នារីជនជាតិរុស្ស៊ី ប្រកាសលក់ព្រហ្មចារីយ៍ មានអ្នកទិញហើយ បានតម្លៃ៣,១ម៉ឺនដុល្លារ

ប្រភព Lookingtoday
រុស្ស៊ី៖ នារីវ័យក្មេងជនជាតិរុស្ស៊ី អាយុ ១៨ឆ្នាំម្នាក់ ឈ្មោះ Shatuniha ដែលបានប្រកាសលក់ ព្រហ្មចារីយ៍ ក្នុងតម្លៃចាប់ពី ១៧,០០០ អឺរ៉ូ (២,៧ម៉ឺនដុល្លារអាមេរិក) នោះ ពេលនេះមានអ្នកត្រូវការហើយ។
មនុស្សម្នាក់ បានចុះឈ្មោះទិញ យកព្រហ្មចារីយ៍របស់ Shatuniha បានសម្រេច។ ដោយមានគណនីដែលមានឈ្មោះ Evgenly Volnov ប៉ុន្ដែអត្ដសញ្ញាណរបស់មនុស្សនេះ មិនត្រូវបានបង្ហើបឱ្យដឹងនោះទេ។ អ្នកទិញរូបនេះបានចំណាយប្រាក់ ប្រមាណ៣១,០០០ដុល្លារអាមេរិក។
នាង Shatuniha និយាយថា «ខ្ញុំកំពុងត្រូវការប្រាក់ ទើបនាងខ្ញុំចង់លក់របស់មានតម្លៃដែលខ្លួនមាន។ ពិធីជួបមុខគ្នានឹងកើតឡើងក្នុងពេលឆាប់ៗ វាក៏អាចជាថ្ងៃស្អែក ហើយខ្ញុំនឹងត្រៀមខ្លួនជានិច្ចដើម្បីឱ្យគេពិនិត្យអំពីភាពបរិសុទ្ធ របស់នាងខ្ញុំ។ នាងខ្ញុំនឹងណាត់ជួបអ្នកដែលចង់ទិញ នៅសណ្ឋាគារមួយ ក្នុងតំបន់ទីលាន Predmostnaya ដោយមានយកទៅជាមួយ នូវលិខិតបញ្ជាក់ព្រហ្មចារីយ៍ពីមន្ទីរពេទ្យ និងមនុស្សម្នាក់ ដើម្បីទទួលប្រាក់ ចៀសវាងការបោកប្រាស់ ” ។
យ៉ាងណា ប៉ូលីសបានដឹងអំពីករណីនេះ ពួកគេយល់ថា សកម្មភាពលក់ដេញថ្លៃរបស់នារីម្នាក់នេះ មិនបានបំពានលើមាត្រាច្បាប់ណាមួយនោះទេ ដូច្នេះ គេមិនអាចចោទប្រកាន់នាងអំពីបទល្មើសអ្វីមួយនោះដែរ៕