខ ៣ គឺក្រុមមន្ទីរអប់រំយុវជន និងកីឡាខេត្តកំពង់ធំជួបជាមួយក្រុមលេខ ២ ឆ្នាំចាស់គឺក្រុមអធិរាជភ្នំស្វាយ ។ តាមពិតក្រុមទាំង ២ នេះនៅពូលជាមួយគ្នា ហើយកាលជួបគ្នាក្នុងពូលអធិរាជភ្នំស្វាយឈ្នះក្រុមមន្ទីរអប់រំយុវជន និង កីឡា ខេត្តកំពង់ធំ ២ ទល់ ០ ។
ជួបគ្នាកាលនោះក្រុមកំពង់ធំមានកីឡាការិនីល្អៗ និង មានកីឡាការិនីសម្រាប់ផ្លាស់ប្ដូរតែសម្រាប់ពេលនេះ កំពង់ធំមិនមានកីឡាការិនីសម្រាប់ផ្លាស់ប្ដូរឡើយ ។
ក្រៅពីមួយចំនួនត្រឡប់ទៅផ្ទះមុននោះមួយចំនួនមានរបួស ហើយកាលលេងនៅវគ្គពាក់កណ្ដាលផ្ដាច់ព្រ័ត្រកំពង់ធំលេងមិនបានគ្រប់ម៉ោងផងដោយសារតែកីឡាការិនីមានរបួសហើយ គ្មានកីឡាការិនិសម្រាប់ប្ដូរ ។ សម្រាប់ចំណាត់ថ្នាក់លេខ ៣ គេជឿថានឹងបានទៅក្រុមអធិរាជភ្នំស្វាយ ។
ចំពោះការប្រកួតដណ្ដើមឋានៈជើងឯកនោះក្រុមជើងឯកឆ្នាំចាស់អង្គការកម្មវិធី Salt ជួបជាមួយបក្សីចាំក្រុង ដែលជាក្រុមចំណាត់ថ្នាក់លេខ ៣ ឆ្នាំចាស់ ។
កាលជួបគ្នាក្នុងពូលក្រុមអង្គការកម្មវិធី Salt ឈ្នះក្រុមបក្សីចាំក្រុង ៥ ទល់ ១ ហេតុនេះគេជឿថានៅវគ្គផ្ដាច់ព្រ័ត្រនេះក្រុមអង្គការកម្មវិធី Salt មិនលំបាកនឹងរក្សាតំណែងជើងឯកមួយឆ្នាំទៀតនោះឡើយ ។
Facebook
No comments:
Post a Comment