ការ​សិក្សារក​ឃើ​ញថា Facebook បាត់បង់​អ្នក​ចូល​លេង ៦​លាន​នាក់​ត្រឹម​តែ​​ ១ខែ​ប៉ុណ្ណោះ

បណ្តាញទំនាក់ទំនងសង្គមយក្ស Facebook មិនទាន់ជួប បញ្ហាធ្ងន់ធ្ងរក្នុងការផ្តល់ បទពិសោធន៍ក្នុង ប្រើប្រាស់កម្មវិធី MySpace-style ភ្លាមៗនោះទេ ប៉ុន្តែមិនមែនមានន័យថា បណ្តាញទំនាក់ទំនង សង្គមយក្សមិន ជួបគ្រោះថ្នាក់ បាត់បង់អតិថិជនទេ។
យោងតាមទីភ្នាក់ងារព័ត៌មាន The Guardian បានរាយការណ៍ថា ការសិក្សាថ្មីមួយ ពីក្រុមហ៊ុន ស្រាវជ្រាវទីផ្សារ SocialBakers បង្ហាញថា បណ្តាញទំនាក់ទំនង សង្គមយក្ស Facebook បាន បាត់បង់អ្នកចូលទស្សនា គេហទំព័រនៅសហរដ្ឋអាមេរិក ប្រហែលជា ៦លាននាក់ នៅក្នុងរយៈ ពេលត្រឹមតែ ១ខែប៉ុណ្ណោះ ដែលធ្លាក់ចុះ ៤ភាគរយនៅក្នុង ចំនួនអតិថិជន សរុបរបស់ខ្លួន។
ការធ្លាក់ចុះភាគច្រើននាពេលថ្មីៗ នៃអ្នកចូលទស្សនា Facebook នៅក្នុងអាមេរិក គឺជាផ្នែក មួយនៃមូលហេតុ សំខាន់បំផុតក្នុងការធ្លាក់ចុះ ចាប់តាំងពីក្រុមហ៊ុន SocialBakers បានប៉ាន ប្រមាណថា គេហទំព័របណ្តាញ ទំនាក់ទំនងសង្គម នឹងធ្លាក់ចុះប្រហែល ៩លាននាក់ ក្នុងរយៈ ពេល៦ខែ។ ចំណែកព័ត៌មានមួយល្អ សម្រាប់ក្រុមហ៊ុន Facebook គឺថា បណ្តាញចែកចាយ រូបភាពផ្ទាល់ របស់ខ្លួនInstagram បានស្ទុះឡើងយ៉ាងខ្ពស់ និងកើនប្រជាប្រិយភាព យ៉ាងខ្លាំងនៅក្នុង ស្រទាប យុវវ័យក្មេងផងដែរ៕