ព័ត៌មានដើមស្វាយ: March 2013

Sunday, March 31, 2013

CTN COMEDY - SROLANH MIN CHES RAKSA (6 APRIL 2013)

Friday, March 29, 2013

សង្ខេបព័ត៌មានសេដ្ឋកិច្ចប្រចាំសប្តាហ៍

ភ្នំពេញៈ ក្រុមហ៊ុនទូរគមនាគមន៍អឹមហ្វូន ដែលក្ស័យធនបានជំពាក់បំណុល១៥៩ លានដុល្លារ ខណៈទ្រព្យរបស់ក្រុមហ៊ុននេះតាមការប៉ាន់ប្រមាណមានតម្លៃតែ ១០៥ លានដុល្លារប៉ុណ្ណោះ។ នេះបើតាមបុគ្គលិកដែលបានចូលរួមក្នុងកិច្ចប្រជុំម្ចាស់ បំណុលកាលពីល្ងាចថ្ងៃចន្ទ។ លោក ប្រាង វុទ្ធី តំណាងបុគ្គលិកបាននិយាយថា លោក អ៊ុក រី ដែលតុលាការបានតែងតាំងអ្នកគ្រប់គ្រងលើទ្រព្យសម្បត្តិរបស់អឹម ហ្វូន បានផ្តល់យោបល់ដល់តំណាងកម្មករទាំងនោះពីការវាយតម្លៃនៅក្នុង កិច្ចប្រជុំ និងបានស្នើពួកគេជួយបញ្ចុះបញ្ចូលម្ចាស់បំណុលដល់បណ្តឹងដែលអាច អនុញ្ញាតឲ្យអឹមហ្វូនលក់ទ្រព្យ។

ភ្នំពេញៈ ប្រទេសជាសមាជិក អ៊ិចម៉ិច (ACMECS) និងពិភាក្សាស្តីពីសហប្រតិបត្តិការ និងការអភិវឌ្ឍឧស្សាហកម្មកែច្នៃអង្ករនៅសប្តាហ៍នេះ។ ប្រទេសដែលជាសមាជិករបស់ អ៊ិចម៉ិច រួមមាន កម្ពុជា ឡាវ ថៃ មីយ៉ាន់ម៉ា និងវៀតណាម។ លោក ម៉ៅ ថូរ៉ា រដ្ឋលេខាធិការក្រសួងពាណិជ្ជកម្ម បានប្រាប់ភ្នំពេញប៉ុស្ដិ៍ថា នេះដើម្បីពិភាក្សា និងស្វែងរកវិធីសម្រាប់កិច្ចសហប្រតិបត្តិការដ៏ល្អក្នុងបណ្ដាប្រទេសជាសមាជិក អ៊ិចម៉ិច។ ខេត្តព្រះសីហនុៈ ក្រុមហ៊ុន Harta Packaging Industries Sdn Bhd នៅម៉ាឡេស៊ីបានបើករោងចក្រផលិតប្រអប់វេចខ្ចប់ថ្មីនៅកម្ពុជាដើម្បីឆ្លើយតបនឹងកំណើនតម្រូវការរបស់ប្រទេសនេះ និងដើម្បីទទួលបានប្រយោជន៍ពីការអភិវឌ្ឍរបស់កំពង់ផែស្វយ័តព្រះសីហនុ។ លោក Chang Kee Soon អគ្គនាយកគ្រប់គ្រងក្រុមហ៊ុន Harta Packaging ជាក្រុមហ៊ុនបុត្រសម្ព័ន្ធគ្រប់គ្រងទាំងស្រុងដោយក្រុមហ៊ុន HPI Resources Berhad និងជាផ្នែកមួយរបស់ក្រុមហ៊ុន Oji Paper Group របស់ជប៉ុន បានកំណត់ថានឹង ទទួលបានប្រាក់ចំណេញ ៩ លានដុល្លារគិតត្រឹមខែធ្នូឆ្នាំ ២០១៣៕ ភ្នំពេញៈ ចំណូលពន្ធរបស់កម្ពុជាក្នុងរយៈពេលពីរខែដើមឆ្នាំនេះកើនឡើងជិត៣០ភាគរយ បើធៀបនឹងរយៈពេលដូចគ្នាកាលពីឆ្នាំទៅ។ គណបក្សប្រឆាំងបានអះអាងថាកំណើននេះនៅមិនទាន់ឆ្លុះបញ្ចាំងពីកំណើនសេដ្ឋកិច្ចបច្ចុប្បន្ននេះនៅឡើយទេ។ ទិន្នន័យពីអគ្គ-នាយកដ្ឋានពន្ធដារបានបង្ហាញថា ចំណូលពន្ធសរុបមានជាង១២២លានដុល្លារ ក្នុងនោះពន្ធលើប្រាក់ខែកើន១៧,១ភាគរយ ពន្ធលើប្រាក់ចំណូលកើន ៤០,៨ ភាគរយ៕ ដកស្រង់ចេញពីPpostkhmer.com

Wednesday, March 27, 2013

CTN COMEDY - SA AEK ROHOUT (26.03.2013)

Tuesday, March 26, 2013

SUNDAY CD VOL. 150 | JOL CHHNAM MOK LENG PHNOM PHEN (FULL ALBUM)

Sunday CD Vol. 150 | Jol Chhnam Mok Leng Phnom Phen Artist : Khan Jame, Sok Reaksa, Eva, Linda, Meas Saly, Phan Monika Release Date : 2013.03.26 File Type : MP3 + Zip FIle File Size : N/A
01. Jol Chhnam Mok Leng Phnom Phen (Jame) | Download
02. Bros Khouch Dai (Linda) | Download
03. Komlors Kean Svay Kromom Battambong (Reaksa) | Download
04. Som Mae Tinh Moto (Saly) | Download
05. Mean Rerng Ei (Jame Ft. Eva) | Download
06. Kromom Ah Yu 38 Chhnam (Linda) | Download
07. Oy Tae Sroveng Rok Tae Rerng (Jame Ft. Monika) | Download
08. Khnhom Mean Luy Tae Mouy Leang Riel Te (Reaksa) | Download
09. Kon Min Ton Jong Ban Propun (Saly) | Download
10. Jivit Neak Srae (Jame) | Download
11. Chhnam Tmey Mok Dol Hey (Monika) | Download
Download Here

Friday, March 22, 2013

TOWN CD VOL. 36 | LUNG SNE KOMLORS BAN LOURNG (FULL ALBUM)

01. Lung Sne Komlors Ban Lourng (Sophea)
02. Bros Ei Hov Srey Phek (Peak Mi Ft. Sophea)
03. Songsa Chhnas (Therayu)
04. Kon Khnhom Lerng Post Nhory (Katu)
05. Nov Yu Prous Koo Min Torn Dol (Khem)
06. Min Torn Jong Jas Prous Mean Neak Srolanh (Sasa)
07. Yab Ta Mong (Rath)
08. Sngat Sngat Louch Tov Tae Mneak Eng (Tina Ft. Thyna)
09. Suu Nov Komlors (Khem)
10. Yol Sob Khernh Pous (Thyna)

Download Here

TOWN CD VOL. 37 | KOMLORS BUK LAHUNG (FULL ALBUM)

01. Komlors Buk Lahung (Pich)
02. Songsai Ches EsCe (Krern Ft. Anny)
03. Rot Taxi Louch Mean Srey (Nisa)
04. Neak Yol Chit Idodem (Pich)
05. Phum Yerng Sabay Rol Chnam (Khem Ft. Sophea)
06. Ean Lork (Sophea)
07. Sonsom Luy Doo Propun (Tina)
08. Bak Hey Kalib Kon (Anny)
09. Oy Propun Ci Seang Oy Neang Ci Sup (Peak Mi)
10. Rom Jorn Ach Koo (Katu)

Download Here

TOWN CD VOL. 38 | CHHNAM TMEY MEAN TAE RERNG LAOR (FULL ALBUM)

01. Chhnam Tmey Mean Tae Rerng Laor (Nisa)
02. Roub Oun Chmous Khnhung (Khnhung Ft. Pich)
03. Barang Tha Yab (Therayu)
04. Phek Ci Torn Kloun Nov Kmeng (Nisa)
05. Sne Ei Sne Yang Nis (Tina)
06. Ov Kor Yab Kon Kor Yab (Peak Mi Ft. Therayu)
07. Tek Dors Lerng Tlai (Thyna)
08. Kvas Tlai Tek Dors (Pich)
09. Bouk Khou Av Khernh Sne (Sasa)
10. Somlor Kdat

Download Here

SUNDAY CD VOL. 147 | KOMLORS DONGKHAV KRO BEI (FULL ALBUM)

01. Komlors Dongkhav Kro Bei (SeryMun) |
02. Knea Mouy Krom Phek Tae Keo Mouy (SeryMun) |
03. Rom Ban Tae Ham Som Srolanh (SeryMun Ft. SreyPov) |
04. Oun Min Srolanh Bong Min Tov Pteas (SeryMun) |
05. Yey Ta Mean Kon Brosa Barang (SreyPov) |
06. Niyeay Rerng Komlors Khouch Chit (SreyPov) |
07. Min Oy Oun Proy Louy (Bun Sak) |
08. Pel Nis Bong Kleat Ban Tov Ke Hey (SreyNeang) |
09. Tevada Mean Pit (Sak Ft. Monika) |
10. Chou Louch Kro Bei (Bun Sak) |
11. Ou Pka Romjek (SreyNeang) |

Download Here

SUNDAY CD VOL. 148 | SOM MAE PDACH PEAK (FULL ALBUM)

Saturday, March 16, 2013

TOWN CD VOL 37 - SONGSAI CHES ESAY (KROEN FT. ANNYZAM)

Town CD Vol 37 - Songsai Ches Esay (Kroen ft. Annyzam)

Mediafire

MEAS SOKSOPHEA - LUNG SNE KOM LORS BAN LURNG - TOWN CD VOL. 36

Meas Soksophea - Lung Sne Kom Lors Ban Lurng - Town CD Vol. 36

PEAK MI - OY PROPUN CI SEANG OY NEANG CI SUP - TOWN CD VOL. 37

Peak Mi - Oy Propun Ci Seang Oy Neang Ci Sup - Town CD Vol. 37 File size : 5MB

Thursday, March 14, 2013

ចំនួនរោងចក្របើកថ្មី២០១២កើនឡើងខ្ពស់

ភ្នំពេញៈ រោងចក្រថ្មីចំនួន១០៣មានតម្លៃសរុប ៦៥៩លានដុល្លារត្រូវបានបើកកាលពីឆ្នាំមុនបើធៀបនឹង២០១១ ដែលមាន៥២រោងចក្រ និងតម្លៃ២៣០លានដុល្លារប៉ុណ្ណោះ។

កំណើននេះឆ្លុះបញ្ចាំងពីការកើនឡើងប្រាក់ឈ្នួលអប្បបរមាតាមបណ្ដាប្រទេសមួយចំនួនក្នុងតំបន់ដែលជំរុញឲ្យពួកគេប្តូរទីតាំងផលិតមកប្រទេសកម្ពុជាដែលមានតម្លៃពលកម្មថោក។ នេះបើតាមអ្នកសេដ្ឋកិច្ច។

ទិន្នន័យពីក្រុមប្រឹក្សាអភិវឌ្ឍន៍កម្ពុជាបង្ហាញថាក្នុងនោះរោងចក្រកាត់ដេរមានចំនួន៨២ដែលមានតម្លៃវិនិយោគ៤៩៩លានដុល្លារ រោងចក្រស្បែកជើង១៣ មានតម្លៃ១១៦លានដុល្លារ រោងចក្រស្រោមជើង២ មានតម្លៃ២៥លានដុល្លារ រោងចក្រវាយនភ័ណ្ឌ៤ មានតម្លៃ៩លានដុល្លារ និងរោងចក្រស្រោមដៃ២ មានតម្លៃ១០លានដុល្លារ។ ឆ្នាំ២០១១ មានរោងចក្រកាត់ដេរ៤៥តម្លៃ២០៥លានដុល្លារ និងរោងចក្រស្បែកជើង៧តម្លៃ២៥លានដុល្លារ។

លោកខេន លូ អគ្គលខាធិការសមាគមរោងចក្រកាត់ដេរនៅកម្ពុជា(GMAC) បានឲ្យដឹងថា ការកើនឡើងប្រាក់ឈ្មួលអប្បបរមាក្នុងប្រទេសមួយចំនួនពិសេសប្រទេសចិនកំពុងជំរុញម្ចាស់រោងចក្រទាំងនោះឲ្យប្តូរមកប្រទេសកម្ពុជា។ លោកបន្តថា៖ «ដូច្នេះពួកគេផ្លាស់មកទីនេះដោយសារយើងមានតម្លៃពលកម្មទាប និងអាចចូលដល់ទីផ្សារបានច្រើន។ទាំងនេះគឺជារឿងដ៏សំខាន់»។

ប៉ុន្តែលោកអះអាងថា ចំនួននេះនៅតែទាបបើធៀបទៅនឹងបំណងម្ចាស់រោងចក្រដែលចង់មកកម្ពុជា។

លោកថ្លែងថា៖ «បើយើងមិនមានការធ្វើកូដកម្មច្រើនចំនួននឹងមានកាន់តែច្រើន។ ពេលនេះមានរោងចក្រកាត់ដេរជាច្រើនដែលចង់មកកម្ពុជាតែពួកគេចង់ឃើញថាតើយើងអាចដោះស្រាយបញ្ហានេះបានឬអត់»។ លោក Hiroshi SUZUKI អគ្គនាយកប្រតិបត្តិ និងជាប្រធានសេដ្ឋវិទូនៅវិទ្យាស្ថានស្រាវជ្រាវពាណិជ្ជកម្មកម្ពុជាក៏យល់ដូច្នេះដែរ។

លោកបន្តថា៖«ការកើនឡើងយ៉ាងគំហុកនៃតម្លៃពលកម្មក្នុងប្រទេសជិតខាងដូចជាចិន ថៃ និងវៀតណាម ជាគុណប្រយោជន៍របស់កម្ពុជា។ ការវិនិយោគលើឧស្សាហកម្មប្រើកម្លាំងពលកម្មច្រើននឹងបន្តកើន»។

កម្មកររោងចក្រនិងសហជីពមួយចំនួនបានធ្វើការទាមទារដំឡើងប្រាក់ខែអប្បបរមា ពី៦១ ដុល្លារក្នុងមួយខែឲ្យដល់១០០ ឬ១៥០ដុល្លារខណៈកិច្ចប្រជុំជាច្រើនរវាង GMAC សហជីព និងមន្រ្តីរដ្ឋាភិបាលគ្មានលទ្ធផល។

លោក រ៉ុង ឈុន ប្រធានសហព័ន្ធសហជីពកម្ពុជានិយាយថាការទាមទារដំឡើងប្រាក់ឈ្នួលនៅពេលថ្មីៗរបស់កម្មករនឹងមិនប៉ះពាល់ដល់ឧស្សាហកម្មនេះទេ៖«ខ្ញុំមិនចង់ឲ្យកម្មករទាំងនោះទាមទារទេវាប៉ះពាល់ដល់វិនិយោគិន។ អ្វីដែលធ្វើឲ្យពួកគេពិចារណាចង់ផ្លាស់ចេញពីទីនេះដោយសារការចំណាយក្រៅផ្លូវការខ្ពស់មិនមែនដោយសារតែការទាមទារដំឡើងប្រាក់ខែនោះទេ»។ លោកបានបន្តថាសម្រាប់រោងចក្រមួយដែលមានកម្មករ៤ ០០០ នាក់ ម្ចាស់រោងចក្រត្រូវចំណាយក្រៅផ្លូវការប្រហែល ៨០ ០០០ ដុល្លារក្នុងមួយខែទៅមន្រ្តីរដ្ឋាភិបាល។

លោក Suzuki Hiroshi បាននិយាយថា៖ «តាមការពិតប្រាក់ឈ្នួលក្នុងប្រទេសកម្ពុជានឹងកើនឡើងផងដែរ។ ប៉ុន្តែវានឹងមានការលំបាកដើម្បីឲ្យឈានទៅដល់កម្រិតដូចប្រទេសជិតខាងក្នុងរយៈពេល១០ឆ្នាំទៀត។ ល្បឿននៃការកើនឡើងប្រាក់ឈ្នួលក្នុងបណ្ដាប្រទេសជិតខាងគឺខ្ពស់ជាងការកើនឡើងប្រាក់ឈ្នួលក្នុងប្រទេសកម្ពុជា។

លោក ខេន លូ បានឲ្យដឹងថា ទោះបីវៀតណាមមានប្រាក់ខែខ្ពស់ជាងក្ដីក៏ផលិតភាពរបស់ពួកគេគឺខ្ពស់ផងដែរ។

លោក រ៉ុង ឈុន ឲ្យដឹងថាលោកនឹងព្យាយាមធ្វើឲ្យសម្រេចបានប្រាក់ឈ្នួល១០០ដុល្លារក្នុងមួយខែ។ លោកថ្លែងថា៖ «ខ្ញុំសង្ឃឹមថាអ្វីៗគ្រប់យ៉ាងនឹងត្រូវបញ្ចប់ត្រឹមខែនេះ។ បើមិនបានទេយើងនឹងធ្វើកូដកម្មដ៏ធំ»៕ Postkhemr.com

Saturday, March 9, 2013

កម្ពុជាជាប់ចំណាត់ថ្នាក់អាក្រក់បំផុតលើបញ្ហាតម្លាភាព

ភ្នំពេញៈ យោងតាមរបាយការណ៍មួយដែលចេញផ្សាយដោយអង្គការតម្លាភាពកាលពីម្សិលមិញបានឲ្យដឹងថាកម្ពុជាជាប់ចំណាត់ថ្នាក់ក្នុងចំណោមរដ្ឋាភិបាលអាក្រក់បំផុតនៅលើពិភពលោក ទាក់ទិននឹងការបើកចំហ និងតម្លាភាពដែលរដ្ឋាភិបាលរៀបចំ និងផ្សព្វផ្សាយថវិកាជាតិហើយកម្ពុជាពុំរីកចម្រើនទាល់តែសោះចាប់តាំងពីឆ្នាំ ២០១០មក។

របាយការណ៍មួយពីអង្គការភាពជាដៃគូថវិកាអន្តរជាតិ ដែលបានបង្ហាញនៅសន្និសីទមួយដោយសម្ព័ន្ធភាពនៃអង្គការមិនមែនរដ្ឋាភិបាលក្នុងនោះមានអង្គការវេទិកាអង្គការមិនមែនរដ្ឋាភិបាលស្តីពីកម្ពុជា និងអង្គការតម្លាភាពអន្តរជាតិកម្ពុជាប្រទេសកម្ពុជាជាប់ពិន្ទុ ១៥ នៃពិន្ទុ ១០០ដូចឆ្នាំ ២០១០នៅចម្លោះប្រទេសនីហ្សេរីយ៉ា និងអេហ្ស៊ីប ក្នុងចំណោមប្រទេសផ្តល់ព័ត៌មានតិចបំផុត ឬគ្មានផ្តល់ព័ត៌មានសោះអំពីថវិកាជាតិរបស់ខ្លួន។

របាយការណ៍បានបន្តថាពិន្ទុធ្លាក់ចុះនេះ គឺដោយសារតែការខកខានរបស់កម្ពុជាក្នុងការធ្វើឲ្យឯកសារថវិកា ដូចជាសេចក្តីព្រាងច្បាប់ថវិកា និងរបាយការណ៍សវនកម្មឲ្យបានត្រឹមត្រូវមានប្រយោជន៍ និងមានជូនសាធារណជន។លោក ព្រាប កុល នាយកប្រតិបតិ្តនៃអង្គការតម្លាភាពអន្តរជាតិកម្ពុជា បានអះអាងថា៖ «ការផ្សព្វផ្សាយរបាយការណ៍[ថវិកា] ធ្វើឲ្យមានតម្លាភាពគឺគ្រាន់តែជាផ្នែកមួយនៃកិច្ចដំណើរការប៉ុណ្ណោះ»។

លោកបានបន្ថែមថា ការខកខានមិនផ្សព្វផ្សាយ«អាចបង្កើតសញ្ញាសួរមួយទាក់ទងនឹងថាតើរដ្ឋាភិបាលមានឆន្ទៈពិតប្រាកដក្នុងការផ្លាស់ប្តូរឬយ៉ាងណា?»។ លោក កុល ក៏បានគាំទ្រវិធីសាស្រ្តរង់ចាំមើលដោយលោកកត់សម្គាល់ថា ការស្ទង់មតិឆ្នាំ ២០១៤«នឹងប្រាប់ថាតើមានឆន្ទៈនយោបាយ ឬអត់?»។

ទន្ទឹមនឹងនេះ លោក អ៊ិន សំរិទ្ធី មកពីអង្គការភាពជាដៃគូអប់រំ បានកត់សម្គាល់ថា ភាពមិនច្បាស់លាស់លើថវិកាក្នុងចំណោមគ្រូបង្រៀនបានបង្កការរាំងស្ទះរួចហើយក្នុងវិស័យអប់រំ ហើយលោកស្រី រស់ សុភាព មកពីអង្គការយេនឌ័រ និងការអភិវឌ្ឍដើម្បីកម្ពុជាក៏បានលើកឡើងអំពីកង្វះនៃព័ត៌មានលម្អិតសម្រាប់បញ្ហាពាក់ព័ន្ធនឹងស្រ្តីក្នុងថវិកាជាតិផងដែរ។

លោក ឈិត សំអាត នាយកប្រតិបត្តិនៃវេទិកានៃអង្គការមិនមែនរដ្ឋាភិបាលស្តីពីកម្ពុជា បាននិយាយនៅក្នុងសនិ្នសីទសារព័ត៌មានពីម្សិលមិញថា អង្គការសង្គមស៊ីវិលពិតជាលំបាកក្នុងការទទួលបានឯកសារលម្អិតស្តីពីការចាត់ចែងថវិកាជាតិប្រចាំឆ្នាំ បើទោះបីជាលោកព្យាយាមទៅស្ថាប័នសំខាន់ជាច្រើនរបស់រដ្ឋក៏ដោយ។ លោកបានថ្លែងថា៖ «តាមពិតទៅឯកសារដូចជាសេចក្តីព្រាងច្បាប់ថវិកា ជារៀងរាល់ឆ្នាំយើងសុំ យើងសរសេរសំបុត្រទៅក្រសួងសេដ្ឋកិច្ចនិងហិរញ្ញវត្ថុ យើងសរសេរសំបុត្រទៅរដ្ឋសភាទៅទីស្តីការគណៈរដ្ឋមន្ត្រីដើម្បីសុំសេចក្តីព្រាងច្បាប់នោះ តែជាលទ្ធផលគឺមិនទទួលបាននោះទេ»។ លោកបានប្រាប់ថា ជាការឆ្លើយតបស្ថាប័នថា្នក់ជាតិទាំងនោះបានត្រឹមឆ្លើយតបថា គេមិនអាចចែកជូនបាននោះទេ។

យោងតាមលោក សុន ឆ័យ តំណាងរាស្រ្តគណបក្សប្រឆាំង បានឲ្យដឹងថា សេចក្តីព្រាងច្បាប់ថវិកាកម្ពុជាពុំត្រូវបានគេផ្សព្វផ្សាយឲ្យតំណាងរាស្រ្តដទៃទៀតដឹងឡើយ លើកលែងតែតំណាងរាស្រ្តមួយក្រុមតូច ក្នុងគណបក្សប្រជាជនកម្ពុជា ដែលកាន់អំណាច។

លោកបានលើកឡើងថា៖ «គ្មានអ្នកណាម្នាក់នៅក្រៅគណបក្សប្រជាជនកម្ពុជាមានសិទិ្ធដឹង ឬមានសិទិ្ធសម្រេចលើថវិកាជាតិប្រចាំឆ្នាំរបស់ប្រទេសឡើយ»ហើយលោកបានកត់សម្គាល់ថា អំពើពុករលួយបានធ្វើឲ្យបាត់បង់ថវិកាជាតិ រាប់រយលានដុល្លារអាមេរិករៀងរាល់ឆ្នាំ។ លោកបានបន្តថា៖ «យើងងងឹតឈឹង។ យើងតំណាងគ្រប់ខេត្តតែយើងមិនដឹងថាតើពួកគេកំពុងធ្វើអ្វីនៅភ្នំពេញទេ»។

ទោះជាយ៉ាងណា លោក ហ្វិញ រិទ្ធិពល ប្រធានការិយាល័យក្នុងនាយកដ្ឋានហិរញ្ញវត្ថុនៃក្រសួងសេដ្ឋកិច្ច និងហិរញ្ញវត្ថុ ដែលចូលរួមជាអធិបតីក្នុងសន្និសីទកាលពីម្សិលមិញ បាននិយាយថា ការផ្សព្វផ្សាយឯកសារថវិកាជាតិមិនមែនជាការសម្ងាត់នោះទេតែការបោះពុម្ពផ្សាយ ពិតជាមានកម្រិតដោយសារគ្មានថវិកាគ្រប់គ្រាន់។

លោកថ្លែងថា៖«យើងមិនដែលលាក់បាំងទេ រដ្ឋាភិបាលចេញឲ្យតែរហូត»។ លោកឲ្យដឹងថា ក្រសួងសេដ្ឋកិច្ចនិងហិរញ្ញវត្ថុ បានបោះពុម្ពសៀវស្តីពីថវិកាជាតិនេះចំនួនបួនដែលមានកម្រាស់ជាងរយទំព័រក្នុងមួយក្បាលៗដូចជាក្បាលទីមួយនិយាយពីច្បាប់អនុវត្តថវិកាប្រចាំឆ្នាំ ក្បាលទីពីរនិយាយពីថវិកានៅក្រសួងស្ថាប័ន ក្បាលទីបី និយាយពីថវិកានៅមន្ទីរជំនាញតាមរាជធានី និង ខេត្ត ចំណែកក្បាលទីបួននិយាយពីថវិកាតាមមូលដ្ឋាន៕ TK

http://postkhmer.com/

Friday, March 8, 2013

មាន់ និងស៊ុតមាន់ តើមួយណាកើតមុន?

សំណួរនេះមើលទៅគឺពិតជាសំណួរមួយដ៏សែនសាមញ្ញ ប៉ុន្តែ ពិបាកនឹងផ្តល់ចម្លើយមួយឲ្យត្រឹមត្រូវឥតខ្ចោះណាស់។ ប្រសិនបើយើងយកសំណួរនេះទៅសួរ ប្រាកដជាមានមនុស្សមួយចំនួនគិតថា យើងមិនគ្រប់ទឹកផងក៏មិនដឹង។ ប៉ុន្តែ សំណួរ “មាន់ និងស៊ុតមាន់មួយណាកើតមុន” គឺជាសំណួរមួយ ដែលអ្នកវិទ្យាសាស្ត្របានព្យាយាមធ្វើការឆ្លើយជាយូរណាស់មកហើយ។ ដូចនេះ គេហទំព័រ«គំនិត»សូមលើកយកប្រធានបទនេះមកចែករំលែកមិត្តអ្នកអាន អំពីការរកឃើញចុងក្រោយបំផុតពីបញ្ហានេះរបស់អ្នកវិទ្យាសាស្ត្រ។
សំណួរទាក់ទងនឹងមាន់ និងស៊ុតមាន់ គឺមានលើកឡើងតាំងពីជំនាន់មុនគ្រឹស្គសករាជមកម្ល៉េះដោយ អ្នកទស្សនវិទូដ៏ល្បីល្បាញម្នាក់ឈ្មោះអារីស្តូតដែលគាត់បានលើកឡើងថា “វាគួរតែមានបក្សីមួយដែលផ្តល់កំណើតដល់ស៊ុតសម្រាប់បក្សីណាដែល មានកំណើតចេញពីស៊ុត”។ មិនត្រឹមតែទស្សនវិទូអារីស្តូតនោះទេ មានមនុស្សជាច្រើនដែលបានធ្វើការឆ្លើយសំណួរនេះ តួរយ៉ាងអ្នករូបវិទូដ៏ល្បីល្បាញក្នុងសម័យបច្ចុប្បន្នបណ្ឌិត ’Stephen William Hawking ក៏បានចូលរួមចំណែកក្នុងការឆ្លើយនូវសំណួរខាងលើផងដែរ។ លោកបានលើកឡើងថាស៊ុតមាន់គឺមានកំណើតមុន។ ចំណែកឯទ្រឹស្តីនៃការវិវដ្ដន៍វិញក៏បានលើកឡើងផងដែរថា ស៊ុតត្រូវតែមានកំណើតមុន តែទ្រឹស្តីក៏បានបញ្ចាក់ថា ស៊ុតនោះគឺជាស៊ុតទូទៅមិនមែនជាស៊ុតដែលភ្ញាស់ចេញជាមាន់នោះទេ។ សម្រាប់ទ្រឹស្តីដែលចេញពីសាសនាវិញដូចជាសាសនាព្រះពុទ្ធ និងសាសនាហិណ្ឌូដែលជឿលើការចាប់ជាតិជាថ្មីនោះ បានកំណត់ថា មាន់ និងស៊ុតមាន់គ្មានមួយណាដែលកើតមុននោះទេ។
ទ្រឹស្តីនៃការវិវដ្តន៍បានបញ្ចាក់ថា ភាវរស់គឺមានបម្លាស់ប្តូរតាមរយៈពេលវេលាដោយដំណើរលាស់ថ្មី និងការបន្តពូជ។ ដោយសារតែDNAអាចធ្វើការផ្លាស់ប្តូរបានតែនៅមុននឹងការចាប់កំណើត ដំណើរលាស់ថ្មីនៃភាវរស់ត្រូវបានបង្កើតឡើងដោយភាវរស់មួយប្រភេទដែល ស្រដៀងនឹងសត្វមាន់ ប៉ុន្តែមិនមែនសត្វមាន់នោះទេ ដែលជាអ្នកបង្កើតស៊ុតមាន់។ ស៊ុតមាន់ទាំងនេះហើយដែលជាអ្នកបង្កើតសត្វមាន់ដែលមានវត្តមានមក ទល់នឹងសព្វថ្ងៃនេះដោយឆ្លងតាមការវិវដ្ដន៍ជាច្រើនដំណាក់កាល។ សរុបសេចក្តីមក ឆ្លងតាមការបន្តពូជ និងការវិវដ្តន៍ជាបន្តបន្ទាប់ធ្វើឲ្យយើងទទួលបានស៊ុតដែលក្នុងនោះ មានផ្ទុកអំប្រ៊ីយ៉ូ (ទារក)នៃសត្វមាន់ដំបូងបង្អស់។ ដូច្នេះ ស៊ុតមាន់ត្រូវតែមានកំណើតមុនសត្វមាន់។
ផ្ទុយទៅវិញ នៅឆ្នាំ២០១០អ្នកវិទ្យាសាស្ត្ររបស់ចក្រភពអង់គ្លេសដែលបានអះអាងពីភាព ជោគជ័យនៃការបំបែកប្រស្នាស្តីពី មាន់និងស៊ុតមាន់នោះបានបញ្ចាក់ថា សត្វមាន់មានកំណើតមុន។ នេះជាការលើកឡើងរបស់អ្នកស្រាវជ្រាវនៅសាកលវិទ្យាល័យ Sheffield និងWarwick។
អ្នកវិទ្យាសាស្ត្រមកពីសាកលវិទ្យាល័យទាំងពីរខាងលើបានរកឃើញថា ប្រូតេអ៊ីនដែលរកឃើញនៅក្នុងអូវ៉ែររបស់សត្វមាន់គឺមានសារៈសំខាន់ណាស់ សម្រាប់ការកកើតឡើងនៃស៊ុតមាន់ ហេតុនេះហើយអ្នកវិទ្យាសាស្ត្រខាងលើបានអះអាងថា ស៊ុតមាន់មានវត្តមានលុះត្រាណាតែមានវត្តមានសត្វមាន់ជាមុនសិន។
ប្រូតេអ៊ីននោះគឺជាភ្នាក់ងារបង្កើនល្បឿនការវិវដ្តន៍របស់សំបកស៊ុត ដែលជាភ្នាក់ងារដ៏មានសារៈសំខាន់សម្រាប់ការពារពងក្រហម និងអង្គធាតុរាវដែលនៅខាងក្នុងស៊ុតខណៈពេលដែលកូនមាន់កំពុងតែមានការ វិវដ្តន៍នៅក្នុងសំបក។
ឆ្លងតាមការលើកឡើងរបស់អ្នកវិទ្យាសាស្ត្រនានា យើងពិបាកនឹងធ្វើការសន្មតឲ្យបានត្រឹមត្រូវ១០០%ណាស់ថាតើសត្វមាន់ ឬក៏ស៊ុតមាន់មានកំណើតមុន។ ប៉ុន្តែ ការលើកឡើងរបស់ទ្រឹស្តីនៃការវិវដ្តន៍ហាក់ដូចជាមានភាពសមហេតុផល ច្រើនជាង។ចុះចំណែកអ្នកវិញ អ្នកយល់យ៉ាងណា?
http://kumnit.com
ឯកសារយោង៖
http://www.nbcnews.com/
http://articles.cnn.com/_s=PM:WORLD
http://www.icr.org/
http://en.wikipedia.org/
http://science.howstuffworks.com/

សង្ខេបព័ត៌មានសេដ្ឋកិច្ចប្រចាំសប្តាហ៍

ភ្នំពេញៈ យោងតាមសេចក្តីប្រកាសព័ត៌មានពីស្ថានទូតម៉ាឡេស៊ីប្រចាំកម្ពុជា ការនាំចេញផលិតផលកសិកម្មសរុបរបស់កម្ពុជាទៅប្រទេសម៉ាឡេស៊ីបានកើនឡើងយ៉ាងខ្លាំងកាលពីឆ្នាំ២០១១។ ការនាំចេញអង្ករបានបង្ហាញកំណើនដ៏ខ្ពស់។ សេចក្តីប្រកាសព័ត៌មានដដែលនេះបង្ហាញថា៖«ឆ្នាំ២០១២ គឺជាការផ្លាស់ប្តូរដ៏សំខាន់បំផុតចំពោះពាណិជ្ជកម្មទ្វេភាគី គឺកំណើននៃការនាំចូលដ៏ច្រើនពីប្រទេសកម្ពុជាទៅកាន់ប្រទេសម៉ាឡេស៊ី។ ការនាំចូលមានតម្លៃជាង១០០លានដុល្លារ ដោយវិស័យកសិកម្មបានរួមចំណែកដ៏សំខាន់»។

ភ្នំពេញៈ មជ្ឈមណ្ឌលជាតិមជ្ឈត្តការផ្នែកពាណិជ្ជកម្មកម្ពុជា(NAC)ដែលជាស្ថាប័នដោះស្រាយជម្លោះពាណិជ្ជកម្មបានបើកដំណើរការជាផ្លូវការហើយកាលពីរសៀលថ្ងៃចន្ទទី៤ ខែមីនា បន្ទាប់ពីការរៀបចំអស់រយៈពេលជាច្រើនឆ្នាំ។ ភាគីពាក់ព័ន្ធបាននិយាយថា ស្ថាប័ននេះនឹងបង្កើនទំនុកចិត្តដល់វិនិយោគិន និងសកម្មភាពពាណិជ្ជកម្មក្នុងប្រទេសកម្ពុជាឲ្យកាន់តែមានភាពល្អប្រសើរបន្ថែមទៀត។

ភ្នំពេញៈ ការដាច់ចរន្តអគ្គិសនីញឹកញាប់នៅក្នុងរាជធានីភ្នំពេញនៅក្នុងរដូវ ក្តៅនេះកំពុងប៉ះពាល់ដល់ផលិតភាពប្រកួតប្រជែងរបស់សហគ្រាសក្នុង ស្រុក ខណៈតម្លៃអគ្គិសនីថ្លៃនៅតែជាបញ្ហាប្រឈមដែលធ្វើឲ្យថ្លៃដើមនៃការ ផលិតមានតម្លៃខ្ពស់បើប្រៀបធៀបទៅប្រទេសជិតខាង។ អ្នករកស៊ីក្នុងវិស័យនេះបាននិយាយថា ការដាច់អគ្គិសនីញឹកញាប់នៅភ្នំពេញជាលទ្ធផលនៃការខ្វះការផ្គត់ ផ្គង់ និងការប្រើប្រាស់ច្រើនរបស់អតិថិជន៕

សកម្មភាពនៅក្នុងរោងចក្រចម្រាញ់ដូងប្រេងទី១របស់ក្រុមហ៊ុនម៉ុង ឫទ្ធីគ្រុប ។ រូបថត ហេង ជីវ័ន

ព្រះសីហនុៈ ក្រុមហ៊ុន ម៉ុងឫទ្ធី គ្រុបនឹងចាប់ផ្តើមសាងសង់រោងចក្រចម្រាញ់ប្រេងដូងទីពីរតម្លៃ១៦លានដុល្លារក្នុងខេត្តព្រះសីហនុនៅខែក្រោយ ដើម្បីបំពេញតម្រូវការបរិមាណដូងប្រេងដែលកើនឡើង។ លោក ម៉ុង ឫទ្ធី ប្រធានក្រុមហ៊ុន ម៉ុង ឫទ្ធី គ្រុប បានប្រាប់ភ្នំពេញប៉ុស្តិ៍ថា ក្រុមហ៊ុននឹងចាប់ផ្តើមសាងសង់រោងចក្រចម្រាញ់ប្រេងដូងឆៅមួយថ្មីទៀតនៅខែមេសាដើម្បីបំពេញតម្រូវការក្នុងការផ្តល់ទិន្នផលផ្លែដូងប្រេង។

http://postkhmer.com/

Facebook នឹងបិទទ្វារនៅថ្ងៃទី ១៥/៣

ប៉ុន្មានថ្ងៃកន្លងមកនេះ លើវេទិការដ៏ច្រើន ហើយសូម្បីតែលើ Facebook ក៏លេចឮពាក្យចរចាមអារ៉ាមថា បណ្តាញសង្គមដ៏ធំជាងគេលើលោក នឹងបិទទ្វារនៅថ្ងៃទី ១៥/៣ ខាងមុខនេះ ។ តើរឿងរ៉ាវវាយ៉ាងណាដែរ?

តាំងពីដើមខែ ២/២០១៣ មកម្លេះ ពាក្យចរចាមអារ៉ាមជាច្រើនបានលេចឮតៗគ្នាថា ថ្ងៃទី១៥/៣ Facebook នឹងបិទទ្វារជាផ្លូវការ ។ ព័ត៌មាននេះកាន់តែក្តៅគគុក គ្រាដែលថ្ងៃទី១/៣ កាន់តែកៀកខិតចូលមកដល់ ។

តាមពាក្យចរចាមអា រ៉ាមខាងលើនោះ Facebook នឹងបិទទ្វារដោយសារស្ថាបនិក ហើយជា CEOផងនោះ លោក Mark Zuckerberg មានអារម្មណ៍នឿយណាយ ដោយសម្ពាធដែលត្រូវប្រឈមមុខ ក្នុងការគ្រប់គ្រងដឹកនាំក្រុមហ៊ុនមួយដែលមានអតិថិជនជាង១ពាន់លាន នាក់ ។ ទន្ទឹមនោះ Zuckerberg ពុំបាននឹកស្មានដល់ពីឥទ្ធិពលរបស់ Facebook ទៅលើជីវភាពរបស់អតិថិជន វាហួសការប្រមើមើលបែបនេះ ទើបសម្រេចចិត្ត បិទទ្វារតែម្តង ។
ដើម្បីយល់ច្បាស់ គប្បីត្រឡប់ក្រឡេកមើល លើពាក្យចចាមអារ៉ាមកាលពីមុននោះប្រមាណ២ឆ្នាំ ។ គ្រានោះក៏លើកថា Facebook នឹងបិទទ្វារដែរ ។
ប៉ុន្តែត្រូវយល់ ឲ្យបានច្បាស់ថា Facbook បានបញ្ចេញលក់បណ្តាភាគហ៊ុនជាផ្លូវការ កាលពីខែ ៥/២០១២ នឹងបានប្រែក្លាយជាក្រុមហ៊ុនសាធារណៈ ស្ថាបនិក Zuckerberg គ្រាន់តែជាអ្នកក្តោបក្តាប់ ភាគហ៊ុនមួយចំនួនប៉ុណ្ណោះ ។ ហេតុនេះ ចំពោះរឿងហេតុ "ស្លាប់ រស់" បែបនេះ ទោះបីជា Zuckerberg "សរសៃប្រសាទ" ចង់បិទទ្វារវា ក៏ត្រូវមានយោបល់របស់ក្រុមប្រឹក្សាភិបាល និងគណៈនាយកក្រុមហ៊ុននេះដែរ ។
លើហេតុផលសេដ្ឋកិច្ចក៏កាន់តែពុំ ត្រូវបិទទ្វារ ព្រោះវាកំពុងតែមានកំណើនខ្លាំងក្លា ។ លើផ្នែកទីផ្សារវិញ Facebook ពុំទាន់មានគូប្រជែង មួយដែលសក្តិសមនៅឡើយទេ ។
ហេតុនេះ ទោះបីជា Zuckerberg មិនចង់ធ្វើក៏នឹងមានអ្នកបន្តធ្វើជំនួស ។ គាត់ពុំអាចសម្រេចជោគវាសនា Facebook តែម្នាក់ឯងបានទេ ៕

http://ksn-news.com/

Tuesday, March 5, 2013

Samsung នឹងបង្ហាញ Galaxy S IV នៅថ្ងៃទី ១៤ ខែមិនា

ស្ថាបនិកគេហទំព័រ Mobile-review លោក Eldar Murtazin បានបង្ហើបប្រាប់ឲ្យដឹងថា ក្រុមហ៊ុន Samsung នឹងដាក់បង្ហាញជាផ្លូវការ នៅថ្ងៃទី ១៤/៣ នៅទីក្រុង New York ។
តាមពាក្យចចាមអារាមមុននោះថា Galaxy S IV នឹងបំពាក់ដោយអេក្រង់ Full-HD ជាមួយ នឹងរ៉េសូលុយសិន 1.920x1.080, អង្គប្រតិបត្តិការណ៍ quad-core ល្បឿន 1.9GHz, ដំណើរការជាមួយប្រព័ន្ធប្រតិបត្តិការណ៍ Android 4.2 Jelly Bean ។
បច្ចុប្បន្ន ត្រកូល Galaxy S របស់ Samsung កំពុងតែទាក់ទាញការចាប់អារម្មណ៍ ពីសំណាក់អ្នកប្រើប្រាស់ជាខ្លាំង។ ដោយចាត់ទុកថា នេះជាដៃគូប្រកួតប្រជែងស្មើគ្នាជាមួយ នឹង iPhone របស់ Apple ។ksn-news

Vodafone បង្ហាញឧបករណ៍សាកថ្ម ដោយមិនចាំបាច់មានភ្លើងអគ្គីសនី

ក្នុងខណៈ ដែលបណ្តាប្រទេសលោកខាងលិច កំពុងតែមានផលវិបាកជាមួយ នឹងការត្រួតពិនិត្យវិក័យបត្រទូរស័ព្ទរបស់ពួកគេ ក៏មានអ្នករស់នៅតំបន់សាហារ៉ា អាហ្រិ្វក កំពុងប្រឈម នឹងការកង្វះនូវមធ្យោបាយបញ្ចូលថ្មទូរស័ព្ទផងដែរ។ ព្រោះពួកគេ នៅទីនោះ មិនអាចបញ្ចូលថ្ម ជាមួយ នឹងឧបករណ៍សាកថ្មធម្មតា បានឡើយ។

បើតាម Telegraph បានបង្ហាញតួរលេខថា ជារៀងរាល់ឆ្នាំ មនុស្សប្រមាណជា ៦០០ លាននាក់ ដែលប្រើប្រាស់ទូរស័ព្ទ ត្រូវចំណាយ ១០ ពាន់លានដុល្លារ៍ ដើម្បីស្វែងរកទីកន្លែងមានអគ្គិសនី សម្រាប់បញ្ចូលថ្មទូរសព្ទរបស់ពួកគេ។
ទោះយ៉ាងនេះក្តី ក្រុមហ៊ុនយក្សផ្នែកគមនាគមន៍ Vodafone ថ្មីៗ នេះ បានរកឃើញដំណោះស្រាយ សម្រាប់ក្រុម "សំណាងតិច" ទាំងនោះ។
Vodafone ទើបបានប្រកាសថា ខ្លួន នឹងបញ្ចេញឧបករណ៍សាកថ្ម ក្នុងខែនេះ នៅ Tanzania ។ ឧបករណ៍សាកថ្មប្រភេទថ្មីនេះ អាចបញ្ចូលថ្ម ដោយទាញយកថាមពលពន្លឺព្រះអាទិត្យ ឬអាចបញ្ចូលបានជាមួយ នឹងដុំឌីណាម៉ូ ដែលជំនួយសាកថ្មតាមកង់។
ក្នុងតំណើរការសាកល្បង កាលពីឆ្នាំទៅ ក្រុមហ៊ុន Vodafone បានផ្គត់ផ្គងឧបករណ៍សាកថ្ម ដែលមានឈ្មោះថា ReadySet ទៅតំបន់ Tanzania នោះ។ ដោយការកត់សម្គាល់របស់ក្រុមហ៊ុន ឃើញថាកំណើននៃអ្នកប្រើប្រាស់ទូរស័ព្ទ បានកើនឡើង ដល់ទៅ ១៤ % ។
តាម Telegraph ក៏បានឲ្យដឹងទៀតថា Tanzania គឺជាទីផ្សារដ៏ធំមួយ សម្រាប់ Vodafone ហើយគេរំពឹងថា ទៅអនាគត់ នឹងអាចជួយកាត់បន្ថយការចំណាយលុយដ៏ច្រើនលើសលប់នេះ។ បន្ទាប់ពី Vodafone បញ្ចេញលក់ឧបករណ៍សាកថ្ម ជាផ្លូវការ នៅ Tanzania នោះ៕ http://ksn-news.com.

Monday, March 4, 2013

H5N1នៅកម្ពុជា៖ ករណីទី៧ កើតមាន រីឯករណីទី៥ស្លាប់

លោកអ្នកបានជ្រាបហើយ តាមរយៈគេហទំព័រសុខភាពកម្ពុជានូវពត័មានការរីករាលដាលជម្ងឺគ្រុនផ្ដាសាយបក្សីH5N1ឃើញតែរៀងរាល់ថ្ងៃ។ នៅថ្ងៃទី១៣ ខែកុម្ភៈនេះ ក្រសួងសុខាភិបាលបានទំលាយឲ្យដឹងករណីថ្មីទី៧។

រូបភាពគេហទំព័សុខភាពកម្ពុជា

បើយោងតាមមន្រ្តីសុខាភិបាលដែលបានថ្លែងថានៅក្នុងសារពត័មានក្នុងស្រុកមួយបាឲ្យដឹងថាកាលពីថ្ងៃចន្ទ វិទ្យាស្ថានប៉ាស្ទ័រកម្ពុជាបានអះអាងករណីគ្រុនផ្ដាសាយបក្សីទី៧ទៅលើក្មេងស្រីអាយុ៣ឆ្នាំម្នាក់មកពីខេត្តកំពត។

លោកវេជ្ជបណ្ឌិត Denis Laurent នៅមន្ទីរពេទ្យគន្ធបុប្ផា ដែលកំពុងព្យាបាលលើករណីនេះ បានអះអាងកាលពីម្សិលមិញថា ក្មេងស្រីនេះកំពុងស្ថិតនៅក្នុង “ស្ថានភាពធ្ងន់ធ្ងរ” ។

លោក ឡេង គឹមនី មេឃុំអង្គភ្នំតូចដែលជាទីកន្លែងក្មេងស្រ្តីនេះរស់នៅបានថ្លែងកាលពីម្សិលមិញថា ក្មេងស្រ្តីនេះបានធ្លាក់ខ្លួនឈឺនៅថ្ងៃទី៣ ខែកុម្ភៈ និងត្រូវបានបញ្ជូនទៅទទួលការព្យាបាលនៅមន្ទីពេទ្យគន្ធបុប្ភាក្នុងរាជធានីភ្នំពេញនៅថ្ងៃទី៦ បន្ទាប់ពីការព្យាបាលដោយគ្រូពេទ្យនៅមូលដ្ឋានមិនបានធ្វើឲ្យស្ថានភាពរបស់នាងប្រសើរឡើង។

លោកបានថ្លែងថាថ្លែងបន្តថា ថ្មីៗថានេះសត្វប្រមាណ១០០ក្បាលបានងាប់នៅក្នុងឃុំនេះ។

លោកអ្នកបន្តថា មន្រ្តីក្រសួងសុខាភិបាលកំពុងធ្វើការបាញ់ថ្នាំសម្លាប់វីរុសផ្ដាសាយបក្សីនៅផ្ទះក្មេងស្រីនេះ និងនៅក្នុងភូមិដើម្បីព្យាយាមសម្លាប់វីរុសនេះឲ្យអស់ និងកំពុងធ្វើការអប់រំប្រជាជននៅក្នុងភូមិព្រមទាំងមានការចែកខិត្តប័ណ្ណ និងការប្រកាសតាមមេក្រូហាមប្រជាជនកុំឲ្យទទួលទានសត្វមាន់ទាឈឺ។

តាមរបាយណ៍របស់ក្រសួងសុខាភិបាលបានឲ្យដឹងថា រហូតមកដល់ពេលនេះ មនុស្សចំនួន៥នាក់ក្នុងចំណោម៧ករណីនៃការឆ្លងជម្ងឺគ្រុនផ្ដាសាយបក្សីH5Nក្នុងឆ្នាំនេះ បានស្លាប់។ បន្ទាប់ពីក្មេងស្រីអាយុ៥ឆ្នាំនៅខេត្តតាកែវបានស្លាប់បាត់បង់ជីវិត កាលពីថ្ងៃព្រហស្បតិ៍សប្ដាស៍មុន ដោយសារជម្ងឺគ្រុនផ្ដាសាយបក្សីក្នុងឆ្នាំថ្មីនេះ។

ដោយឡែកនៅថ្ងៃនេះឲ្យដឹងថា ដែលក្រសួងសុខាភិបាលបានធ្វើសេចក្ដីប្រកាសពត័មានជាមួយអង្កការសុខភាពពិភពលោកថា៖

ករណីទី៧ កើតលើ កុមារី អាយុ៣ឆ្នាំ ម្នាក់ ដែលមានទីលំនៅក្នុងភូមិកំភ្លាញ ឃុំអង្គភ្នំតូច ស្រុកអង្គរជ័យខេត្តកំពត ត្រូវបានបញ្ចាក់ដោយវិទ្យាស្ថានប៉ាស្ទ័រកម្ពុជា នៅថ្ងៃទី ១១ ខែកុម្ភៈឆ្នាំ២០១៣ ថាមានជម្ងឺផ្ដាសាយបក្សីH5N1។ កុមារីនេះចាប់ផ្ដើមឈឺ នៅថ្ងៃទី៣ ខែកុម្ភៈ ដោយមានគ្រុនក្ដៅ និងកន្ទួលក្រហម។ កុមារីបានទទួលការព្យាបាលដំបូង នៅពេទ្យឯកជន ប៉ុន្តែគ្មានប្រសិទ្ធភាព បន្ទាប់មកត្រូវបានដាក់អោយសំរាកនៅមន្ទីពេទ្យគន្ធបុប្ផារាជធានីភ្នំពេញ នៅថ្ងៃទី៦ ខែកុម្ភៈដោយមានគ្រុនក្ដៅ ឈឺពោះ និងសន្លឹម។ បច្ចុប្បន្ននេះអ្នកជម្ងឺកំពុងទទួលការព្យាបាលនៅមន្ទីពេទ្យគន្ធបុប្ផា ដោយស្ថិតនៅស្ថានភាពធ្ងន់ធ្ងរនិងមានបញ្ហពិបាកដកដង្ហើមខ្លាំង។ មានភស្តុតាងបង្ហាញថា មានបសុបក្សីឈឺនិងងាប់ នៅក្នុងភូមិ និងកុមារីនេះបានប៉ះពាល់ជាមួយសត្វបសុបក្សី មុនថ្ងៃចាប់ផ្ដើមឈឺ។ កុមារីនេះជាករណីទី២៨ នៅក្នុងព្រះរាជាណាចក្រកម្ពុជា ដែលបានឆ្លងជម្ងឺផ្ដាសាយបក្សី និងមនុស្សទី៧ ក្នុងឆ្នាំនេះ និងជាករណីទី២៥ ដែលស្លាប់ដោយសារជម្ងឺជម្ងឺនេះ។ ១៩ករណីក្នុងចំណោមករណីផ្ដាសាយបក្សីទាំង២៨ ដែលកើតមានឡើងនោះព្រះរាជាណាចក្រកម្ពុជា កើតលើកុមារអាយុក្រោម១៤ឆ្នាំ និង១៩ករណីក្នុងចំណោមករណីផ្ដាសាយបក្សីទាំង២៨ជានារី។

សម្រាប់អត្ថបទបន្ថែម លោកអ្នកអាចចុចអាន “កុមារកម្ពុជា៦នាក់កើតជម្ងឺផ្ដាសាយបក្សីនៅដើមឆ្នាំ២០១៣”ដើម្បីជ្រាបពត័មាន។http://www.healthcambodia.com

មូលហេតុឆាប់ពេញក្រមុំ

ការធ្លាក់រដូវជាសញ្ញាបញ្ជាក់ពីការឈានដល់វ័យបន្ដពូជ គ្រប់ការ ឬក៏ពេញក្រមុំរបស់កុមារី។ កាលពីមុនការធ្លាក់រដូវដំបូង ឬពេញក្រមុំច្រើនកើតមាននៅពេលដែលកុមារីមានអាយុពី១៣ទៅ១៧ឆ្នាំ។ ប៉ុន្ដែនៅពេលបច្ចុប្បន្ននេះ មិនដឹងជាមូលហេតុអ្វីបានជា កុមារីកាន់តែឆាប់ធ្លាក់រដូវដំបូង ដែលកុមារីខ្លះមានអាយុត្រឹមតែ១០ឆ្នាំប៉ុណ្ណោះ។

រូបភាពទស្សនាវដ្ដីសុខភាពយើង

ដើម្បីឱ្យលោកអ្នក ជាពិសេសស្ដ្រីជាម្ដាយបានជ្រាបកាន់តែច្បាស់អំពីហេតុផលមួយចំនួនដែលបណ្ដាលឱ្យកុមារីកាន់តែឆាប់ ធ្លាក់រដូវដំបូងនោះ ទស្សនាវដ្ដី សុខភាពយើង បានជួបជាមួយលោកវេជ្ជបណ្ឌិត ឡឹក សែ អនុប្រធានមន្ទីរពេទ្យបង្អែករាជធានីភ្នំពេញ ដើម្បីពិភាក្សាអំពីបញ្ហានេះ។

លក្ខណៈទូទៅនៃរដូវដំបូង

តាមពិតធម្មជាតិបានតាក់តែងឱ្យស្ដ្រីមានមេជីវិតញីនៅក្នុងខ្លួនជាស្រេចចាប់តាំងពីពេលចាប់កំណើតមកម្ល៉េះ គ្រាន់តែមិន ទាន់ដល់ពេលដែលត្រូវបញ្ចេញមកតែប៉ុណ្ណោះ។ នៅពេលពេញវ័យត្រូវមានរដូវទើបមេជីវិតញីធ្លាក់ចុះមក ដែលជាសញ្ញាប្រាប់ថាស្ដ្រី អាចឈានដល់វ័យបន្ដពូជបានហើយ។ ហេតុនេះហើយទើបស្ដ្រីត្រូវមានរដូវ។ កាលពីជំនាន់មុនភាពពេញវ័យរបស់ស្ដ្រីគឺនៅក្នុងវ័យ ១៧ ឬ១៨ឆ្នាំ។ ផ្ទុយទៅវិញបច្ចុប្បន្ននេះ ស្ដ្រីឆាប់មានរដូវហើយការមករដូវដំបូងរបស់ស្ដ្រីធ្លាក់មកត្រឹម១១ ឬ១២ឆ្នាំតែប៉ុណ្ណោះ។

មូលហេតុនៃការឆាប់មានរដូវដំបូង

មានហេតុផលធំៗចំនួនពីរដែលបណ្ដាលឱ្យកុមារីឆាប់ធ្លាក់រដូវដំបូងនាពេលបច្ចុប្បន្ននេះ។

កត្ដាចំណីអាហារ ៖ ដោយនៅពេលបច្ចុប្បន្ននេះមានចំណីអាហារបរិភោគគ្រប់គ្រាន់ ជាហេតុធ្វើឱ្យសុខភាពរបស់កុមារីពោរពេញទៅដោយវីតាមីន ថាមពល ជាហេតុធ្វើឱ្យការផលិតឈាមរដូវបានល្អ ទើបឱ្យមានការធ្លាក់រដូវ។
កត្ដាសង្គម ៖ សម័យកាលកាន់តែទំនើប ធ្វើឱ្យការបញ្ជូនព័ត៌មានជារូបភាព ជាខ្លឹមសារអំពីការថែទាំសុខភាព សុខភាព បន្ដពូជ សុខភាពផ្លូវភេទជាដើម។ ទាំងនេះជាហេតុផលមួយដែលនាំឱ្យអារម្មណ៍របស់កុមារីឆាប់ទទួល និងស្វែងយល់អំពីរឿង អស់ទាំងនេះបានច្រើន។ ព័ត៌មានទាំងអស់នោះបានជំរុញឱ្យខួរក្បាលធ្វើការ នៅពេលដែលខួរក្បាលធ្វើការក៏បានបញ្ជាមកដៃស្បូនឱ្យ ធ្វើការដូចគ្នាដែរ។

ទោះបីជាយ៉ាងនេះ កុមារីនៅពេលនេះឆាប់ធ្លាក់រដូវដំបូងក៏ដោយ ក៏មានការសង្កេតមួយបានបង្ហាញថា ការធ្លាក់រដូវ ដំបូងនៅពេលមានអាយុពី១០ទៅ១២ឆ្នាំរបស់កុមារីមានតែនៅតាមទីក្រុង ឬទីប្រជុំជនតែប៉ុណ្ណោះ។ ដោយឡែកនៅតាមទីជនបទ ការធ្លាក់រដូវដំបូងរបស់កុមារីច្រើនយឺតជាងកុមារីនៅទីក្រុង ដោយផ្អែកលើការបរិភោគចំណីអាហារ ឬកត្ដាសង្គម និងព័ត៌មានដែល បញ្ជូនទៅដល់ពួកគេ មិនបានពេញលេញដូចនៅទីក្រុង។

ផលប៉ះពាល់នៃការឆាប់មានរដូវដំបូង

រហូតមកដល់ពេលនេះមិនទាន់មានការស្រាវជ្រាវណាមួយដែលបង្ហាញអំពីផលប៉ះពាល់នៃការឆាប់មករដូវនោះទេ។ ប៉ុន្ដែ បើតាមការប៉ាន់ស្មានចំពោះស្ដ្រីរូបណាដែលឆាប់មានរដូវដំបូង ពួកគេងាយជួបប្រទះនឹងការឆាប់អស់រដូវដែរ។

ដំបូន្មានអ្នកជំនាញ

រហូតមកដល់ពេលនេះមានឪពុកម្ដាយជាច្រើនមានការព្រួយបារម្ភអំពីការឆាប់មានរដូវ ចំពោះកូនស្រីរបស់ខ្លួន។ នៅពេល នេះ លោកអ្នកបាន ជ្រាបច្បាស់ហើយអំពីការប្រែប្រួលនៃការមានរដូវដំបូងនេះ។ ទោះបីជាយ៉ាងណាក៏ដោយ ក៏ឪពុកម្ដាយទាំងឡាយ បន្ដការតាមដានសុខភាពរបស់កូនស្រីឱ្យបានជាប់ជាប្រចាំ បើមានបញ្ហាមិនប្រក្រតីត្រូវនាំកូនទៅរកអ្នកជំនាញជាបន្ទាន់។ http://www.healthcambodia.com/