ភ្នំពេញ: នៅថ្ងៃទី២០ ខែមិថុនា ឆ្នាំ២០១៣ សហភាពអឺរ៉ុប ដែលតំណាងដោយលោក ហ្សង់ហ្វ្រង់ស័រ កូតាំង ( Jean-François Cautain ) ឯកអគ្គរដ្ឋទូត នៃសហភាពអឺរ៉ុប ប្រចាំព្រះរាជាណាចក្រកម្ពុជា និងរាជរដ្ឋាភិបាលកម្ពុជា ដែលតំណាងដោយលោក គាត ឈន់ ឧបនាយករដ្ឋមន្ត្រី និងជារដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ព្រមទាំងលោកបណ្ឌិត ច័ន្ទ សារុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានចុះហត្ថលេខា លើកិច្ចព្រមព្រៀងផ្នែកហិរញ្ញវត្ថុថ្មីមួយ ដើម្បីគាំទ្រដល់វិស័យកសិកម្ម នៅកម្ពុជា។
សេចក្តីប្រកាស លើកឡើងថា ក្រោមកិច្ចព្រមព្រៀងនេះ សហភាពអឺរ៉ុប នឹងផ្តល់ថវិកាចំនួន ២០ លានអឺរ៉ូ សម្រាប់រយៈពេល ៥ ឆ្នាំ ដើម្បីគាំទ្រដល់ការអនុវត្តគោលនយោបាយយុទ្ធសាស្ត្រវិស័យកសិកម្ម និងពង្រឹងអនុវិស័យផលិតកម្មសត្វ និងជលផល របស់ក្រសួងកសិកម្ម រុក្ខាប្រមាញ់ និងនេសាទ។
សេចក្តីប្រកាស លើកឡើងថា លោកឯកអគ្គរដ្ឋទូត កូតាំង បានមានប្រសាសន៍ថា "មូលហេតុ ដែលយើងផ្តោតជាពិសេសទៅលើកសិកម្ម និងជលផល-ផលិតកម្មសត្វ គឺដោយសារតែជលផល និងផលិតកម្មសត្វ នៅតែជាកត្តាសំខាន់នៃវិស័យកសិកម្មរបស់កម្ពុជា ដោយរកចំណូលបាន ៤០% នៃផលិតផលសរុបក្នុងស្រុកប្រចាំឆ្នាំ ហើយវាមានលក្ខណៈសំខាន់ជាសារវ័ន្តចំពោះសន្តិសុខ ស្បៀង និងការកាត់បន្ថយភាពក្រីក្ររបស់កម្ពុជា។ អនុវិស័យទាំងនេះ ក៏ស្ថិតនៅក្រោមការគំរាមកំហែង ដែលកំពុងតែកើនឡើងពីការរេចរិលបរិស្ថាន ការប្រែប្រួលអាកាសធាតុ និងឥទ្ធិពលពីការអភិវឌ្ឍសេដ្ឋកិច្ចផងដែរ។
សេចក្តីប្រកាសបង្ហាញថា ដោយទទួលស្គាល់អំពីផលប៉ះពាល់ទាំងអស់នេះ ក៏ដូចជាជាអំពីសក្តានុពលភាពដ៏ខ្ពស់ ដែលអនុវិស័យទាំងនេះ មានទាក់ទងនឹងកំណើនសេដ្ឋកិច្ច សហភាពអឺរ៉ុប បានសម្រេចចិត្តទទួលយកសំណើរសុំការគាំទ្រផ្នែកហិរញ្ញវត្ថុបន្ថែមពីរាជរដ្ឋាភិបាលកម្ពុជា។ វាជាលើកទីមួយហើយដែលសហភាពអឺរ៉ុប អនុម័តយល់ព្រមលើការប្រើប្រាស់យុទ្ធសាស្ត្រទូទាំងផ្នែកនៅកម្ពុជា នៅក្នុងវិស័យកសិកម្ម ក្រោមការគ្រប់គ្រងដ៏ពេញលេញរបស់រាជរដ្ឋាភិបាលកម្ពុជា ជំនួសឲ្យការប្រើប្រាស់យុទ្ធសាស្ត្រ ជាទូទៅលើគម្រោង ដាច់ដោយឡែកៗពីគ្នា។ ចំពោះសហភាពអឺរ៉ុបនេះ គឺជាការបង្ហាញអំពីទំនុកចិត្តដ៏ខ្លាំងក្លាលើសមត្ថភាពរបស់ក្រសួងកសិកម្ម រុក្ខាប្រមាញ់ និងនេសាទ ក្នុងការគ្រប់គ្រងមូលនិធិរបស់សហភាពអឺរ៉ុប ប្រកបដោយ ប្រសិទ្ធភាព និងដោយត្រឹមត្រូវ។
សេចក្តីប្រកាស លើកឡើងថា សហភាពអឺរ៉ុប ជឿជាក់ថា នេះគឺជាមធ្យោបាយមួយដែលត្រូវធ្វើ ដើម្បីធានាឲ្យមានការបង្កើនភាពជាម្ចាស់ និងភាពជាអ្នកដឹកនាំប្រទេស ដោយអនុលោមតាមគោលការណ៍ នៃការលើកកម្ពស់ប្រសិទ្ធភាពជំនួយរបស់រដ្ឋាភិបាលកម្ពុជាដោយខ្លួនឯង៕ ប្រភពព័ត៌មាន ៖ CEN
សេចក្តីប្រកាស លើកឡើងថា លោកឯកអគ្គរដ្ឋទូត កូតាំង បានមានប្រសាសន៍ថា "មូលហេតុ ដែលយើងផ្តោតជាពិសេសទៅលើកសិកម្ម និងជលផល-ផលិតកម្មសត្វ គឺដោយសារតែជលផល និងផលិតកម្មសត្វ នៅតែជាកត្តាសំខាន់នៃវិស័យកសិកម្មរបស់កម្ពុជា ដោយរកចំណូលបាន ៤០% នៃផលិតផលសរុបក្នុងស្រុកប្រចាំឆ្នាំ ហើយវាមានលក្ខណៈសំខាន់ជាសារវ័ន្តចំពោះសន្តិសុខ ស្បៀង និងការកាត់បន្ថយភាពក្រីក្ររបស់កម្ពុជា។ អនុវិស័យទាំងនេះ ក៏ស្ថិតនៅក្រោមការគំរាមកំហែង ដែលកំពុងតែកើនឡើងពីការរេចរិលបរិស្ថាន ការប្រែប្រួលអាកាសធាតុ និងឥទ្ធិពលពីការអភិវឌ្ឍសេដ្ឋកិច្ចផងដែរ។
សេចក្តីប្រកាសបង្ហាញថា ដោយទទួលស្គាល់អំពីផលប៉ះពាល់ទាំងអស់នេះ ក៏ដូចជាជាអំពីសក្តានុពលភាពដ៏ខ្ពស់ ដែលអនុវិស័យទាំងនេះ មានទាក់ទងនឹងកំណើនសេដ្ឋកិច្ច សហភាពអឺរ៉ុប បានសម្រេចចិត្តទទួលយកសំណើរសុំការគាំទ្រផ្នែកហិរញ្ញវត្ថុបន្ថែមពីរាជរដ្ឋាភិបាលកម្ពុជា។ វាជាលើកទីមួយហើយដែលសហភាពអឺរ៉ុប អនុម័តយល់ព្រមលើការប្រើប្រាស់យុទ្ធសាស្ត្រទូទាំងផ្នែកនៅកម្ពុជា នៅក្នុងវិស័យកសិកម្ម ក្រោមការគ្រប់គ្រងដ៏ពេញលេញរបស់រាជរដ្ឋាភិបាលកម្ពុជា ជំនួសឲ្យការប្រើប្រាស់យុទ្ធសាស្ត្រ ជាទូទៅលើគម្រោង ដាច់ដោយឡែកៗពីគ្នា។ ចំពោះសហភាពអឺរ៉ុបនេះ គឺជាការបង្ហាញអំពីទំនុកចិត្តដ៏ខ្លាំងក្លាលើសមត្ថភាពរបស់ក្រសួងកសិកម្ម រុក្ខាប្រមាញ់ និងនេសាទ ក្នុងការគ្រប់គ្រងមូលនិធិរបស់សហភាពអឺរ៉ុប ប្រកបដោយ ប្រសិទ្ធភាព និងដោយត្រឹមត្រូវ។
សេចក្តីប្រកាស លើកឡើងថា សហភាពអឺរ៉ុប ជឿជាក់ថា នេះគឺជាមធ្យោបាយមួយដែលត្រូវធ្វើ ដើម្បីធានាឲ្យមានការបង្កើនភាពជាម្ចាស់ និងភាពជាអ្នកដឹកនាំប្រទេស ដោយអនុលោមតាមគោលការណ៍ នៃការលើកកម្ពស់ប្រសិទ្ធភាពជំនួយរបស់រដ្ឋាភិបាលកម្ពុជាដោយខ្លួនឯង៕ ប្រភពព័ត៌មាន ៖ CEN
Facebook
No comments:
Post a Comment